50  ਕੇਜਰੀਵਾਲ ਤੇ ਆਮ ਆਦਮੀ ਪਾਰਟੀ ਇਕ ਦੂਜੇ ਦੇ ਵਿਰੋਧੀ ਪੋਲ ਹਨ।

ਬਹੁਤ ਵੀਰਾਂ ਦਾ ਖਿਆਲ ਹੈ ਕਿ ਮੈਂਨੂੰ ਨਵੀਂ ਪਾਰਟੀ ਬਨਾਉਣ ਦੀ ਥਾਂ ਆਮ ਆਦਮੀ ਪਾਰਟੀ ਨੂੰ ਸਹਿਯੋਗ ਦੇਣਾ ਚਾਹੀਦਾ ਹੈ। ਮੈਂ ਉਹਨਾਂ ਦਾ ਮਨ ਨਹੀਂ ਦੁਖਾਉਣਾ ਚਾਹੁੰਦਾ। ਪਰ ਨਿਮਰਤਾ ਸਹਿਤ ਬੇਨਤੀ ਕਰਨੀ ਚਾਹੂੰਦਾ ਹਾਂ, ਕਿ ਕੇਜਰੀਵਾਲ ਤੇ ਆਮ ਆਦਮੀ ਪਾਰਟੀ ਇਕ ਦੂਜੇ ਦੇ ਵਿਰੋਧੀ ਪੋਲ ਹਨ। ਆਮ ਆਦਮੀ ਪਾਰਟੀ ਅੰਨਾਂ ਹਜਾਰੇ ਦੇ ਸੰਘਰਸ਼ ਦਾ ਪ੍ਰਭਾਵ ਕਬੂਲ ਕਰਦੀ ਹੈ। ਇਸ ਵਿਚ ਨੇਕ ਤੇ ਗਰੀਬ ਜਨਤਾ ਸ਼ਾਮਲ ਹੋਈ ਸੀ। ਪਰ ਕੇਜਰੀਵਾਲ ਜੀ ਦੇ ਦਾਂਤ ਦਿਖਾਨੇ ਕੇ ਔਰ ਹੈਂ ਅਤੇ ਖਾਨੇ ਕੇ ਔਰ ਹੈਂ। ਅੰਨਾਂ ਹਜਾਰੇ ਜੀ ਦੇ ਬੀਜੇਪੀ ਤੋਂ ਕੁਝ ਦੂਰ ਹੋਣ ਸਮੇਂ, ਬੀਜੇਪੀ ਨੇ ਹੀ ਕੇਜਰੀਵਾਲ ਜੀ ਨੂੰ ਪਾਰਟੀ ਬਨਾਉਣ ਦੀ ਪ੍ਰੇਰਨਾਂ ਕੀਤੀ ਸੀ। ਕਿਉਂਕੇ ਦਿਲੀ ਵਿਚ ਬੀਜੇਪੀ ਕੋਲ ਠੋਸ਼ ਹਿੰਦੂ ਵੋਟ ਸੀ। ਕੇਜਰੀਵਾਲ ਜਾਂ ਅੰਨਾਂ ਹਜਾਰੇ ਲੈਹਰ ਕਾਂਗਰਸ ਵੋਟ ਖਿਚੇ ਗੀ। ਕੇਜਰੀਵਾਲ ਜੀਂ ਨੂੰ ਕਾਫੀ ਆਰਥਕ ਮਦਤ ਭੀ ਮਿਲੀ। ਦਿਲੀ ਅਸੈਂਬਲੀ ਚੋਣ ਦਾ ਨਤੀਜਾ ਭੀ ਬੀਜੇਪੀ ਦੀ ਆਸ ਮੁਤਾਬਿਕ ਹੀ ਨਿਕਲਿਆ।

ਦਿਲੀ ਵਿਚ ਕੁਝ ਸਮੇਂ ਦੀ ਮੁਖ ਮੰਤਰੀਸ਼ਿਪ, ਕੇਜਰੀਵਾਲ ਜੀ ਲਈ ਅਧਾਹ ਪੈਸਾ ਇਕੱਠਾ ਕਰਨ ਵਿਚ ਸਹਾਈ ਹੋਈ। ਇਸ ਸਮੇਂ ਕੇਜਰੀਵਾਲ ਜੀ ਆਪਣੀ ਹਉਮੈਂ, ਆਪਣਾ ਪੈਸ਼ਾ, ਅਤੇ ਬਾਹਰਲੀ ਡਿਸ਼-ਇਨਫਰਮੇਸ਼ਨ ਦਾ ਸ਼ਿਕਾਰ ਹੋ ਗਏ। ਉਹਨਾਂ ਕਾਂਗਰਸ ਤੇ ਬੀਜੇਪੀ ਨੂੰ ਬਰਾਬਰ ਤੁਲਨਾਂ ਦਿਤੀ। ਇਸੇ ਪੈਸੇ ਤੇ ਹਉਮੈਂ ਕਾਰਨ ਹੀ ਉਹਨਾਂ ਪਾਰਲੀਮਾਨੀ ਚੋਣ ਵਿਚ 443 ਉਮੀਦਵਾਰ ਖੜੇ ਕੀਤੇ। ਪੰਜਾਬ ਹਰਿਆਣੇ ਤੋਂ ਬਿਨਾਂ ਬਾਕੀ ਉਮੀਦਵਾਰਾਂ ਨੂੰ ਖੁਲਾ ਪੈਸ਼ਾ ਦਿਤਾ ਗਿਆ। ਪਰ ਪੰਜਾਬ ਤੋਂ ਬਿਨਾਂ ਸਾਰੇ ਭਾਰਤ ਵਿਚ, ਕਿਸੇ ਭੀ ਉਮੀਦਵਾਰ ਦੀ ਜਮਾਨਤ ਨਹੀਂ ਬਚੀ।

