|
.
11 شنتوش کولی دا قتل کس نے کروایا ہے؟
کیجریوال جی نوں کجھ سوال، کجھ سنکیاں دی نورتی لئی
مان یوگ کیجریوال جیؤ!
پنجاب دے لوک جاننا چاہندے ہن کہ:- شنتوش کولی دا قتل کس نے کروایا ہے؟
کیجریوال صاحب تہاڈے پنجاب دی چون کمانڈ سنبھالن تے پنجاب دے لوک تہاڈی صحیح
پہچان کرنا چاہندے ہن۔ دلی دی راجنیتی نال پنجاب
دے لوکاں دا کوئی واسطہ نہیں۔ پر اج تسی امان داری
دا برقع پاکے، انقلاب دا جھنڈا پھڑکے، پنجاب تے
راج کرن دی راجنیتی ادھین آ رہے ہوں۔ اس لئی پنجاب
دے لوکاں دا حق ہے کہ اوہ جان سکن کے تہاڈے اس
برقعے ہیٹھ کی کی راج کارنامیں چھپے ہوئے ہن۔ اس
لئی تہاڈے ولوں کجھ سنکیاں دا سپشٹی کرن ضروری ہے۔
تسی اپنے اپنے آپ نوں اک ایماندار تے انقلابی لیڈر
دس دے ہوں۔پر تہاڈا پچھوکڑ، تہاڈا اتہاس، تہاڈے
کارنامیاں نوں دیکھدیاں تسی دنیاں دے اتی بھرشٹ،
دھوکھیباج، پکھنڈی تے سٹنٹ باز ثابت ہندے ہوں۔
اس دا فیصلہ کرن لئی، تہانوں جانن لئی،
سموہ دیس پردیس وسدے پنجابیاں نوں تہاڈی اصلیت
درساؤن لئی، پنجاب اینٹی کرپشن پارٹی (پیئیسیپی)
ولوں یو ٹیوب تے اک لڑی شروع کیتی جا رہی ہے
”کیجری دے کارنامیں”۔ اس سبندھی تہانوں پہلا سوال
ہے کہ:-
کیجریوال جیؤ! پنجاب دے لوک جاننا چاہندے ہن کہ کی سر کولی دا قتل تسیں
کروایا ہے؟ کولی دے ماپیاں دی انگل تہاڈے ولّ
اٹھدی ہے۔ دلی دا سوشل میڈیا، دلی دا چیتن ورگ،
تہاڈے ول انگل کردا ہے۔ جے تسیں نہیں تاں کس نے
کروایا ہے؟ کس توں کروایا ہے؟ انیکاں ہور سوال
پچھن توں پہلاں تہانوں سنتوش کولی دی یاد تازہ
کرواؤنی ضروری ہے۔
عمر 16 کو سال دی، پچھڑے ورگ دی، پلسّ ٹو پاس، سندر نگری دی رہن والی، لڑکی
سنتوش کولی نوں، تسیں سال 2000 وچ، اپنی "پرورتن
لہر" دی پہلی سیوادار بنایا۔ تسی سندر نگری وچ
کولی دے گھر نوں اپنی پرورتن دا دفتر بھی بنا لیا۔
کولی دے ماں باپ تے وڈی بھین مزدوری کردے سن۔ تسی
کولی نوں ہزار روپئے مہینہ تے رکھیا سی، پر مگروں
سال بعد 13 ہزار دین دا لالچ دتا۔ پر جد سال بعد
13 ہزار دا چیکّ، پرورتن دے کھاتے وچوں دتا گیا،
تاں اوہ باؤنس ہو گیا۔ اس توں بعد کولی نوں کوئی
پیسہ دین دا، تہاڈا کوئی بھی ریکارڈ پشٹی نہیں
کردا۔ پر تہاڈے افسری دے رعب نے کولی نوں تہاڈے
نال جوڑی رکھیا۔ کولی 12 سال تہاڈی سیوا وچ رہی۔
