73 ਪੰਜਾਂਬੀਆਂ ਨੇ ਕੇਜਰੀਵਾਲ ਦੀ ਆਪ ਕਿਉਂ ਛਡੀ ?

    ਐਂਟੀ ਕ੍ਰੱਪਸ਼ਨ ਪਾਰਟੀ ਬਨਾਉਣ ਵਾਰੇ, ਮੇਰੀਆਂ ਪੋਸਟਾਂ ਦੇ ਸਬੰਧ ਵਿਚ ਮੈਨੂੰ ਹਜਾਰਾਂ ਮੈਸਿਜ, ਈਮੇਲ ਤੇ ਟੈਲੀਫੋਨ ਆਏ ਹਨ। ਖੋਜ ਭਰਪੂਰ ਪੋਸਟਾਂ / ਲੇਖਾਂ ਲਈ ਬਹੁਤ ਸਲਾਘਾ ਕੀਤੀ ਗਈ ਹੈ। ਮੇਰੀ ਵੈਬਸਾਈਟ ਲੱਖਾਂ ਲੋਕਾਂ ਵਲੋਂ ਦੇਖੀ ਗਈ ਹੈ। ਉਹਨਾਂ ਦਾ ਧੰਨਵਾਦ ਕਰਦਿਆਂ, ਨਰਾਜਗੀ ਵਾਲੇ ਕੁਝ ਵੀਰਾਂ ਨੂੰ ਬੇਨਤੀਆਂ ਕਰਨੀਆਂ ਚਾਹੁਦਾ ਹਾਂ। ਦੋ ਵੀਰਾਂ ਨੇ ਕਿਹਾ ਹੈ, ਕਿ ਮੈਨੂੰ ਬਾਦਲਾਂ ਨੇ ਖਰੀਦ ਲਿਆ ਹੈ। ਮੇਰੀਆਂ ਪੋਸ਼ਟਾਂ ਤੇ ਖੁਸੀ ਜਾਹਰ ਕਰਨ ਵਾਲੇ ਵੀਰਾਂ ਦਾ, ਇਕ ਵਾਰ ਧੰਨਵਾਦ। ਪਰ ਨਰਾਜਗੀ ਜਾਹਰ ਕਰਨ ਵਾਲੇ ਵੀਰਾਂ ਦਾ, ਲੱਖ ਵਾਰ ਧੰਨਵਾਦ। ਕਿਉਂਕੇ ਗੁਸਾ ਪ੍ਰਗਟਾਉਣ ਤੋਂ ਬਾਦ, ਹਰ ਇਨਸਾਨ ਦੇ ਮਨ ਵਿਚ, ਸਚਾਈ ਦੀ ਪੜਤਾਲ ਕਰਨ ਦੀ ਲੋੜ ਮਹਿਸੂਸ ਹੁੰਦੀ ਹੈ। ਬੱਸ ਇਹੀ ਮੇਰੇ ਲਈ ਵਰਦਾਨ ਹੈ।

        ਇਕ ਵੀਰ ਨੇ ਕਿਹਾ ਹੈ ਕਿ ਇਸਤੇ ਬਾਦਲਾਂ ਨੇ ਕਿਨੇ ਕੇਸ ਬਣਾਏ ਹਨ। ਉਹ ਵੀਰ ਠੀਕ ਹੈ। ਸੁਖਬੀਰ ਬਾਦਲ ਨੇ ਸਕੰਦਰ ਸਿੰਘ ਮਲੂਕਾ ਤੇ ਬਲਵਿੰਦਰ ਸਿੰਘ ਭੂਦੜ ਰਾਹੀਂ, ਮੇਰੀ ਤਕਰੀਬਨ ਸਾਰੀ ਜਾਇਦਾਦ ਲੁਟ ਲਈ ਹੈ। ਲੁਟਣ ਤੋਂ ਪਹਿਲਾਂ ਉਹ ਕੋਈ ਨਾ ਕੋਈ  ਕੇਸ਼ ਬਣਾਉਦੇ ਹਨ। ਇਹ ਇਹਨਾਂ ਦੀ ਮੋਡਸ-ਉਪਰੈਂਡੀ ਹੈ। ਕੋਰਟਾਂ ਨੇ ਆਪਣੇ ਫੈਸ਼ਲੇ ਵਿਚ ਸਾਫ ਲਿਖਿਆ ਕਿ ਅਕਾਲੀ ਤੇ ਸਰਕਾਰੀ ਜਬਰ ਹੈ। ਬਾਦਲਾਂ ਨੇ ਮੈਨੂੰ ਕਿਨਾਂ ਨਿਉਦਾ ਪਾਇਆ ਹੈ। ਇਹ ਵੇਰਵਾ ਇਥੇ ਨਹੀ ਦਿਤਾ ਜਾ ਸਕਦਾ। ਕਿਰਪਾ ਕਰਕੇ ਮੇਰੀ ਵੈਬਸਾਈਟ ਦੇਖ ਲਉ, ਜਾਂ ਯੂਟਿਊਬ ਤੇ ਪੰਜਆਪ ਦੇ ਸਿਰਲੇਖ ਹੇਠ ਮੇਰੀਆਂ ਵੀਡੀਉ ਸਪੀਚਾਂ ਸੁਣ ਲਉ।

        ਉਸ ਸਮੇਂ ਤੋਂ ਮੈਂ ਬਾਦਲਾਂ ਤੋਂ ਬਦਲਾ ਲੈਣ ਲਈ ਤਰਸ਼ ਭੀ ਰਿਹਾ ਹਾਂ, ਤੇ ਹੌਸ਼ਲਾ ਭੀ ਨਹੀਂ ਛਡਿਆ। ਮੈ ਪੰਜਾਬ ਵਿਚ ਇਕੋ ਇਕ ਆਦਮੀ ਹਾਂ, ਜਿਸਨੇ ਬਾਦਲ ਦੀਆਂ ਲੁਟਾਂ ਵਾਰੇ ਅਣਗਿਣਤ ਲੇਖ ਲਿਖੇ ਹਨ, ਤੇ ਲੈਕਚਰ ਕੀਤੇ ਹਨ। ਭਾਈ ਰਣਜੀਤ ਸਿੰਘ ਖਾਲਸਾ ਇਕੋ ਇਕ ਇਨਸਾਨ ਹੈ, ਜਿਸਨੇ ਸਿਖ ਸੰਗਤ ਨੂੰ ਵਾਰ ਵਾਰ ਦਸ਼ਿਆ ਕਿ ਬਾਦਲਾਂ ਨੇ ਗੁਰੁ ਘਰ ਕਿਵੇਂ ਲੁਟੇ ਹਨ। ਉਹ ਬਾਹਰ ਜਾਕੇ ਪ੍ਰਚਾਰ ਕਰ ਸਕੇ। ਪਰ ਬਾਦਲ ਸਰਕਾਰ ਨੇ ਮੇਰਾ ਪਾਸਪੋਰਟ ਜਬਤ ਕਰ ਲਿਆ ਸੀ।

         ਮੈਂ ਬਾਦਲਾਂ ਤੋਂ ਆਪਣੀ ਜਾਇਦਾਦ ਵਾਪਿਸ ਲੈਣ ਲਈ ਕੈਪਟਨ ਸਹਿਬ ਨੂੰ ਆਪਣੀ ਸਮਰੱਥਾ ਅਨੁਸਾਰ ਸਹਿਯੋਗ ਦਿਤਾ। ਪਰ ਮੈ ਕਾਂਗਰਸ ਦਾ ਪ੍ਰਾਈਮਰੀ ਮੈਬਰ ਨਹੀਂ ਬਣਿਆ। ਕਿਉਕੇ ਦਿਲੀ ਦੇ ਸਿਖਘਾਤ ਵਾਰੇ ਮੈਨੂੰ ਬਾਬੂ ਕਾਂਸ਼ੀ ਰਾਮ ਜੀ ਨੇ ਅਸਲੀਅਤ ਦਸ ਦਿਤੀ ਸੀ। ਮੈਨੂੰ ਕੈਪਟਨ ਸਹਿਬ ਨੇ ਟਿਕਟ ਦੇਣ ਲਈ, ਜੱਸੀ ਸਹਿਬ ਨੂੰ ਦਿਲੀ ਤੋਂ ਮੇਰੇ ਘਰ ਜਲਾਲ ਭੇਜਿਆ ਸੀ। ਮੈਂ ਪਟਿਆਲੇ ਜਾਕੇ ਮਾਫੀ ਮੰਗ ਲਈ ਸੀ। ਮੈਂ ਕਈ ਹਲਕਿਆਂ ਵਿਚ ਆਪਣੀ ਜਾਣ ਪਹਿਚਾਣ ਅਨੁਸਾਰ ਮਦਤ ਕੀਤੀ ਸੀ।