ਹੁਣ ਤੁਹਾਡੇ ਸਭ ਦੇ ਮਨ ਵਿਚ ਇਹ ਖਿਆਲ ਆਏ ਗਾ, ਕਿ ਜੇ ਦਿਲੀ ਵਿਚ ਕੇਜਰੀਵਾਲ ਦੇ ਕਿਸੇ ਉਮੀਦਵਾਰ ਦੀ ਜਮਾਨਤ ਨਹੀਂ ਬਚੀ, ਤਾਂ ਉਹਨਾਂ ਹੀ ਵੋਟਰਾਂ ਤੋਂ ਕੇਜਰੀਵਾਲ ਜੀਨੂੰ ਵਿਧਾਨਸਭਾ ਚੋਣ ਵਿਚ, ਇਤਨੀ ਵੱਢੀ ਜਿਤ ਕਿਸਨੇ ਦਿਤੀ। ਵੀਰ ਜੀ ਮੈਂ ਇਸ ਸਬੰਧ ਵਿਚ ਪੂਰੇ ਯਕੀਨ ਨਾਲ ਕਹਿ ਰਿਹਾ ਹਾਂ, ਕਿ ਦਿਲੀ ਵਿਧਾਨ ਸਭਾ ਵਿਚ, ਨਾਂ ਹੀ ਕੇਜਰੀਵਾਲ ਦੀ ਜਿਤ ਹੋਈ ਹੈ, ਅਤੇ ਨਾਂ ਹੀ ਬੀਜੇਪੀ ਦੀ ਹਾਰ ਹੋਈ ਹੈ। ਬਿਲਕੁਲ ਕੇਜਰੀਵਾਲ ਦੀ ਜਿਤ ਨਹੀਂ ਹੋਈ। ਸਿਰਫ ਕਿਰਨ ਬੇਦੀ ਦੀ ਹਾਰ ਹੋਈ ਹੈ। ਕਿਰਨ ਬੇਦੀ ਹੀ ਕੇਜਰੀਵਾਲ ਸਰਕਾਰ ਬਨਾਉਣ ਦਾ ਕਾਰਨ ਬਣੀ ਹੈ। ਮੈਂ ਉਹਨਾਂ ਦਿਨਾਂ ਵਿਚ ਦਿਲੀ ਸੀ। ਕਿਰਨ ਬੇਦੀ ਦੇ ਫੈਸ਼ਲੇ ਨੇ ਬਹੁਤ ਬੀਜੇਪੀ ਵਰਕਰ ਭੀ ਨਿਰਾਸ਼ ਕੀਤੇ। ਪਰ ਉਹਨਾਂ ਮੂੰਹ ਨਹੀਂ ਖੋਲਿਆ, ਕਿਉਂਕੇ ਇਹ ਫੈਸ਼ਲਾ ਮੋਦੀ ਸਹਿਬ ਦਾ ਸੀ। ਸਿਖ ਵੋਟਰਾਂ ਨੇ ਬੇਦੀ ਨੂੰ ਵੋਟ ਇਸ ਕਰਕੇ ਨਹੀਂ ਪਾਈ, ਕੇ ਉਸਨੇ ਪੁਲਸ਼ ਇਨਚਾਰਜ ਹੁੰਦੇ ਹੋਏ, ਸਿਖਾਂ ਤੇ ਬਹੁਤ ਜੁਲਮ ਕੀਤੇ ਸਨ। ਹਿੰਦੂ ਵੋਟ ਇਸ ਕਰਕੇ ਨਹੀਂ ਪਈ, ਕਿ ਕਿਰਨ ਬੇਦੀ ਸਿਖ ਉਮੀਦਵਾਰ ਸੀ।

ਕੇਜਰੀਵਾਲ ਦਾ ਹੁਣ ਦਿਲੀ ਵਿਚ ਸਰਕਾਰ ਹੋਣ ਦੇ ਬਾਵਜੂਦ ਕੋਈ ਅਧਾਰ ਨਹੀਂ ਹੈ। ਵਿਦਿਆਰਥੀ ਚੋਣਾਂ ਵਿਚ ਉਸਦੀ ਮਕੰਮਲ ਹਾਰ ਹੋਈ ਹੈ। ਕੇਜਰੀਵਾਲ ਸਰਕਾਰ 2016 ਵਿਚ ਹੀ ਗਿਰ ਜਾਏ ਗੀ। ਸਾਇਦ ਇਸੇ ਕਰਕੇ ਕੇਜਰੀਵਾਲ ਜੀ ਪੰਜਾਬ ਵਲ ਦੇਖ ਰਹੇ ਹਨ। ਉਝ ਭੀ ਕੇਜਰੀਵਾਲ ਜੀ ਪੰਜਾਬ ਦੇ ਭ੍ਰਿਸ਼ਰਾਚਾਰ ਕੋਲ ਕਈ ਵਾਰ ਵਿਕ ਚੁਕੇ ਹਨ। ਕੇਜਰੀਵਾਲ ਜੀ ਨੇ ਪੁਰਾਣੇ ਤੇ ਕਾਬਲ ਅਦਮੀ ਆਪਣੀ ਪਰਟੀ ਵਿਚੋਂ ਕੱਢ ਦਿਤੇ ਹਨ। ਉਹਨਾਂ ਲੋਕਾਂ ਨੂੰ ਹੀ ਨਿਵਾਜਿਆ ਹੈ, ਜਿਹਨਾਂ ਕੋਲ ਸਟੇਜਾਂ ਉਪਰ ਕੇਜਰੀਵਾਲ ਜੀ ਦੀਆਂ ਘੋੜੀਆਂ ਗੌਣ ਤੋਂ ਬਿਨਾਂ, ਨਾਂ ਹੀ ਕੋਈ ਯੋਗਤਾ ਹੈ ਅਤੇ ਨਾਂ ਹੀ ਕੋਈ ਪ੍ਰਬੰਧਕ ਤਜਰਬਾ। ਕੱਢੇ ਗਏ ਲੀਡਰ ਭੀ ਪੰਜਾਬ ਵਿਚ ਨਵੀਂ ਆਮ ਆਦਮੀ ਪਾਰਟੀ ਬਨਾਉਣ ਗੇ। 2017 ਤੋਂ ਪਹਿਲਾਂ ਹੀ ਕੇਜਰੀਵਾਲ ਜੀਦਾ ਪੰਜਾਬ ਵਿਚ ਅਧਾਰ ਖਤਮ ਹੋ ਜਾਏ ਗਾ।

