20 کیجریوال جی تسی پنجاب تے سکھ دھرم نال وشواس گھات کیوں کر رہے ہوں۔

میں مندا ہاں کہ تسی اپنے آپ نوں چانکیا سمجھن لگے ہو۔ اسے چانکیا نتی ادھین تسی دلی واسیاں دے گھراں تے گلیاں وچ کوڑے کرکٹ دے انبار کھڑے کروا دتے۔ اسے چانکیا نیتی ادھین ہی تسی سکھاں نوں اپنا غلام سمجھن لگ پئے ہو۔

تسیں پہلی وار مکھ منتری بندیاں ہی اک وڈی پریس کانفرنس کرکے ہندو ویراں نوں گمراہ کرن دا یتن کیتا۔ جس وچ تسیں کیہا کہ میرا جنم سوانی ضلع بھوانی وچ سری کرسن بھگوان جی دے جنم دن اتے 16 اگست 1968 نوں ہویا۔ جس دا لوکاں نے اک عجیب پربھاو لیا۔ میرا نام ہی کرشن رکھ دتا گیا۔ جس کرکے لوک مینوں کرسن سمجھ کے ستکار دندے رہے۔ ایہہ تہاڈا بالکل جھوٹھا دعویٰ سی۔ کیونکہ تہاڈے سکول پدھر توں لے کے مکھ منتری تک دے سارے رکارڈاں وچ تہاڈا نام اروند کیجریوال ہی درج ہے۔ بھاویں تسیں ایہہ یتن ہندو ویراں وچ اپنی حرمن پیارتا ودھاؤن لئی کیتا ہووے، پر اک راجنیتک وجوں ایہہ اک گھٹیا اخلاق ہون دا چنہ ہے۔ میں ہندو ویراں تے دلی واسیاں دی گل اس کرکے کیتی ہے، تاں کہ میرے وچار دا فرقو پربھاو نہ لیا جاوے۔

دوسری گل بارے میری بینتی ہے کہ تسیں اپنی سرکار دی ساری طاقت اپنے دو منسٹراں نوں دتی ہوئی ہے۔ سسودھیا جی کول ہوم وغیرہ کئی اہم محکمے ہن۔ پر تہاڈے دوجے نجی منتری ستندر کمار جین کول پی ڈبلیو ڈی دا محکمہ ہے۔اس دے نال ہی اس کول چارے ایم سی ڈی (میوسپل کارپوریشن دلی) پاور، ہیلتھ، انڈسٹری، پھیملی ولپھیئر تے گرودوارہ سبندھی محکمہ وی ہے۔ پر ایہہ محکمے تہاڈے کول ہی منے جاندے ہن تے تہاڈے ولو ہی چلا ئے جاندے ہن۔

مینوں اس سمیں بڑا دکھ ہویا سی۔ جدوں تسیں اپنی چانکیا نیتی ادھین سمچی دلی وچ کوڑے کرکٹ دے انبار کھڑے کروا، کے لوکاں نوں ایہہ کہہ کے مورکھ بناؤدے سوں، کہ ایم سی ڈی (میوسپل کارپوریشن دلی) دے مکھ آہدیدار بیجیپی دے ہن۔ اس لئی ایہہ گندگی اکٹھی ہون لئی ایم سی ڈی تے بی جے پی ذمہ وار ہن۔ جدکہ اصلیت وچ تہاڈے اشیس جی بھی ایم سی ڈی دے وائس چیئرمین دسے جاندے ہن۔ تسیں کہدے رہے کہ میں صفائی کرمچاریاں دی تنخواہ دا، دسمبر تک دا، سارا پیسہ دے چکا ہاں۔

قانون انوسار ایم سی ڈی دا چیئرمین جاں مینیجمیٹ کوئی چیز ہی نہیں ہندی۔ سارا سرکاری کاروبار کارپوریشن دے اپھشراں نے کرنا ہندا ہے۔ جو کہ سدھے پی ڈبلیو ڈی منسٹر، ایم سی ڈی منسٹر تے مکھ منتری دے ادھین ہندے ہن۔ ایہہ کدے وی کسے افسر نوں اسدی کتاہی لئی سسپنڈ کر سکدے ہن، ٹرانسفر کر سکدے ہن جاں ادھیکار بدل سکدے ہن۔ پر تسیں کجھ وی کرن دی بجائے صرف بیجیپی نوں بدنام کرنا ہی مکھ رکھیا تے ساری دلی دے لوکاں دے گھراں وچ نہ صرف گندگی دے انبار لگوائے، بلکہ اوہناں دی زندگی نال وی کھیڈیا۔ کیونکہ اجیہی گندگی توں انیکاں جی جنت پیدا ہندے ہن جو نویاں بماریا دا کارن بندے ہن۔

