|
.
25 کیجریوال جی نوں اک بینتی، نوں اک چیلنج
تہانوں بینتی ہے کہ دیس دی پہلی لوڑ دیس وچوں بھرشٹاچار دا خاتمہ کرکے، ایسا
پربندھ کرنا ہے کہ مڑ دیس وچ بھرشٹاچار پیدا نہ ہو
سکے۔ اس سبندھی لوکپال بھی اک سجھاؤ ہے، پر اکو اک
سادھن نہیں۔ ہور بھی کئی سادھن وچار ادھین ہن۔ سانوں
سادھن لاگوُ کرن لئی شکتی چاہیدی ہے۔
تہاڈا پہلا ساتھ بدھیجیوی اتے چیتن ورگ نے دتا۔
سوشل میڈیا نوں پریرنا بدھیجیوی ورگ توں ہی ملی۔ ایہہ
بدھیجیوی اتے چیتن ورگ ہی ہے جو ہر سماجک، راجنیتک،
دھارمک، اخلاقی آدی برائییاں دے خلاف آواز اٹھاؤندا
ہے۔ ایہہ چیتن ورگ ہی ہے جس اپر جھوٹھے مقدمے بندے ہن۔
جھوٹھے مقدمے بننے کسے کرانتی دا پہلا چنہ اتے لوڑ ہے۔
سمچے بھارت وچ کرانتی لیاؤن لئی اس ورگ نوں ہی ادھار
بناؤنا پینا ہے۔ کرمینل سمجھ کے اس شکتی توں وانجھا
ہون دا وچار نقصان دیہہ ثابت ہووے گا، اس نوں نال لے
کے چلو۔
تہانوں بینتی ہے کہ اوہ پنجاب دے حالات،
پرستھتیاں اتے اتہاس دا ڈونگھا سرویکھن کرو۔ دلی اتے
پنجاب دے حالات وچ ڈھیر انتر ہے۔ تہاڈی پارٹی سنویدھان
ہر راجنیتک نوں چور سمجھ رہا ہے۔ تہاڈا سنویدھان ظلم
دا شکار ہوئے مجلوماں نوں، جھوٹھے کیساں وچ پھسائے گئے
بے گناہاں نوں۔ بھرشٹاچار دا ورودھ کرن والے
سدھاروادیاں نوں، بھی کرمینل سمجھ رہا ہے۔ کی سردار
بھگت سنگھ، راجگرو، سکھدیو، لالا لاجپت رائے، سبھاش
چندر بوس کرمینل سن۔ مقدمے تاں اوہناں اپر وی بنائے
گئے سن۔ ہن مقدمے تاں تہاڈے اتے تہاڈے منتریاں تے بھی
بنائے گئے ہن۔ کی اوہ کرمینل سمجھ لئے جان گے۔ کی اوہ
اپنے آپ نوں کرمینل سمجھ کے، اپنے آپ، پارٹی دا وکار
قایم رکھن لئی، استعفے دے دین گے۔
دلی وچ جت تہاڈی نہیں ہے۔ تہاڈی لاٹری نکلی ہے۔
میں ایہہ مندا ہاں کہ تسیں قسمت دے دھنی ہو۔ تہاڈی
پہلی جت لوکاں دا کانگرس ورودھ فتویٰ سی۔ تہاڈی دوجی
جت، تہاڈی جت نہیں، کرن بیدی دی ہار سی۔ بیدی بہت سخت
جاں ظالم پولیس افسر سی۔ لوکاں وچ اس وارے ہؤآ سی۔ جد
کرن بیدی دا اعلان ہویا، مینوں کجھ ٹیلیفون آئے۔ کہندے
“بیجیپی دی جت نے مت مار دتی ہے۔ جس کرین توں دلی نوں
مساں نجات ملی سی، اس نوں مکھ منتری بناؤن لگے ہن”۔
دوجا کارن ایہہ بھی ہے کہ دلی وچ اجے ہندو سکھ دا پاڑا
پورا بھریا نہیں۔ کرن بیدی سکھ امیدوار سی۔
دلی وچ 80 پرتیشت ہندو ووٹ ہے۔ اس نے بیدی نوں
اپنا امیدوار نہیں سمجھیا۔ دلی دے سکھ نے بھی کسے کارن
بیجیپی جاں کانگرس نوں ووٹ نہیں دتی۔ ایہہ تہاڈی جت
نہیں ایہہ بیجیپی دی ہار ہے۔ تہانوں نیگیٹو ووٹ ملی
ہے۔ اج تہاڈا گراف تسیں آپ ہی سرکار دے نشے وچ زیرو کر
لیا ہے۔ ودیارتھی چون وچ تہاڈی مکمل ہار ہوئی ہے۔ دلی
وچ اج مدھ چوناں ہو جان، بیجیپی جتے گی۔ اس لئی تسیں
پنجاب ول دیکھ رہیں ہو۔
دلی وچ وڈی گنتی وچ سکھ وسدے ہن۔ اوہناں