تسی انکم ٹیکس وچ سہائک افسر ہون کرکے پھراڈ
کمپنیاں دے گھپلیاں دا پتہ لگا لیندے سی۔ کولی توں
آر ٹی آئی تحت درخاست دعا دندے سی۔ آپ تسی موٹی
مار ماردے سی۔ کولی نوں راشن ونڈن والیاں ورودھ
شکایتاں کرن لا دندے سی۔
تسی 69 صنعتکاراں ورودھ پرورتن دے پیڈ اتے کولی توں انفرمیشن منگوائی۔
تقریباً 70 عرب توں ودھ دے گھپلے ساہمنے آئے۔ تسی
شاید آپ موٹے چڑھاوے لئے ہون۔ کیوں کے تسی کسے اک
دے خلاف بھی کوئی شکایت نہیں کیتی۔ کوئی بھی
کاروائی نہیں کیتی۔ پر بے ایمانی جاں چانکیا
راجنیتی نال، بھانڈا کولی سر بھندے رہے۔ جس دے
فلسروپ کولی تے 9 وار حملہ ہویا، کٹّ مار ہوئی۔ اک
وار اسدا گلا بھی بہت کٹّ دتا گیا۔ پر اوہ تہانوں
سمجھ نہیں سکی۔ تہاڈے انقلاب تے پرورتن دے ہپنوٹزم
توں چھٹکارا اوہ نہیں پا سکی۔ اوہ آپ وچ تہانوں
سہیوگ دین والی پہلی لڑکی سی۔ اس نے آپ وچ سبھ
میمبراں توں ودھ کے پرچار کیتا۔
تسی 2013 دی اسمبلی لڑن دا فیصلہ کیتا۔ اک چوتھائی سیٹاں استریاں نوں دینیاں
سن۔ کولی نے اپنے آپ نوں سیما پوری رجرو توں
امیدوار سمجھ کے کم کرنا شروع کر دتا۔ تسیں اجے
امیدواراں دا اعلان نہیں سی کیتا۔ شاید تہاڈی
ایگو، تہاڈا ہنکار چیلنج ہو گیا سی۔ پر جس طرحاں
کولی دی مردہ دیہہ نوں کئی دن ساری دلی وچ گھمایا
گیا۔ دوش لایا گیا کہ کولی نوں کانگرس نے اس لئی
مروایا ہے کہ کانگرس ہار رہی ہے۔ اس توں لوکاں نوں
شکّ ہویا کہ کولی، ووٹاں بٹورن، ووٹراں نوں گمراہ
کرن لئی، چانکیا راجنیتی دا شکار ہو گئی ہے۔
کجھ شنکے، کجھ سوال، جو کولی دے ماں باپ تہاتھوں پچھدے پچھدے ہار بیٹھے ہن۔
جو دلی دا میڈیا تہانوں وار وار پچھ رہا ہے۔ تسیں
جواب دندے ہوں کہ ”اس دی موت رنگ لیائی ہے۔ اس دی
موت نے ساڈا انقلاب اگے ودھایا ہے”۔ اج اوہی کجھ
کو سوال پنجاب دے لوک تہانوں پچھنا چاہندے ہن۔
فلحال کل 60 کو سوال ہن۔ امید ہے کہ تسیں
پنجاب وچ اپنا انقلابی تے پرورتن لیاؤن والا بھاشن
دین توں پہلاں ایہناں شنکیاں وارے سپشٹیکرن ضرور
دیووں گے۔ پہلا سوال آپ دی سینئر لیڈر، سنتوش کولی
دی رہسمئی موت وارے ہے۔
1. کولی دی موت تہاڈے گھر و دفتر دے بہت نزدیک 30 جون 2013 نوں رات دے ساڈھے
9 وجے ہوئی۔ اوہ تہاڈے دفتر آ رہی سی۔ تسی دنے تنّ
وجے دی گھٹنا کیوں دس دے ہوں؟ اوہ رات سمیں تہاڈے
