|
.
08 سنجے دی ہنکاری نیچر تے لٹ گھسٹ نے، رکھیا پنجاب وچ، بھرشٹاچار سلامت۔
میریاں پوسٹاں تے کھسی ظاہر کرن والے ویراں
دا، اک وار دھنواد۔
پر ناراضگی ظاہر کرن والے ویراں دا، لکھ
لکھ دھنواد۔
کیونکہ غصہ پرگٹاؤن توں بعد، ہر انسان دے
من وچ، سچائی دی پڑتال کرن دی لوڑ پیندی ہے۔ بسّ
ایہی میرے لئی وردان ہے۔ میریاں پوسٹاں تے ہزاراں
میسیج، ایمیل تے ٹیلیفون آئے ہن۔ جنہاں کھوج
بھرپور لیکھاں لئی بہت شلاگھا کیتی ہے۔ میری
ویبسائیٹ لکھاں لوکاں ولوں دیکھی گئی ہے۔ اہنا دا
دھنواد کردیاں، ناراضگی والے ویراں نوں کجھ کو
بینتیاں کرنیاں چاہندا ہاں۔ اک ویر نے کیہا ہے، کہ
مینوں بادلاں نے ٹکّ پا دتا ہے۔
اک ویر نے کیہا ہے کہ اس تے بادلاں نے کنے
کیس بنائے ہن۔ پر ایہہ اجے بھی کیجریوال دا ورودھ
کر رہا ہے۔ جس دا فائدہ بادلاں نوں جاندا ہے۔ اوہ
ویر ٹھیک ہے۔ سکھبیر بادل نے سکندر سنگھ ملوکا تے
بلوندر سنگھ بھوندڑ راہیں، میری تقریباً ساری
جائداد لٹّ لئی ہے۔ لٹن توں پہلاں اوہ جھوٹھے کیش
بناؤندے ہن۔ کورٹاں نے اپنے فیصلے وچ صاف لکھیا کہ
ایہہ اکالی تے سرکاری جبر ہے۔ بادلاں نے مینوں
کنھاں نؤندا پایا ہے۔ ایہہ ویروا اتھے نہیں دتا جا
سکدا۔ کرپا کرکے میری ویبسائیٹ دیکھ لؤ۔ (
WWW.PACM.IN )
اس سمیں توں میں بادلاں توں بدلہ لین لئی
ترس بھی رہا ہاں، تے حوصلہ بھی نہیں چھڈیا۔ مے
پنجاب وچ اکو اک آدمی ہاں، جس نے بادل دیاں لٹاں
وارے انگنت لیکھ لکھے ہن، تے لکچر کیتے ہن۔ بھائی
رنجیت سنگھ خالصہ اکو اک انسان ہے، جس نے سنگت نوں
ہزاراں وار دسیا، کہ بادلاں نے گورو گھر کویں لٹے
ہن۔ اوہ باہر جا کے پرچار کر سکے۔ پر بادل سرکار
نے میرا پاسپورٹ ضبط کر لیا سی۔ بھاویں میریاں
بادل خاندان نال تنّ نزدیکی رشتے داریاں ہن۔
میں بادلاں توں اپنی جائداد واپس لین لئی،
کیپٹن صاحب نوں اپنی سمرتھا انوسار سہیوگ دتا۔ پر
مے کانگرس دا پرائمری میمبر نہیں بنیا۔ کیونکہ دلی
دے سکھگھات وارے مینوں بابو کانشی رام نے اصلیت دس
دتی سی۔ مینوں کیپٹن صاحب نے ٹکٹ دین لئی جسی صاحب
نوں دلی توں میرے گھر جلال بھیجیا سی۔ میں پٹیالے
جا کے معافی منگ لئی سی۔ پر جد میں دیکھیا کہ
کیپٹن تے بادل اندروں اک ہن۔ مینوں گھور نراشتا
ہوئی۔
پر میں اپنے یتن نہیں چھڈے۔ اپنی اینٹی
کرپشن پارٹی بنائی۔ جون 2015 نوں عامَ آدمی پارٹی
نے "پنجاب جوڑو" مہم شروع کیتی۔ سنجے سنگھ نے بادل
