16 ਬਾਦਲਸ਼ਾਹੀ ਨੂੰ ਕੰਧ ਤੇ ਲਿਖਿਆ ਪੜ੍ਹ ਲੈਣਾ ਚਾਹੀਦਾ ਹੈ

ਪੂਰੇ ਵੇਰਵੇ ਲਈ ਦੇਖੋ www.acpp.in ਵੈਬਸਾਈਟ

ਦਸ ਨਵੰਬਰ ਦੀ ਚੰਬਾ ਇਕੱਤਰਤਾ ਨੂੰ ਭਾਂਵੇ ਸਰਬੱਤ ਖਾਲਸਾ ਦਾ ਨਾਂਮ ਨਾਂ ਹੀ ਦਿਤਾ ਜਾਏ, ਪਰ ਇਹ ਦੁਨੀਆਂ ਭਰ ਦੀ ਲਾਸਾਨੀ ਇਕੱਤਰਤਾ ਹੈ। ਸਰਬੱਤ ਖਾਲਸਾ ਦਾ ਸ਼ਬਦਾਵਲੀ ਅਰਥ ਹੈ ਦੁਨੀਆਂ ਭਰ ਦੇ ਸਾਰੇ ਸਿਖਾਂ ਦਾ ਇਕੱਤਰ ਹੋਣਾ। ਢਾਈ ਕਰੋੜ ਸਿੱਖਾਂ ਦੀ ਪੂਰਨ ਇਕੱਤਰਤਾ ਕਿਸੇ ਤਰਾਂ ਭੀ ਸੰਭਵ ਨਹੀਂ ਹੈ।ਦੂਸਰਾ ਵਿਚਾਰ ਹੈ ਸਾਰੀਆਂ ਸਿਖ ਧਾਰਮਿਕ ਸੰਸ਼ਥਾਂਵਾਂ ਦਾ ਇਕੱਠ। ਇਹ ਭੀ ਸ਼ੰਭਵ ਨਹੀਂ। ਸਰਕਾਰ ਦਾ ਡਰ ਤੇ ਪੈਸੇ ਦਾ ਪ੍ਰਭਾਵ ਇਸ ਵਿਚਾਰ ਨੂੰ ਸੰਭਵ ਹੋਣ ਤੇ ਰੋਕ ਲਗਾਉਂਦਾ ਹੈ। ਕੋਈ ਐਸਾ ਸਾਧਨ ਨਹੀਂ ਜਿਸ ਨਾਲ ਦੁਨੀਆਂ ਭਰ ਦੇ ਸਿਖਾਂ ਦੀਆਂ ਹਜਾਰਾਂ ਲੱਖਾਂ ਸੰਸ਼ਧਾਂਵਾਂ ਦੀ ਲਿਸ਼ਟ ਤਿਆਰ ਕੀਤੀ ਜਾ ਸਕੇ। ਬਹੁਤ ਲੋਕਾਂ ਨੇ ਜਾਤ ਬਰਾਦਰੀਆਂ ਦ ੇਅਧਾਰ ਤੇ ਗਲੀ ਮਹੱਲਿਆਂ ਵਿਚ ਹੀ ਪੂਜਾ ਅਸ਼ਥਾਨ ਬਣਾਏ ਹੋਏ ਹਨ।

ਕੁਝ ਕੁ ਸੱਜਣ, ਜੋ ਪਹੂੰਚ ਨਹੀਂ ਸਕੇ ਜਾਂ ਪਹੁੰਚਣਾ ਚਾਹੂੰਦੇ ਨਹੀਂ ਸਨ, ਉਹ ਇਸਨੂੰ ਸਰਬੱਤ ਖਾਲਸਾ ਮੰਨਣ ਤੋਂ ਇਨਕਾਰ ਕਰਦੇ ਹਨ। ਮੇਰੀ ਸੋਚ ਅਨੁਸਾਰ, ਕਈ ਪੱਖਾਂ ਦੇ ਸਰਵੇਖਣ ਤੋਂ, ਇਹ ਸਿਖ ਜਗਤ ਦਾ ਪਹਿਲਾ ਸਰਬੱਤ ਖਾਲਸਾ ਹੈ। ਇਸ ਇਕੱਤਰਤਾ ਵਿਚ ਢਾਈ ਲੱਖ ਤੋਂ ਜਿਆਦਾ ਪੂਰਨ ਸਿਖ ਸ਼ਾਮਲ ਹੋਏ। ਇਸ ਗਿਣਤੀ ਤੋਂ ਭੀ ਜਿਆਦਾ ਪਹੁੰਚਣ ਤੋਂ ਰੋਕੇ ਗਏ। ਜਿਸਦਾ ਕਾਰਨ ਇਕੱਤਰਤਾ ਵਾਲੀ ਜਗ੍ਹਾ ਦਾ ਮੁਖ ਮਾਰਗ ਤੋਂ ਬਹੁਤ ਦੂਰ ਹੋਣਾ ਅਤੇ ਪਹੁੰਚ ਰਸ਼ਤੇ ਦਾ ਬਹੁਤ ਤੰਗ ਹੋਣ ਤੋਂ ਇਲਾਵਾ ਪੁਲੀਸ਼ ਜਬਰ ਤੇ ਪੈ੍ਰਸ ਉਪਰ ਸਰਕਾਰੀ ਪ੍ਰਭਾਵ ਹੇਠ ਡਿਸ਼-ਇਨਫਰਮੇਸ਼ਨ ਦਾ ਕੂੜਾ ਪ੍ਰਚਾਰ ਸੀ। ਜਿਸਤੋਂ ਪ੍ਰਭਾਵਤ ਹੋਕੇ ਹਜਾਰਾਂ ਮਹਾਂਪੁਰਸ਼, ਸੰਸਥਾਵਾਂ ਦੇ ਮੁਖੀ ਇਸ ਇਕੱਤਰਤਾ ਨਾਲ ਹਮਦਰਦੀ ਰੱਖਦੇ ਹੋਏ ਭੀ ਨਹੀਂ ਪਹੁੰਚੇ। ਕੁਝ ਭੀ ਹੋਵੇ ਇਸ ਇਕੱਤਰਤਾ ਨੂੰ ਪੰਜ ਲੱਖ ਚੋਣਵੇਂ ਸਿਖਾਂ ਦੀ ਇਕੱਤਰਤਾ ਮੰਨਣਾ ਹੀ ਪਏ ਗਾ। ਇਸ ਵਿਚ ਕੋਈ ਭੀ ਆਦਮੀ ਅਕਾਲੀ ਕਾਂਨਫ੍ਰੰਸ਼ਾਂ ਵਾਂਗ ਨਸ਼ੇ ਦਾ ਲਾਲਚ ਦੇਕੇ ਨਹੀਂ ਲਿਆਂਦਾ ਗਿਆ ਸੀ। ਇਸ ਵਿਚ ਜਿਆਦਾ ਸਾਬਤ ਸੂਰਤ ਖਾਲਸਾ ਹੀ ਸ਼ਾਮਲ ਹੋਇਆ। ਸਹਿਜਧਾਰੀ ਸਿਖ ਤੇ ਬੀਬੀਆਂ ਵੱਡੀ ਗਿਣਤੀ ਵਿਚ ਸ਼ਾਮਲ ਨਹੀਂ ਹੋ ਸਕੀਆਂ। ਫਿਰ ਭੀ ਇਹ ਦੁਨੀਆਂ ਭਰ ਦੀ ਸੱਭ ਤੋਂ ਵੱਡੀ ਇਕੱਤਰਤਾ ਸੀ। ਜੋ ਨਵਾਂ ਵਰਡ ਰਿਕਾਰਡ ਕਾਇਮ ਕਰਦੀ ਹੈ। ਬਾਦਲ ਸਹਿਬਾਨ ਨੂੰ ਇਸਦਾ ਕਾਰਨ ਸਮਝ ਲੈਣਾ ਚਾਹੀਦਾ ਹੈ।

