A60. ਮੈਂ ਸਿਰਫ ਕੇਜਰੀਵਾਲ ਤੇ ਉਸਦੇ ਏਜੰਟਾਂ ਨੂੰ ਛਡਿਆ ਹੈ ਆਪ ਨਹੀਂ ਛਡੀ।

ਮੈਂ ਕੇਜਰੀਵਾਲ ਨੂੰ ਛਡਕੇ ਐਂਟੀ ਕ੍ਰੱਪਸ਼ਨ ਪਾਰਟੀ ਕਿਉਂ ਬਣਾਈ ?

ਇਕ ਆਪ ਵਲੰਟੀਅਰ ਨੇ ਮੇਂਨੂੰ ਪੁਛਿਆ ਹੈ ਕਿ ਮੈਂ ਆਪ ਕਿਉ ਛਡ ਦਿਤੀ?

ਵੀਰ ਜੀ ਮੈਂ ਸਿਰਫ ਕੇਜਰੀਵਾਲ ਤੇ ਉਸਦੇ ਬਾਹਰਲੇ ਏਜੰਟਾਂ ਨੂੰ ਛਡਿਆ ਹੈ। ਮੈਂ ਆਪ ਨਹੀਂ ਛਡੀ ਅਤੇ ਨਾਂ ਹੀ ਆਪਦੇ ਵਲੰਟੀਅਰਾਂ ਨੂੰ ਛਡਿਆ ਹੈ। ਉਹਨਾਂ ਭ੍ਰਿਸ਼ਟਾਚਾਰ ਤੋਂ ਛੁਟਕਾਰਾ ਪਾਉਣ ਲਈ ਬਹੁਤ ਮੇਹਨਤ ਕੀਤੀ ਹੈ। ਕੇਜਰੀਵਾਲ ਤੇ ਉਸਦੇ ਬਾਹਰਲੇ ਏਜੰਟਾਂ ਨੂੰ ਕਿਉਂ ਛਡਿਆ ਹੈ ਇਸੇ ਸਬੰਧ ਵਿਚ ਤੁਹਾਡੇ ਚਰਨਾਂ ਵਿਚ ਕੁਝ ਬੇਨਤੀਆਂ ਕਰਨੀਆਂ ਹਨ।

 ਕੇਜਰੀਵਾਲ ਤੇ ਉਹਨਾਂ ਦੇ ਯੂਪੀ ਹਰਿਆਣਵੀ ੲਜੰਟ, ਜਿਹਨਾਂ ਨੂੰ ਨਾਂ ਤਾਕਤ ਅਜੇ ਮਿਲੀ ਸੀ ਨਾਂ ਹੀ ਕੋਈ ਪਕੀ ਉਮੀਦ ਸੀ। ਪਰ ਉਹਨਾਂ ਟਿਕਟਾਂ ਵੇਚਣੀਆਂ ਤੇ ਪੰਜਾਬ ਲੁਟਣਾ ਸੁਰੂ ਕਰ ਦਿਤਾ ਸੀ। ਮੇਨੂੰ ਖੁਸੀ ਹੈ ਕਿ ਮੇਰੇ ਵਿਰੋਧ ਨੇ ਇਹ ਲੁਟ ਤਕਰੀਬਨ ਖਤਮ ਕਰ ਦਿਤੀ ਹੈ। ਮੈਂ ਨਾਂ ਹੀ ਕਿਸੇ ਅਹੁਦੇ ਦਾ ਚਾਹਵਾਨ ਸੀ। ਮੈਂ ਪੰਜਾਬ ਤੇ ਦਿਲੀ ਦੇ ਉਚ ਸਰਕਾਰੀ ਅਹੁਦਿਆਂ ਤੇ ਰਿਹਾ ਹਾਂ ਪਰ ਪਾਰਟੀ ਵਿਚ ਕਦੇ ਆਹੁਦਾ ਨਹੀਂ ਮੰਗਿਆ।ਇਹ ਵੱਡੀ ਜੁਮੇਂਵਾਰੀ ਹੈ। ਜੋ ਨਿਭਾ ਨਹੀਂ ਸਕਦਾ, ਉਸਨੂੰ ਦੂਜੇ ਦਾ ਹੱਕ ਨਹੀਂ ਮਾਰਨਾ ਚਾਹੀਦਾ।

 ਆਪ ਲੀਡਰ, ਭੁਲ ਗਏ ਹਨ ਕਿ ਜੇ ਕੇਜਰੀਵਾਲ ਪੰਜਾਬ ਤੇ ਕਾਬਜ ਹੋ ਜਾਂਦਾ ਹੈ, ਤਾਂ ਪੰਜਾਬ ਦਾ ਸਾਰਾ ਪਾਣੀ ਹਰਿਆਣੇ ਨੂੰ ਜਾਏ ਗਾ। ਸਤਲੁਜ ਯਮਨਾ ਨਹਿਰ ਜੋ ਪਹਿਲੇ ਹੀ ਤਿਆਰ ਹੋ ਚੁਕੀ ਹੈ, ਕੁਝ ਹੀ ਦਿਨਾਂ ਵਿਚ ਚਾਲੂ ਹੋ ਜਾਏ ਗੀ। ਪੰਜਾਬ ਕੋਲ ਸਿਰਫ 20 ਲਖ ਏਕੜ ਦਾ ਹੀ ਨਹਿਰੀ ਪਾਣੀ ਬਚਦਾ ਹੈ। ਜਦਕਿ ਪੰਜਾਬ ਕੋਲ ਇਕ ਕ੍ਰੋੜ ਏਕੜ ਤੋਂ ਜਿਆਦਾ ਸਿੰਚਾਈਯੋਗ ਰਕਬਾ ਹੈ।ਭਾਂਵੇਂ ਸਤਲੁਜ ਯਮਨਾਂ ਨਹਿਰ ਨੂੰ ਕਥਿਤ ਤੌਰ ਤੇ ਦਸ ਲਖ ਏਕੜ ਪਾਣੀ ਦਿਤਾ ਦਸਿਆ ਗਿਆ ਹੈ। ਪਰ ਸਜਲ ਨਹਰ ਦੀ ਢਾਲ ਇਤਨੀ ਹੈ ਕਿ ਇਹ ਆਪਣੀ ਕਪੈਸਿਟੀ ਤੋਂ ਕਈ ਗੁਣਾ ਪਾਣੀ ਖਿਚ ਸਕਦੀ ਹੈ।