دفتر کیوں آ رہی سی؟ کی تسی اس نوں اپنا کوئی آدمی
بھیج کے بلایا سی؟
2. تسیں دس دے ہوں کہ “اک بہت تیز کار نے وڈی چوڑی سڑک تے پچھوں ٹکر ماری۔
عامَ طور تے ایکسیڈینٹ کرن والا اک وار پچھے مڑ کے
ضرور دیکھدا ہے کہ کی ہویا۔ پر اس کار والے نے
پچھے مڑ کے نہیں دیکھیا۔ سگوں کار ہور تیز کر
لئی”۔ پنجابی جاننا چاہندے ہن کہ تسیں رات دے سمیں
اس گھٹنا والی تھاں تے کویں کھڑے سی۔؟
3. اج تکّ ناں ہی کار لبھی ہے۔ ناں ہی کار دا ڈرائیور۔ جے رات سمیں تہانوں
کار دا ڈرائیور دس رہا سی کہ اس نے پچھے مڑ کے
نہیں دیکھیا۔ تاں تہانوں لائیٹاں والا کار دا نمبر
کیوں نہیں دسیا۔؟
4. تہاڈے کجھ بندے کہندے ہن کہ اوہ سو ٹائیپ دی وڈی گڈی سی۔ پر تسیں کہہ رہے
ہوں کہ اوہ کار سی۔ کیوں؟
5. تسی لوکاں نوں دس رہے سی کہ کولی اپنے کسے جانو نال بائیک تے آ رہی سی۔ پر
ایہہ کیوں لکو رہے سی کہ اوہ تہاڈے خاص ال خاص
سپورٹر کلدیپ دے بائیک تے آ رہی سی۔
6. تسی دس دے رہے کہ کولی کسے ہور ورکر نال دفتر آ رہی سی۔ دو جنے ہی بائیک
تے سوار سن۔ پر اصلیت وچ دو نہیں تنّ جنے بائیک تے
سوار سن۔ دوسری لڑکی تہاڈی نزدیکی رشتے دار دسی
جاندی ہے۔ جو اسے دن شام نوں ہی کلدیپ دے نال گئی
دسی جاندی ہے۔ تسیں اس لڑکی نوں کیوں لکاؤندے رہے؟
7. تسیں کہندے ہوں کہ کار دی ٹکر اتنے زور
نال وجی کہ بائیک ویہہ فٹّ تکّ گھڑیسی دی گئی۔
پنجاب دے لوک جاننا چاہندے ہن کہ اتنی زوردار ٹکر،
تے اتنی لمبی گھڑیس، جس نال کولی دا سر پھٹ گیا۔
اوہ کومے وچ چلی گئی۔ اسے ہی ٹکر تے گھڑیس نال
کلدیپ تے تہاڈی رشتے دار لڑکی دے جھریٹ تکّ کیوں
نہیں آئی؟
8. گھٹنا والی بائیک دے پچھلے ٹائر نوں اگّ لگی ہوئی سی۔ جو میڈیئے دے پہنچن
تکّ بھی جل رہی سی۔ بائیک دی نمبر پلیٹ بھی سڑ چکی
سی۔ لکھاں ایکسیڈینٹ ہوئے نے۔ پر ایکسیڈینٹ والے
بائیک دی نمبر پلیٹ سڑ جائے۔ پچھلا ٹائر سارا سڑکے
ملوا گر جائے۔ موقعے تے لئے گئے فوٹو صاف شنکا
پاؤندے ہن کہ ایہہ گھٹنا اتھے نہیں ہوئی۔ ناں ہی
کتے خون دے نشان دسدے ہن۔ ناں ہی سڑک تے کوئی
بائیک کھچے جان دا نشان ہے۔ بائیک دا پچھلا ٹائر
تاں سڑ کے ختم ہو گیا۔ پر بائیک دے نال پیا دس رہا
سکا گھاہ تے چھلکے اسے طرحاں موجود ہن۔ ایہہ گھٹنا
اتھے کویں ہوئی؟
9. گھٹنا والی تھاں تے دو ٹٹے ہوئے ہوائی چپل پئے ہن۔ دسیا گیا کہ ایہہ چپل