ਇਸਦੀ ਵਿਲੱਖਣਤਾ ਇਹ ਹੈ ਕਿ ਇਹ ਇਕੱਠ ਕਿਸੇ ਵਲੋਂ ਬੁਲਾਇਆ ਨਹੀਂ ਗਿਆ। ਬਾਦਲਸ਼ਾਹੀ ਜੁਲਮ ਦੇ ਖਿਲਾਫ ਇਸਦੀ ਲੋੜ ਹਰ ਸਿਖ ਦੇ ਮਨ ਵਿਚ ਪੈਦਾ ਹੋਈ। ਸੁਰੂ ਵਿਚ ਇਸਦਾ ਸੰਦੇਸ਼ ਕੁਝ ਮਹਾਂਪੁਰਖਾਂ ਵਲੋਂ ਦਿਤਾ ਗਿਆ। ਪਰ ਇਸਦਾ ਪ੍ਰਬੰਧ ਮਾਨ ਸਹਿਬ ਅਤੇ ਉਹਨਾਂ ਦੇ ਸਹਿਯੋਗੀਆਂ ਨੇ ਸਾਂਭ ਲਿਆ। ਉਹਨਾਂ ਇਹ ਸੇਵਾ ਭਾਂਵੇਂ ਪੰਥਕ ਸੇਵਾ ਸਮਝਕੇ ਹੀ ਨਿਭਾਈ, ਪਰ ਸਰਕਾਰ ਦੇ ਕੂੜੇ ਪ੍ਰਚਾਰ ਨੇ ਸੰਤ ਬਿਰਤੀ ਮਹਾਂਪੁਰਸ਼ਾਂ ਅਤੇ ਸਿਅਸਤ ਰਹਿਤ ਸਿਖ ਸ਼ੰਸਥਾਂਵਾਂ ਦੇ ਮਨ ਵਿਚ ਇਸਨੂੰ ਮਾਨ ਸਹਿਬ ਅਤੇ ਗਰਮ ਖਿਆਲੀਆ ਦੀ ਇਕੱਤਰਤਾ ਹੋਣ ਦਾ ਭੁਲੇਖਾ ਪਾ ਦਿਤਾ। ਬਾਦਸ਼ਾਹੀ ਆਪਣੀ ਇਸ ਚਾਣਕੀਆ ਨੀਤੀ ਤੋਂ ਬੜੀ ਆਸ਼ਮੰਦ ਸੀ। ਉਹਨਾਂ ਦਾ ਖਿਆਲ ਸੀ ਕਿ ਹੁਣ ਬਹੁਤ ਥੋੜਾ ਇਕੱਠ ਹੋਏ ਗਾ। ਪੁਲੀਸ ਤੇ ਪ੍ਰੈਸ ਭੀ ਇਵੇਂ ਹੀ ਸੋਚ ਰਿਹਾ ਸੀ। ਕਿਉਂਕੇ ਮਾਨ ਸਹਿਬ ਦੇ ਇਕੱਠਾਂ ਵਿਚ ਪਹਿਲੇ ਸੈਂਕੜੇ ਵਰਕਰ ਹੀ ਸ਼ਾਮਲ ਹੂੰਦੇ ਰਹੇ ਹਨ। ਅੱਜ ਲਖਾਂ ਦਾ ਇਕੱਠ ਕਿਉਂ ਹੋਇਆ। ਬਾਦਲ ਸਹਿਬਾਨ ਨੂੰ ਇਹ ਮਨੋਵਿਗਆਨ ਸਮਝ ਲੈਣਾ ਚਾਹੀਦਾ ਹੈ।

ਇਹ ਇਕੱਠ ਮਾਨ ਸਹਿਬ ਜਾਂ ਮੰਡ ਸਹਿਬ ਦਾ ਇਕੱਠ ਨਹੀਂ ਹੈ। ਇਹ ਬਾਦਲਸ਼ਾਹੀ ਦੇ ਜੁਲਮਾਂ, ਸਰਕਾਰ ਤੇ ਗੁਰੂਘਰਾਂ ਦੀ ਲੁਟ, ਮਾਫੀਆ ਗ੍ਰੋਹਾਂ ਵਲੋਂ ਲੋਕਘਾਤ ਕਾਰਨ, ਸਿਖ ਜਗਤ ਵਿਚ, ਬਾਦਲਸ਼ਾਹੀ ਨੂੰ ਨਫਰਤ ਕਰਨ ਵਾਲਿਆ ਦਾ ਇਕੱਠ ਹੈ। ਪੰਜਾਬ ਤੇ ਗੁਰੂਘਰਾਂ ਨੂੰ ਬਾਦਲਸ਼ਾਹੀ ਤੋਂ ਸਤੰਤਰ ਕਰਵਾਉਣ ਲਈ ਪਹਿਲਾ ਸਤਿਆਗ੍ਰਹ ਹੈ। ਬਾਦਲਸ਼ਾਹੀ ਦੇ ਭ੍ਰਿਸ਼ਟਾਚਾਰ ਵਿਰੁਧ ਨਫਰਤ 2002 ਵਿਚ ਹੀ ਪੈਦਾ ਹੋ ਗਈ ਸੀ। ਜਦ ਬਾਦਲ ਪ੍ਰਵਾਰ ਨੇ ਬੜੇ ਗੈਰ ਇਖਲਾਕੀ ਢੰਗ ਨਾਲ ਪੰਜਾਬ ਲੁਟਿਆ ਸੀ। ਬਾਦਲ ਪਿੰਡ ਵਿਚ ਛੋਟੇ ਤੋਂ ਲੈਕੇ ਹਰ ਵਡਾ ਅਫਸਰ ਤੇ ਛੋਟੇ ਵੱਡੈ ਕਾਰੋਬਾਰੀ ਹੱਥਾਂ ਵਿਚ ਥੈਲੀਆਂ ਸੁਟਕੇਸ਼ ਲੈਕੇ ਲੰਮੀ ਕਤਾਰ ਬਣਾਕੇ ਖੜੇ ਦੇਖੇ ਜਾਂਦੇ ਸਨ।ਇਹ ਥੈਲੀਆਂ ਭੇਟ ਕਰਨ ਦੇ ਬਦਲੇ ਉਹ ਪੰਜਾਬ ਲੁਟਦੇ ਸਨ।ਕਿਸਾਨ ਨੂੰ ਲੁਟਦੇ ਸਨ। ਮਜਦੂਰ ਨੂੰ ਲੁਟਦੇ ਸਨ। ਪਰ ਪੰਜਾਬ ਦੇ ਲੋਕਾਂ ਕੋਲ ਬਾਦਲਸ਼ਾਹੀ ਦਾ ਕੋਈ ਬਦਲ ਨਹੀਂ ਸੀ। ਬਾਦਲਸ਼ਾਹੀ ਦਾ ਬਦਲ ਸਿਰਫ ਕਾਂਗਰਸ਼ ਹੀ ਸੀ। ਸਿਖ ਜਦ ਕਾਂਗਰਸ ਦਾ ਪੰਜਾ ਦਿਲੀ ਦੇ ਸਿਖਘਾਤ ਦੇ ਦੁਰਾਨ, ਸਿਖਾਂ ਦੇ ਖੁਨ ਨਾਲ ਲਿਬੜਿਆ ਦੇਖਦੇ, ਤਾਂ ਮੁੜ ਬਾਦਲਸ਼ਾਹੀ ਨੂੰ ਹੀ ਪ੍ਰਵਾਨ ਕਰ ਲੈਦੇ ਸਨ।

ਬਾਦਲਸ਼ਾਹੀ ਦੇ ਖਿਲਾਫ ਵਿਦਰੋਹ ਦਾ ਪਹਿਲਾ ਪ੍ਰਗਟਾ 2012 ਦੀ ਪਾਰਲੀਮਾਨੀ ਚੋਣ ਸਮੇਂ ਹੋਇਆ। ਕੇਜਰੀਵਾਲ ਜੀਨੇ ਸਾਰੇ ਭਾਰਤ ਵਿਚ 440 ਉਮੀਦਵਾਰ ਖੜੇ ਕੀਤੇ। ਪੰਜਾਬ ਤੋਂ ਬਿਨਾਂ ਦਿਲੀ ਸਮੇਤ ਸਭ ਦੀ ਜਮਾਨਤ ਜਬਤ ਹੋ ਗਈ। ਪੰਜਾਬ ਵਿਚੋਂ ਕੇਜਰੀਵਾਲ ਜੀ ਨੂੰ ਅਣਕਿਆਸੀ ਵੋਟ ਪਈ। ਦਰ ਅਸਲ ਇਹ ਵੋਟ ਕੇਜਰੀਵਾਲ ਜੀ ਨੂੰ ਨਹੀਂ ਸੀ ਪਈ। ਲੋਕ ਬਾਦਲਸ਼ਾਹੀ ਦੇ ਕੁਕਰਮਾਂ ਕਰਕੇ ਇਸ ਤੇ ਅੱਕੇ ਹੋਏ ਸਨ। ਉਹਨਾਂ ਨੂੰ ਬਾਦਲ ਸ਼ਾਹੀ ਦਾ ਬਦਲ ਮਿਲ ਗਿਆ ਸੀ। ਲੋਕਾਂ ਨੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਬਾਦਲਸ਼ਾਹੀ ਦਾ ਬਦਲ ਸਮਝਕੇ ਵੋਟ ਪਾਈ ਸੀ। ਪਰ ਉਹਨਾਂ ਦੀ ਸਰਕਾਰ ਵਿਚ ਬਾਦਲਸ਼ਾਹੀ ਸਾਫ ਝਲਕਾਂ ਮਾਰ ਰਹੀ ਸੀ। ਲੋਕਾਂ ਨੇ ਮਨਪ੍ਰੀਤ ਜੀ ਨੂੰ ਭੀ ਪਹਲੇ ਬਾਦਲਸ਼ਾਹੀ ਦਾ ਬਦਲ ਸਮਝ ਲਿਆ ਸੀ ਅਤੇ ਬਹੁਤ ਸਹਿਯੋਗ ਦਿਤਾ ਸੀ। ਪਰ ਮੁਹਿਮ ਦੁਰਾਨ ਹੀ ਲੋਕਾਂ ਨੇ ਬਾਦਲਸ਼ਾਹੀ ਚੇਹਰਾ ਭਾਂਪ ਲਿਆ ਸੀ।

ਲੋਕ, ਖਾਸ ਕਰਕੇ ਸਿਖ ਜਗਤ, ਬਾਦਲਸ਼ਾਹੀ ਤੋਂ ਬਹੁਤ ਤੰਗ ਹੈ ਅਤੇ ਸਤੰਤਰਤਾ ਚਾਹੂੰਦਾ ਹੈ। ਉਹ ਅੱਜ ਕੇਜਰੀਵਾਲ ਜੀ ਤੋਂ ਭੀ ਬੇਆਸ ਹੋ ਚੁਕਾ ਹੈ। ਹੁਣ ਉਹ ਇੰਤਹਾ ਦੀ ਤੰਗੀ ਅਤੇ ਬਾਦਲਸ਼ਾਹੀ ਦੀ ਧਾਰਮਿਕ ਗੁਲਾਮੀ ਤੋਂ ਤੰਗ ਆ ਚੁਕਾ ਹੈ, ਅਤੇ ਇਸਤੋਂ ਸਤੰਤਰਤਾ ਲਈ ਕਿਸੇ ਦੀ ਅਗਵਾਈ ਦੀ ਭਾਲ ਵਿਚ ਹੈ। ਇਸ ਸਰਬੱਤ ਖਾਲਸਾ ਦਾ ਸੱਦਾ ਉਹਨਾਂ ਆਪਣਾ ਮਸੀਹਾ ਸਮਝਿਆ। ਇਸ ਲਈ ਸਮੁਚਾ ਸਿਖ ਜਗਤ ਇਸ ਵੱਲ ਦੋੜਿਆ ਹੈ। ਪੰਜਾਬ ਪਹਿਲੇ ਬਹੁਤ ਸੰਤਾਪ ਝੱਲ ਚੁਕਾ ਹੈ। ਲੋਕ ਅਮਨ ਚਾਹੂੰਦੇ ਹਨ।