          ਪਰ ਮੈਂ ਆਪਣੇ ਯਤਨ ਨਹੀਂ ਛੱਡੇ। ਆਪਣੀ ਐਂਟੀ ਕ੍ਰੱਪਸ਼ਨ ਪਾਰਟੀ ਬਣਾਈ। ਪਾਰਟੀ ਦੀ ਵੈਬਸਾਈਟ ਜਾਰੀ ਕੀਤੀ। ( www.pacp.in ) ਬਾਦਲ ਸਰਕਾਰ ਦੇ ਕਾਰਨਾਮੇਂ ਲੋਕਾਂ ਸਾਹਮਣੇ ਲਿਆਂਦੇ। ਮੈਂ 5 ਅਪ੍ਰੈਲ 2011 ਤੋਂ ਅੰਨਾ ਹਜਾਰੇ ਜੀ ਨਾਲ ਜੁੜਿਆ ਹੋਇਆ ਸੀ। ਮੈਂ ਉਹਨਾਂ ਦੀਆਂ ਕਈ ਸਭਾਵਾਂ ਵਿਚ ਗਿਆ ਸੀ। ਇਹਨਾਂ ਵਾਰੇ ਪੈਂਫਲਿਟ ਛਪਵਾਏ ਭੀ ਤੇ ਲਗਵਾਏ ਭੀ।   ਮੈਂ 16 ਕੁ ਸਾਲ ਦੀ ਉਮਰ ਵਿਚ ਹੀ ਸਿਆਸਤ ਵਿਚ ਆ ਗਿਆ ਸੀ। ਮੈਂ ਪਹਿਲੀ ਵਾਰ ਅਜਾਦ, ਤੇ ਦੂਸਰੀ ਵਾਰ ਅਕਾਲੀ ਦਲ ਦੀ ਤਰਫੋਂ ਐਮ ਐਲ ਏ ਬਣਿਆ। ਭਾਰਤ ਖੇਤੀ ਕੀਮਤ ਕਮਿਸ਼ਨ ਦਾ ਮੈਂਬਰ ਬਣਿਆ। ਭਾਰਤੀ ਖੇਤੀ ਖੋਜ ਸ਼ੰਸਥਾ ਪੂਸਾ ਨਿਊ ਦਿਲੀ ਦਾ ਡਾਇਰੈਕਟਰ ਰਿਹਾ। ਇਹ ਸੰਸਥਾ ਭਾਰਤ ਦੀਆਂ 65 ਖੇਤੀਵਾੜੀ ਯੂਨੀਵਰਸ਼ਟੀਆਂ ਦਾ ਕੰਟਰੋਲ ਕਰਦੀ ਹੈ। ਪਰ ਮੈਂ ਅਕਾਲੀ ਦਲ ਵਿਚ ਕੋਈ ਅਹੁਦਾ ਨਹੀਂ ਮੰਗਿਆ। ਜਦਕਿ ਸਭ ਜਾਣਦੇ ਹਨ ਕਿ ਮੈਂ ਸੰਤ ਫਤੇਹ ਸਿੰਘ, ਹਰਚੰਦ ਸਿੰਘ ਲੋਗੋਵਾਲ, ਸ ਗੁਰਚਰਨ ਸਿੰਘ ਟੌਹਰਾ, ਦੇ ਬਹੁਤ ਨਜਦੀਕ ਰਿਹਾ ਹਾਂ। ਆਦਮੀ ਵਿਚ ਕਾਬਲੀਅਤ ਹੋਣੀ ਚਾਹੀਦੀ ਹੇ। ਵਫਾਦਾਰ ਤੇ ਮੇਹਨਤੀ ਹੋਣਾ ਚਾਹੀਦਾ ਹੈ। ਕਾਮਯਾਬੀ ਤੇ ਸਨਮਾਨ ਆਪਣੇ ਆਪ ਹੀ ਘਰੇ ਆ ਜਾਂਦੇ ਹਨ।

 ਮੈਂ ਬਠਿਡਾ ਪਾਰਲੀਮੈਂ ਲੜਨ ਲਈ ਸੰਜੇ ਜੀ ਨੂੰ ਆਪ ਦੇ ਪੁਰਾਣੇ ਦਫਤਰ ਵਿਚ ਮਿਲਿਆ ਸੀ। ਯਕੀਨ ਕਰੋ। ਮੈਂ ਬਾਦਲਾਂ ਨੂੰ ਉਸ ਸਮੇਂ ਦੇ ਹਾਲਾਤ ਅਨੁਸਾਰ ਅਵੱਸ਼ ਹਰਾ ਸਕਦਾ ਸੀ। ਸੰਜੇ ਨਾਲ ਇਸ ਵਿਚਾਰ ਚਰਚਾ ਦਾ ਵੇਰਵਾ ਦੂਸਰੇ ਲੇਖਾਂ ਵਿਚ ਮਿਲ ਸਕਦਾ ਹੈ।   

          ਜੋ ਧਰੋਹ ਕਾਂਗਰਸ ਨੇ ਕੈਪਟਨ ਸਹਿਬ   ਨਾਲ ਕੀਤਾ। ਉਹੀ ਧਰੋਹ ਕੇਜਰੀਵਾਲ ਜੀ ਤੇ ਸੰਜੇ ਸਿੰਘ ਜੀ ਨੇ ਪੰਜਾਬ ਦੇ ਲੋਕਾਂ ਨਾਲ ਕੀਤਾ, ਆਪ ਦੇ ਵਰਕਰਾਂ ਨਾਲ ਕੀਤਾ, ਪੰਜਾਬ ਨਾਲ ਕੀਤਾ। ਬਾਦਲਾਂ ਤੋਂ ਬਹੁਤ ਵੱਡਾ ਮੁਫਾਦ ਲੈਕੇ ਕਈ ਸੀਟਾਂ ਉਸਨੂੰ ਜਿਤਾਈਆਂ ਗਈਆਂ। ਜਸੀ ਜਸਰਾਜ ਨੂੰ ਇਸ ਲਈ ਕਢਵਾਇਆ ਗਿਆ ਕਿ ਉਸਦੀ ਗੱਲ ਦਾ ਕੋਈ ਅਸਰ ਨਾਂ ਹੋਵੇ। ਅਦਰੋਂ ਬਾਦਲ ਸਹਿਬ ਤੇ ਕੇਜਰੀਵਾਲ ਜੀ। ਬਿਕਰਮ ਸਿੰਘ ਮਜੀਠੀਆ ਤੇ ਸੰਜੇ ਸਿੰਘ ਜੀ, ਇਕ ਹਨ। ਕੇਸ ਲੋਕਾਂ ਨੂੰ ਮੂਰਖ ਬਨਾਉਣ ਲਈ ਕੀਤਾ ਗਿਆ ਹੈ। ਵੀਰੋ ਇਤਨਾਂ ਤਾਂ ਸੋਚ ਲੳ, ਜਿਸ ਬਿਆਨ ਨਾਲ ਕੋਰਟ ਵਿਚ ਕੇਸ ਹੋਣਾ ਹੈ। ਉਸੇ ਬਿਆਨ ਨਾਲ ਥਾਣੇ ਰਪਟ ਲਿਖਾਕੇ ਕਿਸੇ ਨੂੰ ਜੇਲ ਸੁਟਿਆ ਜਾ ਸਕਦਾ ਹੈ। ਸੰਜੇ ਜੀ ਰੋਜ ਕਹਿੰਦੇ ਹਨ ਕਿ, ਜੇ ਮਜੀਠੀਏ ਵਿਚ ਤਾਕਤ ਹੈ ਤਾਂ ਮੈਨੂੰ ਫੜਕੇ ਦਿਖਾਵੇ। ਅਸਲੀ ਦੁਸਮਣ ਕਦੋਂ ਕਹਿੰਦਾ ਹੈ ਤੇ ਕਦੋਂ ਬ੍ਰਦਾਸ਼ਤ ਕਰਦਾ ਹੈ। ਸੁਖਬੀਰ ਨੇ ਆਪਣੇ ਨਿਜੀ ਚੇਅਰਮੈਨ, ਆਪਣੀ ਪਾਰਟੀ ਦੀ ਸਹਿਯੋਗੀ ਪਾਰਟੀ ਦੇ ਲੀਡਰਾਂ ਨੂੰ, ਜੇਲ ਵਿਚ ਸੁਟਿਆ ਹੋਇਆ ਸੀ। ਸ਼ੰਜੇ ਤਾਂ ਕੋਈ ਚੀਜ ਹੀ ਨਹੀਂ ਸੀ। ਉਸ ਕੋਲ ਕੋਈ ਸਰਕਾਰੀ ਆਹੁਦਾ ਨਹੀ ਸੀ।