…………………………

ਪੰਜਾਬ ਦੇ ਸਿਖ ਵਰਗ ਨੂੰ ਦੂਜੀ ਆਸ ਦੀ ਕਿਰਨ ਆਮ ਅਦਮੀ ਪਾਰਟੀ ਤੋਂ ਦਿਸੀ। ਪੰਜਾਬ ਦੇ ਸਿਖ ਵੋਟਰ ਨੇ ਬਹੁਤ ਵੱਢੀ ਗਿਣਤੀ ਵਿਚ ਆਮ ਆਦਮੀ ਪਾਰਟੀ ਨੂੰ ਵੋਟ ਦਿਤੇ। ਆਪ ਦੇ ਵੋਟਰ ਨੂੰ ਬਹੁਤ ਦੁਖ ਹੋਇਆ, ਜਦੋਂ ਦਿਲੀ ਵਿਚ ਕਾਮਯਾਬੀ ਤੋਂ ਤੁਰਤ ਬਾਦ ਹੀ, ਆਮ ਆਦਮੀ ਪਰਟੀ ਦੇ ਪ੍ਰਧਾਨ, ਸ਼੍ਰੀ ਕੇਜਰੀ ਵਾਲ ਜੀ ਨੇ, ਸਭ ਮਨੁਖੀ ਕਦਰਾਂ ਕੀਮਤਾਂ ਨੂੰ ਤਿਲਾਂਜਲੀ ਦੇ ਦਿਤੀ[ ਜਿਹਨਾਂ ਦਾ ਢੰਡੋਰਾ ਪਿਟਕੇ ਪਾਰਟੀ ਨੇ ਕਾਮਯਾਬੀ ਹਾਂਸਲ ਕੀਤੀ ਸੀ। ਜਿਸ ਕਾਰਨ ਪਾਰਟੀ ਖੇਰੂੰ ਖੇਰੂੰ ਹੋ ਗਈ।

ਪੰਜਾਬ ਵਿਚ ਆਮ ਅਦਮੀ ਪਾਰਟੀ ਦੀ ਸਰਕਾਰ ਬਨਾਉਣ ਦੀ ਸੰਭਾਵਨਾ ਬਿਲਕੁਲ ਖਤਮ ਹੋ ਗਈ ਹੈ। ਕਿਉਂਕੇ ਸਿਖ ਵੋਟਰਾਂ ਵਿਚੋਂ, ਬੁਧੀਜੀਵੀ ਤੇ ਚੇਤਨ ਵਰਗ, ਜੋ ਕੇਜਰੀਵਾਲ ਜੀ ਦੀਆਂ ਨੀਤੀਆਂ ਨੂੰ ਨਜਦੀਕੀ ਤੋਂ ਦੇਖ ਰਿਹਾ ਹੈ, ਉਹ ਆਮ ਅਦਮੀ ਪਾਰਟੀ ਨੂੰ ਛਡ ਚੁਕਾ ਹੈ। ਪੰਜਾਬ ਦੇ ਹਿੰਦੂ ਵਰਗ ਨੇ ਆਮ ਆਦਮੀ ਪਰਟੀ ਨੂੰ ਅਪਣਾਇਆ ਹੀ ਨਹੀਂ। ਸਿਰਫ ਸਿਖ ਵੋਟਰ ਦਾ ਦਿਹਾਤੀ ਵਰਗ, ਜਿਸ ਕੋਲ ਕੇਜਰੀਵਾਲ ਜੀ ਦੀ ਅਸਲੀ ਜੇਹਨੀਅਤ ਨਹੀਂ ਪਹੁੰਚੀ, ਉਹੀ ਫਿਲਹਾਲ ਕੇਜਰੀਵਾਲ ਜੀ ਦਾ ਸਰਧਾਲੂ ਹੈ। ਉਹ ਭੀ ਆਉਣ ਵਾਲੇ ਡੇਢ ਸਾਲ ਤਕ ਕੇਜਰੀਵਾਲ ਜੀ ਦੇ ਨਾਲ ਨਹੀਂ ਰਹੇ ਗਾ। ਕਿਉਕੇ ਕੇਜਰੀਵਾਲ ਜੀ ਪੰਜਾਬ ਦੇ ਮਸ਼ਲੇ ਹੱਲ ਕਰਵਾਉਣ ਦੇ ਸਮਰੱਥ ਹੀ ਨਹੀਂ ਹਨ।

