|
.
10
فخر اے قوم دے
کجھکُ کارنامے
جویں کہ میں
پہلے بھی لکھ چکیا ہاں کہ میرے سہرا پروار دی بادل
خاندان نال ڈبوالی ٹرانسپورٹ کمپنی وچ بھائیوالی
سی۔ میریاں بادل خاندان نال تنّ کو رشتے داریاں
بھی سن۔ جس کر کے مینوں بادل صاحب نوں اس سمیں توں
نزدیک توں دیکھن سنن دا موقع ملدا رہا ہے جدوں اجے
اوہناں راجنیتی وچ پرویش ہی نہیں سی کیتا۔ اوہ صرف
ٹرانسپورٹ کمپنی دا پربندھ ہی دیکھدے سن۔ مینوں اس
سمیں کجھ حیرانی ہندی ہے جد بادل صاحب دے بہت
نزدیک سمجھے جان والے سجن بھی جاں تاں اوہناں وارے
کوئی مڈھلی جانکاری رکھدے ہی نہیں۔ جاں غلط
جانکاری نوں صحیح منّ کے بحث کرن لئی بضد ہندے ہن۔
بادل صاحب نوں اوہناں دے دہاڑیداراں نے فخر قوم دا
خطاب دتا ہے۔ جنہاں نوں سنمان دین لئی پنجابی دے
شبد دی بھی جانکاری نہیں ہے۔ ہن سوال صرف ایہہ ہے
کہ کی بادل صاحب اس سنمان دے ادھیکاری ہن۔ اس وارے
سانوں اوہناں دا پچھوکڑ تے اوہناں دے کم بھاوَ
کارنامے وچارن دی لوڑ ہے۔
ایہہ تاں ہر
آدمی جو جراکُ بھی راجنیتی وچ دلچشپی رکھدا ہے،
اوہ جاندا ہے کہ بادل سہب دی راجنیتی وچ دو گلاں
دی پردھانتا ہے۔ پیسے نال ووٹر تے ودھائکاں دی
خرید، اتے ورودھی پارٹی جاں امیدوار نال شاجس
کرکے، اپنی پارٹی دے قابل راجنیتکاں نوں ہراؤنا۔
تاں کہ اوہناں دا اپنا رشتا صاف رہے۔ گرمیت سنگھ
ورگے قابل تے ایماندار اکالی امیدوار نوں مکتسر
ہلکے توں ہراؤن لئی، مکتسر توں کانگرس دے امیدوار
ہرچرن سنگھ براڑ نال شاجس ادھین، مکتسر دی اپنی
اکالی ووٹ براڑ نوں پوائی، اتے اسدے بدلے لمی ہلکے
دی کانگرسی ووٹ بادل سہب نوں پئی۔ ایہہ اپنی ضمیر
دا گھات سی اتے اپنی پارٹی نال وشواس گھات بھی ہے۔
جدوں 1957 وچ
اوہناں پہلی لمی ہلکے توں ودھان سبھا دی چون لڑی
سی، اس سمیں پولنگ سٹیشن کافی در دور سن۔ اوہناں
کئی پنڈاں دے غریب جاتی دے ووٹراں نوں اپنے
حمایتیاں دے واڑیاں وچ ایہہ قہقے اکٹھا کیتا سی کہ
اوہناں نوں اکٹھیاں ٹرالیاں اپر پولنگ تے لیکے
جایا جاوے گا اتے ہر اک نوں اک سو رپئیا بھی دتا
جائے گا۔ پر بعد وچ دسیا گیا کہ پولنگ دا سماں
سماپت ہو چکا ہے۔تسیں اپنے پیسے لیکے اپنے گھر چلے
جاؤ۔ ایہہ لوکراج دا گھات سی۔
بادل سہب جدوں
وی پنجاب دے مکھ منتری بنے، ایہناں پنجاب دے خزانے
دا، پنجاب دی جوانی دا، پنجاب دی کسانی دا،
لوکراجی روایتاں دا، پنجاب دی سکھی دا، رجکے گھات
کیتا ہے۔ جے کوئی بھرشٹاچار دا اپاشک اس وچار نوں
غلط کہے۔ اس لئی اسدا سنکھیپ وچار ضروری ہو جاندا
ہے۔
بادل سہب 1970
