01 پرلز کمپنی دی زمین تے سکھبیر بادل دی سدبھاونا ریلی

6 کروڑ لوکاں نال 45 ہزار کروڑ دی ٹھگی مارن والی پرلز

           شری گرُ گرنتھ صاحب اتے گربانی دی نت دن ہمدِ بے ادبی ورودھ سکھ قوم دے جاگے روہ اتے روس کارن چل رہے سنگھرش دا جواب دین لئی دسٹ طاقتاں نوں نکیل پاؤن دی تھاں بادلکے سربتّ خالصے ‘تے ہوئے اتھاہ اکٹھ دا توڑ لبھن لئی سرکاری طاقت دے سہارے سدبھاونا ریلیاں کرن دے راہ پے گئے ہن ۔

            23 نومبر نوں بٹھنڈے وچ پہلی سدبھاونا ریلی کیتی جا رہی ہے پرنتو جویں گربانی دا کتھن ہے کہ ‘اڈدے نوں ایڈدا، جیوندے نوں جیوندا اتے مرے نوں مریا ملدا ہے’ اسے طرحاں پنجابی دی کہاوت ہے کہ ‘لنڈے نوں مینا سو کوہ دا ولّ پا کے ملدے ہن’ । بادلکے بٹھنڈے وچ جس تھاں تے اپنی سدبھاونا ریلی کر رہے ہن اس تھاں دی مالک پرلز کمپنی ہے جسنے 6 کروڑ لوکاں نال 45 ہزار کروڑ دی ٹھگی ماری ہوئی ہے اتے جس دا مالک نرمل سنگھ بھنگو اسے ٹھگی کارن جیل دیاں سلاکھاں پچھے رہا ہے اتے سپریم کورٹ نے اس دھوکھیباج کمپنی دی تھاں ویچ کے، اس کمپنی دی ٹھگی دا شکار ہوئے 6 کروڑ لوکاں دے پیسے موڑن دے حکم سنائے ہوئے ہن ۔

          اک پاسے بادلکیاں ‘تے پنجاب نوں لٹن تے کٹن دے دوش لگّ رہے ہن اتے ایہناں دوشاں کارن ہی بادلاں ورودھ پنجابیاں دا غصہ ستویں اسمان تے ہے اتے دوجے پاسے ناراض ہوئے سکھاں نوں اپنی ہوند دا احساس کرواؤن لئی بادلکیاں نے اپنی گوڑی یاری 6 کروڑ لوکاں نوں لٹن والیا نال پکی رہن دا ثبوت دے ماریا ہے ۔

            ایہہ ٹھیک ہے کہ وشو کپ کبڈی دے پہلے چار کپ اسے کمپنی نے کروڑاں روپئے خرچ کے کروائے اتے بھنگو نے سکھبیر نال اپنی گوڑی یاری نوں رجّ کے ورتیا پرنتو ہن جدوں پرلز گروپ دی 6 کروڑ لوکاں نال ٹھگی عدالت وی پروان کر چکی ہے تاں پھر وی پرلز گروپ دی زمین اپنی پہلی سدبھاونا ریلی لئی ورتن دا فیصلہ کرکے سکھبیر نے ایہہ سنیہا دین دا یتن کیتا ہے کہ ‘پھتو دے یار تاں بھیڑے ہی ہونگے’ اتے اوہ ہکّ دے زور نال اپنے بھیڑے یار ورتگی وی تسی کر لوو جو کرنا ہے ۔

            سانوں کسے نال کوئی نجی رنجش نہی ۔ اسیں تاں پنجاب دے سیانے، سوجھ وان تے پنجاب دا درد رکھن والے لوکاں نوں ایہہ وکھاؤن دا یتن کر رہے ہاں کہ بادلاں دی اصل سوچ کی ہے اتے کتھے کھڑی ہے ۔ اوہناں تے 6 کروڑ لوکاں نال وجی 45 ہزار کروڑ دی ٹھگی دا کوئی پربھاو ہی نہی ۔ کدے بدنام لوکاں توں سیاسی آگوُ سو کوہ دی دوری بنا کے رکھدے سی تاں کہ گند دے چھٹے اوہناں تکّ نہ پجّ جان پرنتو اج بادلکے انے وڈے ٹھگا نال اپنی یاری دا کھل کے شریام مظاہرہ کر رہے ہن جس توں صاف ہے کہ بھرشٹاچار اوہناں لئی نہ تاں شرم دی گلّ ہے اتے نہ ہی کوئی مدعا ہے ۔

            بھرشٹ ڈھنگ طریقیاں نال خریدی 6 کروڑ لوکاں دیاں آہاں والی دھرتی توں سچ دی آواز تاں بلند نہی ہو سکدی ۔ اتھوں تاں لٹّ کھسٹّ، بے ایمانی، ٹھگی-ٹھوری تے سودیبازی دی آواز ہی اٹھیگی ۔ اس لئی اسیں پنجاب دے لوکاں نوں اگاؤ چیتن کرنا چاہندے ہاں کہ بادلکیاں ولوں 23 نومبر دی سدبھاونا ریلی کسے قیمت تے وی سدبھاونا دا سنیہا نہی دے سکیگی اتے اس ریلی وچ شامل ہون والے اس گلّ دا احساس ضرور کرن کہ اوہ ٹھگا دی ٹھگی دے کسے نہ کسے روپ وچ بھائیوال بنن جا رہے ہن۔

       کیونکہ پرلز کمپنی نے ایہہ زمین مفت وچ ورتنن لئی بادلکیاں نوں دتی ہے اتے اوہ اس سیوا دا کوئی لاہا وی ضرور لینگے ۔ اوہ کہڑا لاہا لینگے اوہ اک نمبری تاں ہو ہی نہی سکدا اس لئی دو نمبری لاہے وچ اس ریلی ‘چ پجن والیا دا یوگدان وی رہے گا ۔ ساڈا کم تاں ہوکا دینا ہے جاگنا نہ جاگنا تہاڈی مرضی ۔

 

 

 

 

 

 

 

 

 

 

 

 

 

 

 

 

.