 ਜੇ ਕੇਜਰੀਵਾਲ ਪੰਜਾਬ ਆ ਗਿਆ ਤਾਂ ਵੰਡਵਾਰਾ ਕਮਿਸ਼ਨ ਦਾ ਫੈਸਲਾ ਲਾਗੂ ਕਰਕੇ ਚੰਡੀਗੜ, ਮੁਹਾਲੀ, ਜੀਰਕਪੁਰ, ਖਰੜ ਆਦਿ ਹਰਿਆਣੇ ਨੂੰ ਜਾ ਸਕਦੇ ਹਨ। ਇਸ ਸਬੰਧੀ ਫੈਸਲਾ ਸੁਪਰੀਮ ਕੋਰਟ ਦੇ ਹੁਕਮ ਨਾਲ ਲਿਆ ਜਾ ਸਕਦਾ ਹੈ।ਫਿਰ ਇਥੇ ਅਬਾਦੀ ਭਾਂਵੇਂ ਪੰਜਾਬੀਆਂ ਦੀ ਹੋਵੇ, ਪਰ ਸਰਕਾਰ ਹਰਿਆਣੇ ਦੀ ਹੋਵੇ ਗੀ। ਮੈਂ ਯਾਦ ਕਰਵਾਉਣਾ ਚਾਹੁੰਦਾ ਹਾਂ ਕਿ ਪੰਜਾਬ ਹਰਿਆਣਾ ਵੰਡ ਸਬੰਧੀ ਜੋ ਕਮਿਸ਼ਨ ਬਣਾਇਆ ਗਿਆ ਸੀ, ਉਸਦੀ ਰਿਪੋਰਟ ਮੁਤਾਬਿਕ ਖਰੜ ਸਬ ਤਹਿਸੀਲ ਹਿੰਦੀ ਬੋਲਦਾ ਇਲਾਕਾ ਹੈ। ਕਮਿਸ਼ਨ ਦੀ ਰਿਪੋਰਟ ਨਵਾਂ ਕਮਿਸ਼ਨ ਬਣਾਕੇ ਬਦਲੀ ਨਹੀਂ ਗਈ। ਕੇਂਦਰ ਸਰਕਾਰ ਨੇ ਇਹ ਫੈਸਲਾ ਪੰਜਾਬ ਵਿਚ ਗੜਬੜ ਹੋਣ ਦੇ ਡਰੋਂ ਰੋਕਿਆ ਹੋਇਆ ਹੈ। ਲੌਂਗੋਵਾਲ ਰਾਜੀਵ ਸਮਝੌਤਾ ਭਾਂਵੇ ਚੰਡੀਗੜ ਪੰਜਾਬ ਨੂੰ ਦੇਂਦਾ ਸੀ, ਪਰ ਇਸਦੇ ਬਦਲੇ ਰਾਜੀਵ ਨੇ ਅਬੋਹਰ ਫਾਜਲਕਾ ਹਰਿਆਣੇ ਨੂੰ ਦੇਣ ਦਾ ਫੈਸਲਾ ਕੀਤਾ ਸੀ। ਇਹ ਫੈਸਲਾ ਵਿਅਕਤੀਗਤ ਸੀ। ਇਸ ਫੈਸਲੇ ਦੀ ਕੋਈ ਕਨੂੰਨੀ ਮਹੱਤਤਾ ਨਹੀਂ ਸੀ। ਪੰਜਾਬ ਵਿਚ ਕੇਜਰੀਵਾਲ ਦੀ ਸਰਕਾਰ ਹੋਣ ਸਮੇਂ ਕਿਸੇ ਅਜਿਹੀ ਗੜਬੜ ਦਾ ਡਰ ਨਹੀਂ ਰਹੇ ਗਾ। ਹਰਿਆਣਾ ਸੁਪਰੀਮ ਕੋਰਟ ਤੋਂ ਕਮਿਸ਼ਨ ਦੇ ਅਧਾਰ ਤੇ ਫੈਸ਼ਲਾ ਲੈ ਸਕਦਾ ਹੈ। ਕੇਂਦਰ ਸਰਕਾਰ ਪਹਿਲੇ ਹੀ ਇਸਨੂੰ ਲਾਗੂ ਕਰਨ ਲਈ ਤਿਆਰ ਜਾਪਦੀ ਹੈ। ਕੇਜਰੀਵਾਲ ਸਰਕਾਰ ਉਪਰੋਂ ਕੁਝ ਡਰਾਮੇਬਾਜੀ ਦਿਖਾਏ ਗੀ। ਪਰ ਫੈਸਲਾ ਲਾਗੂ ਕਰਵਾਉਣ ਵਿਚ ਸਹਾਈ ਹੋਵੇ ਗੀ।