          ਸੰਜੇ ਜੀ ਦੇ ਪਿਛੋਕੜ ਵਾਰੇ ਕੇਜਰੀਵਾਲ ਜੀ ਤੋਂ ਬਿਨਾਂ, ਕਿਸੇ ਆਪ ਵਾਲੇ ਨੂੰ ਭੀ ਕੋਈ ਜਾਣਕਾਰੀ ਹੈ। ਉਹਨਾਂ ਯੂਪੀ ਵਿਚ ਤਕਰੀਬਨ 50 ਕੁ ਸਾਲ ਪਹਿਲੇ ਜਨਮ ਲਿਆ। 2013 ਵਿਚ ਉਹ ਨਾਮਿਲਵਰਤਨ ਲਹਿਰ ਨਾਲ ਜੁੜੇ। ਵਿਚਕਾਰਲੇ ਤੀਹ ਚਾਲੀ ਸਾਲਾਂ ਵਾਰੇ ਅਜੇ ਤੱਕ ਕਿਸੇ ਨੂੰ ਭੀ ਨਹੀਂ ਪਤਾ। ਜੇ ਮਜੀਠੀਆ ਚਾਹੇ ਤਾਂ ਇਸ ਸਮੇਂ ਦੀਆਂ ਅਨੇਕਾਂ ਕਮੀਆਂ ਭਾਲ ਸਕਦਾ ਹੈ। ਉਸਦੀ ਭੈਣ ਕੇਂਦਰੀ ਮੰਤਰੀ ਹੈ। ਕੇਂਦਰ ਨਾਲ ਸਾਂਝ ਹੈ। ਕੀ ਕਿਸੇ ਹੋਰ ਪਾਰਟੀ ਵਿਚ ਅਜੇਹੇ ਰਹੱਸ਼ ਚਲ ਸਕਦੇ ਹਨ?

                ਵੀਰੋ ਮੈਂ ਆਮ ਆਦਮੀ ਪਾਰਟੀ ਦਾ, ਆਪਣੀ ਲੋੜ ਲਈ, ਹਮਾਇਤੀ ਸੀ। ਪਰ ਕੇਜਰੀਵਾਲ ਤੇ ਸੰਜੇ ਤੋਂ ਮੈਨੂੰ ਘੋਰ ਨਿਰਾਸ਼ਤਾ ਹੋਈ ਸੀ।  ਕੇਜਰੀਵਾਲ ਜੀ, ਇਕ ਵਿਸੇਸ਼ ਕਾਰਨ ਕਰਕੇ, ਸੰਜੇ ਸਿੰਘ ਤੇ ਸੰਸੋਧੀਆ ਜੀ ਤੋਂ, ਕਿਸੇ ਹਾਲਤ ਵਿਚ ਭੀ ਬਾਹਰ ਨਹੀਂ ਹੋ ਸਕਦੇ। ਸ਼ਸੋਦੀਆ ਜੀ ਨੂੰ ਦਿਲੀ ਦਾ ਮੁਖ ਮੰਤਰੀ ਬਨਾਉਣਾ, ਸੰਜੇ ਜੀ ਨੂੰ ਪੰਜਾਬ ਦਾ ਮੁਖ ਮੰਤਰੀ ਬਨਾਉਣਾ, ਕੇਜਰੀਵਾਲ ਦੀ ਰਾਜਨੀਤੀ ਜਾਂ ਇਛਾ ਨਹੀਂ ਸੀ। ਬਲਕਿ ਮਜਬੂਰੀ ਸੀ। ਭਾਂਵੇਂ ਉਸਨੂੰ ਆਪ ਕਿਤਨਾ ਹੀ ਨੁਕਸ਼ਾਨ ਕਿਉਂ ਨਾਂ ਉਠਾਉਣਾ ਪੈਂਦਾ।

          ਮੈਂ ਕੋਈ ਆਹੁਦਾ ਨਹੀ ਚਾਹੁੰਦਾ ਸੀ । ਸਿਰਫ ਬਾਦਲਾਂ ਦੀ ਹਾਰ ਚਾਹੁੰਦਾ ਸੀ । ਇਹ ਆਸ ਕੇਜਰੀਵਾਲ ਤੋਂ ਪੂਰੀ ਨਹੀਂ ਹੋ ਸਕਦੀ। ਇਸੇ ਲਈ ਚਾਹੁੰਦਾ ਸੀ  ਕਿ ਪੰਜਾਬ ਦੀ ਆਪ ਲੀਡਰਸ਼ਿਪ ਇਕੱਠੀ ਹੋਕੇ, ਆਪਣੀ ਸਰਕਾਰ ਬਣਾਏ। ਜਿਤ ਯਕੀਨੀ ਸੀ । ਮੈ ਆਪਣੇ ਵੀਰਾਂ ਨੂੰ ਇਹ ਭੀ ਦਸ ਦੇਣਾ ਚਾਹੁੰਦਾ ਹਾਂ, ਕਿ ਕੇਜਰੀਵਾਲ ਤੇ ਸੰਜੇ ਜੀ, ਪੰਜਾਬ ਦੀ ਆਪ ਲੀਡਰਸ਼ਿਪ ਨਾਲ ਭੀ ਬੇਈਮਾਨੀ ਕਰ ਰਹੇ ਸਨ। ਹਰ ਨੈਸ਼ਨਲ ਪਾਰਟੀ ਦੇ ਸਟੇਟ ਯੂਨਿਟ ਬਣਾਉਣੇ ਜਰੂਰੀ ਹੁੰਦੇ ਹਨ। ਜਿਸਦਾ ਪੂਰਾ ਵੇਰਵਾ ਇਲੈਕਸ਼ਨ ਕਮਿਸ਼ਨ ਨੂੰ ਦੇਣਾ ਹੁੰਦਾ ਹੈ। ਹਰ ਸਟੇਟ ਯੂਨਿਟ ਦਾ ਇਕ ਪਰੈਜੀਡੈਂਟ, ਇਕ ਖਜਾਨਚੀ, ਇਕ ਦਫਤਰ ਸੈਕਟਰੀ, ਜਨਰਲ ਬੌਡੀ, ਵਰਕਿੰਗ ਕਮੇਟੀ, ਚੋਣ ਕਮੇਟੀ, ਦਾ ਹੋਣਾ ਜਰੂਰੀ ਹੈ। ਇਹ ਉਸਦੀ ਇਲੈਕਸ਼ਨ ਕਮਿਸ਼ਨ ਕੋਲ ਹੋਂਦ ਬਨਾਉਣ ਲਈ ਜਰੂਰੀ ਹੁੰਦਾ ਹੈ। ਪਰ ਪੰਜਾਬ ਯੂਨਿਟ ਦੀ ਕੋਈ ਹੋਂਦ ਨਹੀਂ ਸ। ਟੈਲੀਫੋਨ ਤੇ ਰਿੰਗ ਮਾਰਕੇ ਮੈਂਬਰ ਬਨਣ ਵਾਲਿਆਂ ਨੂੰ, ਇਲੈਕਸ਼ਨ ਕਮਿਸ਼ਨ ਨਹੀਂ ਮੰਨਦਾ। ਪੰਜਾਬ ਦਾ ਕੋਈ ਮੈਂਬਰ ਨਹੀਂ ਸ। ਕੋਈ ਆਹੁਦੇਦਾਰ ਨਹੀਂ ਸ। ਦਿਲੀ ਵਾਲੇ, ਦਿਲੀ ਯੂਨਿਟ ਤੋਂ ਟਿਕਟਾਂ ਜਾਰੀ ਕਰਨ ਗੇ। ਜਿਸਦੀ ਕੋਈ ਕਨੂੰਨੀ ਮਾਨਤਾ ਨਹੀਂ ਹੈ। ਚੋਣ ਸ਼ੁਰੂ ਹੋਣ ਤੇ, ਇਤਰਾਜ ਹੋਣ ਤੇ ਦਿਲੀ ਆਪ ਦੇ ਉਮੀਦਵਾਰ ਡਿਸਕੁਆਲੀਫਾਈ ਹੋ ਸਕਦੇ ਹਨ। ਚੋਣ ਜਿਤਣ ਤੇ ਇਲੈਕਸ਼ਨ ਪਟੀਸ਼ਨ ਹੋਣ ਤੇ ਚੋਣ ਰੱਦ ਹੋ ਸਕਦੀ ਹੈ।

