|
.
انڈیکس پیج تے
جاؤ
31.
سرکاری ڈھانچے
نوں لوکراجی بناؤن دی لوڑ
پنجاب سمیت
بھارت دے بہتے پردیساں وچ لوکراجی روایتاں بالکل
ختم کر دتیاں گئی ہن۔ صوبے وچ بھرشٹاچار ختم کرن
لئی، پہلے مکھ منتری نوں اپنی وزیر منڈلی
بھرشٹاچار رہت کرنی چاہیدی ہے۔ پردیس بھانویں وڈا
ہووے بھانویں چھوٹا، ہر پردیس وچ تقریباً دس
مہکمیں ہی مکھ ہندے ہن۔ جہناں لئی صرف دس منتری ہی
کافی ہن۔
منتریاں دی وڈی
گنتی، سہائک منتری، پارلیمینٹری سیکٹری،
ایڈوائیجر، ائیسڈی سبھ بھرشٹاچار دا لکواں روپ ہن۔
ایہناں کول محکمہ چلاؤن لئی ناں ہی کوئی تجربہ
ہندا ہے تے ناں ہی یوگتا۔ ایہہ محکمیاں دے اچ
افسراں ولوں کیتے جان والے کماں وچ صرف رکاوٹ ہی
بندے ہن۔ امریکہ وچ سبھ جمینواریاں محکمیاں دے
تجربیکار افسراں نوں سونپیاں جاندیاں ہن۔
پنجاب کیبنٹ دے
مکھ منتری سمیت 11 منتری ہونے چاہیدے ہن۔ کوئی
سٹیٹ منسٹر، ڈپٹی منسٹر اتے پارلیمانی سکتر نہیں
ہونا چاہیدا ۔ لوکراجی روایتاں مڑ قایم کرن لئی
ودھان سبھا دا شیسن مہینہ بھر چلیا کرے۔ ہر سیسن
وچ ودھان سبھا دیاں 20 میٹنگاں ضروری ہون۔ سال وچ
چار سیسن ضروری ہون۔ ہر میمبر نوں اپنے کھلے وچار
اتے ہلکے دیاں منگاں رکھن دا کھلا موقع ملے۔
پر بائیکاٹ نوں
غیر حاضری سمجھیا جاوے۔ سپیکر دی آگیا جاں میڈیکل
کارن توں بناں، اک سیسن وچ تنّ میٹگاں وچ غیر حاضر
ہون والا ودھائک، اپنے آپ میمبری توں خارج ہو
جائے۔ کسے بھی سنستھا، جتھیبندی جاں پارٹی نوں
اپنیاں منگاں سبندھی مکھ منتری، منتری جاں افسر دے
دفتر ساہمنے روس مظاہرے کرن دا پورا ہک ہووے، پر
عامَ لوکاں دے رستے بند کرن والی سنستھا، جتھیبندی
جاں پارٹی دی قنونی مانتا ختم ہونی چاہیدی ہے ۔
راجنیتک ووٹ
سیوا دے نام تے منگدے ہن۔ اس لئی اوہناں نوں اپنی
جمینواری سیوا سمجھکے ہی نبھاؤنی چاہیدی ہے۔ مکھ
منتری تے منتری صرف اک روپئے مہینہ تنخواہ لین۔
مکھ منتری کول سدھارن کار اتے جپسی سکؤرٹی وجوں
ہووے۔ جس وچ اک انسپیکٹر تے چار سپاہی ہون۔ منتری
کول 2 سپاہیاں سمیت سپھاری گڈی ہووے۔ کسے ودھائک
کول سرکاری کار جاں گنمین ناں ہووے۔ پر اوہ اپنی
سکیورٹی لئی سرکاری اصلا لے سکے ۔
ویہلیاں ہوئیاں
قیمتی کاراں ٹورسٹ وبھاگ نوں دے دتیاں جان۔ جو اگے
وڈے ہوٹلاں نال کنٹریکٹ کرکے، ودیسی کرنسی کماؤن
دا سادھن بنن۔
ایہہ سسٹم سرکاری خرچے گھٹائے گا۔
چون خرچے گھٹائے گا۔ بھرشٹا چار گھٹے گا۔
کوئی سماں سی
جد لوکاں کول انپڑھ ہون کرکے جانکاری دی گھاٹ سی۔
پر اج کلھ لوک کافی چیتن ہو گئے ہن۔ اپنے حقاں لئی
جاگروک ہن۔ اپنے کماں لئی سدھے اچ افسراں تکّ،
سدھی پہنچ کرنا چاہندے ہن۔ پر سیکٹری ایٹ دی
سکؤرٹی، تے شام دا ٹائم، اوہناں لئی مصیبت ہے۔ جد
دو وجے توں بعد اوہناں نوں سیکٹری ایٹ وچ داخلہ
