|
.
01 .ڈرگز سمگلر مجیٹھیا ہے
میں نہیں
بھولا
Jan 06, 6:59 PM |
'دوآبے دے اک
منتری وی ہے اس معاملے 'چ شامل'
موہالی (پردیپ
ہیپی)-ارجن ایوارڈی پہلوان توں پولیس ادھیکاری اتے
پھر ڈرگّ سمگلنگ دے دوش وچ پولیس ولوں پھڑھے گئے
جگدیش سنگھ بھولا اتے اس دے ساتھی بٹو اؤلکھ،
جگجیت سنگھ چاہل اتے انوپ سنگھ کاہلوں نوں سوموار
نوں اوہناں دا جوڈیشیئل رمانڈ ختم ہون توں بعد
موہالی دی عدالت وچ پیش کیتا گیا، جتھوں اوہناں
نوں 20 جنوری تکّ نیائک حراست وچ بھیج دتا گیا۔
موہالی 'چ پیشی بھگتن آئے جگدیش سنگھ بھولا نے
پترکاراں نال گل بات کردے ہوئے سپشٹ شبداں وچ کیہا
کہ لوک سمپرک منتری بکرم سنگھ مجیٹھیا ڈرگز سمگلر
ہے، نہ کہ اوہ۔ بھولا نے کیہا کہ اناں نوں اس
معاملے وچ جان بجھّ کے پھسایا جا رہا ہے۔ اس
معاملے وچ بکرم سنگھ مجیٹھیا اتے دوآبے دا اک
منتری وی پوری طرحاں شامل ہے اتے اس منتری دا ناں
اوہ آؤن والے کجھ دناں وچ دسیگا۔ جگدیش بھولا نے
سپشٹ کیتا کہ اناں نوں 40 توں وی زیادہ دناں تکّ
پولیس رمانڈ 'تے رکھیا گیا سی، جس کارن کورٹ وچ
پیشی دوران وی اناں نوں کسے نال کوئی گل بات نہیں
کرن دتی جاندی سی۔ بھولا نے کیہا کہ جیل
ادھیکاریاں نوں وار-وار مجیٹھیا دے فون آؤندے ہن،
جدوں وی مجیٹھیا کہہ دندے ہن کہ اس کم نوں روک دتا
جاوے تاں سارا جیل پرشاشن اتے پولیس اپنے کم نوں
بند کر دندا سی اتے عدالت وچ پیشی دوران پولیس
اناں دا رمانڈ وی نہیں منگدی سی۔
جگدیش سنگھ
بھولا نے کیہا کہ جدوں پنجاب وچ 22 ہور وی ایسّ.
ایسّ. پی. موجود ہن، تاں اناں دے معاملے وچ ایسّ.
ایسّ. پی. ہردیال سنگھ مان نوں ہی کیوں چنیا گیا۔
بھولا نے کیہا کہ ہن ایسّ. ایچّ. او. دوندر اتری
نے اناں نوں دھمکی دتی ہے کہ پہلاں تاں تہاڈے اپر
صرف سوڈو (نشیلا پدارتھ) ہی پایا گیا ہے، جیکر
تسیں زیادہ گڑبڑ کیتی تاں ہیروئن وی پا دتی جاوے
گی۔ بھولا نے کیہا کہ اناں دے گھر جاں پنڈ جھانمپر
وکھے ستھت شیلر توں کسے طرحاں دا کوئی نشیلا
پدارتھ برآمد نہیں ہویا، سگوں اناں دے شیلر وچوں 1
کروڑ روپئے دے چاول چوری کر لئے گئے۔ اس نوں پولیس
بناں وجا پریشان کر رہی ہے۔ بھولا نے کیہا کہ جیکر
اس کولوں 10 گرام سمیک جاں ہور نشیلا پدارتھ برآمد
ہندا ہے تاں اس نوں بناں کیس چلا ئے پھانسی دے دتی
جاوے۔
7
گڈیاں دا پولیس
کر رہی ہے مسیوز : ایڈووکیٹ کوہلی
اس معاملے وچ
بلجندر سنگھ سونوں، جگجیت سنگھ چاہل دے وکیل آئی.
پی. ایسّ. کوہلی نے دسیا کہ اج مان یوگ عدالت نے
اس معاملے وچ پھڑیاں گئیاں 7 گڈیاں نال سمبندھت
دستاویز پیش کرن دی منگ کیتی ہے کیونکہ پولیس اناں
دی درورتوں کر رہی ہے۔ ایڈووکیٹ کوہلی نے دسیا کہ
عدالت وچ اک ایپلیکیشن دائر کرکے منگ کیتی گئی ہے
کہ اناں گڈیاں دے میٹر سیز کر دتے جان، جناں لئی
عدالت نے پولیس توں جواب منگیا۔پولیس نے اس معاملے
وچ کیہا کہ کیونکہ ایہہ گڈیاں اینّ. ڈی. پی. ایسّ.
دے کالے دھن نال خریدیاں گئیاں ہن، پر پولیس اس
معاملے وچ کوئی سنتوشجنک دستاویز پیش نہیں کر سکی۔
ایڈووکیٹ کوہلی نے کیہا کہ عدالت وچ عرضی دائر
کرکے اناں نوں ایہہ وی منگ کیتی ہے کہ اناں دے
مئکل دے دو موبائیل فون تے کجھ ہور سامان وی رلیز
کیتا جاوے۔ زکریوگ ہے کہ ایڈووکیٹ کوہلی نے دسیا
کہ اناں نوں بلجندر سنگھ عرف سونوں وارے عدالت وچ
عرضی دائر کرکے منگ کیتی ہے کہ بلجندر سنگھ دا دل
40 توں 50 فیصدی چل رہا ہے اتے اوہ پوری طرحاں
تندرست نہیں۔ اس معاملے وچ وی مان یوگ عدالت نے
جیل اتھارٹی توں 8 جنوری نوں جواب منگیا ہے کہ اوہ
اس معاملے وچ اپنی ستھتی سپشٹ کرے۔ بھولا نے کیہا
کہ اناں نوں جیل وچ اک او. پی. جندل نام دا ویکتی
وی ملیا جو پولیس دی دھکیشاہی توں پریشان ہو کے
بول رہا سی کہ اس دے نال پولیس نے بہت دھکیشاہی
کیتی ہے۔ بھولا نے کیہا کہ جندل دا سوا کروڑ روپئے
نقد، دو کلو سونا تے 20 لکھ دیاں گھڑیاں پولیس نے
چوری کر لئیاں ہن۔ زکریوگ ہے کہ اج موہالی دی
عدالت وچ اکت چار توں علاوہ پرمجیت سنگھ پما،
بلجندر سنگھ، سروجیت سنگھ سابا سمیت ستندر دھامی
نوں وی عدالت وچ پیش کیتا گیا۔
جگدیش بھولا دے
معاملے وچ ایڈووکیٹ نہل نے دسیا کہ اوہ پولیس دی
دھکیشاہی خلاف مان یوگ پنجاب اینڈ ہریانہ ہائی
کورٹ جا رہے ہن، جس وچ جگدیش بھولا دے معاملے وچ
سی. بی. آئی. جانچ دی منگ کیتی جاوے گی، تاں کہ
دودھ دا دودھ تے پانی دا پانی ہو سکے۔
. |