 ਵਿਉਂਤ ਇਹ ਸੀ ਕਿ ਪੰਜਾਬ ਵਿਧਾਨ ਕੌਂਸ਼ਲ ਬਹਾਲ ਕੀਤੀ ਜਾਏ ਗੀ। ਦਿਲੀ ਵਾਲੇ ਇਸਦੇ ਮੈਂਬਰ ਨਾਮਯਦ ਕੀਤੇ ਜਾਣਗੇ। ਉਹੀ ਸਪੀਕਰ, ਮੁਖ ਮੰਤਰੀ, ਮੰਤਰੀ ਬਨਣ ਗੇ। ਇਸ ਤੋਂ ਭੀ ਦੁਖਦਾਈ ਪਹਿਲੂ ਇਹ ਸੀ ਕਿ ਦਿਲੀ ਵਾਲੇ ਜਿਸ ਵਿਧਾਇਕ ਨੂੰ ਚਾਹੁਣ ਪਾਰਟੀ ਚੋਂ ਕਢ ਸਕਦੇ ਸਨ। ਦਿਲੀ ਵਾਲੇ ਕਿਸੇ ਭੀ ਵਿਧਾਇਕ ਨੂੰ, ਐਮ ਐਲ ਏ ਸ਼ਿਪ ਤੋਂ ਡਿਸ਼ਕੁਆਲੀਫਾਈ ਕਰ ਸਕਦੇ ਸਨ। ਕਿਸੇ ਦੀ ਭੀ ਕਿੰਤੂ ਪ੍ਰੰਤੂ ਕਰਨ ਦੀ ਜੁਰਅਤ ਨਹੀਂ ਹੋਵੇ ਗੀ। ਕੇਂਦਰੀ ਸਰਕਾਰ ਤੇ ਆਰ ਐਸ ਐਸ ਹਾਵੀ ਹੈ। ਜੋ ਸਦਾ ਹੀ ਕੇਜਰੀਵਾਲ ਜੀ ਲਈ ਸਹਾਈ ਹੋਈ ਹੈ। ਪੰਜਾਬੀ ਵਿਧਾਇਕਾਂ ਦੀ ਕੋਈ ਸੁਣਵਾਈ ਨਹੀਂ ਹੋਵੇ ਗੀ। ਪੰਜਾਬ ਦਿਲੀ ਦਾ ਗੁਲਾਮ ਹੋਪੰਜਾਬ ਦਿਲੀ ਦਾ ਗੁਲਾਮ ਹੋ ਜਾਏ ਗਾ। ਪੰਜਾਬ ਲੁਟਿਆ ਜਾਏ ਗਾ। ਪੰਜਾਬ ਤੋਂ ਅਰਬਾਂ ਰਪੱਈਆ ਕੇਜਰੀਵਾਲ ਜੀ ਦੀ ਪ੍ਰਧਾਨ ਮੰਤਰੀ ਚੋਣ ਲਈ ਇਕੱਠਾ ਕੀਤਾ ਜਾਏ ਗਾ। ਪੰਜਾਬ ਹੋਰ ਕੰਗਾਲ ਹੋ ਜਾਏ ਗਾ।  ਸੰਜੇ ਸਿੰਘ ਨੂੰ ਮੁਖ ਮੰਤਰੀ ਬਨਾਉਣਾ ਨਿਸ਼ਚਿਤ ਸੀ। ਜੋ ਲੀਡਰ ਆਪਣੀ ਪਾਰਟੀ ਲਈ ਹੀ ਵਫਾਦਾਰ ਨਹੀਂ, ਉਹ ਪੰਜਾਬ ਨੂੰ ਕੀ ਵਫਾ ਕਰੇ ਗਾ।

 ਏਸੀਪੀ ਨੇ 100 ਨੁਕਾਤੀ ਚੋਣ ਮੈਨੀ ਫੈਸ਼ਟੋ 15 ਅਗੱਸ਼ਤ 2015 ਨੂੰ ਅਜਾਦੀ ਦਿਨ ਤੇ ਜਾਰੀ ਕਤਿਾ ਸੀ। ਜਿਸ ਵਿਚ ਪੰਜਾਬ ਨੂੰ ਅਤੇ ਸਿਖ ਗੁਰਦਆਰਿਆਂ ਨੂੰ ਭ੍ਰਿਸ਼ਟਾਚਾਰੀ ਬਾਦਲਸ਼ਾਹੀ ਤੋਂ ਅਜਾਦ ਕਰਾਉਣ ਦਾ ਪੂਰਾ ਸਿਧਾਂਤ ਤੇ ਵਿਉਂਤਬੰਦੀ ਵਾਰੇ ਵੇਰਵਾ ਦਿਤਾ ਗਿਆ ਹੈ। ਮੈਂ ਪੰਜਾਬ ਵੀਰਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਪੰਜਆਪ ਦੀ ਦਿਲੀਆਪ ਨਾਲ ਤੁਲਨਾਂ ਕੀਤੀ ਜਾਏ। ਫੇਰ ਜੋ ਤੁਹਾਡਾ ਮਨ ਬਣੇ, ਫੈਸ਼ਲਾ ਕਰ ਲੈਣਾ।

                ਕੇਜਰੀਵਾਲ ਜੀ ਨੇ ਪੰਜਾਬ ਨਾਲ ਕੀ ਕੀ ਵਿਸਵਾਸ਼ਘਾਤ ਕੀਤਾ, ਕਿਸਾਨੀ ਨਾਲ ਕੀ ਕੀ ਵਿਸਵਾਸ਼ਘਾਤ ਕੀਤਾ, ਸਿਖੀ ਨਾਲ ਕੀ ਕੀ ਵਿਸਵਾਸਘਾਤ ਕੀਤਾ, ਦਿਲੀ ਦੇ ਲੋਕਾਂ ਨਾਲ ਕਿਨੇ ਅਤੇ ਕੀ ਕੀ ਵਿਸਵਾਸਘਾਤ ਕੀਤੇ। ਦਿਲੀ ਕਿਵੇਂ ਲੁਟੀ। ਇਸ ਵਾਰੇ ਪੂਰਾ ਵੇਰਵਾ ਲਿਖਣਾ ਬਹੁਤ ਮੁਸ਼ਕਲ ਹੈ। ਕਿਰਪਾ ਕਰਕੇ ਵੀਡੀਉ ਸਪੀਚ ਵਾਲੇ ਪਾਰਟ ਵਿਚ ਸਾਰੀਆਂ ਵੀਡੀਉ ਸਪੀਚਾਂ ਧਿਆਨ ਤੇ ਨਿਰਪੱਖ ਹੋਕੇ ਸੁਣੋ। ਤੁਹਾਨੂੰ ਕੇਜਰੀਵਾਲ ਸਹਿਬ ਦਾ ਪਿਛੋਕੜ ਤੇ ਕਾਰਨਾਮੇਂ ਪ੍ਰਤੱਖ ਜਾਹਰ ਹੋ ਜਾਣਗੇ।