ملدا ہے۔ اس سمیں تکّ بہتے افسر جا چکے ہندے ہن۔
مکھ منتری تے
منتریاں دے دفتر اوہناں دیاں رہائشی کوٹھیاں وچ ہی
ہون۔ سکتریت وچ کسے وی منتری دا دفتر ن ہووے، اس
لئی اتھے سخت سرکھیا پربندھاں دی لوڑ نہیں رہیگی۔
دور دراڈے کھلرے دفتراں نوں سیکٹری ایٹ وچ اکٹھا
کیتا جاوے۔ سکتریت ہر ویکتی لئی ہر سمیں کھلھا
ہووے۔ کیونکے سارے دفتر سیکٹری ایٹ وچ ہی اکٹھے
ہون گے، کوئی وی ویکتی کسے وی سمیں، بناں پاس
بنائے اپنے کم دھندے لئی، سبندھت افسر تکّ پہنچ
کرکے، واپس اپنے گھر جا سکدا ہے۔
مکھ منتری اتے
منتریاں دا دفتر کیونکے اوہناں دیاں کوٹھیاں وچ ہی
ہووےگا۔ اس طرحاں مکھ منتری تے منتری ہر سمیں
لوکاں لئی حاضر ملنگے۔ اس طرحاں پنجاب دے سارے
ادارے سیکٹریئیٹ وچ اک تھاں اکتر ہو جانگے اتے کم
کاج وچ تیزی آویگی۔ اس دا عامَ اتے غریب ورگ نوں
خاص فائدہ ہووےگا، جس کول اپنا آواجائی دا سادھن
نہیں ہے۔
لوکاں نوں ترنت
انصاف دین دی اچھا انوسار، کورٹاں وچ لٹیگیسن گھٹّ
کرن دی وڈی لوڑ ہے۔ کورٹاں وچ بے لوڑی لٹیگیسن ہون
کرکے لوڑیدا انصاف وی ورھیاں بدھی لٹک جاندا ہے۔
انصاف نوں یقینی بناؤن اتے اسدی ترنت پراپتی لئی،
اس دی غلط درورتوں نوں روکن لئی، کجھ ضروری
تبدیلیاں کرنیاں ضروری ہن۔ پراسیکیوشن مہکمیں وچ
بھی کجھ تبدیلیاں کرن دی لوڑ ہے۔ سروس رولج وچ اس
طرحاں دا ودھان کیتا جائے کہ ہر آدمیں نوں
ایڈمنشٹریشن توں ترت انصاف مل سکے۔ انصاف لین لئی
کسے اچ ہستی دی ادھینگی ن کرنی پئے۔ انصاف کھریدنا
ن پئے۔ انصاف لین لئی کورٹاں تکّ پہنچ نہ کرنی
پئے۔
مجودا سمیں وچ
پبلک رلیشن دا کم بالکل ہی نراشا جنک ہے۔ پچھلے
سال دی ڈائری وچ بدلیاں سبندھی کجھ تبدیلیاں کرکے،
کجھکُ ڈائریاں چھاپکے، وڈے خرچے دکھاؤن توں بناں
ہور کوئی کم اس مہکمیں کول محسوس نہیں ہندا۔ سرکار
اس مہکمیں نوں سچ مچ لوکاں نال جوڑے۔ جنتا وچ پسر
رہے بھرشٹاچار تے ہور برائییاں اپر ایہہ محکمہ
چوکسی دا کم کرے۔ ٹھیک رپورٹ سرکار نوں دیوے۔ اس
طرحاں پولیس، وجیلینس آدی ادارے بھی غلط
کارروائیاں کرن توں چوکس رہن گے۔ سرکار کول دوہری
گپت رپورٹ پہنچے گی۔ پنجابی پترکاری دا گھیرا بہت
چھوٹا ہون کرکے اسنوں سروائیو کرنا مشکل جاپ رہا
ہے۔ پنجابی پریس نوں وشیس سہولتاں دیکے انگریزی
ہندی پریس برابر اپجاؤ اتے معیاری ہون دا موقع دتا
جائے۔
اسمبلی چون
لڑنی پنچائت میمبر دی چون لڑن نالوں سستی ہوئے۔
ایہہ گلّ بھانویں اک مذاق جیہا ہی لگدی ہے۔ پر
اسمبھو نہیں ہے۔ بھارت دے سنودھان دی دھارا اک
ادھین، بھارت اک ینیٹری کنٹری نہیں، بلکہ یونین آف
سٹیٹس ہے۔ بھاوَ جو کم سٹیٹ لسٹ وچ ہن۔ اس وارے
ودھان سبھا جو چاہے ترمیم کر سکدی۔ جو چاہے قنون
بنا سکدی ہے۔ پنجاب ودھان سبھا راہی، قنون وچ
کجھکُ تبدیلیاں راہیں، قابل تے ایماندار شخصیتاں