وچ جسٹش گرنام سنگھ نوں، کانگرس دی مدت نال مکھ
منتری پد توں ہٹاک، 20 جون 1970 نوں مکھ منتری
بنے۔ اوہناں دا پہلا وڈا کارناماں ایہہ ہے کہ
اوہناں مکھمنتری بنن دے مہینہ کو بعد ہی 27 جولائی
1970 دی رات نوں، غدر پارٹی دے مکھی بابا بوجھا
سنگھ نوں پھلور نزدیک، اک جھوٹھے پولیس مکابلے وچ
مروا دتا۔ کجھ دن بعد 30 ہور غدر پارٹی دے میمبر،
پولیس مکبلیاں وچ مارے گئے۔ کیوں کیتا بادل سہب نے
ایہہ گھور پاپ۔
اس سمیں توں
کجھ چر پہلاں بنگال دے اک پنڈ، جسدا نام نکشلواڑی
سی، دے مظاریاں نے زمین مالکاں ورودھ سنگھرش سرو
کیتا سی۔ ایہہ نرول کسانی لیہر سی۔ پر کشان دشمن
کانگرس نے اپنی ڈش-انفرمیشن راہیں اسنوں نکشلواڑی
اتوادی لیہر قہقے بدنام کیتا۔ پورب وچ لیہر زور
پھڑ رہی سی۔ اندرا گاندھی گھبرائی ہوئی سی۔ بادل
سہب کیونکے اندرا دی اندرونی سانجھ نال مکھ منتری
بنے سن۔ اس لئی اندرا دی خوشی پراپت کرن لئی بادل
سہب نے جھوٹھے پولیس مقابلیاں دی پرت پائی۔ اسدے
واوجود وی 14 جون 1971 نوں اشیبلی بھنگ کر دتی۔
ایہہ ہے انشانیئت دا گھات۔ ایہہ ہے بادل سہب دی
ضمیر۔
بادل سہب دوجی
وار مکھمنتری 30 اپریل 1977 نوں بنے۔ ایہہ دراصل
اکالی دل دی جت نہیں سی، بلکہ ہند بھر دی جنتا دا
اندرا گاندھی ولو ایمرجنشی لگاؤن دی ورودھتا سی۔
12 جون 1975 نوں اﷲ آباد ہائیکورٹ دے ججّ جگموہن
لال نے، اندرا گاندھی دی چون کرپٹ پریککٹش دے
ادھار تے ردّ کر دتی، اتے اس اپر 6 سال لئی چون
لڑن تے پابندی لا دتی۔ پر اندرا گاندھی نے استعفٰی
دین توں انکار کر دتا۔ سارے دیش وچ اس ورودھ طوفان
کھڑا ہو گیا۔ 25 جون نوں اس راشٹرپتی پھکھرودین
علی احمد توں ایمرجینشی دا اعلان کروا دتا۔ جو دو
سال رہی۔
سارے بھارت وچ
اسدا اتنا پربھاو پیا کہ جد جد مارچ 1977 وچ پھر
چون ہوئی تاں کانگرس نوں مکمل ہار ہوئی۔ اندرا آپ
بھی راجنرائن توں ہار گئی۔ پنجاب وچ بھی اکالی
جنسنگھ دی جت ہوئی۔ 30 اپریل 1977 نوں بادل سہب
مکھمنتری بنے۔ بادل سہب نے اس سمیں، سرکار نوں
انھاں پیسہ اکٹھا کرن لئی ورتیا۔ اسے لئی اس سمیں
دی سرکار نوں سریندر کور دی ٹکشال کیہا جاندا ہے۔
پیسہ اکٹھا کرن لئی اجیہے گھناینے ڈھنگ ورتے گئے،
جہناں دا ذکر اتھے سنبھوَ نہی۔ بھرشٹاچار نوں راج
دھرم بنا دتا گیا۔
اس سمیں سکھبیر
جی تاں ودیا پراپت کر رہے سن۔ پر بادل سہب دی
دھرمپتنی نے بادل سہب نوں راج پربندھ وچ بہت سہیوگ
دتا۔ اوہناں پربندھ بادل پنڈ توں ہی چلایا۔ ہر روز
ہتھ وچ نوٹاں نال بھرے، تھیلے، سوٹکیش، جھولے،
پھڑی لمیاں قطاراں دسن لگیاں۔ چھوٹے توں وڈے