جد ایم سی ڈی دا محکمہ تہاڈے کول ہے۔ تسی صفائی کرمچاریاں دیاں دینداریاں اوہناں نوں سدھیاں چیک راہیں دے سکدے سی جاں اوہناں دے بینک کھاتیاں راہیں دے سکدے سی۔ پر تسیں ایہی ڈرامہ کردے رہے کہ دلی سرکار صفائی کرمچاریاں دی دسمبر تک دی ساری تنخواہ ایم سی ڈی نوں دے چکی ہے۔ اس لئی میں ددھ دھوتا ہاں۔حالانکہ اس دینداری دا تسی کوئی دستاویزی ثبوت پیش نہیں کیتا۔

ہن گرودوارہ سیسگنج صاحب دا پیاؤ، تسیں اپنی ویوتبندی اتے کٹلنیتی نال ڈھوایا ہے۔ پر اسدے باو جود وی تسیں جرنیل شنگھ نلء رجاؤری گارڈن اپر دباء پا کے ایہہ بیان جاری کروا رہے ہو کہ اس لئی ایم سی ڈی تے بیجیپی سرکار ذمہ وار ہے۔ تسیں دنیاں توں اصلیت لکو نہیں سکدے۔ منسٹر بناؤن سمیں تاں تہانوں سکھاں دے نمائدے وجوں جرنیل سنگھ دسیا نہی۔ اج اپنے گھناؤنے کارنامے لکاؤن لئی تہانوں جرنیل سنگھ دس پیا۔ تسی پہلے اس نوں پنجاب دا اؤبجرور لگایا۔ پر سنجے سہب دی پنجاب دا مکھ منتری بنن دی لالسا تحت، اس نوں بدلکے سنجے نوں پنجاب دا گورنر بنا دتا۔ کیوں بدل دتا؟ کیونکے اوہ سکھ سی۔ اسنے اس طرحاں پنجاب نہیں سی لٹنا۔

تسیں 11 جون 2015 نوں اپنے خاص-ال-خاص منسٹر ستندر کمار دی پردھانگی ہیٹھ میٹنگ رکھوائی، جس کول پی ڈبلیو ڈی، ایم سی ڈی تے گرودوارہ صاحب نال سمبندھت محکمے ہن۔ اس میٹنگ وچ ایہناں محکمیاں دے افسراں توں بناں تہاڈی پارٹی دے 3 ودھائک، تہاڈی خاص-ال-خاص القا لامبا، تے تہاڈے دو ہور ایم ایل اے شامل سن۔ اس میٹنگ وچ دلی دی سندرتا دے بہانے ہیٹھ، ایہہ فیصلہ کیتا گیا کہ پیاؤ صاحب نوں ہٹا دتا جاوے، اتے اتھے اک میموریئل بنا دتا جاوے۔ اس توں دکھدائی گل ایہہ ہے کہ ستندر کمار جین دے فیصلے دی منظوری لین لئی اسنوں کیبنٹ وچ بھیجن دا فیصلہ کیتا گیا سی۔ جس توں صاف ہے کہ ایہہ شاجس تہاڈی نجی ویونتبندی ادھین ہی کیتی جا رہی سی۔

تہاڈے منسٹر نے اس میٹنگ دی کارروائی وچ ایہہ بھی کیہا کہ اس پئؤُ صاحب دے نال اک چھوٹا جیہا مندر بھی ہے، جس دا نام کچا دھولیا ہے۔ اس نوں نہیں ڈھایا جائے گا، کیونکے اس مندر دی پیاؤ سہب نال کوئی تلنا ہی نہیں ہے۔ کچا دھولیا کوئی اتہاسک جگاھ نہیں ہے۔ ایہہ بہت اچھی گلّ ہے کہ مندر نہیں ڈھایا گیا۔ پر تہاڈے منسٹر دی ایہہ دلیل سمجھ توں باہر ہے کہ پیاؤ سہب اس لئی ڈھایا جاوے کہ اسدی اتہاسک مہانتا ہے۔ کچا دھولیا اس لئی ناں ڈھایا جائے کہ اسدی کوئی اتہاسک مہانتا نہیں ہے۔

