18 ہربنس سنگھ جلال نوں ملوکا صاحب ولوں مرواؤن لئی سازش،

سرکار توں سکؤرٹی دین دی منگ۔

ایہہ پتر ویبسائیٹ اپر رکھن وارے مینوں بہت سوچنا پیا ہے۔ رائے مشورے توں بعد ایہہ محسوس کیتا گیا کہ اس نوں سبھ دے ساہمنے لیاؤنا سمیں دی ضروری لوڑ ہے۔ ایہہ اس لئی ضروری ہے کہ میں سیاسی پارٹی بنائی ہے۔ میں بھاویں زندگی بھر کسے توں کسے سمیں بھی، اک رویہ منگن جاں لین دا روادار نہیں ہاں۔ پھر بھی میرے ورودھی مینوں کرمینل کہن گے، کیوں کے میرے اپر ملوکا صاحب نے ہن اک کیس دھوکھا دیہی دا درج کروایا ہے۔ اس لئی ایہہ جاننا ضروری ہے کہ دھوکھا کس نے کیتا ہے۔ میری پنج کروڑ دی جائداد کس نے اتے کویں لٹی ہے۔

2011 دے پچھلے ادھ مینوں کجھ دوستاں نے دلیلاں دے کے دسیا کہ ہلکے دے مہاجن اتے پریمی کجھ خاص کارناں کرکے ملوکے اتے کانگڑ دوناں توں بدجن جاپدے ہن۔ ہن دی راجنیتی گنڈاگردی اتے بھرشٹاچار دی راجنیتی ہے۔ تہاڈے سمیں حلیمی اتے امان داری دی راجنیتی سی۔ لوک تہانوں یاد کردے ہن۔ اجیہیاں ہی پریرنا کرکے میں من بنا لیا کہ میں پہلاں وانگ ہن بھی آزاد لڑانگا اتے پیپیپی تو مدت لوانگا۔ جد ملوکا صاحب نوں اس وارے پتہ لگا تاں اوہناں اک بالکل جھوٹھا تے بے بنیاد دھوکھادیہی دا کیس میرے اپر بنا کے مینوں جیل بھجواؤن دی کاروائی کر دتی اتے میری پنج کروڑ روپئے دی جائداد بھی لٹّ لئی۔ الیکشن تاں میں اس کرکے نہیں لڑی کہ منپریت نے میری آزاد امیدوار وجوں حمایت کرن توں انکار کر دتا سی۔ پر میں فیصلہ کیتا کہ میں ملوکے دے ظلم اتے بھرشٹاچار خلاف ہر سنبھوَ سنگھرش کراں گا۔

ہن میں اپنی وکھری پارٹی “پیئیسیپی” بنا لئی ہے۔ قدرتی ہے کہ میرے ورودھی میرے خلاف دوش لاؤن گے کہ ایہہ تاں کرمینل آدمی ہے۔ اس دے خلاف تاں دھوکھا دیہی دا کیس درج ہے۔ اس لئی اپنے سپورٹراں نوں ایہہ دسنا ضروری ہو گیا ہے کہ اصلیت کی ہے۔ دھوکھا میں کیتا ہے جاں میرے نال ملوکا گروہ نے کیتا ہے۔ میں اوہناں توں کوئی پیسہ ٹھگیا ہے جاں ملوکا گروہ نے ہن پھیر میری پنج کروڑ دی جائداد جبری کھوہ لئی ہے۔

پنڈ جلال جو دیالپرا تھانے وچ ہے، دی زمین سبندھی کیس پھول تھانے بنایا گیا ہے۔ اس وچ درجناں کمیاں ہن۔ کیس میکر آؤٹ نہیں ہندا۔ ڈی جی پی صاحب نے پہلی انویشٹیگیشن غلط سمجھ کے ری انکواری ایس پی ڈی بٹھنڈہ نوں مارک کیتی سی۔ جس دی رپورٹ اوہناں اجے تک کورٹ وچ سبمٹ نہیں کیتی۔ میں ڈش مثل پٹیشن درج کیتی ہوئی ہے۔ جو وچار ادھین ہے۔ کورٹ وچ چارج فریم نہیں ہوئے۔ اس لئی کیس سب جڈیشل نہیں ہے۔

پھر بھی میں اپنی ولوں کجھ نہیں کہہ رہا۔ جو لیٹر اس سبندھی تنّ سال پہلے سکھبیر جی نوں لکھیا سی اس دی اک کاپی ایس پی ڈی بٹھنڈہ صاحب نوں بھی،  دوسرے 135 دستاویزاں نال سبمٹ کیتی سی۔ اس دی سنکھیپ نقل سکھبیر بادل دے دھیان یوگ لیکھ وچ پیش کر رہا ہاں۔ کیس نال سبندھت آدمیاں دے ناں کٹّ دتے گئے ہن۔ بینتی کردا ہاں کہ سبھ ووٹر دھیان نال پڑھن اتے اصلیت سمجھ کے اپنا فیصلہ دین۔

************************************

ایہہ ہے بادل صاحب نوں لکھی درخاست دی نقل

مان یوگ سکھبیر سنگھ بادل صاحب جی.