 ਕੇਜਰੀਵਾਲ ਸਰਕਾਰ ਬਨਣ ਨਾਲ ਅਬੋਹਰ ਫਾਜਿਲਕਾ ਦੇ 55 ਪਿੰਡ ਹਰਿਆਣੇ ਨੂੰ ਜਾਣਗੇ। ਵੰਡਵਾਰਾ ਕਮਿਸ਼ਨ ਨੇ ਅਬੋਹਰ ਫਾਜਲਕਾ ਨੂੰ ਹਿੰਦੀ ਬੋਲਦਾ ਇਲਾਕਾ ਕਰਾਰ ਦਿਤਾ ਸੀ। ਪਰ ਇਸ ਅਦਲਾ ਬਦਲੀ ਲਈ ਸਬ ਤਹਿਸੀਲ ਨੂੰ ਯੂਨਿਟ ਮੰਨਿਆਂ ਗਿਆ ਸੀ। ਨਾਲ ਹੀ ਇਹ ਭੀ ਫੈਸਲਾ ਸੀ ਕਿ ਹਿੰਦੀ ਬੋਲਦੇ ਇਲਾਕੇ ਇਕ ਦੂਜੇ ਨਾਲ ਜੁੜੇ ਹੋਣੇ ਚਾਹੀਦੇ ਹਨ। ਅਬੋਹਰ ਫਾਜਲਕਾ ਦੀ ਤਹਿਸੀਲ਼ਾਂ ਸਰਸਾ ਤਹਿਸੀਲ ਨਾਲ ਜੁੜਦੀਆਂ ਹਨ। ਪਰ ਉਹਨਾਂ ਦਰਮਿਆਨ ਇਕ ਪਿੰਡ ਕੰਦੂਖੇੜਾ ਪੰਜਾਬੀ ਬੋਲਦਾ ਪਿੰਡ ਸੀ।ਇਸ ਨੂੰ ਹਿੰਦੀ ਬੋਲਦਾ ਪਿੰਡ ਸਾਬਤ ਕਰਨ ਲਈ ਮੁੜ ਰਾਇਸ਼ੁੁਮਾਰੀ ਭੀ ਕਰਵਾਈ ਗਈ ਸੀ।ਮੈਂ ਆਪ ਭੀ ਉਥੇ ਸੀ। ਕਿਉਂਕੇ ਮੇਰੀਆਂ ਰਿਸ਼ਤੇਦਾਰੀਆਂ ਨਜਦੀਕ ਹੀ ਸਨ। ਸਾਰਾ ਅਕਾਲੀਦਲ ਉਥੇ ਪਹੁੰਚਿਆ ਹੋਇਆ ਸੀ। ਕੈਪਟਨ ਅਮਰਿੰਦਰ ਸਿੰਘ ਨੇ ਭੀ ਆਪਣੀ ਬੰਦੂਕਾਂ ਵਾਲੀ ਫੌਜ ਨਾਲ ਡੇਰੇ ਲਾਏ ਹੋਏ ਸਨ।

 ਪਰ ਬਹੁਤ ਵੱਡੇ ਤੇ ਜਾਇਜ ਨਜਾਇਜ ਯਤਨਾਂ ਨਾਲ, ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ ਬਹੁਤ ਥੋੜੇ ਮਾਰਜਿਨ ਨਾਲ, ਵੱਧ ਦਿਖਾ ਦਿਤੀ ਗਈ ਸੀ। ਇਸ ਲਈ ਅਬੋਹਰ ਫਾਜਲਕਾ ਪੰਜਾਬ ਵਿਚ ਰਹਿ ਗਏ ਸਨ। ਇਤਨੇ ਸਖਤ ਮੁਕਾਬਲੇ ਵਾਲੇ ਪਿੰਡ ਵਿਚ ਕੇਜਰੀਵਾਲ ਵਲੋਂ ਹਰਿਆਣੇ ਦੇ ਆਦਮੀ ਬਸਾਕੇ ਅਬੋਹਰ ਫਾਜਲਕਾ ਹਰਿਆਣੇ ਵਿਚ ਲੈ ਜਾਏ ਗਾ।ਕਿਸੇ ਭੀ ਸਰਕਾਰੀ ਤਾਕਤ ਤੇ ਢੰਗ ਨਾਲ ਇਸ ਇਕ ਪਿੰਡ ਦੀ ਅਬਾਦੀ ਬਹੁਸੰਮਤੀ ਹਿੰਦੀ ਦਿਖਾ ਦੇਣੀ ਮਮੂਲੀ ਗੱਲ ਹੈ।