ਅਮਨ ਪਸੰਦ ਲੋਕ ਗਰਮ ਖਿਆਲੀਆਂ ਦੀ ਅਗਵਾਈ ਨੂੰ ਜਿਆਦਾ ਸਹਿਯੋਗ ਨਹੀਂ ਸੀ ਦੇ ਰਹੇ। ਪਰ ਕੇਂਦਰੀ ਸਰਕਾਰ ਵਲੋਂ ਕੁਝ ਕਰਨ ਤੋਂ ਬੇਆਸ, ਉਹ ਹੁਣ ਗਰਮ ਖਿਆਲੀਆਂ ਵੱਲ ਹੀ ਫਿਰ ਦੇਖਣ ਲਗੇ ਹਨ। ਇਸਨੂੰ ਇਕ ਇਕੱਠ ਨਹੀਂ ਸਮਝਣਾ ਚਾਹੀਦਾ। ਇਹ ਸਿਖ ਜਗਤ ਦੀ ਦੁਜੀ ਸਤੰਤਰਤਾ ਦੀ ਲੜਾਈ ਦਾ ਪਹਿਲਾ ਪੜਾ ਹੈ। ਸਤੰਤਰਤਾ ਲਹਿਰ ਨੂੰ ਰੋਕਿਆ ਨਹੀਂ ਜਾ ਸਕਦਾ। ਕੇਂਦਰ ਸਰਕਾਰ ਨੂੰ ਸੋਚਣਾ ਪਏ ਗਾ ਇਸ ਲਹਿਰ ਨਾਲ ਕਿਵੇਂ ਨਜਿਠਣਾ ਹੈ।

ਕੇਂਦਰ ਸਰਕਾਰ ਕੋਲ ਦੋ ਹੀ ਰਸ਼ਤੇ ਹਨ। ਇਕ ਹੈ 1984 ਵਾਂਗ ਇਸ ਲਹਿਰ ਨੂੰ ਕੁਚਲ ਦਿਤਾ ਜਾਵੇ ਪਰ ਬਾਦਲਸ਼ਾਹੀ ਨੂੰ ਸਰੱਖਤ ਰਖਿਆ ਜਾਵੇ। ਦੁਜਾ ਰਸ਼ਤਾ ਹੈ ਬਾਦਲ ਸਰਕਾਰ ਨੂੰ ਡਿਸ਼ਮਿਸ਼ ਕਰਕੇ ਪੰਜਾਬ ਵਿਧਾਨ ਸਭਾ ਅਤੇ ਸ਼੍ਰੋਮਣੀ ਕਮੇਟੀ ਦੀ ਚੋਣ ਕਰਵਾ ਦਿਤੀ ਜਾਏ। ਸਾਇਦ ਕੇਂਦਰ ਦੀ ਬਾਦਲਸ਼ਾਹੀ ਨੂੰ ਕਾਇਮ ਰਖਣ ਦੀ ਕੋਈ ਮਜਬੂਰੀ ਹੈ। ਉਹ ਬਾਦਲਸ਼ਾਹੀ ਨੂੰ ਸਰੱਖਤ ਰਖਣਾ ਚਾਹੁਦੀ ਹੈ। ਪਰ ਇਹ ਵਿਚਾਰ ਕਾਮਯਾਬ ਨਹੀਂ ਹੋ ਸਕੇ ਗਾ। ਇੰਦਰਾ ਰਾਜ ਤੇ ਮੋਦੀ ਰਾਜ ਦੇ ਹਾਲਾਤ ਵਿਚ ਬਹੁਤ ਫਰਕ ਹੈ। ਇੰਦਰਾ ਰਾਜ ਵਿਚ ਸਿਰਫ ਸਿਖਾਂ ਵਿਚ ਹੀ ਇੰਦਰਾ ਵਿਰੁਧ ਵਿਦਰੋਹ ਦੀ ਭਾਵਨਾ ਸੀ। ਪਰ ਅੱਜ ਤਕਰੀਬਨ ਅਧੇ ਭਾਰਤ ਵਿਚ ਮੋਦੀ ਖਿਲਾਫ ਵਿਦਰੋਹ ਦੀ ਸੰਕਾ ਮਹਿਸੂਸ ਹੋ ਰਹੀ ਹੈ। ਪੰਜਾਬ ਸਰਹੱਦੀ ਸੂਬਾ ਹੈ। ਪੰਜਾਬ ਦੇ ਵਿਗੜੇ ਹਾਲਾਤ ਅੱਜ ਕੇਂਦਰ ਸਰਕਾਰ ਲਈ ਜਿਆਦਾ ਘਾਤਕ ਸਾਬਤ ਹੋ ਸਕਦੇ ਹਨ। ਇਸ ਲਈ ਮੋਦੀ ਸਹਿਬ ਨੂੰ ਗੰਭੀਰਤਾ ਨਾਲ ਸੋਚਣਾ ਚਾਹੀਦਾ ਹੈ ਅਤੇ ਬਾਦਲ ਸਰਕਾਰ ਨੂੰ ਤੁਰਤ ਭੰਗ ਕਰ ਦੇਣਾ ਚਾਹੀਦਾ ਹੈ। ਬਾਦਲਸ਼ਾਹੀ ਨੂੰ ਭੀ ਆਪਣੀ ਮਾਫੀਆ ਸ੍ਰਪਰੱਸ਼ਤ ਸਰਕਾਰ ਦਾ ਅੰਤ ਯਕੀਨੀ ਸਮਝ ਲੈਣਾ ਚਾਹੀਦਾ ਹੈ।

ਬਾਦਲ ਸਹਿਬ ਆਪਣੇ ਆਪ ਨੂੰ ਰਾਜਨੀਤੀ ਦਾ ਚਾਣਕੀਆ ਸਮਝਦੇ ਹਨ। ਪਰ ਇਹ ਭੁਲੇਖਾ ਇਸ ਵਾਰ ਨਿਕਲ ਜਾਏ ਗਾ। ਪਹਿਲੇ ਉਹਨਾਂ ਦਾ ਯੁਧ ਦੋ ਵਿਅੱਕਤੀਆਂ ਨਾਲ ਸੀ। ਸ. ਟੋਹੜਾ ਤੇ ਸ ਮਾਨ। ਬਾਦਲ ਸਹਿਬ ਕੋਲ ਟੋਹੜਾ ਸਹਿਬ ਦੇ ਮੁਕਾਬਲੇ ਪੈਸਾ ਬਹੁਤ ਸੀ। ਇਸ ਲਈ ਉਹ ਪਰਿੰਟ ਮੀਡੀਆ ਦਾ ਹਥਿਆਰ ਵਰਤਕੇ ਟੋਹੜਾ ਸਹਿਬ ਨੂੰ ਹਾਰ ਦੇਣ ਵਿਚ ਕਾਮਯਾਬ ਰਹੇ। ਮਾਨ ਸਹਿਬ ਪੂਰਨ ਗੁਰਸਿਖ ਹਨ। ਪਰ ਬਿਉਰੋਕ੍ਰੇਟ ਹੋਣ ਤੇ ਰਾਜਨੀਤੀ ਦੀ ਘਾਟ ਕਾਰਨ ਰਾਜਸਤਾਹ ਮੁੜ ਬਾਦਲ ਸਹਿਬ ਕੋਲ ਆ ਗਈ। 2012 ਵਿਚ ਬਾਦਲਸ਼ਾਹੀ ਨੂੰ ਸਤਾਹ ਲੋਕਾਂ ਨੇ ਨਹੀਂ ਦਿਤੀ। ਬਲਕਿ ਮਨਮੋਹਨ ਸਿੰਘ ਜੀ, ਕੈਪਟਨ ਸਹਿਬ, ਮਨਪ੍ਰੀਤ ਜੀ ਅਤੇ ਮਮਤਾ ਬੈਨਰਜੀ ਨੇ ਦਿਤੀ ਹੈ। 2012 ਦੀ ਚੋਣ ਧੋਖਾ ਫਰੇਬ ਦੀ ਚੋਣ ਸੀ।

