24 کیجریوال جی دے دانت دکھا نے کے اور ہیں اتے خانے کے اور

بہت ویراں دا خیال ہے کہ مینوں نویں پارٹی بناؤن دی تھاں عامَ آدمی پارٹی نوں سہیوگ دینا چاہیدا ہے۔ میں اوہناں دا من نہیں دکھاؤنا چاہندا۔ پر نمرتا سہت بینتی کرنی چاہندا ہاں، کہ کیجریوال تے عامَ آدمی پارٹی اک دوجے دے ورودھی پول ہن۔ عامَ آدمی پارٹی اناں ہزارے دے سنگھرش دا پربھاو قبول کردی ہے۔ اس وچ نیک تے غریب جنتا شامل ہوئی سی۔ پر کیجریوال جی دے دانت دکھا نے کے اور ہیں اتے خانے کے اور ہیں۔ اناں ہزارے جی دے بیجیپی توں کجھ دور ہون سمیں، بیجیپی نے ہی کیجریوال جی نوں پارٹی بناؤن دی پریرنا کیتی سی۔ کیونکہ دلی وچ بیجیپی کول ٹھوس ہندو ووٹ سی۔ کیجریوال جاں اناں ہزارے لہر کانگرس ووٹ کھچے گی۔ کیجریوال جی نوں کافی آرتھک مدت بھی ملی۔ دلی اسمبلی چون دا نتیجہ بھی بیجیپی دی آس مطابق ہی نکلیا۔

دلی وچ کجھ سمیں دی مکھ منتری شپ، کیجریوال جی لئی ادھار پیسہ اکٹھا کرن وچ سہائی ہوئی۔ اس سمیں کیجریوال جی اپنی ہؤمیں، اپنا پیسہ، اتے باہرلی ڈش-انفرمیشن دا شکار ہو گئے۔ اوہناں کانگرس تے بیجیپی نوں برابر تلنا دتی۔ اسے پیسے تے ہؤمیں کارن ہی اوہناں پارلیمانی چون وچ 443 امیدوار کھڑے کیتے۔ پنجاب ہریانے توں بناں باقی امیدواراں نوں کھلھا پیسہ دتا گیا۔ پر پنجاب توں بناں سارے بھارت وچ، کسے بھی امیدوار دی ضمانت نہیں بچی۔

ہن تہاڈے سبھ دے من وچ ایہہ خیال آئے گا، کہ جے دلی وچ کیجریوال دے کسے امیدوار دی ضمانت نہیں بچی، تاں اوہناں ہی ووٹراں توں کیجریوال جی نوں ودھانسبھا چون وچ، اتنی وڈھی جت کس نے دتی۔ ویر جی میں اس سبندھ وچ پورے یقین نال کہہ رہا ہاں، کہ دلی ودھان سبھا وچ، ناں ہی کیجریوال دی جت ہوئی ہے، اتے ناں ہی بیجیپی دی ہار ہوئی ہے۔ بالکل کیجریوال دی جت نہیں ہوئی۔ صرف کرن بیدی دی ہار ہوئی ہے۔ کرن بیدی ہی کیجریوال سرکار بناؤن دا کارن بنی ہے۔ میں اوہناں دناں وچ دلی سی۔ کرن بیدی دے فیصلے نے بہت بیجیپی ورکر بھی نراش کیتے۔ پر اوہناں منہ نہیں کھولھیا، کیونکہ ایہہ فیصلہ مودی صاحب دا سی۔ سکھ ووٹراں نے بیدی نوں ووٹ اس کرکے نہیں پائی، کے اس نے پولیس انچارج ہندے ہوئے، سکھاں تے بہت ظلم کیتے سن۔ ہندو ووٹ اس کرکے نہیں پئی، کہ کرن بیدی سکھ امیدوار سی۔

کیجریوال دا ہن دلی وچ سرکار ہون دے باو جود کوئی ادھار نہیں ہے۔ ودیارتھی چوناں وچ اس دی مکمل ہار ہوئی ہے۔ کیجریوال سرکار 2016 وچ ہی گر جائے گی۔ شاید اسے کرکے کیجریوال جی پنجاب ول دیکھ رہے ہن۔ اجھ بھی کیجریوال جی پنجاب دے بھرشٹاچار کول کئی وار وک چکے ہن۔ کیجریوال جی نے پرانے تے قابل آدمی اپنی پارٹی وچوں کڈھ دتے ہن۔ اوہناں لوکاں نوں ہی نوازیا ہے، جنہاں کول سٹیجاں اپر کیجریوال جی دیاں گھوڑیاں گون توں بناں، ناں ہی کوئی یوگتا ہے اتے ناں ہی کوئی پربندھک تجربہ۔ کڈھے گئے لیڈر بھی پنجاب وچ نویں عامَ آدمی پارٹی بناؤن گے۔ 2017 توں پہلاں ہی کیجریوال جی دا پنجاب وچ ادھار ختم ہو جائے گا۔