 ਹੁਣ ਹਰਿਆਣਾ ਭੀ ਹਿਮਾਚਲ ਵਾਂਗ ਭਾਖੜਾ ਤੇ ਦੂਜੇ ਡੈਂਮਾਂ ਤੋਂ ਪੈਦਾ ਹੋਣ ਵਾਲੀ ਬਿਜਲੀ ਦਾ ਹੱਕਦਾਰ ਬਨਣ ਲਈ ਹਾਈ ਕੋਰਟ ਸੁਪਰੀਮ ਕੋਰਟ ਵਿਚ ਕੇਸ ਕਰ ਰਿਹਾ ਹੈ। ਹਿਮਾਂਚਲ ਦੇ ਹੱਕ ਫੈਸਲਾ ਹੋ ਚੁਕਾ ਹੈ। ਜੇ ਪੰਜਾਬ ਸਰਕਾਰ ਇਮਾਨਦਾਰੀ ਨਾਲ ਕੇਸ ਨਹੀਂ ਲੜੇ ਗੀ ਤਾਂ ਹਰਿਆਣੇ ਦੇ ਹੱਕ ਵਿਚ ਭੀ ਫੈਸ਼ਲਾ ਹੋ ਸਕਦਾ ਹੈ।ਪੰਜਾਬ ਨੂੰ ਹੋਰ ਬਿਜਲੀ ਮੁਲ ਲੈਣੀ ਪਏ ਗੀ। ਬਿਜਲੀ ਹੋਰ ਮਹਿੰਗੀ ਹੋਵੇ ਗੀ।

 ਕੇਜਰੀਵਾਲ ਕਿਉਂ ਚੰਡੀਗੜ, ਮੁਹਾਲੀ, ਅਬੋਹਰ ਫਾਜਲਕਾ, ਪੰਜਾਬ ਦਾ ਪਾਣੀ, ਪੰਜਾਬ ਦੀ ਬਿਜਲੀ, ਹਰਿਆਣੇ ਵੱਲ ਲਿਜਾਣਾ ਚਾਹੁੰਦਾ ਹੈ? ਜੇ ਕੇਜਰੀਵਾਲ ਇਹਨਾਂ ਵਿਚ ਕਾਮਯਾਬ ਹੋ ਜਾਂਦਾ ਹੈ ਤਾਂ ਹਰਿਆਣੇ ਵਿਚ ਕੇਜਰੀਵਾਲ ਦੀ ਜਿਤ ਯਕੀਨੀ ਹੈ। ਇਹੀ ਜਿਤ ਕੇਜਰੀਵਾਲ ਦੀ ਪੀ ਐਮ ਬਨਣ ਦੀ ਖਾਹਸ ਪੂਰੀ ਕਰ ਸਕਣ ਦੇ ਸੁਪਨੇ ਦੁਆ ਰਹੀ ਹੈ.।

ਕੇਜਰੀਵਾਲ ਦਿਲੀ ਦਾ ਕੁਝ ਭੀ ਸਵਾਰ ਨਹੀਂ ਸਕਿਆ। ਉਸ ਕੋਲ ਕੋਈ ਮਹਿਕਮਾ ਨਹੀ। ਮਹਿਕਮੇਂ ਵਾਲਿਆਂ ਵਜੀਰਾਂ ਕੋ ਕੋਈ ਅਧਿਕਾਰ ਨਹੀ। ਬਿਨਾਂ ਝੂਠ ਬੋਲਣ ਤੋਂ ਦਿਲੀ ਵਿਚ ਕੁਝ ਭੀ ਨਹੀਂ ਕੀਤਾ ਗਿਆ। ਪਰ ਦਿਲੀ ਲੁਟੀ ਗਈ ਬੇਪਨਾਹ ਲੁਟੀ ਗਈ। ਪੰਜਾਬੀ ਅਕੈਡਮੀ ਲੁਟੀ ਗਈ। ਇਸਦੇ ਚੇਅਰਮੈਨ ਕੇਜਰੀਵਾਲ ਜੀ ਹਨ। ਵਾੜ ਹੀ ਖੇਤ ਨੂੰ ਖਾ ਗਈ। ਦਿਲੀ ਵਿਚ 0% ਅਮੀਰ ਹਨ 0% ਗਰੀਬ ਤੇ ਦਰਮਿਆਨਾ ਵਰਗ ਹੈ19 ਹੈ। ਅਮੀਰ ਟੈਕਸ ਚੋਰੀ ਕਰਦੇ ਹਨ। ਗਰੀਬ ਟੈਕਾ ਦਿੰਦੇ ਹਨ। ਇਹਨਾਂ ਗਰੀਬਾਂ ਦਾ 500 ਕ੍ਰੋੜ ਰਪੱਈਆਂ ਪੰਜਾਬ ਤੇ ਕਬਜਾ ਕਰਨ ਲਈ ਇਸ਼ਤਿਹਾਰਾਂ, ਕਾਨਫ੍ਰੰਸ਼ਾਂ, ਵਡੇ ਹਾਲਾਂ ਵਿਚ ਮੀਟਿੰਗਾਂ ਵਿਚ ਰੋਹੜ ਦਿਤਾ।