کیجریوال جی تسیں 2 اپریل نوں خود، کتھت ساہجہانباد ریڈویپمینٹ پروجیکٹ دا جائزا لیا۔(شاہجہانباد شاید اس ایریئے دا پرانے پنڈ دا نام ہووے گا) اس میٹنگ وچ سارے محکمیاں دے افسر بلائے گئے۔ جتھے تسی تسی مغل بازار دی انکروچمینٹ تے گہرے دکھ دا پرگٹاوا کیتا۔ تہاڈا بھائی متیداس چونک نوں شاہجہانباد کہنا تے سیسگنج بازار نوں مغل بازار کہنا تہاڈی سکھ دھرم لئی ادرونی نفرت دا اظہار پرگٹ کردا ہے۔

تہاڈی القا لامبا نے تہاڈی میٹنگ دی پریس کول پشٹی کردیاں دسیا کہ �سری کیجریوال جی اس اپریشن لئی بہت کاہلے ہن۔ اوہناں سارے محکمیاں نوں ترت کاروائی دی تاکید کیتی ہے۔ اس سبندھ وچ نورتھ دلی میونسپل کارپوریشن دے اچ ادھیکاری نے اوہناں نوں دسیا کہ ہائی کورٹ دے حکم انصار 6 اپریل توں کم شروع کیتا جائے گا�। لامبا نے ایہہ بھی دسیا کہ �نورتھ کارپوریشن نے پولیس دی منگ کیتی سی جستے ڈی سی پی نورتھ مدھر ورما نے منگی گئی پولیس دین دا وعدہ کیتا ہے�।

چاندنیچوک بازار دی لمبائی تقریباً دو ہزار کرم ہے۔ گرودوارہ شیسگنج سہب اسدے وچکار ہے۔ تسی جو بھی کارروائی کرنی سی، اوہ اک سرے توں سرو ہونی چاہیدی سی۔ پر تسی اپنا گھناؤنا کم سیشگنج توں ہی سرو کروایا تے اتھے ہی ختم کر دتا۔ صاف ہے کہ اس پروجیکٹ دا سارا اڈنبر، پیاؤ سہب ختم کرن لئی ہی کیتا گیا سی۔

کیجریوال جی شاید تسیں آئی آر ایس رہِ چکے ہو، تسیں انے انبھول نہیں کہ تہانوں کسے دھارمک ستھان دی پوترتا تے میموریال وچلے فرق بارے پتہ نہ ہووے۔ ایہہ پیاؤ سہب، انگریز سرکار سمیں توں پہلاں دا اتھے مجود ہے۔ ایہہ استھان بھائی متی داس جی دی یادگار ہے، جہناں نوں اتھے آرے نال چیریا گیا سی۔ ایہہ استھان بھائی دیالا جی دی یادگار ہے، جہناں نوں اتھے دیگ وچ ابالیا گیا سی۔ ایہہ استھان صرف ٹھنڈے پانی دی چھبیل ہی نہی۔ ایہہ سکھاں لئی امرت دا سروت ہے۔ کیونکے اسدا جل، اس کھوہ توں آؤندا ہے، جس کھوہ تے گرُ تیغ بہادر جی نے، شہادت دین توں پہلاں اشنان کیتا سی۔

میموریال تاں کسے شہر وغیرہ دی اہمیت نوں ودھاؤن لئی بنائے جاندے ہن۔ انیکاں جگاھ بنائے گئے ہن۔ پنجاب وچ وی امرتسر، مکتسر، فریدکوٹ وغیرہ وچ میموریال بنے ہوئے ہن۔ پر کسے دھارمک استھان نوں ڈھاء کے، میموریال بنا دین دا سدھا مقصد، اسدی دھارمک پوترتا تے پوجا نوں ختم کرنا ہے۔ ہندو دھرم دے اتہاس وچ، اسدا ذکر سومناتھ مندر دے ذکر نال آدا ہے۔ سکھ اتہاس وچ، امرتسر دا سروور سہب پورے جان نال۔