کولی دے ہن۔ پر حیرانی اس گلّ دی ہے کہ کلدیپ تے
تہاڈی رشتے دار لڑکی دے چپل جتی کیوں نہیں لتھے؟
10. تسیں اک افسر سی۔ تہاڈے کول پولیس ہی نہیں ساری منسٹری دے نمبر موجود سن۔
پر تسیں پولیس نوں اطلاع دتے بناں، کولی دے ماں
باپ بھین رشتے داراں نوں انفرمیشن دتے بناں، کولی
دی لاش وانگ پئی باڈی نوں، 20-25 کلو میٹر دور
والے ہسپتال وچ کس بھاونا نال لے کے گئے؟
11. ڈاکٹراں نے دسیا کہ کولی دے ہیڈّ انجری ہے۔ باقی سارے سریر تے کوئی جھریٹ
نہیں ہے۔ کی دسو گے جو لڑکی اتنی وڈی چوٹ دی شکار
ہووے کہ اسدا سر پاٹ گیا ہووے۔ ویہہ فٹّ تکّ تیز
کار دے دھکے نال دھکی ملی گئی ہووے۔ اس دے سریر
اپر کوئی چھوٹی موٹی جھریٹ بھی کویں نہیں آئی؟
12. ڈاکٹراں ولوں دتی گئی میڈیکل رپورٹ تہانوں پولیس نوں بھیجنی چاہیدی سی۔
پر تسیں اس نوں اپنے قبضے وچ لے کے ہی ہن تکّ
دبائی رکھیا ہے۔ اوہ رپورٹ جد پولیس نوں دتی ہی
نہیں تاں پولیس نوں کیس نہ بناؤن لئی بہانہ تسیں
کیوں دتا۔ اس پچھے تہاڈی کی بھاونا ہے؟
13. ڈاکٹراں ولوں دتا گیا ٹریٹمینٹ ہسپتال وچ رہنا چاہیدا سی۔ تاں کہ پولیس
جاں کوئی بھی انویسٹیگیٹنگ ایجنسی اس نوں ایگجامن
کر سکے۔ پر تسیں اس نوں بھی اپنے قبضے وچ لیا ہویا
ہے۔ کولی دے ماپیاں دے وار وار منگن تے بھی تسی
میڈیکل رپورٹ تے ڈاکٹراں ولوں دتا ٹریٹمینٹ اوہناں
نوں ناں ہی دتا۔ ناں ہی دکھایا۔ اوہناں نوں تاں اج
تکّ بھی نہیں پتہ کہ اوہناں دی لاڈلی ہونہار دھی
نال کی بھانا واپریا ہے۔ ایہہ راج چھپاؤن پچھے
تہاڈا کی منورتھ ہے۔
14. کولی 37 دن ہسپتال وچ جیوندی رہی۔ تسی ہر سمیں چیکّ رکھدے رہے کہ کتے
ایہہ بولن تاں نہیں لگّ پئی۔ تسیں اس دے گھر بھی
ایہہ جانن لئی جاندے رہے کہ کون آ جا رہا ہے۔
(ایہہ میں نہیں کہہ رہا۔ اس دے ماپے کہندے ہن) پر
37 دناں بعد کولی دی طبیعت اچانک خراب کیوں ہو
گئی۔ اس دا پتہ ڈاکٹراں دی رپورٹ تے پوسٹ مارٹم
رپورٹ توں ہی لگّ سکدا ہے۔ پوسٹ مارٹم پولیس دی
موجودگی وچ ہی ہونی چاہیدی سی۔ پوسٹ مارٹم رپورٹ
دی اک کوپی ہسپتال تے دوسری پولیس کول جانی چاہیدی
ہے۔ کولی دے ماپے تے دلی دے شہری صاف کہہ رہے ہن
کہ پوسٹ مارٹم رپورٹ تسیں اپنے کول دبائی ہوئی ہے۔
ناں پولیس نوں دتی ہے۔ ناں ماپیاں نوں دکھائی ہے۔