 ਜੇ ਇਸਦਾ ਪੰਜਾਬ ਤੇ ਕਬਜਾ ਹੋਗਿਆ ਤਾਂ ਫੰਜਾਬ ਸਾ 500 ਅਰਬ ਰਪੱਈਆਂ ਪ੍ਰਧਾਨ ਮੰਤਰੀ ਬਨਣ ਦੀ ਹਵਸ ਅੰਦਰ ਰੋਹੜ ਦਿਤਾ ਜਾਏ ਗਾ। ਲੁਟ ਦਾ ਮਕਸਦ ਸਾਫ ਜਾਹਰ ਹੈ। ਇਹ ਕਿਸੇ ਪੰਜਾਬ ਲੀਡਰ ਨੂੰ ਉਠਣ ਨਹੀਂ ਦੇ ਰਿਹਾ। ਦਰਜਨਾਂ ਸੰਜੇ ਸਿੰਘਾਂ ਨੂੰ ਉਹਨਾਂ ਦੇ ਸਿਰ ਤੇ ਬਠਾਇਆ ਹੋਇਆ ਹੈ। ਇਹ ਪਹਿਲੇ ਸੰਜੇ ਨੂੰ ਪੰਜਾਬ ਸੰਭਾਉਣਾ ਚਾਹੂੰਦਾ ਸੀ। ਪਰ ਹੁਣ ਆਪਣੀ ਘਰ ਵਾਲੀ ਨੂੰ ਪੰਜਾਬ ਦਾ ਮੁਖ ਮੰਤਰੀ ਬਨਾਉਣ ਦੀ ਇਛਾ ਅਧੀਨ, ਨੌਕਰੀ ਤੋਂ ਅਸਤੀਫਾ ਦਵਾਇਆ ਹੈ। ਸਭ ਵਰਕਰ ਲੀਡਰ ਦਿਲੋਂ ਬਹੁਤ ਔਖੇ ਹਨ। ਪਰ ਭੋਰਾ ਬੁਰਕੀ ਦੀ ਆਸ ਤੇ ਕੋਈ ਜੁਅਰਤ ਨਹੀਂ ਕਰਦਾ। ਮੇਰੀ ਜਮੀਰ ਨੇ ਗੁਲਾਮੀ ਦੀ ਇਜਾਜਤ ਨਹੀਂ ਦਿਤੀ। ਮੇਰੀ ਜਮੀਰ ਨੇ ਆਪਣੇ ਹੱਥੀਂ ਪੰਜਾਬ ਲੁਟਾਉਣ ਦੀ ਇਜਾਜਤ ਨਹੀਂ ਦਿਤੀ। ਮੇਰੀ ਜਮੀਰ ਨੇ ਕੇਜਰੀਵਾਲ ਨੂੰ ਖੁਸ ਕਰਨ ਦੀ ਕੀਮਤ ਤੇ, ਆਪਣੇ ਬਚਿਆਂ, ਆਪਣੇ ਪੰਜਾਬ ਨਾਲ ਧੋਖਾ ਵਿਸਵਾਸਘਾਤ ਕਰਨ ਦੀ ਇਜਾਜਤ ਨਹੀਂ ਦਿਤੀ। ਆਪ ਦੇ ਵਲੰਟੀਅਰ ਵੀਰ ਮੈਂਨੂੰ ਮਾਫ ਕਰ ਦੇਣ।

