08 ڈرگز سمگلر مجیٹھیا ہے میں نہیں بھولا

Jan 06, 6:59 PM |

'دوآبے دے اک منتری وی ہے اس معاملے 'چ شامل'

موہالی (پردیپ ہیپی)-ارجن ایوارڈی پہلوان توں پولیس ادھیکاری اتے پھر ڈرگّ سمگلنگ دے دوش وچ پولیس ولوں پھڑے گئے جگدیش سنگھ بھولا اتے اس دے ساتھی بٹو اؤلکھ، جگجیت سنگھ چاہل اتے انوپ سنگھ کاہلوں نوں سوموار نوں اوہناں دا جڈیشیئل رمانڈ ختم ہون توں بعد موہالی دی عدالت وچ پیش کیتا گیا، جتھوں اوہناں نوں 20 جنوری تکّ نیائک حراست وچ بھیج دتا گیا۔ موہالی 'چ پیشی بھگتن آئے جگدیش سنگھ بھولا نے پترکاراں نال گل بات کردے ہوئے سپشٹ شبداں وچ کیہا کہ لوک سمپرک منتری بکرم سنگھ مجیٹھیا ڈرگز سمگلر ہے، نہ کہ اوہ۔ بھولا نے کیہا کہ اوہناں نوں اس معاملے وچ جان بجھّ کے پھسایا جا رہا ہے۔ اس معاملے وچ بکرم سنگھ مجیٹھیا اتے دوآبے دا اک منتری وی پوری طرحاں شامل ہے اتے اس منتری دا ناں اوہ آؤن والے کجھ دناں وچ دسیگا۔ جگدیش بھولا نے سپشٹ کیتا کہ اوہناں نوں 40 توں وی زیادہ دناں تکّ پولیس رمانڈ 'تے رکھیا گیا سی، جس کارن کورٹ وچ پیشی دوران وی اوہناں نوں کسے نال کوئی گل بات نہیں کرن دتی جاندی سی۔ بھولا نے کیہا کہ جیل ادھیکاریاں نوں وار-وار مجیٹھیا دے فون آؤندے ہن، جدوں وی مجیٹھیا کہہ دندے ہن کہ اس کم نوں روک دتا جاوے تاں سارا جیل پرشاسن اتے پولیس اپنے کم نوں بند کر دندا سی اتے عدالت وچ پیشی دوران پولیس اوہناں دا رمانڈ وی نہیں منگدی سی۔

جگدیش سنگھ بھولا نے کیہا کہ جدوں پنجاب وچ 22 ہور وی ایسّ. ایسّ. پی. موجود ہن، تاں اوہناں دے معاملے وچ ایسّ. ایسّ. پی. ہردیال سنگھ مان نوں ہی کیوں چنیا گیا۔ بھولا نے کیہا کہ ہن ایسّ. ایچّ. او. دوندر اتری نے اوہناں نوں دھمکی دتی ہے کہ پہلاں تاں تہاڈے اپر صرف سوڈو (نشیلا پدارتھ) ہی پایا گیا ہے، جیکر تسیں زیادہ گڑبڑ کیتی تاں ہیروئن وی پا دتی جاوے گی۔ بھولا نے کیہا کہ اوہناں دے گھر جاں پنڈ جھانمپر وکھے ستھت شیلر توں کسے طرحاں دا کوئی نشیلا پدارتھ برآمد نہیں ہویا، سگوں اوہناں دے شیلر وچوں 1 کروڑ روپئے دے چاول چوری کر لئے گئے۔ اس نوں پولیس بناں وجا پریشان کر رہی ہے۔ بھولا نے کیہا کہ جیکر اس کولوں 10 گرام سمیک جاں ہور نشیلا پدارتھ برآمد ہندا ہے تاں اس نوں بناں کیس چلا ئے پھانسی دے دتی جاوے۔