ਆਮ ਚਰਚਾ ਹੈ ਕਿ ਕੇਜਰੀ ਵਾਲ ਜੀ ਤਾਂ ਜੰਮਣ ਤੋਂ ਪਹਿਲਾਂ ਹੀ ਭ੍ਰਿਸ਼ਟਾਚਾਰ ਕੋਲ ਵਿਕ ਗਏ ਸਨ। ਬਠਿੰਡਾ ਦੀ ਪਾਰਲੀਮਾਨੀ ਚੋਣ ਅਤੇ ਤਲਵੰਡੀ ਸਾਬੋ ਦੀ ਜਿਮਨੀ ਚੋਣ, ਧੂਰੀ ਦੀ ਜਿਮਨੀ ਚੋਣ ਵਾਰੇ, ਲੋਕ ਅਨੇਕ ਤਰਾਂ ਦੇ ਰਹੱਸ਼ ਸਾਹਮਣੇ ਲਿਆ ਰਹੇ ਹਨ। ਦਿਲੀ ਤੇ ਕਾਬਜ ਹੋਣ ਤੋਂ ਬਾਦ, ਸਭ ਤੋਂ ਪਹਿਲਾਂ, ਉਸ ਉਹਨਾਂ ਹਸਤੀਆਂ ਦਾ ਸਫਾਇਆ ਕੀਤਾ, ਜਿਹਨਾਂ ਦੀ ਬਦੋਲਤ ਉਹ ਦਿਲੀ ਦੇ ਹੁਕਮਰਾਨ ਬਣੇ ਸਨ। ਜੋ ਕੇਜਰੀ ਵਾਲ ਜੀ ਦੀਆਂ ਸਜੀਆਂ ਖੱਬੀਆਂ ਬਾਹਾਂ ਸਮਝੇ ਜਾਂਦੇ ਸਨ। ਕੇਜਰੀਵਾਲ ਜੀਨੇ ਪਹਿਲੇ ਹੀ ਮਹੀਨੇ ਇਹ ਬਾਂਹਾਂ ਕੱਟ ਦਿਤੀਆਂ। ਪ੍ਰਸ਼ਾਂਤ ਭੂਸ਼ਨ ਜੋ ਅੰਨਾ ਲਹਿਰ ਸਮੇਂ ਤੋਂ ਬੇਅਥਾਹ ਪੈਸਾ ਖਰਚ ਰਿਹਾ ਸੀ। ਜੋਗਿੰਦਰ ਜਾਦਵ jI, ਜੋ ਪਾਰਟੀ ਦਾ ਦਿਮਾਗ ਅਤੇ ਨੀਤੀ ਘਾੜੂ ਕਹੇ ਜਾਂਦੇ ਸਨ। ਜਿਸਨੇ ਆਮ ਆਦਮੀ ਪਰਟੀ ਦੀ ਇਜਤ ਰਖੀ, ਕਿਉਂਕੇ ਉਹ ਪੰਜਾਬ ਦੇ ਇੰਚਾਰਜ ਸਨ। ਉਹਨਾਂ ਦੀ ਵਿਉਂਤ ਬੰਦੀ ਨੇ ਪੰਜਾਬ ਵਿਚ ਚਾਰ ਸੀਟਾਂ ਜਿਤੀਆਂ।

ਕੇਜਰੀ ਵਾਲ ਜੀ ਨੇ ਤਿਨ ਸਾਲ, ਸਾਰੇ ਭਾਰਤ ਨੂੰ,  ਭਾਰਤ ਸਰਕਾਰ ਵਲੋਂ ਲੋਕਪਾਲ ਦੀ ਨਿਯੁਕਤੀ ਦੇ ਸਬੰਧ ਵਿਚ ੳਭਾਰਿਆ। ਦਿਖਾਵੇ ਲਈ ਆਪਣੀ ਪਾਰਟੀ ਅੰਦਰ ਭੀ ਲੋਕਪਾਲ ਨਿਯੁਕਤ ਕਰ ਦਿਤਾ। ਦਸਿਆ ਗਿਆ ਕਿ ਲੋਕਪਾਲ ਸਰਬਉਚ ਹਸਤੀ ਹੈ। ਜੋ ਭੀ ਪਾਰਟੀ ਸਿਧਾਂਤ ਦੇ ਉਲਟ ਕੰਮ ਕਰੇ ਗਾ, ਲੋਕਪਾਲ ਉਸਨੂੰ ਸਜਾ ਦੇ ਸਕਦਾ ਹੈ। ਭਾਂਵੇਂ ਉਹ ਕੇਜਰੀਵਾਲ ਹੋਵੇ ਭਾਂਵੇਂ ਆਮ ਵਰਕਰ। ਸਰਕਾਰ ਬਨਾਉਣ ਦੇ ਬਾਦ ਪਹਿਲੇ ਮਹੀਨੇ ਹੀ ਕੇਜਰੀਵਾਲ ਜੀ ਨੇ ਉਸ ਸਰਬ ਸ਼ਕਤੀਵਾਨ ਦੀ ਉਹ ਦੁਰਦਿਸ਼ਾ ਕੀਤੀ, ਕਿ ਕੋਈ ਅਗੋਂ ਲੋਕਪਾਲ ਦਾ ਨਾਮ ਹੀ ਨਹੀਂ ਲਵੇ ਗਾ।