نوں غنڈہ کیہا، مینوں بڑی کھسی ہوئی۔ اپنی "اینٹی
کرپشن پارٹی" دی ویبسائیٹ بدل کے، میں "پنجاپ" بنا
دتی۔ مے کوئی اڈنبر نہیں کیتا۔ میں مارچ 2013 توں
اننھا ہزارے جی نال جڑیا ہویا ہاں۔ میں بٹھنڈہ
پارلیمینٹ لڑن لئی، سنجے جی نوں آپ دے پرانے دفتر
وچ ملیا سی۔ یقین کرو۔ میں بادلاں نوں اس سمیں دے
حالات انوسار اوش ہرا سکدا سی۔ ٹکٹ بھاویں نہیں
ملی، پر میں آپ دے سوہلے گاؤندا رہا۔
میں مکتسر کانفرنس سمیں اپنے رشتے داراں
کول، کانپھرنش دی کامیابی لئی چکر لاؤندا، پر شام
نوں سیکھوں صاحب کول، پنڈال لگاؤن والے استھان تے
آ جاندا سی۔ میرے بیٹھیاں ہی سیکھوں صاحب نے، سنجے
جی نوں دسیا، کہ مجیٹھیئے نے اس پر مجیٹھا دا کیس
کر دتا ہے۔ میں سنجے جی نوں دو وار کیہا کہ تہانوں
وکیل تاں کہن گے، کہ جنہاں چر سمن نہیں آؤندے،
آپاں کجھ نہیں کر سکدے۔ پر بے فکر رہو۔ مے تہانوں
سمن نہیں ہون دیاں گا۔ مے دو وار کیہا، پر دونوں
وار سنجے جی نے اپنا منہ دوجی طرف پھیر لیا۔
کیونکہ اوہ اتنے مغرور ہن، کہ عامَ بندے دی گلّ
سننا ہتک سمجھدے ہن۔
اہنا نوں ایہہ بھی پتہ سی، کہ میں دو وار
ایم ایل اے رہا ہاں۔ کھیتی قیمت کمیشن دا میمبر
رہا ہاں۔ بھارتی کھیتی کھوج سنستھا، جس ادھین
بھارت دیاں 65 کھیتی یونیورسٹیاں ہن، دا ڈائریکٹر
رہا ہاں۔ اس لئی پنجاب دی عامَ آدمی پارٹی دا سبھ
توں سینئر میمبر ہاں۔ اناں جی نال 2013 توں جڑیا
ہویاں ہاں۔ خیر جد سنجے صاحب، پاٹھک جی، سچا سنگھ،
مان صاحب، جان لئی گڈی وچ بیٹھ گئے، تاں مے پھر
سنجے سنگھ نوں بینتی کیتی، کہ جے تسیں اجازت دیوں،
تاں میں تہاڈے سمجھن روک سکدا ہاں۔ جس تے سنجے
سنگھ نے سیکھوں صاحب نوں کیہا، کہ میرا کیس اس نوں
دے دیوو۔ میں کیہا کہ میں صرف اجازت منگدا ہاں۔
پیسے اپنے کولوں خرچ کراں گا۔ اوہ بناں بولے چلے
گئے۔
اہنا دی تاریخ ماگھی توں اگلے دن سی۔ پر
میں پہلاں ججّ صاحب نوں دلیل دین لئی، ماگھی والے
دن ملنا ٹھیک سمجھیا۔ اس لئی مے حاضری لواکے
لدھیانے س بکرم پال سنگھ جی دی کورٹ وچ پہنچ گیا۔
میں اہنا نوں اپنی دلیل دتی کہ میں پھریلانش
جرنلشٹ ہاں۔ کسے پارٹی دا کوئی عہدیدار نہیں۔ اس
ایکٹ دا مفاد غلط ہے۔ کیونکہ کوئی بھی کرپٹ عنصر،
اپنے خلاف، پریس نقطہ چینی، پولیس پچھ پڑتال، کسے
اپنے آدمی توں مڈھلی کورٹ وچ شاجسی درخاست دعا کے،
روک سکدا ہے۔ ایہہ ادھیکار صرف ہائی کورٹ کول ہونا
چاہیدا ہے۔
میں اس نوں ہائیکورٹ لے جانا چاہندا ہاں۔