سبھناں، اسمبلی چون سمیں عامَ آدمی نوں ووٹ پائی۔ پر
عامَ آدمی دے اندر جو سکھاں لئی نفرت بھری ہوئی ہے۔
اوہ ابالے مار مار کے باہر آ رہی ہے۔
پنجاب دے لیڈر
سینکڑے وار کہہ چکے ہن کہ 1917 نوں پنجاب وچ عامَ آدمی
پارٹی دا راج ہووے گا۔ پر اک وار بھی ایہہ نہیں دس سکے
کہ اوہ پنجاب لئی کی کرن گے۔
تسیں پارلیمانی چون لئی 430 امیدوار کھڑے کیتے۔
صرف 30 امیدوار ہی اپنیاں ضمانتاں بچا سکے۔ تہاڈی عزت
پنجاب نے رکھی۔ تہاڈیاں نیتیاں نوں دیکھ کے نہیں رکھی۔
بلکہ پنجاب دے حالات توں مجبور ہوکے رکھی۔ پنجاب دے
ووٹر بادل دیکھدے اتے لٹیرا شاہی توں ایہناں تنگ آ چکے
سن کہ، اوہناں نوں اس دا جو بھی بدل دسیا، اپنا لیا۔
پر تسیں تاں ایہناں چار پنجابیاں نوں بھی نال لے کے
نہیں چل سکے۔
تسیں کلپنا اپر ہی ادھارت ہو۔ کلپنا ادھارت
تسیں ساریاں پارلیمانی سیٹاں ہار گئے۔ میں ایہہ نہیں
کہہ سکدا کہ تسیں اتنے امیدوار کھڑے کیوں کیتے۔ پر
ایہہ ضرور کہنا چاہندا ہاں کہ جے تسیں اپنی خواب خیالی
نوں چھڈّ کے دوجیاں پارٹیاں نال رل کے یوگ امیدوار
کھڑے کیتے ہندے تاں شاید اج بھارت وچ تہاڈی سرکار
ہندی۔
تسیں جنتا نوں دھوکھا دین لئی جو ایجنڈا دکھایا
سی اس دیاں تاں دلی وچ ہی دھجیاں اڈا دتیاں۔ لوکپال
ستھاپت ہونا چاہیدا ہے۔ لوکپال قایم کراںگے۔ سارے
ہندوستان وچ ترتھلی مچا دتی گئی، لوکپال دے نام اتے۔
سارا ہندوستان گمراہ ہو گیا۔ دلی وچ پارٹی
لوکپال قایم کر دتا گیا۔ دسیا گیا کہ لوکپال سرب اچّ
ہستی ہے۔ جو غلط ہووے گا، بھاویں اوہ آپ کیجریوال ہی
کیوں ناں ہووے۔ لوکپال اس نوں گدیوں اتار سکدا ہے۔
لوکاں نے یقین کر لیا۔ سرکار بن گئی۔ تسیں مکھ منتری
بن گئے۔
اجے پوری آزادانا طاقت بھی نہیں سی ملی کہ سوچ
آئی کہ کتے مینوں کوئی درست کرن والا تاں نہیں؟ سوچیا
میریاں دو سجیاں کھبیاں بانہاں ہن، جنہاں مینوں گدی تے
بٹھایا ہے۔ ایہناں نوں کٹّ دیو۔ پھیر خیال آیا میں اک
نوں اپنے سر اتے بٹھایا ہویا ہے۔ اس نوں اتارن لئی،
وچارے سرب شکتی مان دی بے اجتی کیتی گئی۔ اک عامَ سبھا
وچ، جس وچ سینکڑے ورکر شامل سن، پر اس نوں وڑن ہی نہیں
دتا۔ ایسے لوک پال خاطر سارا ہندوستان گمراہ کیتا سی؟
دوجا سٹنٹ سی کہ میں لوک سوراج دی ستھاپنا کراں
گا۔ سوراج ناں دی اک کتاب چھاپی گئی۔ اس وچ لوک سوراج
دا کوئی ڈھانچہ ہی نہیں سی۔ کجھ کو پنڈاں دا ہی ذکر
کیتا گیا سی۔ پر اس نوں پراپیگنڈے دا سادھن بناؤن خاطر
کروڑاں روپئے خرچے گئے۔ ہن دلی ودھان سبھا وچ اس
سبندھی کوئی بھی کرانتی کاری ترمیمی بل پیش نہیں کیتا
گیا۔ صرف اپنی سرکار نوں لوک سوراج کہنا شروع کر دتا
ہے۔ جے ایہی لوک سوراج ہے تاں تنّ سال دے سنگھرش دی کی
لوڑ سی؟ پہلاں شریمتی شیلا سیلاں دی سرکار سی، ہن
تہاڈی سرکار ہے۔ ایہہ کہڑے پکھوں لوک سوراج ہے۔ تہاڈے
جھوٹھے شبج باغ اک وار چل چکے۔ ایہہ پنجاب وچ نہیں چلن
