12 سکھ جگت نال وشواس گھات نہ کرو۔ لیڈر صاحبان۔

      تسیں کہہ رہے ہو کیجریوال نوں نہنگ دے سروپ وچ انڈیا ٹوڈے والے نے دکھایا ہے۔ کیجریوال دا ایہہ پوز کسے نہنگ سنگھ دے گتکا کھیڈن دے پوز دی نقل نہیں۔ ایہہ پوز گورو گوبند سنگھ جی دے اس سمیں دا پوز (سین) ہے، جد اوہ شیر دا شکار کر رہے سن۔ اوہناں گوڈی لائی ہوئی سی۔ اوہناں دے کھبے ہتھ وچ ڈھال تے سجے ہتھ وچ تلوار پکڑی ہوئی سی۔ اس پکچر وچ کیجریوال نے ان بن گورو گوبند سنگھ دی نقل کیتی ہے۔ کیجریوال دا سکھ جگت نوں ایہہ سدھا چیلنج ہے۔ اج کیجریوال دلی پولیس کمیشنر نوں چٹھی لکھ کے رسالے خلاف کاروائی کرن تے اکالی کانگرس دا سازش وچ بھائیوال ہونا دس رہا ہے۔ پر کی کیجریوال دسے گا کہ اوہ دو سال کیوں نہیں بولیا؟

          ایہہ تصویر کیجریوال دے اس سمیں دی ہے جدوں اوہ پرائیم منسٹر بنن دے سپنے دیکھ رہا سی۔ تسیں کہندے ہو کہ کیجریوال نے رسالے دے ایڈیٹر نوں ہدایت کر دتی ہے، کہ اوہ اگوں کوئی اجیہا کم نہ کرے۔ تسیں پنجابیاں نوں مورکھ سمجھ کے گمراہ کر رہے ہو۔ اج دو سال بعد ہدایت کرن دا کی ارتھ ہے۔ کیجریوال نے ایہہ فوٹو ہندی ایڈیشن وچ ہی چھپوائی سی۔ جو صرف دلی وچ ہی سرکولیٹ ہونا سی۔ ایہہ پارلیمینٹ دی چون توں پہلے، اسمبلی چون توں پہلے، چھپوائی گئی سی۔ جس دا مقصد سکھاں دا مذاق اڈا کے آر ایس ایس دی کھسی پراپت کرنا تے سکھ ورودھی ہندو ویراں دیاں ووٹاں پراپت کرن توں علاوہ ہور کجھ بھی نہیں ہو سکدا۔

        تسیں شاید اخباراں وچ ایہہ چرچہ بھی سنی ہووے گی، کہ کیجریوال دا باپ آر ایس ایس دا پربھاو سالی کارکن سی۔ جس کرکے ہی کیجریوال نوں انجینیئرنگ وچ رعائتی سیٹ ملی سی۔ دوسری اسمبلی چون توں پہلاں کیجریوال نے کرشن بھگوان جی ہون دا ناٹک بھی رچیا سی۔  اس نے اک پریس کانفرنس وچ کیہا سی کہ اسدا جنم کرشن جی دے جنم دن والے دن اشٹمی نوں ہسار وچ ہویا سی۔   لوک پچھدے سن کہ اج کس دے گھر بچا پیدا ہویا ہے۔   لوک مینوں کرشن دے نام نال ہی بلاؤندے سن۔

          کیجریوال دا ایہہ جھوٹھا دعوہ ہندو ویراں دیاں ووٹاں بٹورن لئی کیتا گیا سی۔ اوہ سوچدا سی کہ اس دے ڈرامے ووٹراں نوں گمراہ کر سکن گے۔ اوہناں 432 امیدوار کھڑے کیتے، سروے چھپوائے، کلیم کیتے، کہ آپ 400 سیٹ جتے گی۔  پر ہندو ویرا نے اس دی پیغمبری منظور نہ کیتی۔  آپ دی 400 توں ودھ سیٹاں تے ضمانت ضبط ہو گئی۔

               پنجاب جتن لئی اوہناں گورو گوبند سنگھ دے سروپ وچ تلوار پھڑکے اپنی فوٹو بھارت دے سبھ توں ودھ سرکولیشن والے پیپر وچ لگوائی ہے۔ اوہناں سکھاں نوں چیلنج کرن لئی گورو گوبند سنگھ والا سروپ دھار کے، ہتھ وچ سری صاحب لے کے سکھ قوم نوں للکاریا ہے۔ جس دا صاف بھاوَ ہے کہ اوہ کسے ڈیموکریٹک ڈھنگ نال نہیں اپنی شکتی نال پنجاب جتے گا۔