ملازم، چھوٹے توں وڈے کارکھنے دار، نوکری لین
والے۔ بدلی کرون والے، نشے ویچن والے، قبجے کرن
والے، لمیاں لائیناں وچ کھڑے دسدے سن۔
میں بادل سہب
دے نال لگدے مکان وچ اپنے رشتے دار مہیندر سنگھ
سرپنچ دے گھر ٹھہریا ہویا سی۔ سباھ ذرا گھمن لئی
نکلے تاں دیکھیا لمی قطار لگی ہوئی سی۔ قطار وچ
کھڑے اک وئکتی نے میننوں پچھان لیا۔ ایہہ ملکیت
سنگھ کوٹلی سی، جو نانکیاں ولوں میرا رشتے دار سی۔
اوہ کوآپریٹو محکمے وچ سی۔ اے آر مکتسر کجھ پارٹی
فنڈ دینا چاہندا سی۔ (بھانویں کوئی الیکشن نزدیک
نہیں سی) اس، ملکیت سنگھ نوں، اکالی ورکر ہون کرکے
نال لے لیا سی، سفارش وجوں۔ اس مینوں کیہا کہ تسی
بھی نال چلو۔ میں رشتے داری دے لحاظ نال جانا
پروان کر لیا۔
بیبی جی اک وڈے
منجے تے بیٹھے شن۔ اک آدمی کاپی لیکے پیسے دین
والے دا نام پتہ لکھ رہا سی۔ جد اے آر سہب دی واری
آئی تاں اس اگے ودھکے بڑے مان نال کیہا “بیبی جی
میں اے آر مکتشر ہاں۔ اک لکھ ہے” اوہ سوچدا سی
بیبی جی چاہ پیاؤن گے۔ مان کرن گے۔ میرے لئی
میہربان ہو جان گے۔ پر بیبی جی نے ناں جھولا پھڑیا
ناں اس ولّ دیکھیا۔ اک ہور نے جھولا پھڑکے منجے
اپر سٹ دتا۔ اٹھ ستّ ہور بھی پئے سی۔ چکر والا
آیا۔ سارے جھولے چکے۔ بار وچوں ہی اس چلا مارے۔
کھڑکا دسدا سی کہ کمرے وچ وڈا ڈھیر لگا ہویا ہے۔
میں اے آر سہب نوں چلن لئی اشارہ کیتا۔ اس کیہا
خالی بیگ تاں لے لئیے۔ پر کسے ناں ہی اسدی گلّ
سنی۔ ناں ہی بیگ موڑیا۔
میں باہر آ
گیا۔ میرے پچھے اے آر سہب بھی آ گئے۔ میں کیہا
تسیں کاہنوں پنگا لینا سی۔ اوہ کہندا کیوں؟ مے
کیہا اتھے تاں وڈے کماں والے تے کرپٹ افسر آؤندے
ہن، موٹیاں رقماں لیکے۔ تسیں دتا اک لکھ تے نام
لکھا لیا کرپٹاں وچ۔ اوہ کمبن لگا تے پچھیا کہ ہن
کی ہووے گا۔ میں کیہا کہ ابل تاں ڈشمش کر دتے جاؤں
گے، نہیں تاں بدل دتے جاؤں گے۔ تسی ایڈی وڈی ہشتی
نوں صرف اک لکھ دے کے بیئجتی کیتی ہے۔ دو کو ہفتے
بعد اے آر سہب نوں بدلکے ہشیار پور دے کسے کھونجے
وچ شٹ دتا گیا۔ کیونکے اسنے مہان ہشتی دی بے اجتی
کرکے گھور پاپ کیتا سی۔ مہینے کو مگروں میری
بٹھنڈے والی رہائش تے ملوکے دے اک ماپھیئے دا قبجہ
کروا دتا۔ کیونکے میں بھی گھور پاپ کرن وچ
بھائیوال سمجھیا گیا سی۔ ملکیت سنگھ بچ گیا کیونکے
اوہ ساہمنے ہی نہیں سی ہویا۔
خیر ایہہ تاں
ممولی گلّ ہے۔ بادل سرکار دیاں تاں سیواواں بہت
مہان ہن۔ سپاہی توں صرف تے صرف 25 ہزار لیا گیا۔
دیکھو کتنی میہربان سی بادل سرکار۔ ایہہ بھی خبر
سی کہ اک ضلع کپتان توں صرف اک لکھ روزانہ ہی
پروان کر لیا جاندا سی۔ بادل سرکار دی اسے ٹرم وچ
ہی پنجاب وچ راجستان توں بھورا دریا چھلاں ماردا
آیا۔ جسنے مالوے نوں خوب نہالو نہال کر دتا۔ یار
کنیاں کو گندے رہاں گے۔ اتھے تاں ہزاراں سیوانواں
ہن۔
اتھوں تکّ کے
ایہناں سیواواں دا مل انکن کرن لئی بیجیپی دی
بھائیوالی والی جنتا سرکار نوں چھنگانی کمیشن
بناؤنا پیا۔ ایہہ کمیشن کئی سالاں وچ، پنجاب دا
کروڑاں روپیہ کھرچکے بھی، بادل سہب تے اوہناں دے 6
منتریاں دیاں، کرپشن، وڈھیکھوری، پکھپات وغیرہ
دیاں صرف 91 سیواواں دی ہی کھوج کر سکیا۔ جنتا
سرکار اؤن کرکے اس رپورٹ نوں ممی بناکے سیکٹری ایٹ
دے تہہ خانے وچ سشووت کر دتا گیا۔ سشکار باقی ہے۔
بیبی بھٹھل، کیپٹن سہب بھی اسدا سشکار نہیں کر
سکے۔ جے پرماتما کسے نوں شکتی دیکے بھیجے گا۔ اوہی
اسدا شسکار کر سکے گا۔ ایہہ ہے “راج نہیں سیوا”۔
جسدا انتربھاو ہے “جےَ بولو بھشٹاچار دی”۔ پر
پنجاپ بھرشٹاچار دی جےَ نہیں بلا سکدی۔ پنجاپ
بھرشٹاچار دے خاتمے لئی بچنودھّ ہے۔ اسنوں سہیوگ
دینا، پنجابیاں دی لوڑ ہے۔
بادل سہب تیجی
وار 1997 وچ، بیبی بھٹھل توں بعد، مکھ منتری بنے۔
اس سمیں یوراج سکھبیر جی تقریباً 35 کو سال دے سن۔
اوہناں نوں بچپن وچ، بادل سہب نے پنجاب دے حالات
دیکھکے امریکہ بھیج دتا سی۔ جتھے اوہناں ایم بی اے
کر لئی سی۔ ایہہ کورش کاروبار وچوں ودھ توں ودھ
پیسہ کماؤن دی جاچ سکھاؤندا ہے۔ اوہناں نوں سمچے
پنجاب دا کاروبار مل گیا سی۔۔ اس بادل سرکار دے
بھرشٹچار دی موڈش-اپرینڈی وچ تبدیلی لیاندی۔
وئکتیاں نوں چھڈکے اداریاں نوں لٹ دا ٹارگٹ بنایا
گیا۔ سیوا دا سکوپ بہت ودھا دتا گیا۔ قلم لکھاں
نوں چھڈکے کروڑاں تے کر دتی گئی۔ اس سمیں اندر
کمار گجرال پرائیم منشٹر سن۔ اوہناں توں بعد
باجپائی سہب پی ایم بنے۔ پھر س من موہن سنگھ۔ بسّ!
لٹن دا پورا موقع مل گیا۔ سئیاں بھئے کتوال، اب ڈر
کاہے کا۔
2002
دی چون کیپٹن
امریندر سنگھ نے بادل سہب دے بھرشٹاچار نوں اشو
بناکے لڑی۔ کانگرس دی جت ہوئی۔ کیپٹن سہب مکھ
منتری بن گئے۔ اپنے کیتے اعلاناں دے لوک دکھاوے
خاطر اوہناں بادل سہب دی جائداد دے چھوٹے جہے حصے
دی پڑتال کروائی۔ کیس اس طرحاں بناکے پیش کیتا گیا
کہ پھیر کوئی ہور کیس ناں بن سکے۔ عامَ چرچہ سی کہ
کیپٹن سہب اتے بادل سہب دی سلاھ ہو گئی ہے۔ ایہہ
بھی چرچہ دا وشا سی کہ سلاھ کسنے کروائی ہے۔ کئی
بکرمجیت مجیٹھیئے دا نام لیندے سن۔ کیونکے پٹیالہ
تے مجیٹھا پرواراں دے سبندھ پرانے سن۔ کئی اوہناں