ਦਿਲੀ ਵਿਚ ਕੇਂਦਰ ਸਰਕਾਰ ਬੈਠੀ ਹੈ। ਦਿਲੀ ਗਵਰਨਰ ਸ਼ਾਸਤ ਸਟੇਟ ਹੈ। ਪੋਲੀਸ਼ ਗਵਰਨਰ ਕੋਲ ਹੈ। ਇਸ ਲਈ ਕੇਜਰੀ ਵਾਲ ਜੀ ਨੇ ਸੋਚਿਆ ਕਿ ਦਿਲੀ ਦੇ ਲੋਕਾਂ ਨੇ ਉਝ ਭੀ ਉਹਨਾਂ ਦੀ ਅਸਲੀਅਤ ਦੇਖ ਲਈ ਹੈ। ਅਗੋਂ ਦਿਲੀ ਮੁੜ ਉਸਦੀ ਸਰਕਾਰ ਬਨਣ ਦੀ ਸੰਭਾਵਨਾ ਨਹੀਂ ਹੈ। ਇਸ ਲਈ ਅਗੋਂ ਪੰਜਾਬ ਚਲਦੇ ਹਾਂ। ਪਜਾਬ ਵਿਚ ਜਾਬਤਾ ਕਇਮ ਰਖਣ ਲਈ ਇਕ ਜਾਬਤਾ ਕਮੇਟੀ ਕਾਇਮ ਕਰ ਦਿਤੀ ਗਈ। ਜਦੋਂ ਜਾਬਤਾ ਕਮੇਟੀ ਪ੍ਰਧਾਨ ਨੇ ਕੁਝ ਆਦਮੀ, ਜਿਹਨਾਂ ਨੂੰ ਉਸ ਪਾਰਟੀ ਹਿਤ ਦੇ ਉਲਟ ਕੰਮ ਕਰ ਰਹੇ ਮਹਿਸੂਸ ਕੀਤਾ, ਉਹਨਾਂ ਨੂੰ ਪਾਰਟੀ ਵਿਚੋਂ ਖਾਰਜ ਕਰ ਦਿਤਾ। ਕੇਜਰੀਵਾਲ ਜੀ ਨੇ ਜਾਬਤਾ ਪ੍ਰਧਾਨ ਨੂੰ ਹੀ ਪਾਰਟੀ ਵਿਚੋਂ ਖਾਰਜ ਕਰਵਾ ਦਿਤਾ। ਕੇਜਰੀਵਾਲ ਜੀ ਨੇ ਭ੍ਰਿਸ਼ਟਾਚਾਰ ਵਿਰੁਧ ਲੜਣ ਦੇ ਨਾਮ ਉਪਰ ਰਾਜ ਲਿਆ, ਪਰ ਸਰਕਾਰ ਬਨਣ ਸਾਰ ਹੀ, ਉਹ ਨਕੋ ਨੱਕ ਭ੍ਰਿਸ਼ਟਾਚਾਰ ਵਿਚ ਡੁਬ ਗਏ।

ਸਾਫ ਜਾਹਰ ਹੈ, ਕਿ ਕੇਜਰੀਵਾਲ ਦੀ ਪੰਜਾਬ ਵਿਚ ਨਾਂ ਸਰਕਾਰ ਬਣ ਸਕਦੀ ਹੈ। ਅਤੇ ਨਾਂ ਉਹ ਪੰਜਾਬ ਦਾ ਕੁਝ ਸੁਧਾਰ ਕਰ ਸਕਦੇ ਹਨ। ਪੰਜਾਬ ਦੇ ਲੋਕ ਭ੍ਰਿਸ਼ਟਾਚਾਰ ਦੇ ਸਤਾਏ ਹੋਏ ਹਨ। ਉਹ ਭ੍ਰਿਸ਼ਟਾਚਾਰ ਵਿਰੁਧ ਸ਼ੰਘਰਸ ਸੀਲ ਹਨ। ਉਹ ਇਕ ਭ੍ਰਿਸ਼ਟਾਚਾਰ ਨੂੰ ਹਟਾਕੇ, ਦੂਜੇ ਭ੍ਰਿਸ਼ਟਾਚਾਰ ਨੂੰ ਸਦਾ ਨਹੀਂ ਦੇਣਗੇ।

ਦਿਲੀ ਵਿਚ ਜਿਤ ਤੁਹਾਡੀ ਨਹੀਂ ਹੈ। ਤੁਹਾਡੀ ਲਾਟਰੀ ਨਿਕਲੀ ਹੈ। ਮੈਂ ਇਹ ਮੰਨਦਾ ਹਾਂ ਕਿ ਤੁਸੀਂ ਕਿਸ਼ਮਤ ਦੇ ਧਨੀ ਹੋਂ। ਤੁਹਾਡੀ ਪਹਿਲੀ ਜਿਤ ਲੋਕਾਂ ਦਾ ਕਾਂਗਰਸ ਵਿਰੁਧ ਫਤਵਾ ਸੀ। ਤੁਹਾਡੀ ਦੁਜੀ ਜਿਤ, ਤੁਹਾਡੀ ਜਿਤ ਨਹੀਂ, ਕਿਰਨ ਬੇਦੀ ਦੀ ਹਾਰ ਸੀ। ਬੇਦੀ ਬਹੁਤ ਸਖਤ ਜਾਂ ਜਾਲਮ ਪੁਲੀਸ ਅਫਸਰ ਸੀ। ਲੋਕਾਂ ਵਿਚ ਉਸ ਵਾਰੇ ਹਊਆ ਸੀ। ਜਦ ਕਿਰਨ ਬੇਦੀ ਦਾ ਐਲਾਨ ਹੋਇਆ, ਮੈਂਨੂੰ ਕੁਝ ਟੈਲੀਫੋਨ ਆਏ। ਕਹਿਦੇ “ਬੀਜੇਪੀ ਦੀ ਜਿਤ ਨੇ ਮਤ ਮਾਰ ਦਿਤੀ ਹੈ। ਜਿਸ ਕਰੇਨ ਤੋਂ ਦਿਲੀ ਨੂੰ ਮਸ਼ਾਂ ਨਿਯਾਤ ਮਿਲੀ ਸੀ, ਉਸਨੂੰ ਮੁਖ ਮੰਤਰੀ ਬਨਾਉਣ ਲਗੇ ਹਨ”। ਦੂਜਾ ਕਾਰਨ ਇਹ ਭੀ ਹੈ ਕਿ ਦਿਲੀ ਵਿਚ ਅਜੇ ਹਿੰਦੂ ਸਿਖ ਦਾ ਪਾੜਾ ਪੂਰਾ ਭਰਿਆ ਨਹੀਂ। ਕਿਰਨ ਬੇਦੀ ਸਿਖ ਉਮੀਦਵਾਰ ਸੀ।