پنجاب دے سکھ ورگ نوں دوجی آس دی کرن عامَ آدمی پارٹی توں دسی۔ پنجاب دے سکھ ووٹر نے بہت وڈھی گنتی وچ عامَ آدمی پارٹی نوں ووٹ دتے۔ آپ دے ووٹر نوں بہت دکھ ہویا، جدوں دلی وچ کامیابی توں ترت بعد ہی، عامَ آدمی پارٹی دے پردھان، شری کیجری وال جی نے، سبھ منکھی قدراں قیمتاں نوں تلانجلی دے دتی[ جنہاں دا ڈھنڈورا پٹّ کے پارٹی نے کامیابی ہانسل کیتی سی۔ جس کارن پارٹی کھیروں کھیروں ہو گئی۔

پنجاب وچ عامَ آدمی پارٹی دی سرکار بناؤن دی سمبھاونا بالکل ختم ہو گئی ہے۔ کیونکہ سکھ ووٹراں وچوں، بدھیجیوی تے چیتن ورگ، جو کیجریوال جی دیاں نیتیاں نوں نزدیکی توں دیکھ رہا ہے، اوہ عامَ آدمی پارٹی نوں چھڈّ چکا ہے۔ پنجاب دے ہندو ورگ نے عامَ آدمی پارٹی نوں اپنایا ہی نہیں۔ صرف سکھ ووٹر دا دہاتی ورگ، جس کول کیجریوال جی دی اصلی زہنیئت نہیں پہنچی، اوہی فلحال کیجریوال جی دا شردھالو ہے۔ اوہ بھی آؤن والے ڈیڈھ سال تک کیجریوال جی دے نال نہیں رہے گا۔ کیونکہ کیجریوال جی پنجاب دے مصلے حلّ کرواؤن دے سمرتھّ ہی نہیں ہن۔

عامَ چرچہ ہے کہ کیجری وال جی تاں جمن توں پہلاں ہی بھرشٹاچار کول وک گئے سن۔ بٹھنڈہ دی پارلیمانی چون اتے تلونڈی صابو دی ضمنی چون، دھوری دی ضمنی چون وارے، لوک انیک طرحاں دے رہسّ ساہمنے لیا رہے ہن۔ دلی تے قابض ہون توں بعد، سبھ توں پہلاں، اس اوہناں ہستیاں دا صفایا کیتا، جنہاں دی بدولت اوہ دلی دے حکمران بنے سن۔ جو کیجری وال جی دیاں سجیاں کھبیاں بانہاں سمجھے جاندے سن۔ کیجریوال جی نے پہلے ہی مہینے ایہہ بانہاں کٹّ دتیاں۔ پرشانت بھوشن جو اناں لہر سمیں توں بے اتھاہ پیسہ خرچ رہا سی۔ جوگندر یادو جی، جو پارٹی دا دماغ اتے نیتی گھاڑے کہے جاندے سن۔ جس نے عامَ آدمی پارٹی دی عزت رکھی، کیونکہ اوہ پنجاب دے انچارج سن۔ اوہناں دی ویونت بندی نے پنجاب وچ چار سیٹاں جتیاں۔

کیجری وال جی نے تنّ سال، سارے بھارت نوں،  بھارت سرکار ولوں لوکپال دی نیوکتی دے سبندھ وچ ابھاریا۔ دکھاوے لئی اپنی پارٹی اندر بھی لوکپال نیوکت کر دتا۔ دسیا گیا کہ لوکپال سربؤچّ ہستی ہے۔ جو بھی پارٹی سدھانت دے الٹ کم کرے گا، لوکپال اس نوں سجا دے سکدا ہے۔ بھاویں اوہ کیجریوال ہووے بھاویں عامَ ورکر۔ سرکار بناؤن دے بعد پہلے مہینے ہی کیجریوال جی نے اس سرب شکتی مان دی اوہ دردشا کیتی، کہ کوئی اگوں لوکپال دا نام ہی نہیں لوے گا۔