          ਵੀਰੋ ਮੈਂ ਕਿਸੇ ਨਰਾਜਗੀ ਅਧੀਨ ਕੁਝ ਨਹੀਂ ਲ਼ਿਖਦਾ। ਜੋ ਲਿਖਦਾ ਹਾਂ ਖੋਜ ਦੇ ਅਧਾਰ ਤੇ ਲਿਖਦਾ ਹਾਂ। ਜੋ ਵੀਰ ਮੇਰੀਆਂ ਅੱਜ ਦੀਆਂ ਪੋਸਟਾਂ ਨੂੰ ਮਨਘੜਤ ਕਹਿੰਦਾ ਹੈ। ਉਹ ਇਸ ਵਾਰੇ ਵਿਕੀਪੀਡੀਆ ਉਤੇ ਕੇਜਰੀਵਾਲ ਜੀ ਦੀ ਜੀਵਨੀ ਪੜ੍ਹ ਲਵੇ ਜੇ ਸਚਾਈ ਨਾਂ ਹੋਵੇ ਤਾਂ ਜੋ ਚਾਹੇ ਕਹਿ ਸਕਦਾ ਹੈ। ਜੋ ਕੁਝ ਮੈਂ ਪਿਛਲੀਆਂ ਪੋਸਟਾਂ ਵਿਚ ਕਿਹਾ ਹੈ। ਉਸਦਾ ਵੇਰਵਾ ਅਗਲੀਆਂ ਪੋਸਟਾਂ ਵਿਚ ਦੇਣ ਦੀ ਕੋਸ਼ਿਸ ਕਰਾਂ ਗਾ। ਪਰ ਇਤਨਾ ਲੰਬਾ ਵੇਰਵਾ ਪੋਸਟਾਂ ਰਾਹੀ ਨਹੀਂ ਦਿਤਾ ਜਾ ਸਕਦਾ। ਸਚਾਈ ਜਾਨਣ ਲਈ ਮੇਰੀ ਵੈਬਸਾਈ ਦੇਖਣ ਦੀ ਕ੍ਰਿਪਾਲਤਾ ਕਰਨੀ। (www.pacp.in) ਵੀਡੀਉ ਸਪੀਚ ਵਾਲੇ ਪਾਰਟ ਵਿਚ ਵੀਡੀਉ ਸਪੀਚਾਂ ਨਿਰਪੱਖ ਹੋਕੇ ਸੁਣੇ।

                ਮੈਂ ਆਪਣੀਆਂ ਵੀਡੀਉ ਸਪੀਚਾਂ ਵਿਚ ਕੇਜਰੀਵਾਲ ਜੀ ਵਿਵਾਦਤ ਆਈ ਆਰ ਐਸ ਦੀ ਡਿਗਰੀ ਦੀ ਅਸਲੀਅਤ ਵਾਰੇ ਜਿਕਰ ਕਰਾਂ ਗਾ। ਤੁਸੀਂ ਆਪ ਹੀ ਮੰਨ ਜਾਉਂਗੇ ਕਿ ਕੇਜਰੀਵਾਲ ਆਪਣੇ ਆਪ ਨੂੰ ਰਿਟਾਰਡ ਇੰਡੀਅਨ ਰੈਵੇਨਿਊ ਸਰਵੈਟ ਅਖਵਾਉਣ ਦਾ ਹੱਕਦਾਰ ਨਹੀਂ ਸੀ। ਮੈਂ ਆਪਣੀਆਂ ਵੀਡੀਉ ਸਪੀਚਾਂ ਵਿਚ ਕੇਜਰੀਵਾਲ ਜੀ ਵਿਵਾਦਤ ਮਗਾਸੇ ਅਵਾਰਡ ਦੀ ਅਸਲੀਅਤ ਵਾਰੇ ਜਿਕਰ ਕਰਾਂ ਗਾ। ਤੁਸੀਂ ਆਪ ਹੀ ਮੰਨ ਜਾਉਂਗੇ ਕਿ ਕੇਜਰੀਵਾਲ ਮਗਾਸੇ ਅਵਾਰਡ ਦਾ ਹੱਕਦਾਰ ਨਹੀਂ ਸੀ। ਕੇਜਰੀਵਾਲ ਜੀ ਨੂੰ 2006 ਵਿਚ ਨੌਕਰੀ ਤੌ ਬਾਹਰ ਆ ਜਾਣ ਤੇ ਹੀ ਮਗਾਸੇ ਅਵਾਰਡ ਦੇ ਨਾਂ ਉਤੇ ਫੋਰਡ ਫਾਊਡੇਸ਼ਨ ਨੇ 2, 97,੦੦੦. ਅਮਰੀਕੀ ਡੌਲਰ ਦਾ ਅਵਾਰਡ ਦਿਤਾ ਸੀ। ਇਸਦੀ ਅਸਲੀਅਤ ਕੀ ਹੈ? ਇਹ ਰਕਮ ਕਿਥੇ ਰੱਖੀ ਗਈ?  ਹੁਣ ਇਸ ਰਕਮ ਦਾ ਕੀ ਬਣਿਆ? ਵਾਰੇ ਜਾਣਕਾਰੀ ਭੀ ਵੀਡੀਉ ਸਪੀਚ ਰਾਹੀਂ ਹੀ ਦਿਤੀ ਜਾ ਸਕਦੀ ਹੈ। ਕੇਜਰੀਵਾਲ ਉਪਰ ਮਜੂਦਾ ਡੈਫਾਮੇਸ਼ਨ ਦੇ ਕੇਸਾਂ ਤੋਂ ਪਹਿਲੇ ਹੀ ਤਕਰੀਬਨ 40 ਕੁ ਕੇਸ ਦਰਜ ਹੋ ਚੁਕੇ ਸਨ। ਮੈਂ ਆਪਣੀਆਂ ਵੀਡੀਉ ਸਪੀਚਾਂ ਵਿਚ ਇਹਨਾਂ ਦਾ ਵੇਰਵਾ ਦਿਆਂ ਗਾ। ਇਹਨਾਂ ਮਾਮਲਿਆਂ ਵਾਰੇ ਮੈਂਨੂੰ ਜਾਣਕਾਰੀ ਕਿਥੋਂ ਪ੍ਰਾਪਤ ਹੋਈ ਹੈ।

               ਇਕ ਵੀਰ ਨੇ ਕਿਹਾ ਹੈ ਕਿ ਕੇਜਰੀਵਾਲ ਕਿੰਨਾਂ ਭੀ ਮਾੜਾ ਹੋਵੇ। ਮੈਂ ਉਸ ਨੂੰ ਮਾਫ ਕਰ ਦਿਤਾ ਹੈ। ਵੀਰ ਜੀ ਇਹ ਤੁਹਾਡੀ ਆਪਣੀ ਇਛਾ ਹੈ। ਪਰ ਇਕ ਲੁਟੇਰੇ ਨੇ ਪੰਜਾਬ ਲੁਟਿਆ, ਪਰ ਇਹ ਪੈਸਾ ਪੰਜਾਬ ਵਿਚ ਹੀ ਆਪਣੀ ਜਾਇਦਾਦ ਖਰੀਦ ਕੇ ਖਰਚ ਦਿਤਾ। ਦੂਸਰੇ ਲੁਟੇਰੇ ਨੇ ਪੰਜਾਬ ਲੁਟਿਆ, ਤੇ ਸਾਰਾ ਧਨ ਲੱਦਕੇ ਆਪਣੇ ਦੇਸ ਲੈ ਗਿਆ। ਪੰਜਾਬ ਅਸਲੀ ਅਰਥਾਂ ਵਿਚ ਕੰਗਾਲ ਹੋ ਜਾਏ ਗਾ। ਪਰ ਜੇ ਕੋਈ ਪੂਰਨ ਈਮਾਨਦਾਰ, ਪੁਰਨ ਪਾਰਦ੍ਰਸ਼ੀ, ਪਾਰਟੀ ਮਿਲ ਜਾਏ। ਜੋ ਪੰਜਾਬ ਲਈ ਕਲਿਆਣਕਾਰੀ ਯੋਜਨਾਂਵਾਂ ਬਣਾਉਣ ਦੇ ਸਮ੍ਰੱਥ ਹੋਵੇ। ਪੰਜਾਬ ਨੂੰ ਮੁੜ ਖੁਸ਼ਹਾਲ ਕਰ ਸਕਣ ਯੋਗ ਹੋਵੇ। ਲੁਟਿਆ ਪੈਸਾ ਮੁੜ ਲੋਕਾਂ ਨੂੰ ਦੁਆ ਸਕਣ ਦੇ ਸਮ੍ਰਥ ਹੋਵੇ। ਗੁਰੁ ਘਰਾਂ ਦਾ ਪ੍ਰਬੰਧ ਲੁਟੇਰਿਆਂ ਤੋਂ ਖੋਹਕੇ, ਉਹਨਾਂ ਹੱਥਾਂ ਵਿਚ ਦੇ ਸਕੇ, ਜਿਨਾਂ ਹੱਥਾਂ ਨੇ ਆਪੋ ਆਪਣੇ ਗੁਰੂ ਘਰਾਂ ਦੀ ਸੇਵਾ ਤੇ ਉਸਾਰੀ ਕੀਤੀ ਹੈ। ਸੇਵਾ ਦਾ ਹੱਕ ਸਭ ਨੂੰ ਹੋਣਾ ਚਾਹੀਦਾ ਹੈ। ਕਿਸੇ ਸਿਖ ਦਾ ਹੱਕ ਕਿਉਂ ਖੋਹਿਆ ਜਾਵੇ। ਇਹਨਾਂ ਦਾਅਵਿਆਂ ਦਾ ਸਰਵੇਖਣ ਕਰਨਾ ਤਾਂ ਤੁਹਾਡੀ ਆਪਣੇ ਬਚਿਆਂ ਲਈ, ਆਪਣੇ ਪੰਜਾਬ ਲਈ, ਆਪਣੇ ਧਰਮ ਲਈ, ਤੁਹਾਡੀ ਜੁਮੇਂਵਾਰੀ ਬਣਦੀ ਹੈ। ਤੁਸੀਂ ਕਿਰਪਾ ਕਰਕੇ ਇਸੇ ਵੈਬਸਾਈਟ ਦੇ ਆਰਟੀਕਲ ਵਿਚ ਪਾਰਟੀ ਦਾ ਚੋਣ ਨਿਸ਼ਾਨ ਤੇ ਯੋਗਤਾ ਵਾਰੇ ਪਛਾਣ ਕਰ ਲਵੋ। ਕੇਜਰੀਵਾਲ ਜੀ ਦੀ ਆਪ ਦਾ ਚੋਣ ਮੈਨੀਫੈਸ਼ਟੋ ਵਿਚ ਭੀ ਪੰਜਾਬ ਵਾਰੇ ਕੀ ਲਿਖਿਆ ਹੈ। ਇਹ ਭੀ ਉਸਦੀ ਵੈਬਸਾਈਟ ( http://www.aamaadmiparty.org/  ) ਵਿਚ ਦੇਖ ਲਵੋ। ਫੇਰ ਜੋ ਤੁਹਾਡੀ ਆਤਮਾਂ ਕਹੇ ਉਂਝ ਕਰਨਾ। ਆਪਣੀ ਜਿਦ ਪਿਛੇ, ਆਪਣੇ ਬਚਿਆਂ, ਆਪਣੇ ਧਰਮ, ਆਪਣੇ ਦੇਸ, ਨਾਲ ਘਾਤ ਕਰਨਾ ਤਾਂ ਕੋਈ ਸ਼ਿਆਣਪ ਨਹੀਂ।