آپ دے ہی میانک گاندھی نے ایہہ گلّ میڈیا نوں دسی
سی کہ تسیں ایہہ رپورٹ اپنے پاس ہی دبائی ہوئی ہے۔
15. کولی دے حادثے تے علاج سمیں لوک کہہ
رہے سن کہ کولی یشودھا ہسپتال وچ ہے۔ پر تسیں کہہ
رہے ہوں کہ کولی دی موت پھورٹس ہسپتال گڑگاؤں وچ
ہوئی ہے۔ کولی ہلکے دی امیدوار سی۔ ہزاراں لوک
اسنوں دیکھنا چاہندے ہون گے۔ لوکاں نوں ایہہ کیوں
نہیں دسیا گیا کہ کولی کس ہسپتال وچ ہے۔
16. کولی دے سوک سماگم سمیں تسیں اپنا متھا پھڑکے رون دا ناٹک کر رہے سی۔
تہاڈا کوی تہانوں چپّ کرواؤن دا ناٹک کردا ہویا
مسکرا رہا سی۔ کیوں؟ اس لئی کہ اوہ جاندا سی کہ
تسی جھوٹھا ناٹک کرنا جاندے ہوں اتے کر رہے ہوں۔
17. کولی دی موت توں بعد تسیں اپنی چانکیا نیتی انوسار، اس دی دیہہ کئی دن،
دلی دے بازاراں وچ گھمائی۔ ہر پڑائ تے تسیں لکچر
کیتے۔ وار وار کیہا کہ کولی نوں کانگرس نے مروایا
ہے۔ وار وار کیہا کہ میں اس دی سیبیائی توں پڑتال
کرواواں گا۔ اج تسیں دوجی وار مکھ منتری بن چکے
ہوں۔ تہاڈی قلم نال ہی سبھ کیس سی بی آئی کول
جاندے ہن۔ کولی دے ماپے تہاڈے کول انیکاں وار آکے
سی بی آئی انکئیری دی منگ کر چکے ہن۔ دلی دیاں
پارٹیاں تے پتونتے سیبیائی انکواری دی منگ کر چکے
ہن۔ تہاڈے ولوں کیس سیبیائی نوں ناں بھیجن دا کارن
کی ہے؟
18. کیجریوال جی جد تسیں وار وار کہندے رہے کہ کولی دا قتل ہویا ہے۔ تاں
تہانوں اپنی دھی نال پلی کولی دے قاتل پھڑاؤن لئی
بہت کجھ کرنا چاہیدا سی۔ پر تسی اک مزدور دی دھی
سمجھ کے جو کیتا اس دے الٹ ہی کیتا۔ تسیں آپ ہی
تاں سارا کجھ اکھیں دیکھیا دس رہے ہوں۔ پر پولیس
ایس پی کول بیان دندے ہو کے ثبوت موجود نہیں ہن۔
بناں ثبوتاں توں تاں کسے تے ہوکے نہیں ناں لایا جا
سکدا۔ اس راجسی پلٹے پچھے کی بھید ہے؟
19. ہن جد کولی دی بھین نے ، کولی دے ماں باپ سمیت، تہاڈے کول کولی دی موت
وارے، سیبیائی انکئیری کرواؤن وارے، تہاڈے کیتے
ہوئے وعدے وچ دیری ہون دا کارن جاننا چاہیا، تاں
تسی ڈانٹ کے کیہا کہ منہ بند رکھو۔ جے منہ کھولھیا
تاں میں تہانوں تہاڈے گھروں کڈھ دیواں گا۔ (ایہہ
شاید اس لئی کیہا ہووے کہ تہاڈی پرورتن کول ایہہ
مکان 2000 وچ کرائے تے سی) کی ایہہ تہاڈا ایماندار
انقلابی سرکار دا قنون ہے، کہ کرائےدار بھانویں 15
سال توں کرایہ بھی ناں دے رہا ہووے۔ پر کرائےدار