دے اہل کار دا نام لیندے سن۔ پر زیادہ اسنوں بادل
سہب دی راجنیتی سمجھدے سن، کہ جے سارا جاندا
دیکھیئے، تاں ادھا دیئیے ونڈ۔ بھانویں بادل سہب
سرخرو ہوکر نکل گئے، پر اندرکھانے ایرکھا 2007 تک
کئم رہی۔
چھوٹے میاں
سبھان اﷲ
بادل سہب دے
2007 دے راج نوں سکھبیر بادل دا راج کیہا جاندا
ہے۔ اس راج اپر مجیٹھیا سہب دا بھی بہت پربھاو سی۔
کجھ ہور رشتے دار بھی سن جو وکھ عہدیاں تے نیوکت
کیتے گئے۔ اس لئی اسنوں بادل سہب دا راج نہیں
بادلشاہی دا راج کہنا زیادہ ٹھیک ہووے گا۔
2007
دی چون پنجاب
دے کانگرش لیڈراں نے بادل سہب ورودھ نہیں لڑی۔
بلکے آپس وچ ہی اک دوجے خلاف مہانیدھ سمجھکے لڑدے
رہے۔ کیپٹن دی سرکار وچ، پنج سال ہی بیبی بھٹھل
ورودھ سکائتاں کرواکے، اسنوں لوکاں تے کانگرس ہائی
کمانڈ کول نینواں دکھایا گیا۔ بیبی بھٹھل ولوں بھی
کیپٹن سہب نوں نیواں دکھاؤن دے یتن سدا چالو رہے۔
چون سمیں ٹکٹاں امیدوار دی جتن دی یوگتا نوں مکھ
رکھکے نہیں دتیاں گئیاں۔ بلکے لیڈراں نوں کوٹے
الاٹ کیتے گئے۔ چون سمیں بھی ایہناں دھڑیاں نے،
بادل سہب دے اکالی امیدواراں نوں ہراؤن نالوں،
وردھی کانگرسی دھڑے نوں ہراؤن نوں پہل دتی۔
ہر امیدوار تے
دھڑے دی موہر لگی ہوئی سی۔ دھڑے دے حمایتی تھوڑا
بہت پرچار اپنے امیدوار لئی کردے سن۔ پر ورودھی
دھڑا اپنا وکار سمجھکے، دن رات اکالی امیدواراں
لئی کم کر رہا سی۔ کیپٹن سہب نے کیونکے پنج سال
راج کیتا سی۔ اس لئی اوہناں وچ زیادہ طاقت سی۔ جس
کرکے بیبی بھٹھل دے بہتے میدوار ہرا دتے گئے۔
کیپٹن سہب دے اپنے بندیاں دی گنتی 60 توں گھٹ رہِ
گئی تے اوہ مکھمنتری ناں بن سکے۔ بادل سہب، کیپٹن
تے بیبی بھٹھل دی اندرونی کرپا نال مکھ منتری بن
گئے۔
اس وار بادلشاہی نے
اپنی لٹن دی موڈش-اپرینڈی بدل لئی
سی۔ تھاننے،
ضلعے، نیوکتیاں، نامجدگیاں دی نلامی اتے فنڈ
کلیکشن دے علاوہ اس وار پنجاب دے خزانے تے پنجاب
دی اڈسٹری نوں ٹارگٹ بنایا گیا۔ پنجاب دے خزانے تے
پہلا ڈاکہ بٹھنڈہ رپھائینری دے ناں اتے ماریا گیا۔
ایہہ رپھائینری لنڈن نواسی، راجستانی مول دے
لکشمیں نرائن متل دی ہے۔ پنجاب سرکار دا اس وچ دس
روپئے دا اک شعر بھی نہیں ہے۔ پر پنجاب دا عرباں
روپیہ اسنوں لٹا دتا گیا ہے۔
استوں علاوہ
انڈشٹری تے دھاوا بول دتا گیا۔ تقریباً سبھ یونٹاں
نوں کیہا گیا کہ: “ون تھرڑ کڈھوھ جاں پنجاب چھڈو”۔
پنجاب دی شنئت دے وڈیھ حصے نے حکم پروان کرکے اسدی
پالنا کیتی۔ سینکڑے یونٹ اس لٹیرا نیتی توں تنگ
آکے، پنجاب دے کاروبار بند کرکے، دوجے صوبیاں وچ
