02 بچیاں دے کھانے چوں سکھیا منتری تے کمائی کرن دا دوش

Feb 08, 7:28 PM |

Read More : مڈ ڈے میل | سکھیا منتری | ٹھیکیداراں | پٹیالہ | پٹیالہ  

کھانے چ چھپکلیاں، چوہیاں دیاں مینگناں ملن دیاں واپر چکیاں ہن گھٹناواں

موہالی وکھے سرکار خلاف پردرشن 16 فروری نوں

پٹیالہ/(راجیش)- ڈیموکریٹک مڈ -ڈے-میل ککّ پھرنٹ پنجاب دی ضلع پردھان سکھجیت کور لچکانی، ضلع سکتر گرمیت کور کوٹ خورد، سمرجیت کور اجنودا، پرمجیت کور پٹیالہ نے پٹیالہ شہر دے بچیاں دے دوپہر دے کھانے نوں چپّ چپیتے ڈھنگ نال 10 فروری توں ٹھیکیداراں حوالے کرن دے فیصلے دی نکھیدھی کردے ہوئے آگوآں نے کیہا کہ پنجاب دا سکھیا منتری غریب بچیاں دے کھانے 'چ مالا مال ہونا چاہندا ہے۔ اسے کرکے کھانا ٹھیکیداراں حوالے کیتا جا رہا ہے۔ آگوآں نے کیہا کہ اس دے خلاف پھرنٹ ڈٹکے لڑیگا۔ اوہناں ککّ بیبیاں نوں اپیل کیتی کہ جیکر کسے وی سکول وچ کوئی انچارج جاں ہور ادھیکاری ٹھیکیداراں دے ناں 'تے سکول 'چوں کڈھن دی دھمکی دندا ہے، تاں ترنت پھرنٹ دے آگوآں دے دھیان 'چ لیاؤن کیونکہ کسے وی ککّ نوں ٹھیکیداری پربندھ ادھین وی سکول وچ کڈھیا نہیں جا سکدا۔ اوہناں نے بچیاں دے ماپیاں اتے سکول مینیجمینٹ کمیٹیاں نوں اپیل کیتی ہے کہ ٹھیکیداراں ولوں سکول 'چ بھیجے جان والے کھانا دا ورودھ کرن۔ کیونکہ پنجاب 'چ پہلاں ہی ٹھیکیداراں دے کھانے 'چ چھپکلیاں، چوہیاں دیاں مینگنا اتے کھٹا کھانا پروسن دیاں گھٹناواں سینکڑے وار واپر چکیاں ہن۔ اس لئی سبھ ماپے ٹھیکیداراں دے کھانے نوں سکولاں وچ نہ وڑن دین۔

آگوآں نے دسیا کہ ککّ بیبیاں دی دسمبر مہینے دی تنخواہ 'چ کٹوتی کرکے سرکار نے غریب عورتاں نال بے انصافی کیتی ہے۔ سکولاں 'چ مفت کم کروا کے بھارتی سنویدھان دا مخول اڈایا ہے۔ اوہناں منگ کیتی کہ ایہہ کٹی تنخواہ ترنت واپس ککّ نوں دتی جاوے۔ آگوآں نے اگے پنجاب دے سکھیا منتری 'تے دوش لگاؤندیاں کیہا اوہناں پھرنٹ نال میٹنگ کرن سمیں وعدہ کیتا سی، شہراں 'چ مڈ-ڈے-میل دا ٹھیکیداری سسٹم بند کرکے سکولاں 'چ ہی کھانا تیار کیتا جاویگا۔ آگوآں نے اگے کیہا کہ پنجاب دے گوانڈھی صوبے ہریانہ نے مڈ- ڈے-میل ککّ دی تنخواہ 2500 روپئے کر دتی ہے پر پنجاب سرکار 1200 روپئے مہینے دی ککّ نوں تنخواہ دے کے دعوہ کر رہی ہے، کہ پنجاب سرکار دیش 'چ ککّ نوں ہور سارے صوبیاں نالوں ودھ تنخواہ دے رہی ہے۔ اسے طرحاں کیندر سرکار وی ککّ دی تنخواہ 'چ وادھے دے فیصلے کرن دے باو جود وی آرڈر کرن نوں اجے تانئی وی تیار نہیں ہے۔ اوہناں منگ کیتی کہ ہریانہ دی طرحاں پنجاب سرکار وی ترنت ککّ بیبیاں دیاں تنخواہاں وچ وادھا کرے۔ اس موقعے ککّ آگوآں نے ایہہ وی منگ کیتی ٹھیکیداری پربندھ واپس لیا جاوے۔ اوہناں ایہہ وی منگ کیتی کہ وبھاگ نے ان پڑھ اتے پڑھیاں لکھیاں ککّ بیبیاں نوں کجھ ضلعیاں 'چ ٹریننگ دتی جا چکی ہے۔ انجھ ہی سبھ ضلعیاں 'چ ٹریننگ دین دا پربندھ کیتا جاوے۔ زبردستی سکولاں 'چوں کڈھیاں ککّ بیبیاں نوں دوبارہ سکولاں وچّ رکھیا جاوے۔ ککّ دی تنخواہ بلاک پدھر 'تے ہی سدھی ککّ دے کھاتیاں 'چ پائی جاوے۔ ککّ بیبیاں لئی وی اک سکول وچوں دوسرے سکول 'چ بدلی کرن دا نیم بنایا جاوے۔ آگوآں نے پھرنٹ دے لوکل آگوآں نوں اپیل کیتی کہ اوہ اپنے-اپنے علاقیاں 'چ سرکار خلاف موہالی وکھے 16 فروری نوں رکھے پردرشن سبندھی تیاریاں پوری محنت نال شروع کر دین۔