اک پاسے تسیں پنجاب تے راج کرن دے سپنے لے رہے ہو۔ آپ تسیں دلی دی مکھ منتریسپ چھڈ نہیں سکدے۔ اس لئی پنجاب دی مکھ منتریسپ، سنجے سنگھ لئی پکی کرن لئی، ویوتبندی کر رہے ہو۔ دوجے پاسے اپنے نجی مفاد لئی، سکھ سنستھاواں دا، گنی متھی ویونتبندی ادھین گھات کروا رہے ہوں۔ کی تسی سکھاں نوں بے سمجھ مندے ہوں جاں بزدل، کہ اوہ تہاڈے سارے کارنامیں جانن دے باو جود بھی تہاڈے نال جڑے رہن گے۔

پیاؤ سہب دے سبندھ وچ تسیں جو بہانے لا رہے ہو کہ ایہہ کاروائی ہائی کورٹ دے حکم ادھین کیتی گئی ہے۔ ایہہ تہاڈا نر ادھار ڈھکوسلا ہے۔ کورٹ کوئی وی فیصلہ سرکار نوں نوٹس کیتے بنا نہیں کردی۔ تسیں اپنی مند بھاوناں تحت کورٹ وچ کوئی لوڑیندا عذر نہیں کیتا۔ تہاڈی سرکار دے متے کارن ہی تاں ایہہ کیس کورٹ وچ گیا سی۔ اس لئی اک طرفہ فیصلہ کرنا قانون دی لوڑ سی۔ پتہ لگا ہے کہ کورٹ نے اپنا فیصلہ پھر دہرایا ہے۔ تسیں سبھ کجھ جاندے ہوئے، اس ورودھ بھی کجھ نہیں کیتا۔

اج تسیں کہہ رہے ہو کہ جدوں جیسیبی مسیناں، پیاؤ صاحبَ نوں ڈھاء رہے سن اس سمیں اسنوں روکن لئی ایم سی ڈی تے اکالی دل والے کیوں نہیں آئے؟ میں تہانں پچھنا چاہندا ہاں کہ تسیں جاں تہاڈے منسٹر جاں تہاڈے ایم ایل اے جاں تہاڈی پارٹی عہدیدار، اتھے کیوں نہیں گئے؟ تہانوں کلھ ہی سارے سکھاں نے ووٹ دتے ہن۔ اکالی دل نوں نہیں دتے۔ کسے پرائیویٹ گھر وچ، کسے ولوں جھوٹھی موٹھی سکائت کرن تے، تہاڈا منتری رات سمیں جا کے دروازے تڑوا سکدا ہے۔ پولیس کرمچاری نوں دروازہ تڑواؤن لئی صرف حکم ہی نہیں دندا، بلکہ اس نال جھگڑا کردا ہے۔ اس دے آکھے نہ لگن دے خلاف، تہاڈی پارٹی انڈیا گیٹ تے لمبے سمیں لئی دھرنا دندی ہے۔

اج 3 کروڑ سکھاں دا دھارمک ستھان ڈھائے جان سمیں، تسیں اس استھان تے جان، تے اپنی ہی سرکار ولوں ہی کیتی جا رہی کارروائی، روکن دی لوڑ ہی نہیں سمجھی۔ صاف ظاہر ہے کہ تسیں ایہہ سارا کجھ گنی متھی ساجس ادھین کروا رہے ہوں۔ تہاڈے من اندر سکھاں تے سکھاں دے دھارمک ستھاناں پرتی نفرت بھری ہوئی ہے۔ میں راسٹرپتی جی نوں بینتی کردا ہاں کہ تہاڈے اس گپت ایجنڈے نوں لگام پاؤن۔

تسی پانیاں دے مصلے تے سپریم کورٹ وچ سکھاں نال وشواس گھات کیتا ہے۔ تسی سپریم کورٹ وچ اپنے سرکاری وکیل توں پنجاب ورودھ ہلپھناماں دواکے پنجاب نال وسواس گھات کیتا ہے۔ وشواس گھات شبد اس لئی ورتیا ہے کہ تسی پنجاب وچ اپنی پارٹی دی سرکار بناکے پنجاب دے ہتاں دی راکھی کرن دا پرن کیتا ہے۔تسی مکتسر دی دھارمک اکترتا وچ پگڑی پہن کے سکھاں نال بھائیچارک سانجھ پائی ہے۔ تسی اتھے ننگی سری سہب لہرا کے سکھ ہتاں دی رکھیا دا پرن کیتا ہے۔ تسی سلطان پور دے پوتر استھان تے ستلج جمنا نہر روکن دی حمایت کیتی ہے۔ تسی انیکاں تھانئیں پنجاب دے ہتاں دی رکھیا دا پرن لیا ہے۔