           ਦਿਲੀ ਵਿਚ 80 ਪ੍ਰਤੀਸ਼ਤ ਹਿੰਦੂ ਵੋਟ ਹੈ। ਉਸਨੇ ਬੇਦੀ ਨੂੰ ਆਪਣਾ ਉਮੀਦਵਾਰ ਨਹੀਂ ਸਮਝਿਆ। ਦਿਲੀ ਦੇ ਸਿਖ ਨੇ ਭੀ ਕਿਸੇ ਕਾਰਨ ਬੀਜੇਪੀ ਜਾਂ ਕਾਂਗਰਸ਼ ਨੂੰ ਵੋਟ ਨਹੀਂ ਦਿਤੀ। ਇਹ ਤੁਹਾਡੀ ਜਿਤ ਨਹੀਂ ਇਹ ਬੀਜੇਪੀ ਦੀ ਹਾਰ ਹੈ। ਤੁਹਾਨੂੰ ਨੈਗੇਟਿਵ ਵੋਟ ਮਿਲੀ ਹੈ। ਅੱਜ ਤੁਹਾਡਾ ਗਰਾਫ ਤੁਸੀਂ ਆਪ ਹੀ ਸਰਕਾਰ ਦੇ ਨਸ਼ੇ ਵਿਚ ਜੀਰੋ ਕਰ ਲਿਆ ਹੈ। ਵਿਦਿਆਰਥੀ ਚੋਣ ਵਿਚ ਤੁਹਾਡੀ ਮਕੰਮਲ ਹਾਰ ਹੋਈ ਹੈ। ਦਿਲੀ ਵਿਚ ਅੱਜ ਮਧ ਚੋਣਾਂ ਹੋ ਜਾਣ, ਬੀਜੇਪੀ ਜਿਤੇ ਗੀ। ਇਸ ਲਈ ਤੁਸੀਂ ਪੰਜਾਬ ਵਲ ਦੇਖ ਰਹੇਂ ਹੋਂ।

           ਦਿਲੀ ਵਿਚ ਵੱਡੀ ਗਿਣਤੀ ਵਿਚ ਸਿਖ ਵਸਦੇ ਹਨ। ਉਹਨਾਂ ਸਭਨਾਂ, ਅਸੈਂਬਲੀ ਚੋਣ ਸਮੇਂ ਆਮ ਆਦਮੀ ਨੂੰ ਵੋਟ ਪਾਈ। ਪਰ ਆਮ ਆਦਮੀ ਦੇ ਅੰਦਰ ਜੋ ਸਿਖਾਂ ਲਈ ਨਫਰਤ ਭਰੀ ਹੋਈ ਹੈ। ਉਹ ਉਬਾਲੇ ਮਾਰ ਮਾਰ ਕੇ ਬਾਹਰ ਆ ਰਹੀ ਹੈ।

           ਪੰਜਾਬ ਦੇ ਲੀਡਰ ਸੈਂਕੜੇ ਵਾਰ ਕਹਿ ਚੁਕੇ ਹਨ ਕਿ 1917 ਨੂੰ ਪੰਜਾਬ ਵਿਚ ਆਮ ਅਦਮੀ ਪਾਰਟੀ ਦਾ ਰਾਜ ਹੋਵੇ ਗਾ। ਪਰ ਇਕ ਵਾਰ ਭੀ ਇਹ ਨਹੀਂ ਦਸ ਸਕੇ ਕਿ ਉਹ ਪੰਜਾਬ ਲਈ ਕੀ ਕਰਨ ਗੇ।  ਤੁਸੀਂ ਪਾਰਲੀਮਾਨੀ ਚੋਣ ਲਈ 430 ਉਮੀਦਵਾਰ ਖੜੇ ਕੀਤੇ। ਸਿਰਫ 30 ਉਮੀਦਵਾਰ ਹੀ ਆਪਣੀਆਂ ਜਮਾਂਨਤਾਂ ਬਚਾ ਸਕੇ। ਤੁਹਾਡੀ ਇਜਤ ਪੰਜਾਬ ਨੇ ਰੱਖੀ। ਤੁਹਾਡੀਆਂ ਨੀਤੀਆਂ ਨੂੰ ਦੇਖਕੇ ਨਹੀਂ ਰੱਖੀ। ਬਲਕਿ ਪੰਜਾਬ ਦੇ ਹਾਲਾਤ ਤੋਂ ਮਜਬੂਰ ਹੋਕੇ ਰੱਖੀ। ਪੰਜਾਬ ਦੇ ਵੋਟਰ ਬਾਦਲ ਸ਼ਾਹੀ ਅਤੇ ਲੁਟੇਰਾ ਸ਼ਾਹੀ ਤੋਂ ਇਨਾਂ ਤੰਗ ਆ ਚੁਕੇ ਸਨ ਕਿ, ਉਹਨਾਂ ਨੂੰ ਇਸਦਾ ਜੋ ਭੀ ਬਦਲ ਦਿਸਿਆ, ਅਪਣਾ ਲਿਆ। ਪਰ ਤੁਸੀਂ ਤਾਂ ਇਹਨਾਂ ਚਾਰ ਪੰਜਾਬੀਂਆਂ ਨੂੰ ਭੀ ਨਾਲ ਲੈਕੇ ਨਹੀਂ ਚਲ ਸਕੇ।

