06 ایچ ایس پھولکا نے کینیڈا دورے دوران تنّ وڈے جھوٹھ بولے!

برینپٹن (مارچ 15-2016) سکھس فار جسٹس بارے ایڈووکیٹ ایچ ایس پھولکا ولوں دتے بیان کہ سکھس فار جسٹس نے سکھ نسل کشی دا کوئی کیس نہیں لڑیا، بارے گرپتونت سنگھ پنوں ہی زیادہ جانکاری دے سکدے ہن، پر سکھ چینل راہیں پرسارت اک انٹرویو وچّ عامَ آدمی پارٹی دے سرکڈھّ آگوُ ایچ ایس پھولکا آپ مندے ہن کہ سکھ نسل کشی دے کسے وی کیس وچّ اوہ کسے دھر دے اٹارنی نہیں سن۔ اس انٹرویو وچّ سپشٹ کیتا گیا کہ سکھ نسل کشی دے جنے وی کیس عدالتاں وچّ چلے ہن، اس وچّ کیس سی بی آئی اتے سٹیٹ دے درمیان چلدا رہا ہے۔ وکٹم دے حق دی پیروائی سی بی آئی دا اٹارنی کردا سی اتے سٹیٹ دے حق دی پیروائی سرکاری وکیل کردا سی، بھاوَ ایچ ایس پھولکا دے آپ کہن انوسار اوہ کسے وی کیس وچّ کسے پارٹی ولوں شامل نہیں سن۔ ایہی دوش پچھلے دنیں ایڈووکیٹ پھولکا نے سکھس فار جسٹس اوپر لگایا ہے۔ جس بارے سکھ فار جسٹس دے گرپتونت سنگھ پنو نے پھولکا نوں ڈیبیٹ دا چیلنج کیتا ہویا ہے۔

سکھ فار جسٹس ولوں بیتے سمھیں وچّ اٹارنی ووہرا وی کینیڈا آ کے بول کے گئی ہے جو کجھ کیساں دی پیروائی کردی رہی سی۔ اسدے باو جود سکھ فار جسٹس نے سرکار خلاف اک مہم وڈھی ہوئی ہے جس بارے اسیں ساریاں نوں موٹی موٹی جانکاری ہے جد کہ ایچ ایس پھولکا نوں اپنا پالا ماردا ہووےگا تاں ہی پہلاں اسنے ٹربیون انڈیا نوں 2 مارچ 2016 نوں ٹیلیفون راہیں انٹرویو دے کے خالصتانی گرپاں نوں ریڈیکل کہہ کے بھنڈیا، پھیر اکالی دل بادل نال رلھ کے اوہناں دا ورودھ کرن دا جھوٹھ بولیا اتے تیسرا جھوٹھ سکھ فار جسٹس بارے بول کے اتھوں روانہ ہوئے ہن۔

راجنیتک پکھ توں اینھاں جھوٹھ بولن دا مائنا سمجھ پیندا ہے کہ 2017 دی ایسمبلی چوناں وچّ ہندو ووٹ حاصل کرن لئی اجیہی موقع پرستی دا سہارا لیا جا رہا ہے۔

اگر ایچ ایس پھولکا سکھاں نال درد ہی رکھدا ہندا تاں اسنوں بھائی ستونت سنگھ، کیہر سنگھ، سکھا، زندہ، تارہ، بیورا، ہوارا اتے سینکڑے ہور کھاڑکوآں دے کیساں وچّ وی دلچسپی دکھاء سکدا سی۔ پر گلے تھاں تے پیر رکھن توں ڈردا ایچ ایس پھولکا، سکھاں دیاں جڑاں وچّ تیل دین لئی مکھ منتری دی کرسی دا سپنا دیکھن لگّ پیا ہے۔

اکالی دل امرتسر کینیڈا ایسٹ دی یونٹ ولوں پردھان سکھمندر سنگھ ہنسرا، سکتر جگدیو سنگھ طور اتے یوتھ دے آگوُ پرمندر سنگھ نے کیہا کہ عامَ آدمی نال جڑے کینیڈا دے ولنٹیئر ویراں نوں ایہناں جھوٹھ دے پلندیاں دی روشنی وچّ اپنا پکھ ضرور رکھنا چاہیدا ہے، کہ بالداں جاں کیپٹناں نوں لاہ کے اگر آہی لوک اگے لیاؤنے ہن تاں پنجاب جاں سکھاں دی کی سنوریگا۔