ہن جو کردار تسی اپنی سرکار راہیں مان یوگ دلی ہائیکورٹ تے مان یوگ سپریم کورٹ وچ نبھایا ہے۔ اوہ صاف سکھ دھرم نال تے پنجاب نال وسواس گھات ہے۔کیجریوال جی۔ تسی کئی پنجاب ورودھی، سکھ ورودھی، کماں لئی جواب دیہہ ہوں۔ تسی کسے ڈھنگ نال وی اس ذمہ واری توں بچ نہیں سکدے۔ لوک حیران ہن کہ اجیہے کم تسیں کیوں کر رہے ہو؟

تہاڈے نزدیک رہن والا بچا بچا اس گل دی گواہی دے رہا کہ تسیں آر ایس ایس کول اپنی گوائی جا چکی شاخ نوں، مڑ بحال کرن لئی، کوجھے کرم کر رہے ہو۔ میں آر ایس ایس نوں، تے مسلم ویراں دے شیعہ شنی آدی فرقیاں نوں، دھرم پرچارک سنستھاواں ہون کرکے، ستکار یوگ مندا ہاں۔ پر دھارمک سہِ-بھاونا چھڈ کے، ستاہ پراپت کرن لئی، کٹڑواد چانکیاواد نوں ٹھیک نہیں کہہ سکدا۔ آر ایس ایس اک ستکاریوغ دھارمک سنستھا ہے۔ میں اسدا ستکار کردا ہاں۔پر تہاڈے نظرئیے نوں ٹھیک نہی کیہا جا سکدا۔ ایہہ دیس دھرم نہیں ہے۔ میں دیس دھرم مندا ہاں۔ پر تہاڈا اتہاس دسدا ہے کہ تہاڈے لئی دیس دھرم کوئی چیز نہیں۔

تہانوں آر ایس ایس نے 28 سیٹاں لے کے دتیاں۔ تہانوں آر ایس ایس نے ڈونگھی ویونتبندی نال مکھ منتری بنایا۔ تہانوں آر ایس ایس دا دھنوادی ہونا چاہیدا ہے۔پر آر ایس ایس

کول اپنی مڑ بحالی لئی، تسیں جو ہتھ کنڈے اپناؤنے سرو کر دتے ہن۔ اس تو جاپدا ہے کہ تسیں 1984 دے سکھ گھات نوں مڑ سدا دینا چاہندے ہو۔ اس سمیں اسدا کانگرس نے دراپیوگ کرکے اپنی جت یقینی بنائی سی۔ ہن جاپدا ہے کہ اجیہئاں گھٹنانواں راہی تسیں اس درؤپیوگ نوں دہراکے اپنی جت یقینی بناؤنا چاہندے ہوں۔ میں تہانوں بینتی کرنی چاہندا ہاں کہ دنیا بھر وچ پھیلے کروڑاں سکھاں دے سینے جلاؤن نال کجھ وی پراپت ہون والا نہیں ہے۔

دلی دی راج ستاھ تہاڈے کول ہے۔ اس دا سکھ مانو۔ پر پنجاب دے پانیاں نوں اگ نہ لا۔ پنجاب دی سانتی نوں اگ لاؤن لئی تے پنجاب نوں لٹن لئی، جو گورنر تسیں پنجاب بھیجے ہن، انھا نوں واپس بلا لؤ۔ ایہناں نوں پنجاب دے لوک برداست نہیں کرنگے۔پنجابی اکالی کانگرس نوں چھڈّ چکے ہن۔ اوہناں نوں آپ توں کجھ امید بنی سی۔ پر جس طرحاں تسیں اپنے گورنر لگاکے پنجابیاں نوں غلامی دا احساس کروا رہے ہو، اوہ انکھ والے پنجابیاں نوں پروان نہیں ہو سکدا۔ کیوکے اس طرحاں تسیں پنجاب دی اپنی لیڈرشپ پیدا ہون تو رکاوٹ بن رہے ہوں۔