چلے گئے۔ لکھاں نوجوان بے روزگار ہو گیا۔ کیہا
جاندا ہے کہ حویلیاں تے ڈھابے آدی بھی نہیں وچّ
سکے۔ تھاں پر تھاں کسے نہ کسے بہانے اپنے
جتھیداراں دے قبجے کروا دتے۔ کنیاں کو لٹاں ماریاں
گئیاں۔ کویں ماریاں گئیاں۔ ایہہ وچار اتھے نہیں ہو
سکدا۔ اس وارے جے جیودے رہن دتا گیا، تاں سمیں
سمیں وچاراں ہندیاں رہن گیاں۔
بادل سرکار دی
اس ٹرم وچ بھشٹاچار دیاں نوینیاں کاڈھاں کڈھیاں
گئیاں۔ جناں نوں انوویشنج کیہا جاندا ہے۔ پنجاب دا
ناں روشن کیتا، بھرشٹاچار دی دنیا وچ۔ اک نویں
تکنیک دا ادگھاٹن کیتا گیا کہ صرف آپ ہی نہ لٹو۔
دوجیاں نوں بھی لٹاؤ۔ تے اوہناں دے کاروباراں وچ
اپنا حصہ پاؤ۔ اسدی اداہرن وجوں، بٹھنڈہ رپھائینری
دی گلّ کردے ہاں۔ ایہہ لنڈن وشدے راجستانی بھارتی
لچھمی نرائن متل دا ادارہ ہے۔ اس وچ پنجاب سرکار
دی اک پیسے دی بھی ہسیداری نہیں ہے۔ پر پنجاب دا
عرباں روپیہ اسدی بھیٹا کر دتا گیا ہے۔
پیسہ کماؤن دا
اک ڈھنگ ایہہ بھی کڈھیا گیا کہ بھورے دریا دی تھاں
کالا دریا بگوا دتا گیا۔ اک ہور کاڈھ پنڈاں نوں
لٹن دی کڈھی گئی۔ قنون وچ سودھ کیتی گئی کہ پنڈ دا
سرپنچ شاملات دان کر سکدا ہے۔ سہراں نزدیک زمین دا
بھا کروڑاں روپئے اےکڑ ہے۔ بسّ سرپنچ دے گل تے
انگوٹھا رکھو۔ زمین دان کرواؤ۔ زمین دی قیمت اپنی
جیب وچ پاؤ۔ سنگت درشن، سرکار لٹن دا بڑا سوکھا
سادھن ہے۔ اسدا ناں کوئی حساب کتاب ہے، ناں کوئی
ریکارڈ۔ اس پھراڈ راہیں سرکار دا عرباں روپیہ
ونڈیا دکھا دتا گیا۔ پر کوئی بھی نہیں کہہ رہا کہ
مینوں کجھ دتا گیا ہے۔
سنگت درشن دے
ڈھکونج راہیں لٹن دی خاطر، نیہری کوٹھیاں ویچ
دتیاں۔ سانجھیاں تھاواں ویچ دتیاں۔ پنجاب دیا 13
مکھ کارپوریشناں بورڈاں نوں عرباں وچ لٹیا گیا۔
بینکاں نوں لٹیا گیا۔ جس کارن پنجاب دا سارا وکاش
رک گیا۔ لٹیا گیا اس لئی کہہ رہا ہاں کیونکے پنجاب
کدے بھی اہنا دا قرضہ موڑن دے سمرتھّ نہیں ہووے
گا۔ انڈشٹری نوں موٹے چڑاوے دین لئی مجبور کیتا۔
جو نہیں دے سکے اوہناں نوں کوچ کرا دتا۔ اج سارے
وڈے چھوٹے کارخانے، انڈسٹریئل ایریئے اجاڑ بنے پئے
ہن۔ کی کی گنو گے۔ دنیا بھر وچ، اجہیاں لٹاں دی
کتے بھی مشال نہی ملدی۔ پنجاب جمیں اتنا قرضہ ہے،
جسنوں پنجاب کدے بھی موڑ نہیں سکدا۔ اسدے خوش حال
ہون دی تاں گلّ ہی چھڈو۔ ویاج دین کرکے ہی، ہور
کنگال ہون توں نہیں روکیا جا سکدا۔
2012
دی چون توں بعد
پنجاب نوں کویں لٹیا۔ اس وارے اتنا ہی کہنا کافی
ہے کہ جو سادھن پنجاب لٹن دے 2007 وچ سرو کیتے سن۔
اوہناں تے جوانی آ گئی سی۔ 2012 دی چون توں بادل