مینوں دو مہینے دا سماں چاہیدا ہے۔ مینوں اس کیس
دی ودھیرے جانکاری، تے پروسیجر جانن لئی، پارٹی
بنایا جاوے۔ ججّ صاحب نے اس شرط تے مینوں پارٹی
بناؤن تے رضامندی ظاہر کر دتی، کہ میں کورٹ دی
کاروائی، پریس نوں رلیز نہیں کراں گا۔ اہنا مینوں
اگلے دن 9 وجے کورٹ اندر آؤن دی منظوری دے دتی۔
میں سنجے جی نوں ایہہ دسن لئی ٹیلیفون
کیتا، کہ مان یوگ کورٹ نے میری دلیل منّ لئی ہے۔
پر سنجے صاحب نے میرا ٹیلیفون چکّ کے، میری اوہ بے
عزت کیتی، کہ مینوں زندگی وچ پہلی وار اک عجیب
احساس ہویا۔ اوہ کہہ رہے سی کہ توں مینوں ٹیلیفون
کرن والا ہیں کون؟ میں بہت یاد کراؤن دی کوشش
کیتی۔ پر اوہ ہر وار مینوں ڈاٹاں ماردے رہے تے
کیہا کہ خبردار جے اگوں مینوں ٹیلیفون کیتا۔
سنجے صاحب دے اس وطیرے دا کارن مینوں بہت
چر بعد پتہ لگا۔
دوسری وار جد اکالیاں نے دھرمکوٹ دے اک
لڑکے توں کیجریوال، سنجے سنگھ، سچا سنگھ، مان
صاحب، تے سادھو سنگھ تے استغاثہ کروایا، تاں مے
بناں کسے کول نمبر بنائے، استغاثہ کرن والے تے
کرواؤن والے، دوناں تے کیس کر دتا۔ جس نال اہنا
خلاف پنج جرم ثابت ہو سکدے ہن۔ مان یوگ منپریت
سنگھ جی نے پچھیا، کہ اس سٹیج تے تہاڈا پارٹی بنن
دا کی ادھیکار ہے۔ میں بینتی کیتی کہ میں ایہہ کیس
190 بی دے تحت نہیں کیتا۔ 190 سی دے تحت کیتا ہے۔
اس درخاست راہی، جھوٹھے ڈاکومینٹ بنا کے، جھوٹھے
ثبوت بنا کے، کورٹ وچ جرم کمٹ کیتا جا رہا ہے۔ میں
اس جرم دی انفرمیشن دتی ہے۔ لائے الزام ثابت نہ
ہون تے سجا دینا کورٹ دا کم ہے۔ میرے دلیل دین تے
اہنا میرا استغاثہ وچار ادھین رکھ لیا۔
اس لڑکے نوں سرکار دی حمایت سی۔ اس نوں
گنمین ملے ہوئے سن۔ دس پندراں منڈے بھی اس نال
ہندے سن۔ مینوں سی آئی ڈی نے کیہا کہ تسیں بچا
رکھو۔ تہاڈا نقصان ہو سکدا ہے۔ میں کیہا مینوں
پرماتما تے بھروسہ ہے۔ پر کسے میرا شکرانہ کرنا
بھی ٹھیک نہیں سمجھیا۔ میں آپ دے پنجاب لیڈراں نوں
ملن دی بہت کوشش کیتی۔ پر کوئی بھی مینوں سنجے
سنگھ دے ساہمنے نہیں ملنا چاہندا سی۔
میں حیران سی، کہ میں اس پارٹی دا سبھ توں
سینئر میمبر ہاں۔ سبھ توں پرانا ہاں۔ پنجاب دا
ودھیا بلارا منیاں جاندا سی۔ مینوں دھرکاریا جا
رہا ہے۔ پر گھگی جی ہراں نوں، جو کل آئے ہن، ہیرو
بنایا جا رہا ہے۔ اس دی مینوں سمجھ نہیں سی آ رہی۔
میں اپنے اس گلے وارے، کیجریوال جی تے دوسرے