ਖੈਰ ਕੁਝ ਭੀ ਹੋਵੇ। ਜੋ ਹੋ ਚੁਕਾ ਸੋ ਹੋ ਚੁਕਾ। ਮੇਰਾ ਇਹ ਕੁਝ ਲਿਖਣ ਤੋਂ ਸਿਰਫ ਇਤਨਾ ਹੀ ਭਾਵ ਹੈ ਕਿ ਬਾਦਲ ਸਹਿਬ ਨੂੰ ਆਪਣੇ ਆਪ ਨੂੰ ਚਾਣਕੀਆ ਸਮਝਕੇ ਇਹ ਆਸ ਨਹੀਂ ਰੱਖਣੀ ਚਾਹੀਦੀ ਕਿ ਸਮੇਂ ਨਾਲ ਸਭ ਕੁਝ ਆਪੇ ਠੀਕ ਹੋ ਜਾਏ ਗਾ। ਪਹਲੇ ਸਮੇਂ ਉਹਨਾਂ ਵਿਰੁਧ ਬਗਾਵਤ ਦੋ ਵਿਅਕਤੀਆ ਨੇ ਕੀਤੀ ਸੀ। ਅੱਜ ਉਹਨਾਂ ਵਿਰੁਧ ਬਗਾਵਤ ਸਮੁਚੀ ਸਿਖ ਕੌਮ ਨੇ ਕੀਤੀ ਹੈ। ਫਰਾਂਸ ਦੇ ਪ੍ਰਾਈਮ ਮਨਿਸ਼ਟਰ ਵਿਰੁਧ ਸਿਰਫ ਦਸ ਹਜਾਰ ਲੋਕਾਂ ਨੇ ਰੋਸ ਮਾਰਚ ਕੀਤਾ ਸੀ ਤਾਂ ਉਹਨਾਂ ਤੁਰਤ ਅਸਤੀਫਾ ਦੇਕੇ ਦੁਵਾਰਾ ਚੋਣ ਕਰਵਾਈ ਸੀ। ਅੱਜ ਬਾਦਲ ਸਹਿਬ ਵਿਰੁਧ ਢਾਈ ਲੱਖ ਨਹੀਂ ਘਟੋ ਘੱਟ ਪੰਜ ਲੱਖ ਪੂਰਨ ਸਿਖਾਂ ਨੇ ਫਤਵਾ ਦਿਤਾ ਹੈ। ਜੋ ਦੁਨੀਆਂ ਭਰ ਦਾ ਰਿਕਰਡ ਹੈ। ਇਸ ਲਈ ਬਾਦਲ ਸਹਿਬ ਨੂੰ ਤੁਰਤ ਅਸਤੀਫਾ ਦੇਕੇ ਚੋਣ ਕਰਵਾ ਦੇਣੀ ਚਾਹੀਦੀ ਹੈ। ਬਾਦਲ ਸਹਿਬ ਜਿਤਨੀ ਚਾਣਕੀਆ ਰਾਜਨੀਤੀ ਵਰਤਣ ਦਾ ਯਤਨ ਕਰਨਗੇ, ਹਾਲਾਤ ਹੋਰ ਖਰਾਬ ਹੋਣ ਗੇ। ਇਸ ਲਈ ਬਾਦਲਸ਼ਾਹੀ ਦੀ ਆਪਣੀ, ਪੰਜਾਬ ਦੀ, ਕੇਂਦਰ ਸਰਕਾਰ ਦੀ ਅਤੇ ਸਿਖ ਜਗਤ ਦੀ ਭਲਾਈ ਇਸੇ ਵਿਚ ਹੈ ਕਿ ਆਪਣੇ ਆਪ ਅਸਤੀਫਾ ਦੇਕੇ ਦੁਵਾਰਾ ਫਤਵਾ ਲਿਆ ਜਾਏ। ਬਾਦਲਸ਼ਾਹੀ ਨੂੰ ਕੰਧ ਤੇ ਲਿਖਿਆ ਪੜ੍ਹ ਲੈਣਾ ਚਾਹੀਦਾ ਹੈ।