میں سابقہ ودھائک ہربنس سنگھ جلال، کجھ ضروری مصلے تہاڈے دھیان وچ لیاؤنا ضروری سمجھدا ہاں۔ جو میری اکت بینتی دی جشٹی-پھیکیشن نوں جانچن لئی ضروری ہن۔ میں اکالی دل کارن ہی پنجاب ودھان سبھا دا میمبر، بھارتی کھیتی قیمت کمیشن دا میمبر، بھارتی کھیتی انو سندھان سنستھا پوسا نیوں دیہلی دا ڈائریکٹر آدی کئی عہدیاں اپر رہِ چکا ہاں، اس لئی کجھ مصلے تہاڈے دھیان وچ لیاؤنے اپنا ادھیکار سمجھدا ہاں۔ پر وار وار بینتیاں کرن اتے شکایتاں دین دے باو جود کوئی سنوائی نہیں ہوئی اس لئی جنتا دا سیوادار ہون کرکے اپنی داستان لوکاں دی کچہری وچ رکھن دی اجازت چاہندا ہاں۔

میں دسنا چاہندا ہاں کہ:-

1. ملوکا صاحب (جو پہلے سی پی آئی دے ایکٹو ورکر سن) نے میرے نزدیک ہوکے مینوں بادل صاحب توں دور کرن لئی کی کی ہتھکنڈے ورتے، تانکِ اوہ آپ بادل صاحب دے نزدیک ہو سکن۔

2. بادل صاحب دی نزدیکی اپرنت کویں ملوکا صاحب نے بٹھنڈہ وکھے ستھت میری کمپنی تے 200 کروڑ دی جائداد پھراڈ، پھورجری، امپرسونیشن راہیں، دو بدنام گروہاں نال سازش ادھین ہڑپّ کر لئی۔

3. ہن ملوکا صاحب نے کویں میری پنڈ جلال وچ، 5 کروڑ روپئے دی دس اےکڑ زمین، اماں شنکر کتھت کلیکٹر اگریریئن توں 20/7/2009 نوں بلا ادھیکار (ود-آؤٹ جرس-ڈکشن) آرڈر کروا کے اپنی سرپرستی والے لینڈ مافیئے دے مکھی دے نام الاٹمینٹ کروا لئی، جدکہ تہاڈی سرکار نے 20/2/2008 نوں ایس ڈی ایم توں کلیکٹر اگریریئن دے ادھیکار واپس لے کے، ڈی سی سہبن نوں دے دتے سن، اتے اوگیا کرن والے افسر ورودھ شکھت کاروائی دا حکم کیتا سی۔

4. میری کمپنی دے دفتر وچوں سری گورو گرنتھ صاحب، بھگوت گیتا اتے ہزاراں ہور دھارمک سکرپچرج دی ڈکائتی، اگن بھینٹ کرن دی گھٹنا، اتے تھانے رپورٹ کرن اپر میرے اپر الٹا دھارمک بھاوناواں بھڑ کاؤن دا کیس بناؤن وچ ملوکا صاحب دا رول۔

5. دربار صاحب دے توشیخانے وچوں، خزانے دی لٹّ دا تیسرا حصہ ملوکا صاحب کول پجن دی چرچہ جاں اصلیت، دی پڑتال کرن دی لوڑ۔

 

6. ملوکا صاحب ورودھ (سئد) گدڑ بہا نہر سکینڈل دی وجیلینس ولوں پڑتال سمیں، ملوکا صاحب دی کیپٹن امریندر سنگھ دی ادھینگی، سانجھ، اتے سہوں سگندھ نوں اکالی وفاداری دے نقطہ نگاہ توں پرکھن دی لوڑ۔

اپروکت مثلیاں دے سبندھ وچ بینتی ہے کہ بھاویں اصلیت نوں لکون دی خاطر، ملوکا صاحب میرے خلاف جھوٹھا کیس بناؤن وچ سفل رہے۔ پرنتو اوہ جڈیشری نوں دھوکھا دین وچ سفل نہیں ہوئے۔ جڈیشری نے ناں صرف مینوں باعزت بری کیتا، بلکہ ضلعے دے مکھ اکالی لیڈر نوں اس سبھ کجھ دا جمینوار ٹھہرایا۔