پھر بھی مالک مکان نوں اپنے ہی گھروں کڈھ سکدا ہے۔
کی دنیاں تے کتے ہور بھی اجیہی ایماندار تے
انقلابی سرکار ہے؟
20. دلی دے کجھ لوک، جو کولی دی موت دی شنکا تہاڈے اپر کردے ہن۔ اوہ سوچدے ہن
کہ اس دے تنّ کارن ہو سکدے ہن۔
پہلا: ایہہ کہ تسیں اجے ٹکٹاں دا اعلان نہیں سی کیتا۔ پر کولی نے آپ ہی
نزدیکی رجرو حلقہ سیما پوری، جتھے اس نے بہت کم
کیتا سی، چن لیا سی۔ تہاڈے ہنکار، تہاڈی ایگو نے
اس نوں ڈسپلن دی النگھنا سمجھیا۔ مناں کرن دے وا
وجود اس پرچار جاری رکھیا۔ تہاڈے ڈسپلن نامی ہنکار
نے اس دی پکی مناہی کر دتی۔
دوجا: کولی 13 سال توں تہاڈے نزدیک رہی سی۔ بھانویں اس نوں اک کوڈی بھی نہیں
ملی۔ اس دے ماپے 2013 وچ بھی مزدوری کردے سن۔ پر
تہاڈے عرباں دے بھید اس کول سامبھے ہوئے سن۔
تہانوں اندروں ڈر کھا رہا سی۔ تہانوں ماحول ٹھیک
لگا۔ تسیں اپنا سنسا مکا لیا۔
تیسرا: تہاڈی چانکیا نیتی، تہاڈی فلماں دیکھن دی عادت، ناٹکاں دے پربھاو
کارن، تہاڈا من بن گیا کہ کسے ورکر دی قربانی دے
کے، کانگرس دے جمیں لاؤن نال، ہمدردی ادھین بہت
ووٹ مل سکدی ہے۔ دلی دی سرکار ہانسل ہو سکدی ہے۔
تہانوں ایہہ غریب پروار، جو تہانوں بھگوان وانگ
پوجدا سی۔ اسے پروار دی اپنی پالی ہوئی دھیاں
ورگی، سنتوش کوہلی نوں شہید بناؤن تے ووٹ بٹورن دا
من بن گیا۔ کیوں کے اس دے پچھے پڑتال کرواؤن والا
کوئی نہیں ہے۔ اوہ میرے اپر شنکا بھی نہیں کرن گے۔
تے اجیہا کارا کروا دتا۔
ایہناں وچاراں وچوں کہڑا ٹھیک ہے۔ جاں تنے ہی ٹھیک ہن۔ ایہناں دا کھنڈن جاں
منڈن کرنا تہاڈے لئی بہت ضروری ہے۔ بھانویں کسے
بھی نیک انسان دا من ایہہ نہیں مندا۔ اپنے پالے
ہوئے ککڑ، کتے، بکرے، نوں بھی مارن نوں جی نہیں
کردا۔ پر ایہہ بھانا کویں ورتیا؟ ایہہ دسنا بھی
تہاڈے لئی بہت ضروری ہے۔
پیارے پنجابی ویرو۔ اس کیس نوں پنج شکتیاں سیبیائی انکئیری واسطے بھیج سکدیاں
ہن۔ مکھ منتری دلی، مکھ منتری یوپی، پردھان منتری،
مان یوگ ہائیکورٹ دلی، مان یوگ ہائیکورٹ یوپی۔ پر
حیرانی اس گل دی ہے کہ ایہہ تنے نیتا ہر روز ککڑاں
وانگ لڑدے ہن۔ پر اتنے اہم کیس دی پڑتال کوئی بھی
نہیں کرواؤنا چاہندا۔ مان یوگ ہائی-کورٹاں بھی سیؤ
موٹو ایکشن لے سکدیاں ہن۔ پر تنّ سال توں ناں کوئی
کولی دے غریب دکھیارے ماں باپ دی سن رہا ہے۔ ناں
