17 بادلشاہی لٹیراشاہی شبد دے ارتھ

 میرا کسے خاص ویکتی، جاں کسے خاص پروار، جاں کسے خاص پرٹی نال کوئی جاتی مت بھید نہیں ہے۔ میرا متبھید صرف بھرشٹاچار، سرکاری جبر، سرکاری سرپرستی ہیٹھ کیتی لٹمار، وغیرہ انیتک کارنامناں نال ہے۔ پنجاب وچ لمیں سمیں توں بادل سہب. اوہناں دے رشتے دار، اتے کجھ خاص نزدیکی راج کر رہے ہن۔ اکالی دل نہیں، بلکے اکالی دل دا اک نجی گروپ راج کر رہا ہے۔ اسے حکمران گروپ لئی بادلشاہی شبد ورتیا گیا ہے۔ بادلشاہی توں بھاوَ حکمران گروپ ہے، ناں کہ ویکتی گت روپ وچ ش پرکاش سنگھ بادل جاں س سکھبیر سنگھ بادل۔

ہر شبد دے دو ارتھ ہندے ہن۔ اک شبد-ارتھ دوسرے بھاو-ارتھ۔ میں بادلشاہی دا بھاوَ ارتھ ورتیا ہے۔ اتی دی گرمی سمیں جد بادل دی چھاں دسدی ہے تاں لوک راحتَ محسوس کردے ہن۔ بارش ہووے اپج ودھدی ہے۔ جد بادل اپنا رنگ بدلکے گڑکن لگدے ہن، تاں لوکاں وچ گھبراہٹ پیدا ہو جاندی ہے کہ کتے کروپ ناں ہو جان۔ جد بادل پھٹ جاندا ہے تاں پربھاوت لوکاں دا سبھ کجھ ختم ہو جاندا ہے۔ میرے من وچ بھی بادل سہب دے دونو روپ مجود ہن۔ جدوں میں بادل سہب نوں بچپن وچ ویکھیا سی، اس سمیں لوک اوہناں دا دیوتا سامان ستکار کردے سن۔ میں بھی اوہناں دی چھاں ہیٹھ بیٹھن دی امید نال سیاشت وچ آیا سی۔ پر اج میرا اوہناں دی سرپرشتی ہیٹھ ہی سبھ کجھ لٹیا گیا ہے۔ میرے لئی بادل پھٹ گیا ہے۔

میرا بھانویں بادل شاہی توں بھاوَ ش پرکاش شنگھ ویکتی گت روپ وچ نہیں ہے۔ پر جے میننوں کدے اوہناں دا ذکر کرنا پے جائے تاں میں ناں لین نالوں بادل سہب کہنا ٹھیک سمجھاں گا۔ بادل وچ دونو شکتیاں مجود ہن۔ وکاش کرن دی شکتی بھی اتے تباہ کرن دی شکتی بھی۔ پر میں اپنی ویبسائیٹ وچ جاں اس سبندھی اکترتاواں وچ کدے بھی اوہناں دا ویکتی گت ورودھ نہیں کراں گا۔ بادل شاہی توں میرا بھاوَ اوہناں دی سرکار دران گیرکنونی دھندے کرن والا گروہ ہے۔ گروہ پنجابی شبد گروپ دا سنکھیپ ہے۔

لٹیراشاہی شبد دی ورتوں کیوں؟

پلیٹیکل کرپشن لئی عامَ طور تے پنجابی وچ بھرشٹاچار دا سبد ورتیا جاندا ہے۔ بھرشٹاچار شبد صرف کسے کم دھندے لئی، نوکری، بدلی، آدی لئی، کسے افسر جاں کسے راجنیتک نوں دتے گئے پیسے دا ہی بھاوَ سوچک ہندا ہے۔ اس وچ پرانت دے لٹ کھوہ دے دوسرے سادھناں دا بھاوَ محسوس نہیں ہندا۔ لٹیرا شاہی شبد اوہ سارے یتناں وا سادھناں دا بھاوَ دندا ہے، جو پرانت نوں لٹن لئی حکمران لٹیریاں ولوں ورتے جاندے ہن۔ لٹن دے ایہناں یتناں نوں انگریزی وچ "کرپٹ پریکٹسج" کیہا جاندا ہے۔