دلی وچ کیندر سرکار بیٹھی ہے۔ دلی گورنر شاست سٹیٹ ہے۔ پولیس گورنر کول ہے۔ اس لئی کیجری وال جی نے سوچیا کہ دلی دے لوکاں نے اجھ بھی اوہناں دی اصلیت دیکھ لئی ہے۔ اگوں دلی مڑ اس دی سرکار بنن دی سمبھاونا نہیں ہے۔ اس لئی اگوں پنجاب چلدے ہاں۔ پنجاب وچ ضابطہ قایم رکھن لئی اک ضابطہ کمیٹی قایم کر دتی گئی۔ جدوں ضابطہ کمیٹی پردھان نے کجھ آدمی، جنہاں نوں اس پارٹی ہت دے الٹ کم کر رہے محسوس کیتا، اوہناں نوں پارٹی وچوں خارج کر دتا۔ کیجریوال جی نے ضابطہ پردھان نوں ہی پارٹی وچوں خارج کروا دتا۔ کیجریوال جی نے بھرشٹاچار ورودھ لڑن دے نام اپر راج لیا، پر سرکار بنن سار ہی، اوہ نکو نکّ بھرشٹاچار وچ ڈبّ گئے۔

صاف ظاہر ہے، کہ کیجریوال دی پنجاب وچ ناں سرکار بن سکدی ہے۔ اتے ناں اوہ پنجاب دا کجھ سدھار کر سکدے ہن۔ پنجاب دے لوک بھرشٹاچار دے ستائے ہوئے ہن۔ اوہ بھرشٹاچار ورودھ سنگھرش سیل ہن۔ اوہ اک بھرشٹاچار نوں ہٹا کے، دوجے بھرشٹاچار نوں سدا نہیں دینگے۔

دلی وچ جت تہاڈی نہیں ہے۔ تہاڈی لاٹری نکلی ہے۔ میں ایہہ مندا ہاں کہ تسیں قسمت دے دھنی ہو۔ تہاڈی پہلی جت لوکاں دا کانگرس ورودھ فتویٰ سی۔ تہاڈی دوجی جت، تہاڈی جت نہیں، کرن بیدی دی ہار سی۔ بیدی بہت سخت جاں ظالم پولیس افسر سی۔ لوکاں وچ اس وارے ہؤآ سی۔ جد کرن بیدی دا اعلان ہویا، مینوں کجھ ٹیلیفون آئے۔ کہندے “بیجیپی دی جت نے مت مار دتی ہے۔ جس کرین توں دلی نوں مساں نیات ملی سی، اس نوں مکھ منتری بناؤن لگے ہن”۔ دوجا کارن ایہہ بھی ہے کہ دلی وچ اجے ہندو سکھ دا پاڑا پورا بھریا نہیں۔ کرن بیدی سکھ امیدوار سی۔

           دلی وچ 80 پرتیشت ہندو ووٹ ہے۔ اس نے بیدی نوں اپنا امیدوار نہیں سمجھیا۔ دلی دے سکھ نے بھی کسے کارن بیجیپی جاں کانگرس نوں ووٹ نہیں دتی۔ ایہہ تہاڈی جت نہیں ایہہ بیجیپی دی ہار ہے۔ تہانوں نیگیٹو ووٹ ملی ہے۔ اج تہاڈا گراف تسیں آپ ہی سرکار دے نشے وچ زیرو کر لیا ہے۔ ودیارتھی چون وچ تہاڈی مکمل ہار ہوئی ہے۔ دلی وچ اج مدھ چوناں ہو جان، بیجیپی جتے گی۔ اس لئی تسیں پنجاب ول دیکھ رہیں ہو۔

           دلی وچ وڈی گنتی وچ سکھ وسدے ہن۔ اوہناں سبھناں، اسمبلی چون سمیں عامَ آدمی نوں ووٹ پائی۔ پر عامَ آدمی دے اندر جو سکھاں لئی نفرت بھری ہوئی ہے۔ اوہ ابالے مار مار کے باہر آ رہی ہے۔

           پنجاب دے لیڈر سینکڑے وار کہہ چکے ہن کہ 1917 نوں پنجاب وچ عامَ آدمی پارٹی دا راج ہووے گا۔ پر اک وار بھی ایہہ نہیں دس سکے کہ اوہ پنجاب لئی کی کرن گے۔  تسیں پارلیمانی چون لئی 430 امیدوار کھڑے کیتے۔ صرف 30 امیدوار ہی اپنیاں ضمانتاں بچا سکے۔ تہاڈی عزت پنجاب نے رکھی۔ تہاڈیاں نیتیاں نوں دیکھ کے نہیں رکھی۔ بلکہ پنجاب دے حالات توں مجبور ہوکے رکھی۔ پنجاب دے ووٹر بادل دیکھدے اتے لٹیرا شاہی توں انا تنگ آ چکے سن کہ، اوہناں نوں اس دا جو بھی بدل دسیا، اپنا لیا۔ پر تسیں تاں ایہناں چار پنجابیاں نوں بھی نال لے کے نہیں چل سکے۔