ہی میڈیا دی کوئی سنوائی ہوئی ہے۔
اس توں بناں اک سماجک ذمیواری بھی ساڈے ساہمنے آؤندی ہے۔ پہلی گل ایہہ کہ کسے
آدمی جاں سنستھا نوں دوسریاں دے کماں وارے کنسوآں
لینیاں ہی نہیں چاہیدیاں[۔ پر جے کوئی سنستھا کسے
بے انشاپھی وارے پڑتال کردی ہے، تاں اس دی ذمیواری
بندی ہے کہ اس بے انشاپھی نوں دور کرواؤن لئی اپنا
پورا یتن کرے۔ ناں کہ پرورتن وانگ گٹ مٹ کرکے چھڈّ
دیوے۔ ہن اینٹی کرپشن پارٹی نے اکت سنتوش کولی دی
رہسمئی موت وارے کجھ پڑتال کیتی ہے۔ اک ایہی نہیں
درجناں کیس ہور بھی ہن۔ اینٹی کرپشن پارٹی دی
ذمیواری بندی ہے کہ اوہ اس نوں دلی جاں یوپی ہائی
کورٹ وچ لے کے جاوے۔ جے نہیں جائے گی تاں ایہی
سمجھیا جائے گا کہ ایہہ پڑتالاں صرف بلیک میل لئی
ہی کروائیاں گئیاں ہن۔
پر افسوس ایہہ ہے، کہ جویں تسیں اک جنوری 2015 توں دیکھ رہے ہوں۔ اینٹی کرپشن
پارٹی بھرشٹاچار ورودھ، سوشل میڈیا تے تاں سنگھرش
کر رہی ہے۔ پر ہائی-کورٹاں سپریم کورٹ وچ کیس لڑن
دی سمرتھا اس کول نہیں ہے۔ چنگے وکیل لکھاں روپئے
فیس منگدے ہن۔ جنہاں کیساں دی پڑتال اینٹی کرپشن
پارٹی کروائے گے۔ جے اوہناں دا نوارن ناں ہویا تاں
اپنی سمرتھا مطابق اچّ کورٹاں وچ کیس کرے گی۔
سماجک بے انشاپھی، بھرشٹاچار، ظلم، سرکاری
جبر ورودھ لڑن والی آتما تے سمرتھا رکھن والیاں
ہستیاں نوں بینتی کیتی جاندی ہے کہ جے اوہناں دی،
اس سبندھی کجھ یوگدان پاؤن دی اچھا بنے، تاں اوہ
نمن فون، جاں نمن ایمیل تے کنٹیکٹ کرن دی کرپالتا
کرن۔ 9872020400 acp.punjab@yahoo.in
اک بینتی کیجریوال جی دے شردھالوآں نوں بھی کرنی چاہندا ہاں۔ میں 5 اپریل
2011 نوں اناں ہزارے جی نال جڑیا سی۔ مکتسر دی
ریلی توں بعد میں کیجریوال جی تے سنجے جی نوں چھڈّ
دتا سی۔ میں عامَ آدمی پارٹی نہیں چھڈی۔ میں پنجاب
دی اپنی عامَ آدمی پارٹی "پنجاپ" بنائی سی۔ پر
کیوں کے الیکشن کمیشن ولوں ایہہ نام نہیں مل سکدا
اس، پیئیسیپی بنائی گئی ہے۔ میں کیجریوال جی وارے
اپنے ولوں کجھ نہیں کہنا چاہندا۔ جو سنیا دیکھیا
اوہی لکھیا ہے۔ میرے اس لیکھ دی کجھ پشٹی سوشل
میڈیا توں بھی ہوئی۔ اسے لئی کجھ درش یو ٹیوب تے
دتے گئے ہن۔ پھر بھی جے کسے ویر دا من دکھیا ہووے
تاں معافی منگدا ہاں۔ ہربنس سنگھ جلال۔ کنوینر
اینٹی کرپشن پارٹی۔
. |