سہب بہت ڈرے ہوئے سی۔ کیہا جاندا سی کہ اوہناں دا
سکھبیر نالوں منپریت نال زیادہ موہ سی۔ اوہناں
سوچیا کہ جے منپریت 15-20 سیٹاں لے جاوے تاں اسے
نوں ہی اکالی سپورٹ دیکے مکھ منتری بنا دیئیے۔ اس
طرحاں کیپٹن اتے سکھبیر دوناں توں چھٹکارا ہو جائے
گا۔
پیسہ اوہناں
کول پہلے ہی بہت جماں کیتا ہویا سی۔ ان-لوجیکل
بہانہ بناکے منپریت نوں سرکار تے اکالیدل وچوں کڈھ
دتا گیا۔ لوکاں نے منپریت نوں اپنیاں اکھاں تے
بٹھایا۔ بڑے وڈھے اکٹھ ہوئے۔ جے اوہ سکھبیر دی
داداگری، دھکیشاہی اتے بھرشٹاچار دی گلّ کردے تاں
اوہناں دا مکھ منتری بننا یقینی سی۔ پر اوہ پروارک
موہ توں باہر نہیں نکل سکے۔ اڈّ ہون دے واوجود کئی
لنک مجود رہے۔ جو اوہ توڑ نہ سکے۔ جو آدمی اوہناں
دی چون مہم دا انچارج سی اوہ کئی سال بادل سہب کول
رہا سی۔ اس کرکے چون سمیں تک ابھار پہلاں والا ناں
رہا۔ پھر بھی چون نتیجہ آؤن دے کجھ منٹ پہلاں تک،
گھٹو گھٹ 15-20 سیٹاں تے پیپیپی دی جت ییکینی
سمجھی گئی سی۔ پر مکمل ہار ہوئی۔ ایہہ کویں ہویا؟
اس دے دو کارن
سن۔ پہلا ایہہ سی کے لوک اس سمیں بھی سکھبیر شاہی
توں چھٹکارا پاؤنا چاہندے سی۔ اوہناں دا خیال سی
کہ کانگرس اکلی 60 سیٹاں نہیں جت سکے گی۔ پر
منپریت نال رلکے سانجھی سرکار بنا لئے گی۔ منپریت
دے اڈّ ہون دے سمیں توں کانگرس درشک بنکے دیکھ رہی
سی۔ پر کدے کوئی دخل نہیں دتا سی۔ چوناں دے بہت
نزدیک، کیپٹن سہب نے منپریت دے دو عہدیدار ٹکٹ دین
دا لالچ دیکے توڑ لئے۔ لوک بہت ہران سن۔ لوک بے آس
ہو گئے سن۔ منپریت دی لیہر کمزور تاں ہوئی پر ختم
نہیں سی ہوئی۔
دوجا کارن ایہہ
سی کہ جو چون مشیناں پنجاب بھیجیاں گئیاں سن، اوہ
بنگال توں آئیاں سن۔ ایہہ ممتا جی دی اپنی کمپنی
ہے جاں اوہناں دے کسے نزدیکی دی۔ اس توں پہلاں
ایہہ مشیناں صرف اک وار بنگال وچ ہی ورتیاں گئیاں
سن۔ اتے ایہناں نے ممتا بینرجی نوں جت دوائی سی۔
دوجی وار ایہہ پنجاب وچ ورتیاں گئیاں۔ سرویکھن کرن
والے چنتکاں دا کہنا ہے کہ ایہناں مشیناں وچ، پتنگ
دے نشان دی ووٹ اندازے توں تیسرا حصہ گھٹی اتے
تکڑی دے نشان نوں اندازے توں اتنا ہی وادھا ملیا۔
جد کہ پنجہ، داتی-بلیی، داتی-ہتھوڑا، وچ کوئی
تبدیلی نہیں ہوئی۔ منپریت جی نوں بہت رائے ملی کہ
اوہ اسدے خلاف آواز ٹھاؤن۔ پر گھریلو بندھناں کرکے
اوہ اجیہا نہیں کر سکے۔ بھاوَ ایہہ کہ 2012 دی جت
بادلشاہی نوں پنجاب دے لوکاں نے پوجیٹو ووٹ نال
نہیں دتی۔ بلکہ منپریت، سکھبیر، مجیٹھیا، ممتا، من
موہن سنگھ، کیپٹن، دی ملیبھگت نے دتی ہے۔
. |