نوں پنجاب ودھان سبھا وچ لیاندا جا سکدا ہے۔ جو
لوک بھرشٹاچار راہی پیسہ کماؤن دی لوڑ انوسار
چوناں لڑدے ہن۔ اوہ آپ ہی چوناں توں کنارہ کر لین
گے۔ اتھاہ پیسہ خرچ نہیں کرنگے۔ چون بہت سستی ہو
جائے گی۔ صرف کجھکُ قنون بناؤن دی لوڑ ہے۔
پہلا: اسمبلی
میمبر تنخواہ نہیں لویگا۔ منافعے والا رتبہ نہیں
لویگا۔ پر اپنے ہلکے وچ، لوک سیوا لئی اسنوں
کمیونیکیشن (گڈی تے تیل) سرکار ولوں دتا جائے۔ لوک
سیوا کرن والا ایماندار آدمی، اپنے گزارے لئی
پیننشن دا حقدار ہے۔
دوجا: ہر میمبر
دے ہلکے دے لوک، دو تہائی بہو سمتی نال، کسے
اسمبلی میمبر نوں واپس بلا سکدے ہن۔ واپس بلاؤن دا
متّ، کمیونٹی سینٹر وچ رکھی مشین راہیں دتا جا
سکدا ہے۔ واپس بلایا گیا میبر اشیمبلی چوں سدا لئی
خارج کر دتا جائے۔ اشیمبلی جان، ووٹ دین، جاں کوئی
بھی سہولت لین دا حقدار ن رہے۔ واپس بلایا میمبر
پیننشن لین دا حقدار ن ہووے۔ دوبارا چون کرواؤن دا
پھیشلا چون کمیشن نے کرنا ہے۔ چون کمیشن سٹیٹ دی
منگ تے ضمنی چون کروا سکدا ہے۔
تیسرا: مکھ
منتری تے منشٹر تنخواہ ن لین پر دفتر، رہائس،
سٹاف، کار آدی سبھ سہولتاں چالو رہن۔ مکھ منتری،
منتریاں، ودھائکاں، تے پہلا درجہ افسراں نوں اپنے
ادھیکار کھیتر وچ چوکسی لئی جمینوار تے جواب دہ
بنایا جائے۔ ایہناں دے خلاف سنوائی لئی لوکپال
بورڈ قایم کیتا جائے۔ جس کول سدھی سکائت سنن تے
سجا دین دا ادھیکار ہووے۔ بورڈ دا صرف اک میمبر ہی
سٹیٹ ولوں چنیا جائے۔ باقی چار میمبر، پریزیڈینٹ،
پارلیمینٹ، سپریم کورٹ تے ہائی کورٹ نیوکت کرے۔
ایہہ چارے میمبر رٹائرڈ جسٹس ہون۔ اس طرحاں کوئی
دھنکبیر جاں کرپٹ راجنیتک چون نہیں لڑنا چاہے گا۔
صرف ایماندار لوکسیوک آدمی ہی اگے آؤن گے۔
بھرشٹاچار گھٹے گا۔
پچھلیاں
سرکاراں نے پولیس، کرائیم برانچ، تے وجیلینس دی
ورتوں اپنیاں لوڑاں انوسار کیتی ہے۔ سرکار ادھین
عامَ سدھارن کیساں دی پڑتال ستھانک پولیس کرے۔
بیوروکریٹاں، راجنیتکاں، کمپنیاں، بورڑاں،
کارپوریشناں، آدی سبندھی کیشاں دی پڑتال کرائیم
برانچ کرے۔ وجیلینس سرکار دے سبھ محکمیاں اپر
چوکسی وجوں کم کرے۔ جو کسے بھی محکمے دے کسے بھی
وڈے چھوٹے افسر ولوں، کوئی بھی غلط غیرقانونی
کاروائی کرن تے، اس اپر پراسیکیوشن کرن لئی
جمینوار ہووے۔ کسے بھی کیس دی سینکشن لین دی لوڑ ن
ہووے۔ وجیلینس سدھی لوکپال بورڈ دے ادھین ہووے۔
جے کوئی افسر
کسے اپر غلط کیس بناؤدا ہے، جاں کسے اصل دوسی نوں،
ملیبھگت نال، دوش مکت کر دندا ہے، تاں چوکسی وبھاگ
اپنے آپ اجیہے کیساں دی پڑتال کرن دا ادھیکاری
ہووے۔ ایہہ اپنی انویشٹیگیشن وچ اس ادھیکاری نوں
بھی شامل کرے، جسنے دوسی دی غلط مدت کیتی ہے۔
وجیلینس دے افسر سٹیٹ توں باہرلے بھی ہو سکدے ہن۔