ਆਮ ਚਰਚਾ ਹੈ ਕਿ ਕੇਜਰੀ ਵਾਲ ਜੀ ਤਾਂ ਜੰਮਣ ਤੋਂ ਪਹਿਲਾਂ ਹੀ ਭ੍ਰਿਸ਼ਟਾਚਾਰ ਕੋਲ ਵਿਕ ਗਏ ਸਨ। ਬਠਿੰਡਾ ਦੀ ਪਾਰਲੀਮਾਨੀ ਚੋਣ ਅਤੇ ਤਲਵੰਡੀ ਸਾਬੋ ਦੀ ਜਿਮਨੀ ਚੋਣ, ਧੂਰੀ ਦੀ ਜਿਮਨੀ ਚੋਣ, ਗੋਇੰਦਵਾਲ ਦੀ ਜਿਮਨੀ ਚੋਣ, ਵਾਰੇ ਲੋਕ ਅਨੇਕ ਤਰਾਂ ਦੇ ਰਹੱਸ਼ ਸਾਹਮਣੇ ਲਿਆ ਰਹੇ ਹਨ। ਦਿਲੀ ਤੇ ਕਾਬਜ ਹੋਣ ਤੋਂ ਬਾਦ, ਸਭ ਤੋਂ ਪਹਿਲਾਂ, ਉਸ ਉਹਨਾਂ ਹਸਤੀਆਂ ਦਾ ਸਫਾਇਆ ਕੀਤਾ, ਜਿਹਨਾਂ ਦੀ ਬਦੋਲਤ ਉਹ ਦਿਲੀ ਦੇ ਹੁਕਮਰਾਨ ਬਣੇ ਸਨ। ਜੋ ਕੇਜਰੀ ਵਾਲ ਜੀ ਦੀਆਂ ਸਜੀਆਂ ਖੱਬੀਆਂ ਬਾਹਾਂ ਸਮਝੇ ਜਾਂਦੇ ਸਨ। ਕੇਜਰੀਵਾਲ ਜੀਨੇ ਪਹਿਲੇ ਹੀ ਮਹੀਨੇ ਇਹ ਬਾਂਹਾਂ ਕੱਟ ਦਿਤੀਆਂ। ਪ੍ਰਸ਼ਾਂਤ ਭੂਸ਼ਨ ਜੋ ਅੰਨਾ ਲਹਿਰ ਸਮੇਂ ਤੋਂ ਬੇਅਥਾਹ ਪੈਸਾ ਖਰਚ ਰਿਹਾ ਸੀ। ਜੋਗਿੰਦਰ ਜਾਦਵ, ਜੋ ਪਾਰਟੀ ਦਾ ਦਿਮਾਗ ਅਤੇ ਨੀਤੀ ਘਾੜੂ ਕਹੇ ਜਾਂਦੇ ਸਨ। ਜਿਸਨੇ ਆਮ ਆਦਮੀ ਪਰਟੀ ਦੀ ਇਜਤ ਰਖੀ, ਕਿਉਂਕੇ ਉਹ ਪੰਜਾਬ ਦੇ ਇੰਚਾਰਜ ਸਨ। ਉਹਨਾਂ ਦੀ ਵਿਉਂਤ ਬੰਦੀ ਨੇ ਪੰਜਾਬ ਵਿਚ ਚਾਰ ਸੀਟਾਂ ਜਿਤੀਆਂ।

ਕੇਜਰੀ ਵਾਲ ਜੀ ਨੇ ਤਿਨ ਸਾਲ, ਸਾਰੇ ਭਾਰਤ ਨੂੰ,  ਭਾਰਤ ਸਰਕਾਰ ਵਲੋਂ ਲੋਕਪਾਲ ਦੀ ਨਿਯੁਕਤੀ ਦੇ ਸਬੰਧ ਵਿਚ ੳਭਾਰਿਆ। ਦਿਖਾਵੇ ਲਈ ਆਪਣੀ ਪਾਰਟੀ ਅੰਦਰ ਭੀ ਲੋਕਪਾਲ ਨਿਯੁਕਤ ਕਰ ਦਿਤਾ। ਦਸਿਆ ਗਿਆ ਕਿ ਲੋਕਪਾਲ ਸਰਬਉਚ ਹਸਤੀ ਹੈ। ਜੋ ਭੀ ਪਾਰਟੀ ਸਿਧਾਂਤ ਦੇ ਉਲਟ ਕੰਮ ਕਰੇ ਗਾ, ਲੋਕਪਾਲ ਉਸਨੂੰ ਸਜਾ ਦੇ ਸਕਦਾ ਹੈ। ਭਾਂਵੇਂ ਉਹ ਕੇਜਰੀਵਾਲ ਹੋਵੇ ਭਾਂਵੇਂ ਆਮ ਵਰਕਰ। ਸਰਕਾਰ ਬਨਾਉਣ ਦੇ ਬਾਦ ਪਹਿਲੇ ਮਹੀਨੇ ਹੀ ਕੇਜਰੀਵਾਲ ਜੀ ਨੇ ਉਸ ਸਰਬ ਸ਼ਕਤੀਵਾਨ ਦੀ ਉਹ ਦੁਰਦਿਸ਼ਾ ਕੀਤੀ, ਕਿ ਕੋਈ ਅਗੋਂ ਲੋਕਪਾਲ ਦਾ ਨਾਮ ਹੀ ਨਹੀਂ ਲਵੇ ਗਾ।