پنجابی ویاکرن انوسار، کسے مکان دوکان وچ زبردستی لٹ کھوہ کرن والے نوں لٹیرا کیہا جاندا ہے۔ جیکر لٹیرے نوں اندرونی سرکاری سرپرستی ہانسل ہیوے تاں اسنوں شاہی لٹیرا کہندے ہن۔ جے لٹیریاں دا سمونہ راج شتھا اپر کابج ہوکے، سرکاری زور جبر نال لٹ کھوہ کرے، تاں اس نوں بھرشٹاچار نہیں لٹیراشاہی شبد زیادہ ٹھیک ہووے گا۔

کسے عامَ ورتوں دی چیز نوں نجائج پیسہ کماؤن دی نیت نال، کوئی بے لوڑا قنون بناکے، نجائج پیسہ کماؤنا، راجنیتک کرپٹ پریکٹس ہے۔ مشال وجوں ریتا بجری مکان اساری لئی اتی ضروری لوڑ ہے۔ کجھ سماں پہلاں ایہہ دو تن ہزار روپئے ٹرکّ ملدا سی، اج سرکاری بے ایمانی نال 50 ہزار روپئے ٹرکّ تک جا پہنچا ہے۔ گوانڈی راج ہریانے وچ ایہہ 5-7 ہزار روپئے پرتی ٹرکّ اج بھی مل رہا ہے۔ کسے خاص ویکتی نوں نجائج منافع دین لئی، لوک دشمن سرکار ولوں، لوک دشمن قنون بناکے لابھ پہنچاؤنا، کرپٹ پریکٹس ہے۔ حکمران گروپ ولوں کرپٹ پریکشج رانہی دھن دولت اکٹھا کرن دی نیتی نوں راجنیتی نہی، بھشٹاچار شبد دی ورتوں یوگ ہووے گی۔

دیس دا قنون، میڈیا نوں ہر پرکار دی آزادی دندا ہے۔ کسے بھی غیر قنونی، غیر اخلاقی، غیر سماجک گھٹنا نوں، جنتا ساہمنے لیاؤنا میڈیا دی جمینواری ہے۔ کوئی بھی ہدوستانی، پنجابی، میڈیا سینٹر چلاؤن دا ادھیکار رکھدا ہے۔ کیبل اپریٹر دا کاروبار بھی ہر اک پنجابی دا ادھیکار ہے۔ سرکاری جبر نال انیکاں مجود کیبل سینٹر بند کرواکے، منوپلی کئم کرکے، ڈشئنپھرمیشن راہیں لوکاں نوں گمراہ کن پرچار کرنا، راجنیتک کرپٹ پریکٹس ہے۔ ایہی دلیل الیکٹرونک اتے پیپر میڈیا اپر بھی لاگوُ ہندی ہے۔

ایہی حالَ پنجاب پرانت دی ٹرانسپورٹ دا ہے۔ سٹیٹ ٹرانسپورٹ نوں مضبوط اتے سستا بناکے لوک سیوا یوگ بناؤنا سرکار دی جمینواری ہے۔ پر پنجاب وچ اجیہا کرن دی تھاں، اسنوں سرکاری جبر نال، نجی اجاریداری ہیٹھ لیاندا گیا ہے۔ خدغرضی دی بھاوناں ہیٹھ، کرائے لوڑ توں بہت زیادہ ودھائے گئے ہن۔ جسدا بوجھ غریب ورگ اپر، مارو ثابت ہو رہا ہے۔ سٹیٹ ٹرانسپورٹ نوں گنی متھی سازش تحت دیوالیہ بنا دتا گیا ہے۔ ودھائے گئے کرائے، لوکاں نال بے انصافی ہی نہی، سگوں ساہی ظلم اتے شاہی لٹ ہے۔

کرپٹ پریکٹس دیاں زیادہ اداہرناں دینا اتھے غیر ضروری ہووے گا۔ پر ذرا ویروے نال گھوکھن توں سینکڑے اجہیاں کرپٹ پریکٹسج ساہمنے آ جان گیاں، جو پنجاب واسیاں دی لٹ کھوہ دا کارن ہن۔ پر پنجابیاں نوں اسدا احساس بھی نہیں ہے۔ "لٹیرا شاہی" شبد سبھ پرکار دیاں لوک دشمن نیتیاں وا کارروائیناں نوں درساؤندا ہے۔