|
.
06
بادل نوں سابقہ
مکھ منتری نے بھیجی کھلھی چٹھی
Feb 12, 8:53 PM |
Read More :
سابقہ مکھ
منتری | کیپٹن امریندر سنگھ | مکھ منتری | پرکاش
سنگھ بادل | بھارت سرکار
ٹکراء ہور
ودھیا
دربار صاحب 'تے
فوجی کاروائی نوں لے کے بادل دی نرسمہا نال ہوئی
سی خفیہ بیٹھک : امریندر
جالندھر
(دھون)-پنجاب دے سابقہ مکھ منتری کیپٹن امریندر
سنگھ نے بدھوار خلاصہ کیتا ہے کہ مکھ منتری پرکاش
سنگھ بادل نے ہی بھارت سرکار نوں دربار صاحب 'تے
فوجی کاروائی کرن لئی کیہا سی اتے اسنوں لے کے
اوہناں دی تتکالین کیندری گریہہ منتری پی. وی.
نرسمہا راؤ نال 28 مارچ 1984 نوں خفیہ بیٹھک ہوئی
سی۔
کیپٹن امریندر
سنگھ نے اج بادل نوں لکھی کھلھی چٹھی وچ کیہا ہے
کہ ہن ایہہ معاملہ وشیش طور 'تے سکھاں دی کچہری وچ
آ چکا ہے،
اس لئی پہلاں تہانوں سچائی توں انگولیاں
نہیں ہونا چاہیدا۔
اوہناں کیہا کہ
28 مارچ 1984 نوں نرسمہا راؤ نال ہوئی بیٹھک دوران
کیبنٹ سکتر، پردھان منتری دے پردھان سکتر اتے
کیندری گریہہ سکتر وی موجود سن۔ ایہہ بیٹھک دلی دے
گیسٹ ہاؤس وچ ہوئی سی۔ اس بیٹھک دا ادیش دربار
صاحب دی ستھتی 'تے چرچہ کرنا سی اتے جی. او. آئی.
نوں فوجی کاروائی لئی نردیش دواؤنا سی۔
سابقہ مکھ
منتری نے کیہا کہ بادل نوں اپنی ستھتی خود سپشٹ
کرنی چاہیدی ہے۔ اوہناں نوں اپنی او. ایسّ. ڈی.
جاں بلاریاں دا سہارا نہیں لینا چاہیدا۔ اوہناں
کیہا کہ کلّ میں بادل نوں پچھیا سی کہ کی اوہناں
آپریشن بلیو سٹار توں پہلاں گریہہ منتری نال سدھی
ملاقات کیتی سی کیونکہ اکالی دل دے پردھان سنت
ہرچند سنگھ لونگووال نے تنّ میمبری کمیٹی، جس وچ
گرچرن سنگھ ٹوہڑا، پرکاش سنگھ بادل اتے سرجیت سنگھ
برنالہ سی، نوں گریہہ منتری نال ملاقات کرن لئی
ادھیکار دتے سن۔
28
مارچ دی گریہہ
منتری نال بیٹھک دا ادیش کی سی؟ جدکہ اکالی دل دے
بلاریاں نے ایہہ کیہا ہے کہ بادل دی پردھان منتری
نال ملاقات کافی سماں پہلاں ہوئی سی پر میرا ایہہ
سوال نہیں سی، میرا سوال گریہہ منتری نال ملاقات
کرن دا سی۔
اوہناں کیہا کہ
25 اپریل 1984 نوں سنت ہرچند سنگھ لونگووال نے
پردھان منتری دے نجی سکتر آر. کے. دھون نوں چٹھی
لکھی سی، جس وچ اوہناں کیہا سی کہ تہانوں پتہ ہے
کہ گرچرن سنگھ ٹوہڑا دے جیون نوں بھاری خطرہ ہے،
اس لئی اوہ ایہہ چٹھی لکھ رہے ہن۔ جرنیل
سنگھ پچھے ہٹن والا نہیں ہے۔ اس لئی میرا ایہہ
مننا ہے کہ سانوں اپنی
یوجنا تحت کم کرنا چاہیدا ہے اتے اس
سنبندھی پرکاش سنگھ بادل پہلاں ہی تہانوں وستار
نال جانکاری دے چکے ہن۔
بادل نوں بھیجی
چٹھی وچ کیپٹن نے کیہا کہ تہانوں پتہ ہے کہ 1 جون
نوں تسیں بادل پنڈ وچ سی، جدوں پولیس اتے سی. آر.
پی. ایپھّ. نے دربار صاحب نوں اپنے گھیرے وچ لیا
سی۔ 2 جون نوں بھارتی فوج دی 12 بہار بٹالیئن وی
اس وچ شامل ہوئی۔ ایہناں دوواں گھٹناواں دی
جانکاری بادل نوں پوری طرحاں سی۔ امرتسر لئی
ساریاں ٹیلیفون تاراں 3 جون نوں ہی کٹیاں گئیاں
سن۔
اوہناں کیہا کہ
2 جون نوں لونگووال نے دربار صاحب 'چ اپنے سینئر
نیتاواں نوں بلایا سی۔ ٹوہڑا پٹیالہ توں بیٹھک وچ
حصہ لین لئی پجّ گئے سن پر بادل اپنے پنڈوں بیٹھک
وچ حصہ لین نہیں پجے کیونکہ اوہناں نوں فوجی
کاروائی بارے پتہ سی۔
اوہناں کیہا کہ
بادل دی گرفتاری 11-12 جون دی رات ڈھائی وجے چنڈی
گڑھ نواس ستھان توں ہوئی سی۔ ایہہ کہنا غلط ہے کہ
بادل نوں 10 جون نوں گرفتار کیتا گیا سی۔ امریندر
نے بادل توں ایہناں سارے سوالاں دا جواب منگیا ہے۔
. |