|
06. دھرم توں راجنیتی نوں وکھرا کرن دی لوڑ جدوں کوئی دھرم بھرشٹاچار دی دے پربھاو ہیٹھ آ جائے تاں اوہ دھرم نہیں کیہا جا سکدا۔ اوہ بھرشٹاچار دی رکھیا لئی اک ڈھال وجوں ورتیا جاندا ہے۔ دھارمکتا ختم ہو جاندی ہے۔ کجھ سمیں بعد اجیہا راجنیتی پربھاوت دھرم، ولین ہو جاندا ہے۔ اتہاس وچ اس سبندھی اتھاہ اداہرناں مجود نے۔ دھرم نوں بچاؤن لئی اس نوں راجنیتی تو بچاؤنا پئے گا۔ اسدا اکو اک اپا ہے کہ دھرم نوں راجنیتی توں وکھ رکھیا جائے۔
دھرم تے راجنیتی دے وکھرا کرن دے ادیس نال، ایہہ قنون بناؤن دی لوڑ ہے کہ، کسے وی راجنیتک پارٹی جاں راجنیتک ویکتی نوں دھارمک معاملیاں جاں دھرم ستھاناں وچ دخل دین دی اجازت نہیں ہوویگی۔ جیکر کسے راجنیتک دا کسے دھارمک معاملیاں وچ دخل ثابت ہو گیا تاں اس دی ودھائک، منتری جاں مکھ منتری وجوں ڈسکوالیپھیسن ہو سکدی ہے۔ دھارمک ادارے، راجنیتکاں توں آزاد کراؤن لئی، اکت قنون انوسار، کوئی وی راجنیتک کسے وی دھارمک سنستھا دی چون جاں پربندھ وچ بھائیوال نہیں ہو سکے گا۔ پر کوئی راجنیتک اپنی راجنیتی توں سنیاس لین دے 10 سال بعد کسے دھارمک ادارے دا پربندھک بن سکدا ہے۔ کسے دھرمک ادارے دا میمبر جاں پربندھک اپنی دھارمک ادارے توں رٹائرمینٹ دے 10 سال بعد ہی ودھان سبھا جاں سرکاری پربندھ نال سبندھت کسے ہور چون وچ حصہ لے سکدا ہے۔
ہر پنڈ نوں اپنے دھارمک استھاناں دا پربندھ اپنیاں لوڑاں انوسار کرن دا ہک ہانسل ہونا چاہی دا ہے۔ । بادل سرکار نے لوکاں دا ایہہ ہک کھوہ لیا سی ۔ گرُ نانک دیوَ جی، گرُ گوبند سنگھ جی، نے سبھ سکھاں نوں برابری بکھسی ہے اتے برابری دا سنمان لین دا ہک دتا ہے۔ اکالی دل اتے اکالی دل دی سرکار نے “پتت” شبد نوں، گردوارا سہبان اپر اپنی پکڑ پکی کرن لئی وار وار ورتیا ہے۔ پتت دا ارتھ ہے “گریا ہویا”۔ سکھ دھرم وچ کوئی گریا ہویا نہیں ہے۔ اس لئی کجھ سکھ ودوان اس شبد اپر پابندی لاؤن دی منگ کردے ہن۔ سدھارن سکھ، رہنا جاں امرتدھاری سکھ، سہجدھاری سکھ بننا سکھ دی اپنی اچھا اتے حالات اپر نربھر کردا ہے۔ گربانی انوسار کوئی انشان گریا ہویا نہیں ہو سکدا۔ سکھ پنتھ دے وڈے حصے نوں اچھوت بناکے دھرم اشتھانناں تے قبجہ پکا کیتا جا رہا ہے۔ سرکار پتت سبد اپر پابندی لائے ۔اسدی ورتوں نوں جرم قرار دتا جائے۔ سکھ گرودوارہ ایکٹ وچ سودھ کیتی جائے۔
سکھ گرودوارہ ایکٹ 1925 دیاں دھاراواں 90 اتے 91, بورڈ اتے کمیٹیاں لئی چنے اتے نامزد کیتے جان والے میمبراں لئی، کجھ شرطاں دا ذکر کردیاں ہن۔ دھارا 92 ووٹ پاؤن والے سکھ دی یوگتا نردھارت کردی ہے۔ اس انوسار ہر وئکتی جو سکھ ہے، سکھ دھرم وچ وسواس رکھدا ہے، اپنے آپ نوں سکھ لکھدا ہے، اپنا جات گوت سکھ لکھدا ہے، جویں جٹ سکھ، مذہبی سکھ، رامداسیا سکھ، آدی ووٹ پاؤن دا ادھیکار رکھدے سن۔ پر 2003 وچ س پرکاش سنگھ بادل گروپ نے س من موہن سنگھ سرکار تے زور دیکے 8 اکتوبر 2003 نوں، نوٹیپھیکیشن 1190 راہیں، اس دھارا وچ سودھ کروائی کہ شراب پین والا، اتے داھڑی کیش کٹن والا سکھ ووٹر بنن دا ادھیکار نہیں رکھدا۔ استوں بناں اسے دھارا انوسار ووٹر بنن لئی اک فارم نیت کیتا گیا جس راہیں ووٹر بنن والے نے اک طرحاں حلفیہ بیان دینا ہے کہ اوہ ورنت نیماں دا دھارنی اتے سرتاں دا پابند ہے۔ منظور کیتے فارماں نوں اک رجسٹر اپر درج کیتا جاندا ہے۔ رجشٹرڈ سکھ ہی ووٹ پا سکدا ہے۔ بھانوے ایکٹ انوسار رجشٹریشن دا کم پنجاب سرکار دا ہے، پر غیر قنونی اتے گپت روایت انوسار، ایہہ ایدھکار بورڈ دے قبجے وچ دے دتا گیا ہے۔ اس طرحاں سمچے سکھ پنتھ دے 90 پرتیشت سکھاں نوں اپنے پدائشی، قنونی، شنودھانک ہک توں وانجھے کر دتا گیا ہے۔ مجودا ایکٹ انوسار بھی دنیاں دے ہر حصے وچ وسدے سکھ نوں ووٹر بنن دا ہک ہے۔ جے بھارت دی پرلیمینٹ لئی، اسیمبلی لئی، ووٹ ڈاک راہیں پائی جا سکدی ہے، تاں سکھ اپنی دھارمک سنستھا دی چون، ڈاک راہیں کیوں نہی کر سکدے۔ اک سروے انوسار دنیاں بھر وچ، کجھ گنتی دے سکھ ہو سکدے ہن جو تمباکو پیندے ہون گے۔ پر اک سروے انوسار، اکالی دل دھرم استھاناں اپر اپنی پکڑ پکی کرن لئی، سکھ جگت دا ہک مارکے، جو ووٹ رجسٹر تیار کردا ہے، اس وچ تقریباً چوتھا حصہ بھرتی، تمباکو پین والے، غیر سکھاں، غیر پنجابیاں، دی ہندی ہے۔
سکھ دھرم وچ شراب دی مناہیں توں بھاوَ نشیاں دی منانہی ہے۔ بادل سرکار سمیں ہی پنجاب وچ نشیاں دا چٹا دریا بہا دتا گیا۔ سکھ جوانی دا تن چوتھائی حصہ گھوری بنا دتا گیا ہے۔ دس لکھ توں ودھ سکھ جواناں نوں زندہ مار مکایا ہے، جوانی رہت کر دتا گیا ہے۔ نشیاں دے سداگراں نوں اتم سکھ دا درجہ دیکے، سرکار اتے بورڈ تے قابض کر دتا گیا ہے۔ پر وڈی گنتی وچ سکھاں نوں، سراب پین دا دوشی ہون کارن، پتت ہون دا فتویٰ دیکے، گرودوارہ چون وچ، ووٹ دین دے ادھیکار توں بھی وانجھے کر دتا گیا ہے۔
بادل سہب دے حکم نال تختاں دے جتھیدار اتارے جاندے ہن اتے نویں نیوکت کیتے جاندے ہن۔ بادل دی چٹ نال ہی بورڈ دے پردھان تے میمبر نیوکت ہوندے ہن۔ بادل سہب خود ہر روز شراب پین دے دھارنی ہن۔ بادل سہب دا کوئی نزدیکی ودھائک اپنے بچے دے سر تے ہتھ رکھکے کہہ دیوے کہ بادل سہب شراب نہیں پیندے، میں اس ولوں نیت ہر سجا بھگتاں گا۔ جنگاں یدھاں سمیں دسم پتا نے یجارو سنگھاں نوں کیس رکھن دا اپدیش دتا سی۔ پر لک چھپ کے جاں اپنے گھراں وچ دن کٹی کر رہے سکھاں اپر، سختی نال کیش رکھن دے حکم سبندھی، اتہاس وچ کوئی پرمانک ثبوت نہیں ہے۔ کیش اپنے سونک توں علاوہ کسے ہور کارن بھی کٹے جا سکدے ہن۔
|