لیڈراں نوں ملن لئی، دلی کئی گیڑے لائے۔ بہت سمیں
بعد ایہہ گلّ نکلی، کہ پارلیمینٹ دی چون سمیں میں
کیہا سی، کہ کیجریوال صاحب بادلاں نوں جتاؤنا
چاہندے سن۔
میں ایہہ گلّ بالکل نہیں سی کہی۔ پر ایہہ
اصلیت سی۔ پہلے بٹھنڈے لئی منپریت دی خبر آئی سی۔
پھر ڈی جی پی صاحب ششی کانت جی دا اعلان ہویا سی۔
اہنا دی ٹکٹ کٹّ دتی گئی سی۔ چون توں کجھ کو دن
پہلاں ہی، میں ٹکٹ لین لئی سنجے سنگھ جی نوں دلی
دفتر وچ ملیا سی۔ اہنا نوں مے انا ضرور کیہا سی کہ
ششیکانت نوں بدل دینا تے ٹکٹ اتنی لیٹ کرنی تاں
بادلاں نوں جتاؤن والی گلّ ہے۔ میں ایہہ سہبن ہی
کیہا سی۔ میری کوئی ناراضگی والی گلّ نہیں سی۔ میں
پورے تن من نال پارٹی دی مدد کردا رہا سی۔
اس چھوٹی جہی گلّ تے ایڈے وڈے ورودھ نے
مینوں کجھ کھوج کرن دی پریرنا دتی۔ جو کجھ ثابت
ہویا، میرے نال ناراضگی ظاہر کرن والے ویر سن نہیں
سکن گے۔ پنجاب دیاں کئی سیٹاں اتے ویونت بندی
انوسار بادلاں نوں جتایا گیا۔ میں کسے ہور دا ذکر
تاں نہیں کر سکدا۔ پر اپنے نندکاں نوں ایہہ بینتی
ضرور کردا ہاں، کہ اوہ پہلے بٹھنڈہ پارلیمینٹ،
تلونڈی ضمنی چون، دھوری ضمنی چون دا سروے کروا
لین۔ دھوری وارے مان صاحب نے پہلے کیہا سی کہ
دھوری نوں آپ ولوں ودھیا امیدوار دتا جائے گا۔ مان
صاحب دھوری اوش جت سکدے سن۔ پر اپروں بھانا بیت
گیا۔
جو دھروہ بادل صاحب اکالی دل نال کردے رہے
سن۔ اوہی دھروہ کیجریوال جی تے سنجے سنگھ جی نے آپ
نال کیتا۔ بادلاں توں بہت وڈا مفاد لے کے ایہہ
سیٹاں ہرائیاں گئیاں۔ جسی جسراج نوں اس لئی کڈھیا
گیا کہ اس دی گلّ دا کوئی اثر ناں ہووے۔ اندروں
بادل صاحب تے کیجریوال جی۔ بکرم سنگھ مجیٹھیا تے
سنجے سنگھ جی، اک سن۔ کیس لوکاں نوں مورکھ بناؤن
لئی کیتا گیا ہے۔ ویرو اتنا تاں سوچ لؤ۔ جس بیان
نال کورٹ وچ کیس ہونا ہے۔ اسے بیان نال تھانے رپٹ
لکھا کے کسے نوں جیل سٹیا جا سکدا ہے۔ سنجے جی روز
کہندے ہن کہ، جے مجیٹھیئے وچ طاقت ہے تاں مینوں
پھڑکے دکھاوے۔ اصلی دشمن کدوں کہندا ہے تے کدوں
برداشت کردا ہے۔ سکھبیر نے اپنے نجی چیئرمین، اپنی
پارٹی دی سہیوگی پارٹیاں دے لیڈراں نوں، جیل وچ
سٹّ دتا۔ سنجے تاں کوئی چیز ہی نہیں۔ اس کول کوئی
سرکاری عہدہ نہیں۔ کوئی اچا سٹیٹس نہیں۔
سنجے جی دے پچھوکڑ وارے کیجریوال جی توں
بناں، کسے آپ والے نوں بھی کوئی جانکاری نہیں ہے۔
اوہ یو پی وچ تقریباً 50 کو سال پہلے جمے۔ 2013 وچ