          تسیں کلپنا اپر ہی ادھارت ہو۔ کلپنا ادھارت تسیں ساریاں پارلیمانی سیٹاں ہار گئے۔ میں ایہہ نہیں کہہ سکدا کہ تسیں اتنے امیدوار کھڑے کیوں کیتے۔ پر ایہہ ضرور کہنا چاہندا ہاں کہ جے تسیں اپنی خواب خیالی نوں چھڈّ کے دوجیاں پارٹیاں نال ہلکے یوگ امیدوار کھڑے کیتے ہندے تاں شاید اج بھارت وچ تہاڈی سرکار ہندی۔

          تسیں جنتا نوں دھوکھا دین لئی جو ایجنڈا دکھایا سی اس دیاں تاں دلی وچ ہی دھجیاں اڈا دتیاں۔ لوکپال ستھاپت ہونا چاہیدا ہے۔ لوکپال قایم کراںگے۔ سارے ہندوستان وچ ترتھلی مچا دتی گئی، لوکپال دے نام اتے۔  سارا ہندوستان گمراہ ہو گیا۔ دلی وچ پارٹی لوکپال قایم کر دتا گیا۔ دسیا گیا کہ لوکپال سرب اچّ ہستی ہے۔ جو غلط ہووے گا، بھاویں اوہ آپ کیجریوال ہی کیوں ناں ہووے۔ لوکپال اس نوں گدیوں اتار سکدا ہے۔ لوکاں نے یقین کر لیا۔ سرکار بن گئی۔ تسیں مکھ منتری بن گئے۔

          اجے پوری آزادانا طاقت بھی نہیں سی ملی کہ سوچ آئی کہ کتے مینوں کوئی درست کرن والا تاں نہیں؟ سوچیا میریاں دو سجیاں کھبیاں بانہاں ہن، جنہاں مینوں گدی تے بٹھایا ہے۔ ایہناں نوں کٹّ دیوں۔ پھیر خیال آیا میں اک نوں اپنے سر اتے بٹھایا ہویا ہے۔ اس نوں اتارن لئی، وچارے سرب شکتی مان دی بے اجتی کیتی گئی۔ اک عامَ سبھا وچ، جس وچ سینکڑے ورکر شامل سن، پر اس نوں وڑن ہی نہیں دتا۔ ایسے لوک پال خاطر سارا ہدوستن گمراہ کیتا سی؟

          دوجا سٹنٹ سی کہ میں لوک سوراج دی ستھاپنا کراں گا۔ سوراج ناں دی اک کتاب چھاپی گئی۔ اس وچ لوک سوراج دا کوئی ڈھانچہ ہی نہیں سی۔ کجھ کو پنڈاں دا ہی ذکر کیتا گیا سی۔ پر اس نوں پراپیگنڈے دا سادھن بناؤن خاطر کروڑاں روپئے خرچے گئے۔ ہن دلی ودھان سبھا وچ اس سبندھی کوئی بھی کرانتی کاری ترمیمی بل پیش نہیں کیتا گیا۔ صرف اپنی سرکار نوں لوک سوراج کہنا شروع کر دتا ہے۔ جے ایہی لوک سوراج ہے تاں تنّ سال دے سنگھرش دی کی لوڑ سی؟ پہلاں شریمتی شیلا سیلاں دی سرکار سی، ہن تہاڈی سرکار ہے۔ ایہہ کہڑے پکھوں لوک سوراج ہے۔ تہاڈے جھوٹھے شبج باغ اک وار چل چکے۔ ایہہ پنجاب وچ نہیں چلن گے

تہاڈی لہر بھی ختم ہو چکی ہے۔ تہاڈے اپنے بھی تہانوں چھڈّ چکے ہن۔ 430 کینڈیڈیٹاں وچوں صرف چار ہی جتے سی۔ اوہناں وچوں بھی شاید تہاڈے کول اک ہی رہِ گیا ہے۔ جد تسیں پہلی ویر پنجاب آئے۔ مان صاحب کول ٹھہرے۔ اگلے دن تلونڈی صاحب گئے۔ اسمبلی چون لئی امیدوار دا اعلان کیتا۔ بدھی جیوی ورگ نے اسے سمیں ہی اندازہ لگا لیا سی کہ ایہہ لہر چھیتی ہی ختم ہو جائے گی۔ پنجاب وچ تہاڈے نالوں تہاڈا ورودھ حاوی ہے۔ اتنی جلدی کیوں ہویا اجیہا پلٹا؟ اس دا کارن تسیں آپ ہی ہو۔