 ਮੈਂ ਪੰਜਾਬ ਲੀਡਰਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਕੇਜਰੀਵਾਲ ਬਹੁਤ ਬਦਨਾਮ ਹੋ ਚੁਕਾ ਹੈ। ਪਾਰਲੀਮੈਂਟ ਵਿਚ ਜਦੋਂ ਲੋਕਾਂ ਨੇ ਇਸਦੀ ਅਸਲੀਅਤ ਨਹੀਂ ਸੀ ਦੇਖੀ। ਸਿਰਫ ਨੌਟੰਕੀ ਦੇਖੀ ਸੀ। ਉਸ ਸਮੇਂ ਨਾਲੋਂ ਹੁਣ ਇਹ ਬਹੁਤ ਨੀਵਾਂ ਉਤਰ ਚੁਕਾ ਹੈ। ਉਦੋਂ ਇਸ ਸਰਵੇ ਛਪਾਏ ਸੀ ਕਿ ਮੇਰੇ 440 ਉਮੀਦਾਵਾਰਾਂ ਵਿਚੋ 400 ਤੋਂ ਜਿਆਦਾ ਜਿਤਣ ਗੇ। ਪਰ ਸਾਰੇ ਭਾਰਤ ਵਿਚ 400 ਦੀ ਜਮਾਨਤ ਜਬਤ ਹੋਈ। ਹੁਣ ਭੀ ਮੈਂ ਤੁਹਾਨੂੰ ਯਕੀਨ ਦੁਆਉਂਦਾ ਹਾਂ ਕਿ ਫਰਵਰੀ 2017 ਤੱਕ, ਪੰਜਾਬ ਦੇ ਲੀਡਰ ਇਸ ਨਾਲ ਨਹੀਂ ਰਹਿਣ ਗੇ। ਉਹ ਪੰਜਾਬ ਦੀ ਆਪਣੀ ਪਾਰਟੀ ਬਣਾਕੇ ਚੋਣ ਲੜਨ ਗੇ ਤੇ ਜਿਤਣ ਗੇ। ਕੇਜਰੀਵਾਲ ਹਟੇ ਗਾ ਨਹੀਂ। ਇਹ ਮਕੰਮਲ ਬੇਸਮਝ ਪਰ ਜਿਦੀ ਹੈ। ਇਸਦੀਆਂ 100 ਸੀਟਾਂ ਤੇ ਜਮਾਨਤ ਜਬਾ ਹੋਏ ਗੀ। ਮੈਨੂੰ ਜੋ ਜਾਣਕਾਰੀ ਹੈ। ਮੈਂ ਤੁਹਾਡੇ ਨਾਲ ਸਾਂਝੀ ਕਰ ਲਈ ਹੈ। ਵੀਰ ਜੀ ਬੁਰਾ ਨਾ ਮੰਨਣਾ।

 ਆਪ ਦੇ ਲੀਡਰ ਸਭ ਕੁਝ ਜਾਣਦੇ ਹੋਏ, ਸਮਝ ਨਹੀਂ ਕਿਉਂ ਪੰਜਾਬ ਨੂੰ ਤਬਾਹ ਕਰਨ ਵਾਰੇ ਕੇਜਰੀਵਾਲ ਨਾਲ ਪੰਜਾਬ ਵਿਰੁਧ ਸ਼ਾਜਸ ਵਿਚ ਭਾਈਵਾਲ ਬਣੇ ਹੋਏ ਹਨ। ਇਹਨਾਂ ਨੂੰ ਇਹ ਭੀ ਇਹ ਸਾਫ ਪਤਾ ਲੱਗ ਚੁਕਾ ਹੈ ਕਿ ਜੇ ਕੇਜਰੀਵਾਲ ਦੀ ਸ਼ਾਜਿਸ ਕਾਮਯਾਬ ਹੋ ਜਾਂਦੀ ਹੈ ਤਾਂ ਤਾਕਤ ਯੂਪੀ ਤੇ ਹਰਿਆਣੇ ਵਾਲਿਆਂ ਕੋਲ ਹੀ ਹੋਵੇ ਗੀ। ਇਹਨਾਂ ਕੋਲ ਤਾਂ ਸਿਰਫ ਚੌਂਕੀਦਾਰ ਵਰਗੀਆਂ ਹੀ ਪੋਸਟਾਂ ਹੋਣ ਗੀਆਂ। ਫਿਰ ਭੀ ਇਹ ਪੰਜਾਬ ਨਾਲ ਘਾਤ ਕਰ ਰਹੇ ਹਨ।