ਦਿਲੀ ਵਿਚ ਕੇਂਦਰ ਸਰਕਾਰ ਬੈਠੀ ਹੈ। ਦਿਲੀ ਗਵਰਨਰ ਸ਼ਾਸਤ ਸਟੇਟ ਹੈ। ਪੋਲੀਸ਼ ਗਵਰਨਰ ਕੋਲ ਹੈ। ਇਸ ਲਈ ਕੇਜਰੀ ਵਾਲ ਜੀ ਨੇ ਸੋਚਿਆ ਕਿ ਦਿਲੀ ਦੇ ਲੋਕਾਂ ਨੇ ਉਝ ਭੀ ਉਹਨਾਂ ਦੀ ਅਸਲੀਅਤ ਦੇਖ ਲਈ ਹੈ। ਅਗੋਂ ਦਿਲੀ ਮੁੜ ਉਸਦੀ ਸਰਕਾਰ ਬਨਣ ਦੀ ਸੰਭਾਵਨਾ ਨਹੀਂ ਹੈ। ਇਸ ਲਈ ਅਗੋਂ ਪੰਜਾਬ ਚਲਦੇ ਹਾਂ। ਪਜਾਬ ਵਿਚ ਜਾਬਤਾ ਕਇਮ ਰਖਣ ਲਈ ਇਕ ਜਾਬਤਾ ਕਮੇਟੀ ਕਾਇਮ ਕਰ ਦਿਤੀ ਗਈ। ਜਦੋਂ ਜਾਬਤਾ ਕਮੇਟੀ ਪ੍ਰਧਾਨ ਨੇ ਕੁਝ ਆਦਮੀ, ਜਿਹਨਾਂ ਨੂੰ ਉਸ ਪਾਰਟੀ ਹਿਤ ਦੇ ਉਲਟ ਕੰਮ ਕਰ ਰਹੇ ਮਹਿਸੂਸ ਕੀਤਾ, ਉਹਨਾਂ ਨੂੰ ਪਾਰਟੀ ਵਿਚੋਂ ਖਾਰਜ ਕਰ ਦਿਤਾ। ਕੇਜਰੀਵਾਲ ਜੀ ਨੇ ਜਾਬਤਾ ਪ੍ਰਧਾਨ ਨੂੰ ਹੀ ਪਾਰਟੀ ਵਿਚੋਂ ਖਾਰਜ ਕਰਵਾ ਦਿਤਾ। ਕੇਜਰੀਵਾਲ ਜੀ ਨੇ ਭ੍ਰਿਸ਼ਟਾਚਾਰ ਵਿਰੁਧ ਲੜਣ ਦੇ ਨਾਮ ਉਪਰ ਰਾਜ ਲਿਆ, ਪਰ ਸਰਕਾਰ ਬਨਣ ਸਾਰ ਹੀ, ਉਹ ਨਕੋ ਨੱਕ ਭ੍ਰਿਸ਼ਟਾਚਾਰ ਵਿਚ ਡੁਬ ਗਏ।

 

ਬਹੁਤ ਵੀਰਾਂ ਦਾ ਖਿਆਲ ਹੈ ਕਿ ਮੈਂਨੂੰ ਨਵੀਂ ਪਾਰਟੀ ਬਨਾਉਣ ਦੀ ਥਾਂ ਆਮ ਆਦਮੀ ਪਾਰਟੀ ਨੂੰ ਸਹਿਯੋਗ ਦੇਣਾ ਚਾਹੀਦਾ ਸੀ। ਮੈਂ ਉਹਨਾਂ ਦਾ ਮਨ ਨਹੀਂ ਦੁਖਾਉਣਾ ਚਾਹੁੰਦਾ। ਪਰ ਨਿਮਰਤਾ ਸਹਿਤ ਬੇਨਤੀ ਕਰਨੀ ਚਾਹੂੰਦਾ ਹਾਂ, ਕਿ ਕੇਜਰੀਵਾਲ ਤੇ ਆਮ ਆਦਮੀ ਪਾਰਟੀ ਇਕ ਦੂਜੇ ਦੇ ਵਿਰੋਧੀ ਪੋਲ ਹਨ। ਆਮ ਆਦਮੀ ਪਾਰਟੀ ਅੰਨਾਂ ਹਜਾਰੇ ਦੇ ਸੰਘਰਸ਼ ਦਾ ਪ੍ਰਭਾਵ ਕਬੂਲ ਕਰਦੀ ਹੈ। ਇਸ ਵਿਚ ਨੇਕ ਤੇ ਗਰੀਬ ਜਨਤਾ ਸ਼ਾਮਲ ਹੋਈ ਸੀ। ਪਰ ਕੇਜਰੀਵਾਲ ਜੀ ਦੇ ਦਾਂਤ ਦਿਖਾਨੇ ਕੇ ਔਰ ਹੈਂ ਅਤੇ ਖਾਨੇ ਕੇ ਔਰ ਹੈਂ। ਅੰਨਾਂ ਹਜਾਰੇ ਜੀ ਦੇ ਬੀਜੇਪੀ ਤੋਂ ਕੁਝ ਦੂਰ ਹੋਣ ਸਮੇਂ, ਬੀਜੇਪੀ ਨੇ ਹੀ ਕੇਜਰੀਵਾਲ ਜੀ ਨੂੰ ਪਾਰਟੀ ਬਨਾਉਣ ਦੀ ਪ੍ਰੇਰਨਾਂ ਕੀਤੀ ਸੀ। ਕਿਉਂਕੇ ਦਿਲੀ ਵਿਚ ਬੀਜੇਪੀ ਕੋਲ ਠੋਸ਼ ਹਿੰਦੂ ਵੋਟ ਸੀ। ਕੇਜਰੀਵਾਲ ਜਾਂ ਅੰਨਾਂ ਹਜਾਰੇ ਲੈਹਰ ਕਾਂਗਰਸ ਵੋਟ ਖਿਚੇ ਗੀ। ਕੇਜਰੀਵਾਲ ਜੀਂ ਨੂੰ ਕਾਫੀ ਆਰਥਕ ਮਦਤ ਭੀ ਮਿਲੀ। ਦਿਲੀ ਅਸੈਂਬਲੀ ਚੋਣ ਦਾ ਨਤੀਜਾ ਭੀ ਬੀਜੇਪੀ ਦੀ ਆਸ ਮੁਤਾਬਿਕ ਹੀ ਨਿਕਲਿਆ।

ਦਿਲੀ ਵਿਚ ਕੁਝ ਸਮੇਂ ਦੀ ਮੁਖ ਮੰਤਰੀਸ਼ਿਪ, ਕੇਜਰੀਵਾਲ ਜੀ ਲਈ ਅਧਾਹ ਪੈਸਾ ਇਕੱਠਾ ਕਰਨ ਵਿਚ ਸਹਾਈ ਹੋਈ। ਇਸ ਸਮੇਂ ਕੇਜਰੀਵਾਲ ਜੀ ਆਪਣੀ ਹਉਮੈਂ, ਆਪਣਾ ਪੈਸ਼ਾ, ਅਤੇ ਬਾਹਰਲੀ ਡਿਸ਼-ਇਨਫਰਮੇਸ਼ਨ ਦਾ ਸ਼ਿਕਾਰ ਹੋ ਗਏ। ਉਹਨਾਂ ਕਾਂਗਰਸ ਤੇ ਬੀਜੇਪੀ ਨੂੰ ਬਰਾਬਰ ਤੁਲਨਾਂ ਦਿਤੀ। ਇਸੇ ਪੈਸੇ ਤੇ ਹਉਮੈਂ ਕਾਰਨ ਹੀ ਉਹਨਾਂ ਪਾਰਲੀਮਾਨੀ ਚੋਣ ਵਿਚ 443 ਉਮੀਦਵਾਰ ਖੜੇ ਕੀਤੇ। ਪੰਜਾਬ ਹਰਿਆਣੇ ਤੋਂ ਬਿਨਾਂ ਬਾਕੀ ਉਮੀਦਵਾਰਾਂ ਨੂੰ ਖੁਲਾ ਪੈਸ਼ਾ ਦਿਤਾ ਗਿਆ। ਪਰ ਪੰਜਾਬ ਤੋਂ ਬਿਨਾਂ ਸਾਰੇ ਭਾਰਤ ਵਿਚ, ਕਿਸੇ ਭੀ ਉਮੀਦਵਾਰ ਦੀ ਜਮਾਨਤ ਨਹੀਂ ਬਚੀ।