               ایہہ کیجریوال دی اپنی اپنے خاص انداز وچ کھچوائی فوٹو ہے۔ ایہہ انڈیا ٹونے ولوں کسے سکھ دے دھڑ اپر کیجریوال دا چہرہ لگاؤن دا کیس نہیں ہے کہ کسے نے شرارت کیتی ہووے۔ فوٹو ڈجیٹل ہے، وکٹر نہیں۔ وکٹر پھگر وچ اجیہا کرنا کجھ سنبھوَ ہے، پر ڈجیٹل سنیپ وچ ایہہ مشکل ہے۔ آپ اس سنیپ نوں اٹھ دس گنا وڈا کرکے دیکھو۔ جے کسے نہنگ سنگھ دے سریر تے کیجریوال دا چہرہ رکھیا گیا ہندا، کیجریوال دے چہرے تے کسے سکھ دی دستار رکھی گئی ہندی، تاں اس دیاں پکسل لائیناں توں صاف پہچان آ جانی سی۔  دوہاں وچکار سفید پکسل دی لائن ہونی چاہیدی سی۔  پکسل دیاں لائیناں ہورٹیکل تے ورٹیکل میچ نہیں سی کر سکدیاں۔

               دوسرا پوائنٹ ایہہ ہے کہ انڈیا ٹوڈے سموہ، جس نے 23 سال توں اپنی قومانتری ریپوٹیشن بنائی ہوئی ہے، اجیہی غلطی نہیں کر سکدا۔  ایہہ کیجریوال دا ہنکار تے سکھاں وارے غلط وہمی ہی ہے۔  جو کیجریوال توں نت نویں کارنامے کروا رہی ہے۔ اوہ سوچدا ہے کہ سکھاں دی انکھ غیرت مر چکی ہے۔ اوہ اس یوگ بھی نہیں کہ میرے جھوٹھ فریب ڈرامیاں دی اصلیت جان سکن۔  اوہ طاقت دی برکی دکھاؤن نال، پنجاب نال، اپنے آپ نال، اپنے پروار بچیاں نال،  ہر پرکار دا وشواس گھات دھوکھا کرن لئی تیار ہن۔  اس لئی اس نے اپنے ایہناں پنجاب لیڈراں دے سر تے سکھاں دی قوم نوں للکاریا ہے۔

       کیجریوال امرتسر اکال تخت تے معافی منگن نہیں آ رہا۔ اوہ بادل شاہی دی شا‌جس ادھین اکال تخت توں سروپا لین آ رہا ہے۔ کیجریوال تے بادل شاہی دی سانجھ پارلیمینٹ بٹھنڈہ توں شروع ہوکے، چار اسمبلی چوناں وچ، بادل شاہی دی مدت کرن وجوں نبھی ہے۔ بادل شاہی اوہ احسان چکا رہی ہے۔ ایہہ شا‌جس پھولکا صاحب نے نیپرے چاڑھی ہے۔ کیجریوال ورودھ کیس درج کرواؤن، رپٹاں دین، دے ڈرامے لوکاں نوں مورکھ بناؤن لئی کیتے جا رہے ہن۔ اندرونی سرکار برگاڑی کانڈ توں لے کے ملیرکوٹلا کانڈ تکّ کیجریوال دے ایجنٹاں نوں بچا رہی ہے۔

       سکھ روایتاں وچ اتنے وڈے گناہ ( جس وچ کسے غیر سکھ نے دسم پاتشاہ دا سوانگ رچیا ہے ) دی سجا لنگر دے بھانڈے مانجنا ہی نہیں۔ اس سبندھی گھٹو گھٹّ سجا منہ کالا کرکے سنگت توں معافی منگنا ہے۔  جے کیجریوال سچ مچّ معافی منگنی چاہندا ہے، تاں اس نوں اپنے آپ اجیہا کرکے دربار صاحب آؤنا چاہیدا ہے۔

          میں اوہناں سکھ یودھیاں توں جاننا چاہندا ہاں، جنہاں شو سینا دے امرتسر نوں جا رہے مارچ نوں بیاس دے پل تے روکن لئی کمرکسے کیتے سن۔  ایہہ بھرا مارو گھات بھی ثابت ہو سکدی سی۔  مینوں ایہہ جانکاری نہیں کہ شو سینا دا کی گناہ سی۔  پر مینوں ایہہ یقین ہے کہ شو سینا دا گناہ کیجریوال دے گناہ توں وڈا نہیں ہو سکدا۔  اج اوہ ویر کیوں چپّ ہن۔  اپنی انکھ غیرت کتھے گئی۔  کی اوہ سرکار دا مودی نوں اپنی شکتی دکھاؤن دا کارج سی؟ جے نہیں تاں اج اسیں کتھے ہاں۔۔     

               ویرو۔ خالصہ جی۔ برا ناں مننا۔ اج اسیں اک بہت وڈی پنتھ ورودھی بریائی نوں روکن توں اسمرتھ ہاں۔ پر صدیاں توں اپنے نال وسدے، ورتدے، بھراواں دا گھات کرن لئی تیار پر تیار ہاں۔  کی ایہی پنتھ دی سیوا ہے۔ پرماتما سمتّ بخشے، پر بریائی نوں روکن دی سمرتھا بھی بخشے۔ ربّ راکھا۔