          ਤੁਸੀਂ ਕਲਪਨਾ ਉਪਰ ਹੀ ਅਧਾਰਿਤ ਹੋਂ। ਕਲਪਨਾ ਅਧਾਰਿਤ ਤੁਸੀਂ ਸਾਰੀਆਂ ਪਾਰਲੀਮਾਨੀ ਸੀਟਾਂ ਹਾਰ ਗਏ। ਮੈਂ ਇਹ ਨਹੀਂ ਕਹਿ ਸਕਦਾ ਕਿ ਤੁਸੀਂ ਇਤਨੇ ਉਮੀਦਵਾਰ ਖੜੇ ਕਿਉਂ ਕੀਤੇ। ਪਰ ਇਹ ਜਰੂਰ ਕਹਣਾ ਚਾਹੁੰਦਾ ਹਾਂ ਕਿ ਜੇ ਤੁਸੀਂ ਆਪਣੀ ਖਾਬ ਖਿਆਲੀ ਨੂੰ ਛਡਕੇ ਦੂਜੀਆਂ ਪਾਰਟੀਆਂ ਨਾਲ ਰਲਕੇ ਯੋਗ ਉਮੀਦਵਾਰ ਖੜੇ ਕੀਤੇ ਹੁੰਦੇ ਤਾਂ ਸਾਇਦ ਅਜ ਭਾਰਤ ਵਿਚ ਤੁਹਾਡੀ  ਸਰਕਾਰ ਹੁੰਦੀ।

          ਤੁਸੀਂ ਜਨਤਾ ਨੂੰ ਧੋਖਾ ਦੇਣ ਲਈ ਜੋ ਇਜੰਡਾ ਦਿਖਾਇਆ ਸੀ ਉਸਦੀਆਂ ਤਾਂ ਦਿਲੀ ਵਿਚ ਹੀ ਧਜੀਆਂ ਉਡਾ ਦਿਤੀਆਂ। ਲੋਕਪਾਲ ਸਥਾਪਤ ਹੋਣਾ ਚਾਹੀਦਾ ਹੈ। ਲੋਕਪਾਲ ਕਇਮ ਕਰਾਂਗੇ। ਸਾਰੇ ਹਿੰਦਸਤਾਨ ਵਿਚ ਤਰਥੱਲੀ ਮਚਾ ਦਿਤੀ ਗਈ, ਲੋਕਪਾਲ ਦੇ ਨਾਮ ਉਤੇ।  ਸਾਰਾ ਹਿੰਦੋਸਤਾਨ ਗੁਮਰਾਹ ਹੋ ਗਿਆ। ਦਿਲੀ ਵਿਚ ਪਾਰਟੀ ਲੋਕਪਾਲ ਕਇਮ ਕਰ ਦਿਤਾ ਗਿਆ। ਦਸਿਆ ਗਿਆ ਕਿ ਲੋਕਪਾਲ ਸਰਬ ਉਚ ਹਸ਼ਤੀ ਹੈ। ਜੋ ਗਲਤ ਹੋਵੇ ਗਾ, ਭਾਂਵੇਂ ਉਹ ਆਪ ਕੇਜਰੀਵਾਲ ਹੀ ਕਿਉਂ ਨਾਂ ਹੋਵੇ। ਲੋਕਪਾਲ ਉਸਨੂੰ ਗਦੀਉਂ ਉਤਾਰ ਸਕਦਾ ਹੈ। ਲੋਕਾਂ ਨੇ ਯਕੀਨ ਕਰ ਲਿਆ। ਸਰਕਾਰ ਬਣ ਗਈ। ਤੁਸੀਂ ਮੁਖ ਮੰਤਰੀ ਬਣ ਗਏ।

          ਅਜੇ ਪੁਰੀ ਅਜਾਦਾਨਾ ਤਾਕਤ ਭੀ ਨਹੀ ਸੀ ਮਿਲੀ ਕਿ ਸੋਚ ਆਈ ਕਿ ਕਿਤੇ ਮੈਂਨੂੰ ਕੋਈ ਦਰੁਸ਼ਤ ਕਰਨ ਵਾਲਾ ਤਾਂ ਨਹੀ? ਸੋਚਿਆ ਮੇਰੀਆਂ ਦੋ ਸਜੀਆਂ ਖੱਬੀਆਂ ਬਾਹਾਂ ਹਨ, ਜਿਹਨਾਂ ਮੈਂਨੂੰ ਗਦੀ ਤੇ ਬਠਾਇਆ ਹੈ। ਇਹਨਾਂ ਨੂੰ ਕਟ ਦਿਉ। ਫੇਰ ਖਿਆਲ ਆਇਆ ਮੈਂ ਇਕ ਨੂੰ ਆਪਣੇ ਸਿਰ ਉਤੇ ਬਠਾਇਆ ਹੋਇਆ ਹੈ। ਉਸਨੂੰ ਉਤਾਰਨ ਲਈ, ਵਿਚਾਰੇ ਸਰਬ ਸ਼ਕਤੀਮਾਨ ਦੀ ਬੇ ਇਜਤੀ ਕੀਤੀ ਗਈ। ਇਕ ਆਮ ਸਭਾ ਵਿਚ, ਜਿਸ ਵਿਚ ਸੈਂਕੜੇ ਵਰਕਰ ਸ਼ਾਮਲ ਸਨ, ਪਰ ਉਸਨੂੰ ਵੜਨ ਹੀ ਨਹੀਂ ਦਿਤਾ। ਐਸੇ ਲੋਕ ਪਾਲ ਖਾਤਰ ਸਾਰਾ ਹਿਦੋਸ਼ਤਾਨ ਗੁਮਰਾਹ ਕੀਤਾ ਸੀ?