 ਸ਼ਾਇਦ ਕਿਸੇ ਵੀਰ ਦੇ ਮਨ ਵਿਚ ਹੋਵੇ ਕਿ ਮੈਂ ਇਹ ਕੁਝ ਕਿਸੇ ਨਰਾਜਗੀ ਨਾਲ ਕਹਿ ਰਿਹਾ ਹਾਂ। ਇਹ ਗੱਲ ਨਹੀਂ ਹੈ। ਮੈਂ 5 ਅਪ੍ਰੈਲ 2011 ਤੋਂ ਅੰਨਾ ਹਜਾਰੇ ਨਾਲ ਹਾਂ। ਮੈਨੂੰ ਕਿਸੇ ਨੇ ਆਪ ਪਾਰਟੀ ਵਿਚੋ ਨਹੀਂ ਕਢਿਆ, ਜਿਸਦੀ ਮੈਂਨੂੰ ਨਰਾਜਗੀ ਹੋਵੇ। ਮੈਂ ਪੰਜਾਬ ਦਿਲੀ ਉਚ ਅਹੁਦਿਆਂ ਤੇ ਰਿਹਾ ਹਾਂ। ਪਰ ਪਾਰਟੀ ਵਿਚ ਕਦੇ ਕੋਈ ਅਹੁਦਾ ਲੈਣ ਦੀ ਲੋੜ ਨਹੀਂ ਸਮਝੀ। ਕ੍ਰਪਸ਼ਨ ਦੇ ਮਸ਼ਲੇ ਤੇ ਮੈਂ ਬਾਦਲਾਂ ਨੂੰ ਛਡ ਦਿਤਾ। ਹੁਣ ਇਸ ਲਈ ਤੁਹਾਡੇ ਚਰਨਾਂ ਵਿਚ ਹਾਜਿਰ ਹੋਇਆ ਹਾਂ ਕਿ ਅੱਜ ਇਹ ਆਪ ਦੇ ਲੀਡਰ ਪੰਜਾਬ ਨੂੰ ਭ੍ਰਿਸ਼ਟਾਚਾਰ ਦੇ ਖੂਹ ਵਿਚੋਂ ਕਢਕੇ ਇਕ ਜਵਾਲਾਮੁਖੀ ਦੇ ਦਹਾਨੇ ਵਿਚ ਸੁਟਣ ਲਈ ਸਾਜਸ਼ਾਂ ਕਰ ਰਹੇ ਹਨ। ਜਿਥੇ ਲੁਟੇ ਜਾਣ ਦੀ ਗੱਲ ਤਾਂ ਛਡੋ, ਮਕੰਮਲ ਤਬਾਹੀ ਸਾਫ ਦਿਸ ਰਹੀ ਹੈ। ਮੇਰੀ ਇਹਨਾਂ ਲੀਡਰਾਂ ਨੂੰ ਬੇਨਤੀ ਹੈ ਕਿ ਪੰਜਾਬ ਦੀ ਆਪਣੀ ਲੀਡਰਸ਼ਿਫਪ ਪੈਦਾ ਕਰੋ। ਬਾਦਲ ਕੈਪਟਨ ਭਜਾੳ। ਅਪਣੀ ਸਰਕਾਰ ਬਣਾਉ। ਪਰ ਪੰਜਾਬ ਨੂੰ ਕੇਜਰੀਵਾਲ ਤੇ ਉਹਦੇ ਏਜੰਟਾਂ ਤੋਂ ਬਚਾਉ। ਪੰਜਾਬ ਨਾਲ ਬੇਵਫਾਈ ਨਾ ਕਰੋ। ਪੰਜਾਬ ਦੀ ਤਬਾਹੀ ਨਾ ਕਰੋ।