ਹੁਣ ਤੁਹਾਡੇ ਸਭ ਦੇ ਮਨ ਵਿਚ ਇਹ ਖਿਆਲ ਆਏ ਗਾ, ਕਿ ਜੇ ਦਿਲੀ ਵਿਚ ਕੇਜਰੀਵਾਲ ਦੇ ਕਿਸੇ ਉਮੀਦਵਾਰ ਦੀ ਜਮਾਨਤ ਨਹੀਂ ਬਚੀ, ਤਾਂ ਉਹਨਾਂ ਹੀ ਵੋਟਰਾਂ ਤੋਂ ਕੇਜਰੀਵਾਲ ਜੀਨੂੰ ਵਿਧਾਨਸਭਾ ਚੋਣ ਵਿਚ, ਇਤਨੀ ਵੱਢੀ ਜਿਤ ਕਿਸਨੇ ਦਿਤੀ। ਵੀਰ ਜੀ ਮੈਂ ਇਸ ਸਬੰਧ ਵਿਚ ਪੂਰੇ ਯਕੀਨ ਨਾਲ ਕਹਿ ਰਿਹਾ ਹਾਂ, ਕਿ ਦਿਲੀ ਵਿਧਾਨ ਸਭਾ ਵਿਚ, ਨਾਂ ਹੀ ਕੇਜਰੀਵਾਲ ਦੀ ਜਿਤ ਹੋਈ ਹੈ, ਅਤੇ ਨਾਂ ਹੀ ਬੀਜੇਪੀ ਦੀ ਹਾਰ ਹੋਈ ਹੈ। ਬਿਲਕੁਲ ਕੇਜਰੀਵਾਲ ਦੀ ਜਿਤ ਨਹੀਂ ਹੋਈ। ਸਿਰਫ ਕਿਰਨ ਬੇਦੀ ਦੀ ਹਾਰ ਹੋਈ ਹੈ। ਕਿਰਨ ਬੇਦੀ ਹੀ ਕੇਜਰੀਵਾਲ ਸਰਕਾਰ ਬਨਾਉਣ ਦਾ ਕਾਰਨ ਬਣੀ ਹੈ। ਮੈਂ ਉਹਨਾਂ ਦਿਨਾਂ ਵਿਚ ਦਿਲੀ ਸੀ। ਕਿਰਨ ਬੇਦੀ ਦੇ ਫੈਸ਼ਲੇ ਨੇ ਬੀਜੇਪੀ ਵਰਕਰ ਭੀ ਬਹੁਤ ਨਿਰਾਸ਼ ਕੀਤੇ। ਪਰ ਉਹਨਾਂ ਮੂੰਹ ਨਹੀਂ ਖੋਲਿਆ, ਕਿਉਂਕੇ ਇਹ ਫੈਸ਼ਲਾ ਮੋਦੀ ਸਹਿਬ ਦਾ ਸੀ। ਸਿਖ ਵੋਟਰਾਂ ਨੇ ਬੇਦੀ ਨੂੰ ਵੋਟ ਇਸ ਕਰਕੇ ਨਹੀਂ ਪਾਈ, ਕੇ ਉਸਨੇ ਪੁਲਸ਼ ਇਨਚਾਰਜ ਹੁੰਦੇ ਹੋਏ, ਸਿਖਾਂ ਤੇ ਬਹੁਤ ਜੁਲਮ ਕੀਤੇ ਸਨ। ਹਿੰਦੂ ਵੋਟ ਇਸ ਕਰਕੇ ਨਹੀਂ ਪਈ, ਕਿ ਕਿਰਨ ਬੇਦੀ ਸਿਖ ਉਮੀਦਵਾਰ ਸੀ।

ਕੇਜਰੀਵਾਲ ਦਾ ਹੁਣ ਦਿਲੀ ਵਿਚ ਸਰਕਾਰ ਹੋਣ ਦੇ ਬਾਵਜੂਦ ਕੋਈ ਅਧਾਰ ਨਹੀਂ ਹੈ। ਵਿਦਿਆਰਥੀ ਚੋਣਾਂ ਵਿਚ ਉਸਦੀ ਮਕੰਮਲ ਹਾਰ ਹੋਈ ਹੈ। ਐਮ ਸੀ ਡੀ ਚੋਣਾਂ ਵਿਚ ਹਾਰ ਹੋਈ ਹੈ। ਕੇਜਰੀਵਾਲ ਸਰਕਾਰ 2017 ਵਿਚ ਹੀ ਗਿਰ ਜਾਏ ਗੀ। ਸਾਇਦ ਇਸੇ ਕਰਕੇ ਕੇਜਰੀਵਾਲ ਜੀ ਪੰਜਾਬ ਵਲ ਦੇਖ ਰਹੇ ਹਨ। ਉਝ ਭੀ ਕੇਜਰੀਵਾਲ ਜੀ ਪੰਜਾਬ ਦੇ ਭ੍ਰਿਸ਼ਟਾਚਾਰ ਕੋਲ ਕਈ ਵਾਰ ਵਿਕ ਚੁਕੇ ਹਨ। ਕੇਜਰੀਵਾਲ ਜੀ ਨੇ ਪੁਰਾਣੇ ਤੇ ਕਾਬਲ ਅਦਮੀ ਆਪਣੀ ਪਰਟੀ ਵਿਚੋਂ ਕੱਢ ਦਿਤੇ ਹਨ। ਉਹਨਾਂ ਲੋਕਾਂ ਨੂੰ ਹੀ ਨਿਵਾਜਿਆ ਹੈ, ਜਿਹਨਾਂ ਕੋਲ ਸਟੇਜਾਂ ਉਪਰ ਕੇਜਰੀਵਾਲ ਜੀ ਦੀਆਂ ਘੋੜੀਆਂ ਗੌਣ ਤੋਂ ਬਿਨਾਂ, ਨਾਂ ਹੀ ਕੋਈ ਯੋਗਤਾ ਹੈ ਅਤੇ ਨਾਂ ਹੀ ਕੋਈ ਪ੍ਰਬੰਧਕ ਤਜਰਬਾ। ਕੱਢੇ ਗਏ ਲੀਡਰ ਭੀ ਪੰਜਾਬ ਵਿਚ ਨਵੀਂ ਆਮ ਆਦਮੀ ਪਾਰਟੀ ਬਨਾਉਣ ਗੇ। 2019 ਤਕ ਹੀ ਕੇਜਰੀਵਾਲ ਜੀਦਾ ਪੰਜਾਬ ਵਿਚ ਅਧਾਰ ਖਤਮ ਹੋ ਜਾਏ ਗਾ।

ਸਾਫ ਜਾਹਰ ਹੈ, ਕਿ ਕੇਜਰੀਵਾਲ ਦੀ ਪੰਜਾਬ ਵਿਚ ਨਾਂ ਸਰਕਾਰ ਬਣ ਸਕਦੀ ਹੈ। ਅਤੇ ਨਾਂ ਉਹ ਪੰਜਾਬ ਦਾ ਕੁਝ ਸੁਧਾਰ ਕਰ ਸਕਦੇ ਹਨ। ਪੰਜਾਬ ਦੇ ਲੋਕ ਭ੍ਰਿਸ਼ਟਾਚਾਰ ਦੇ ਸਤਾਏ ਹੋਏ ਹਨ। ਉਹ ਭ੍ਰਿਸ਼ਟਾਚਾਰ ਵਿਰੁਧ ਸ਼ੰਘਰਸ ਸੀਲ ਹਨ। ਉਹ ਇਕ ਭ੍ਰਿਸ਼ਟਾਚਾਰ ਨੂੰ ਹਟਾਕੇ, ਦੂਜੇ ਭ੍ਰਿਸ਼ਟਾਚਾਰ ਨੂੰ ਸਦਾ ਨਹੀਂ ਦੇਣਗੇ।

 

          ਨਰਾਜਗੀ ਜਾਹਰ ਕਰਨ ਵਾਲੇ ਵੀਰੋ। ਪ੍ਰਮਾਤਮਾ ਤੁਹਾਨੂੰ ਉਚੀਆਂ ਬੁਲੰਦੀਆਂ ਬਖਸੇ, ਪਰ ਸਚਾਈ ਨੂੰ ਪ੍ਰਖਣ ਦੀ, ਸਮਰੱਥਾ ਦੇਣ ਦੀ ਬਖਸ਼ਿਸ ਭੀ ਕਰੇ। ਰੱਬ ਰਾਖਾ।

ਪੁਕਾਰੇ ਤੁਹਾਡੀ ਆਤਮਾਂ, ਭ੍ਰਿਸ਼ਟਾਚਾਰ ਦਾ ਖਾਤਮਾਂ।