اوہ ناملورتن لہر نال جڑے۔ وچکارلے تیہہ چالی
سالاں وارے اجے تکّ کسے نوں بھی نہیں پتہ۔ جے
مجیٹھیا چاہے تاں اس سمیں دیاں انیکاں کمیاں بھال
سکدا ہے۔ اس دی بھین کیندری منتری ہے۔ کیندر نال
سانجھ ہے۔ کی کسے ہور پارٹی وچ اجیہے رہسّ چل سکدے
ہن۔ پر مینوں پتہ ہے کہ سنجے صاحب بہت وڈی ہستی
ہن۔ اس دی رسس نال سانجھ ہے۔
ویرو میں عامَ آدمی پارٹی دا، اپنی لوڑ
لئی، سبھ توں وڈا حمایتی رہا ہاں۔ میں بادلاں توں
اپنی جائداد واپس لینی ہے۔ پر کیجریوال تے سنجے
توں مینوں گھور نراشتا ہوئی ہے۔
کیجریوال جی، اک وشیش کارن کرکے، سنجے سنگھ
تے سسودھیا جی توں، کسے حالت وچ بھی باہر نہیں ہو
سکدے۔ میں کوئی عہدہ نہیں چاہندا سی۔ صرف بادلاں
دی ہار چاہندا ہاں۔ ایہہ آس کیجریوال توں پوری
نہیں ہو سکدی۔ اسے لئی چاہندا ہاں کہ پنجاب دی آپ
لیڈرشپ اکٹھی ہوکے، دوسریاں سہیوگی پارٹیاں نوں
نال لے کے، اپنی سرکار بنائے۔ جت یقینی ہے۔ مے
اپنے ناراض ویراں نوں ایہہ بھی دس دینا چاہندا
ہاں، کہ کیجریوال تے سنجے جی، پنجاب دی آپ لیڈرشپ
نال بھی بے ایمانی کر رہے ہن۔ ہر نیشنل پارٹی دے
سٹیٹ یونٹ بناؤنے ضروری ہندے ہن۔ جس دا پورا ویروا
الیکشن کمیشن نوں دینا ہندا ہے۔ ہر سٹیٹ یونٹ دا
اک پریزیڈینٹ، اک خزانچی، اک دفتر سیکٹری ہونا، اس
دی الیکشن کمیشن کول ہوند بناؤن لئی ضروری ہندا
ہے۔ پر پنجاب یونٹ دی کوئی ہوند نہیں ہے۔ ٹیلیفون
تے رنگ مار کے میمبر بنن والیاں نوں، الیکشن معرکے
نہیں مندا۔ دلی والے، دلی یونٹ توں ٹکٹاں جاری کرن
گے۔ اوہ جس نوں چاہن ڈسمس کر سکدے ہن۔ پارٹی چوں
کڈھکے جیل بھیج سکدے۔ سنجے سنگھ نوں مکھ منتری
بناؤنا نشچت ہے۔ جو لیڈر اپنی پارٹی لئی ہی وفادار
نہیں، اوہ تہانوں مینوں کی وفا کرے گا۔
ویرو میں کسے ناراضگی ادھین کجھ نہیں
لکھدا۔ جو لکھدا ہاں کھوج دے ادھار تے لکھدا ہاں۔
جو ویر میریاں اج دیاں پوسٹاں نوں منگھڑت کہندے
ہن۔ اوہ اس وارے وکیپیڈیا اتے کیجریوال جیدی جیونی
پڑھ لین۔ جے سچائی ناں ہووے تاں جو چاہن کہہ سکدے
ہن۔ جو کجھ میں پچھلیاں پوسٹاں وچ کیہا ہے۔ اسدا
ویروا اگلیاں پوسٹاں وچ دین دی کوشش کراں گا۔ پر
اتنا لمبا ویروا پوسٹاں راہی نہیں دتا جا سکدا۔
سچائی جانن لئی میری ویبسائیٹ دیکھن دی کرپالتا
کرنی۔ (
WWW.PACM.IN )
ناراضگی ظاہر کرن والے ویرو۔ پرماتما
تہانوں اچیاں بلندیاں بخشے، پر سچائی نوں پرکھن
دی، سمرتھا دین دی بکھسش بھی کرے۔ ربّ راکھا۔
. |