جو وفاداری اج ملوکا صاحب تہاڈے لئی دکھا رہے ہن۔ کدے ایہہ وفاداری ماسٹر بابو سنگھ نوں، مینوں اتے کیپٹن صاحب نوں بھی ارپن کیتی گئی سی۔ بہت ادھارناں ہن جو ملوکے دی تہاڈے لئی وفاداری نوں سکی ثابت کردیاں ہن۔ تہاڈے نال ملوکا صاحب دی وفاداری پنتھ لئی نہیں، پیسے تے شکتی لئی ہے۔

تسیں سئد ملوکا صاحب نوں پاپولر سمجھ کے اتھاہ شکتی دتی ہوئی ہے۔ پر ایہہ اپنیاں دھکیشاہیاں کرکے بہت لوکاں دی نفرت دا پاتر ہے۔ کانگڑ ورگے ہنکاری تے وڈیائی کھورے آدمی توں وڈی ہار اس دا ثبوت ہے۔ ہن دی جت بھی ملوکے دی جت نہیں، بلکہ ملوکے ولوں کروڑاں روپئے دا خرچ، دھکیشاہی توں علاوہ، کانگڑ دا زیادہ موتی محلّ رہنا، منڈی اتے ڈیرہ-سلابتپرا توں مکمل غیر حاضری، کانگڑ دی ہار دا کارن بنی ہے۔

میں اس دا ذکر اس لئی کیتا ہے کہ بہت ووٹراں نے ملوکے اتے کانگڑ توں دوری بنائی رکھن کارن ہی مینوں پہلاں وانگ آزاد چون لڑن دی پریرنا دتی سی۔ پر ملوکا صاحب نے میرے اپر کیس بنوا کے مینوں گرپھتار کرواؤن دی غیر اخلاقی اتے غیر سنویدھانک روایت قایم کر دتی ہے۔

میں اس سبندھی دو درخاستاں بادل صاحب نوں دتیاں سن، جس سمیں براڑ صاحب اتے ڈی جی پی صاحب بھی موجود سن۔ اک جھوٹھے کیس دی دوبارہ پڑتال کرن سبندھی سی اتے دوجی اس 5 کروڑ روپئے دی جائداد لٹن سبندھی سازش، پھراڈ اتے پھورجری آدی لئی جمینوار لینڈ مافیئے (جس نوں ملوکا صاحب دی سرپرستی ہانسل ہے) دے خلاف کیس درج کرن سبندھی سی۔ بادل صاحب نے ایہہ منظور کرکے پڑتال لئی بھیج دتیاں۔ ہن ایس پی ایچّ بٹھنڈہ ایہناں دی نظرثانی کر رہے ہن۔ پر ملوکا صاحب ایہناں نوں ردّ کرن لئی دبا پا رہے ہن۔

ہن تہاڈے دھیان یوگ مصلیٰ ایہہ ہے کہ:-

. مینوں بھروسے یوگ وسیلیاں توں پتہ لگا ہے کہ ملوکا صاحب مینوں مرواؤن دا من بنا چکے ہن۔ اوہناں ایہہ انکشاف اپنے کجھ نجی ورکراں (جو کسے سمیں میرے بھی نزدیک رہے ہن) کول کیتا ہے کہ "اس نال چھیتی ہی لکھے سدھانے والی کرنی پینی ہے"۔ اس دی پورتی لئی اوہناں میرا آرمز لائسنس رینیو ہون توں، ڈی ایس پی پھول نوں کہہ کے رکوا دتا ہے۔ جے تسیں مینوں مرواؤن وارے ملوکا صاحب نال سہمت نہیں تاں، مینوں سکؤرٹی دتی جاوے۔

 

ا. میری 5 کروڑ دی جائداد ہڑپن والے گروہ دے خلاف کیس رجسٹرڈ کرنا سرکار دی جمینوار بندی ہے۔

. میرے خلاف جھوٹھا کیس، جس دا نریکھن ایس پی ایچّ بٹھنڈہ کر چکے ہن خارج کیتا جاوے۔ اس کیس دے جھوٹھے اتے بے بنیاد ہون سبندھی جو تتھّ میں پولیس کپتان اگے رکھے ہن اوہناں دا ویروا بھی اتھے سکھبیر بادل دے دھیان یوگ لیکھ وچ دے رہا ہاں تاں کہ اصلیت تہاڈے اتے سربتّ سنگت دے دھیان وچ آ سکے۔ اس وچ ملوکا صاحب ولوں کیتیاں دھاندلیاں اتے اس دی سرپرستی والے مافیہ گروہاں دیاں کجھ کو کاروائیاں دا ویروا بھی دتا گیا ہے۔ جو تہاڈے دھیان وچ ہونا ضروری ہے۔

دھنواد سہت

ہربنس سنگھ جلال