جے آپ نے پنجاب تے راج کرنا ہے تاں سیوادار بنکے کر سکدے ہوں۔ اپنے گورنراں راہیں ڈکٹیٹرشپ قایم کرکے نہیں۔ دلی تہاڈی اٹونمی برداشت کر رہی ہے۔ پنجاب نہیں کرے گا۔ سروس ڈے سمیں جویں تسی دلی دی بیوروکریسی نوں چیلنج کیتا ہے۔ پنجاب دی بیوروکریشی برداشت نہیں کرے گی۔ ڈراؤنا، جھگڑنا، جھوٹھ بولنا، دھوکھا دینا، تہاڈے لئی ایہہ رٹین کم ہے۔ تہاڈے لئی ایہہ یملا ہے۔ پر پنجابی یملے نہیں جاندے۔ ہور کوئی یملا نہ چھڈنا۔ اپنے گورنراں نوں بھی روکنا، کہ نت نویں یملے نہ چھڈن۔ بھگوان تہانوں سمتّ بخسے۔ ہربنس سنگھ جلال

میں مندا ہاں کہ تہاڈے پیر ہیٹھ بٹیرا آ گیا ہے۔ اس لئی تسی اپنے آپ نوں چانکیا سمجھن لگے ہو۔ایہہ راجنیتی تہاڈے دماغ نوں اجیہی چڑی کہ تسی ہندو بھراواں نوں بھی گمراہ کرنا چاہیا۔ اسے چانکیا نتی ادھین تسی دلی واسیاں دے گھراں تے گلیاں وچ کوڑے کرکٹ دے انبار کھڑے کروا دتے۔ اسے چانکیا نیتی ادھین ہی تسی سکھاں نوں اپنا غلام سمجھن لگ پئے ہو۔ میں ہندو ویراں تے دلی واسیاں دی گل اس کرکے کیتی ہے، تاں کہ میرے وچار دا فرقو پربھاو نہ لیا جاوے۔

تسی پانیاں دے مصلے تے سپریم کورٹ وچ سکھاں نال وشواس گھات کیتا ہے۔ تسی سپریم کورٹ وچ اپنے سرکاری وکیل توں پنجاب ورودھ ہلپھناماں

دواکے پنجاب نال وسواس گھات کیتا ہے۔ وشواس گھات شبد اس لئی ورتیا ہے کہ تسی پنجاب وچ اپنی پارٹی دی سرکار بناکے پنجاب دے ہتاں دی راکھی کرن دا پرن کیتا ہے۔تسی مکتسر دی دھارمک اکترتا وچ پگڑی پہن کے سکھاں نال بھائیچارک سانجھ پائی ہے۔ تسی اتھے ننگی سری سہب لہرا کے سکھ ہتاں دی رکھیا دا پرن کیتا ہے۔ تسی سلطان پور دے پوتر استھان تے ستلج جمنا نہر روکن دی حمایت کیتی ہے۔ تسی انیکاں تھانئیں پنجاب دے ہتاں دی رکھیا دا پرن لیا ہے۔

تہانوں آر ایس ایس نے 28 سیٹاں لے کے دتیاں۔ تہانوں آر ایس ایس نے ڈونگھی ویونتبندی نال مکھ منتری بنایا۔ تہانوں آر ایس ایس دا دھنوادی ہونا چاہیدا ہے۔پر آر ایس ایس کول اپنی مڑ بحالی لئی، تسیں جو ہتھ کنڈے اپناؤنے سرو کر دتے ہن۔ اس تو جاپدا ہے کہ تسیں 1984 دے سکھ گھات نوں مڑ سدا دینا چاہندے ہو۔ اس سمیں اسدا کانگرس نے دراپیوگ کرکے اپنی جت یقینی بنائی سی۔ ہن جاپدا ہے کہ اجیہئاں گھٹنانواں راہی تسیں اس درؤپیوگ نوں دہراکے اپنی جت یقینی بناؤنا چاہندے ہوں۔ میں تہانوں بینتی کرنی چاہندا ہاں کہ دنیا بھر وچ پھیلے کروڑاں سکھاں دے سینے جلاؤن نال کجھ وی پراپت ہون والا نہیں ہے۔