          ਦੂਜਾ ਸਟੰਟ ਸੀ ਕਿ ਮੈਂ ਲੋਕ ਸਵਰਾਜ ਦੀ ਸਥਾਪਨਾ ਕਰਾਂਗਾ। ਸਵਰਾਜ ਨਾਂ ਦੀ ਇਕ ਕਿਤਾਬ ਛਾਪੀ ਗਈ। ਉਸ ਵਿਚ ਲੋਕ ਸਵਰਾਜ ਦਾ ਕੋਈ ਢਾਂਚਾ ਹੀ ਨਹੀਂ ਸੀ। ਕੁਝਕੁ ਪਿੰਡਾਂ ਦਾ ਹੀ ਜਿਕਰ ਕੀਤਾ ਗਿਆ ਸੀ। ਪਰ ਉਸਨੂੰ ਪ੍ਰਾਪੇਗੰਡੇ ਦਾ ਸਾਧਨ ਬਨਾਉਣ ਖਾਤਰ ਕ੍ਰੋੜਾਂ ਰੁਪਏ ਖਰਚੇ ਗਏ। ਹੁਣ ਦਿਲੀ ਵਿਧਾਨ ਸਭਾ ਵਿਚ ਇਸ ਸਬੰਧੀ ਕੋਈ ਭੀ ਕ੍ਰਾਂਤੀਕਾਰੀ ਤਰਮੀਮੀ ਬਿਲ ਪੇਸ਼ ਨਹੀਂ ਕੀਤਾ ਗਿਆ। ਸਿਰਫ ਆਪਣੀ ਸਰਕਾਰ ਨੂੰ ਲੋਕ ਸਵਰਾਜ ਕਹਿਣਾ ਸੁਰੂ ਕਰ ਦਿਤਾ ਹੈ। ਜੇ ਇਹੀ ਲੋਕ ਸਵਰਾਜ ਹੈ ਤਾਂ ਤਿਨ ਸਾਲ ਦੇ ਸ਼ੰਘਰਸ਼ ਦੀ ਕੀ ਲੋੜ ਸੀ? ਪਹਿਲਾਂ ਸ਼੍ਰੀਮਤੀ ਸੀਲਾ  ਦੀਕਸ਼ਤ ਦੀ ਸਰਕਾਰ ਸੀ, ਹੁਣ ਤੁਹਾਡੀ  ਸਰਕਾਰ ਹੈ। ਇਹ ਕੇਹੜੇ ਪਖੋਂ ਲੋਕ ਸਵਰਾਜ ਹੈ। ਤੁਹਾਡੇ ਝੂਠੇ ਸ਼ਬਜ ਬਾਗ ਇਕ ਵਾਰ ਚਲ ਚੁਕੇ। ਇਹ ਪੰਜਾਬ ਵਿਚ ਨਹੀਂ ਚਲਣ ਗੇ

ਤੁਹਾਡੀ ਲਹਿਰ ਭੀ ਖਤਮ ਹੋ ਚੁਕੀ ਹੈ। ਤੁਹਾਡੇ ਆਪਣੇ ਭੀ ਤੁਹਾਨੂੰ ਛਡ ਚੁਕੇ ਹਨ। 430 ਕੈਂਡੀਡੇਟਾਂ ਵਿਚੋਂ ਸਿਰਫ ਚਾਰ ਹੀ ਜਿਤੇ ਸੀ। ਉਹਨਾਂ ਵਿਚੋਂ ਭੀ ਸਾਇਦ ਤੁਹਾਡੇ ਕੋਲ ਇਕ ਹੀ ਰਹਿ ਗਿਆ ਹੈ। ਜਦ ਤੁਸੀਂ ਪਹਿਲੀ ਵੇਰ ਪੰਜਾਬ ਆਏ। ਮਾਨ ਸਹਿਬ ਕੋਲ ਠਹਿਰੇ। ਅਗਲੇ ਦਿਨ ਤਲਵੰਡੀ ਸਹਿਬ ਗਏ। ਅਸ਼ੰਬਲੀ ਚੋਣ ਲਈ ਉਮੀਦਵਾਰ ਦਾ ਐਲਾਨ ਕੀਤਾ। ਬੁਧੀ ਜੀਵੀ ਵਰਗ ਨੇ ਉਸੇ ਸਮੇਂ ਹੀ ਅੰਦਾਜਾ ਲਗਾ ਲਿਆ ਸੀ ਕਿ ਇਹ ਲੈਹਰ ਛੇਤੀਂ ਹੀ ਖਤਮ ਹੋ ਜਾਏ ਗੀ। ਪੰਜਾਬ ਵਿਚ ਤੁਹਾਡੇ ਨਾਲੋਂ ਤੁਹਾਡਾ ਵਿਰੋਧ ਹਾਵੀ ਹੈ। ਇਤਨੀ ਜਲਦੀ ਕਿਉਂ ਹੋਇਆ ਅਜੇਹਾ ਪਲਟਾ? ਇਸਦਾ ਕਾਰਨ ਤੁਸੀਂ ਆਪ ਹੀ ਹੋਂ।