وجیلینش دے غلط کم لئی منتری منڈل جمینوار ہووے۔
کورٹاں نوں کمپلینٹ کیس سنن دا ادھیکار ہے۔ پر
سرکار ہر کمپلیٹ کیس وچ اپنی انویشٹیگیشن رپورٹ
سبمٹ کرے ۔ کورٹ نوں صحیح تے نرپکھّ فتویٰ دین لئی
صحیح ثبوت مجود ہون۔
پنجاب پولیس
کسے بھی دوشی اپر، اپنے جرم دا اقبال کرواؤن لئی،
کسے قسم دا تشدت ن کرے۔ پر پولیس نوں ہر دوشی دا
دماغی سرویکھن کرواؤن دا ادھیکار ہووے۔ صرف پیڑا
رہت الیکٹرونک اپکرناں نوں ہی ورتن دی منظوری
ہووے۔ اس لئی ناں ہی دوسی دی رضامندی ضروری ہووے،
اتے ناں ہی کورٹ توں منظوری لین دی لوڑ ہووے۔
اپکرن رپورٹ نوں ہی انویشٹیگیشن دا مکھ ادھار
منیاں جائے۔ دماغی سرویکھن نال دوشی دے پہلے گنانہ
بھی مڑ اجاگر ہو جانگے۔ اس ڈر کارن کوئی بھی اپنے
پہلے گنانہ چھپاؤن دی کھاتر، نواں گنانہ نہیں
کریگا۔ چوری، دھوکھے، قتل آدی دیاں گھٹناواں الوپ
ہو جان گیاں۔ جد تکّ دوسی دا گناہ ثابت نہیں ہو
جاندا، اوہ دوشی نہیں ہے۔
ہن جرم اس لئی
زیادہ ہے کہ کرمینل آدمی اکشر کسے ناں کسے سیاسی
لیڈر نال رابطہ بنا کے رکھدے ہن۔ اسے کارن ہی گینگ
پیدا ہندے ہن۔ کوئی سدھارن آدمی کسے راجنیتک جاں
اسدے وروسائے گینگمین ورودھ گواہی نہیں دندا۔ جے
کوئی گواہی دندا ہے تاں اوہ بدلے دی بھاوناں تحت
ہی دتی جاندی ہے۔ جو سچائی توں دور ہندی ہے، اتے
نوینیاں دسمنیاں پیدا ہندیاں ہن۔
اس طرحاں
الیکٹرونک اپکرناں دے ڈر کارن کوئی بھی خونخار
ادمی، جرم کرن توں پرہیج کریگا۔ کیونکے ایہہ اپکرن
کوئی پرانا جرم بھی ریکارڈ تے لیا سکدے ہن۔ جس نوں
پولیس جے چھپانا بھی چاہے، تاں بھی چھپا نہیں سکے
گی۔ پولیس واقعیات دا ٹھیک ٹھیک ورنن کرے گی۔
جھوٹھیاں سٹوریاں نہیں بنائے گی۔ ہن دی پولیس
موڈس-اپرینڈی انوسار تاں، پھڑیا دوشی کتوں ہور
جاندا ہے، دکھایا کتوں ہور جاندا ہے۔ جھوٹھی سٹوری
تے سچی گواہی کویں دتی جا سکے گی۔
پنجاب کجھ ہی
سماں پہلے سنتاں مہانپرساں دی دھرتی کیہا جاندا
سی۔ لوک سبھ دھرماں دا برابر ستکار کردے سن۔ آپسی
نفرت نہیں سی۔ فرقو انوبھوَ نہیں سی۔ سرکاری ظلم
تے سرکاری لٹ نہیں سی۔ اج پنجاب دی ایہہ سبھیتا
بدلکے سچ مچ اس سبھیتا وچ بدل گئی ہے، جو دنیاں وچ
بدنام ہے۔ اس تبدیلی لئی بیئمان بھرشٹاچاری
راجنیتک جمینوار ہن۔ بھرشٹاچار نوں شاہی دھرم بنا
دتا گیا ہے۔ اس بھرشٹاچار ورودھ کسے آواز اٹھن نوں
روکن لئی سداچار دی دہائی دتی جاندی ہے۔ ہر قسم دا
ظلم کیتا جاندا ہے۔
جے پنجاب دا
حکمران راجنیتک، اپنی لٹکھوہ تے اہنکار دی نیتی
تیاگکے، سچمچ سیوا دا من بنا لوے، تاں یقیناً
پنجاب دی پہلی سبھیتا واپس لیاندی جا سکدی ہے۔
پنجابی ویرو یقین کرو، بھلے دن مڑکے آنون گے۔
بھرشٹاچار، لٹیراشاہی، شاہی ماپھیئے، جاونگے۔
اجیہی اوستھا نوں ہی لوکراج، رامراج، جاں رنجیت
راج، کیہا جا سکدا ہے۔
. |