گے
میں اپروکت کجھ ویروا آپ جی نوں ایہہ دسن لئی دتا ہے کہ دلی دے حالت پنجاب دے
حالات نالوں وکھرے ہن۔ میں ایہہ نہیں کہہ سکدا کہ دلی
وچ کی ہویاں جاں کی نہیں ہویا، پر ایہہ ضرور کہنا
چاہندا ہاں کہ جو پنجاب وچ ہویا اتے ہو رہا ہے، اوہ
دلی وچ سوچیا وی نہیں جا سکدا۔ دلی وچ 10 پرتیشت اتی
دی امیری اتے 60 پرتیشت اتی دی غریبی ہے۔ دلی دی غریب
جنتا لئی پانی تے بجلی بلّ وڈی سمسیا سی، اس نوں حلّ
کرن دے وعدے نے دلی دی راج ستا وچ انقلابی تبدیلی
لیاندی۔
پنجاب وچ پانی دی کوئی خاص سمسیا نہیں۔ بجلی
کمی دی سمسیا ہے۔ بجلی بلاں دی سمسیا ہے، جو بادل
سرکار دی بھرشٹاچاری نیتی دی پیداوار ہے۔ بلّ سوچی
سمجھی سازش انوسار کئی گنا ودھاکے بنائے جاندے ہن۔
پنجاب وچ یوگ اتے ایماندار مکھ منتری آؤن نال پنجاب دے
بجلی دراں وچ سدھار آ جاویگا۔ بلّ 50 فیصدی توں زیادہ
گھٹائے جا سکدے ہن۔ پنجاب بجلی بورڈ پھر وی منافعے وچ
ہی رہے گا۔
تہاڈی لہر بھی ختم ہو چکی ہے۔ تہاڈے اپنے بھی
تہانوں چھڈّ چکے ہن۔ 430 کینڈیڈیٹاں وچوں صرف چار ہی
جتے سی۔ اوہناں وچوں بھی شاید تہاڈے کول اک ہی رہِ گیا
ہے۔ جد تسیں پہلی ویر پنجاب آئے۔ مان صاحب کول ٹھہرے۔
اگلے دن تلونڈی صاحب گئے۔ اسمبلی چون لئی امیدوار دا
اعلان کیتا۔ بدھی جیوی ورگ نے اسے سمیں ہی اندازہ لگا
لیا سی کہ ایہہ لہر چھیتی ہی ختم ہو جائے گی۔ پنجاب وچ
تہاڈے نالوں تہاڈا ورودھ حاوی ہے۔ اتنی جلدی کیوں ہویا
اجیہا پلٹا؟ اس دا کارن تسیں آپ ہی ہو۔
منکھ اسے رستے اپر تردا ہے، جس رستے لئی اس وچ
جماندرو بھاوَ قدرتی لگن ہووے۔ آپ جی سوچدے ہو کہ تسیں
سدھارن ویکتیاں نوں راج سطح دے کے دیس وچ تبدیلی لیا
شکوں گے۔ جس ویکتی نے اپنی زندگی بھر کدے صوبائی تے
قومی مثلیاں بارے سنیا تکّ نہیں، راجنیتی نال جس دا
کوئی جھکاؤ جاں لگاؤ نہیں۔ جتھیبندک یوگتا نہیں۔
پربندھک تجربہ نہیں۔ اجیہیاں ویکتیاں نوں راج سطح دے
کے کی تسیں اپنی ایماندار لوکپال اتے نرمل بھارت دی
پراپتی تکّ لہر بنائی رکھوں گے۔ مینوں ایہہ مشکل لگدا
ہے۔
دلی پنجاب کی بھارت دا غریب ورگ روزگار چاہندا
ہے۔ اپنے لئی سہولتاں چاہندا ہے۔ چنگا لونگ سٹینڈرڈ
چاہندا ہے۔ پر تسیں کوئی بھی اجیہا سجھا اس دے ساہمنے
نہیں رکھ سکے۔ ہن تسیں اس نوں چھنچھنا دے رہے ہو۔ میں
تہانوں روٹی کپڑا مکان تاں نہیں دے سکدا۔ بھکھے ڈھڈّ
صبر کرو۔ پر الیکشن وچ سبھ نوں ٹکٹاں دیاں گا۔ سبھ نوں
ایم پی بنا دیاں گا۔ ایہی خواب خیالی تہاڈے 430
امیدوار دی ہار دا کارن بنی۔
تہاڈے کول بڑے سلجھے ہوئے جرنلشٹ سن۔ بھارت دا
سوشل میڈیا تہاڈے نال کھڑھا سی۔ تسیں لہر پیدا کر لئی
سی۔ اج بھی سلجھے ہوئے ایماندار راجنیتک، بیوروکریٹ
تہانوں سہیوگ دینا لوچدے ہن۔ تسیں کرانتی دی دیہلیز
اتے کھڑے ہو۔ تہاڈی یوگ اگوائی دیس لئی وردان بن سکدی
ہے۔ دیس وچ کرانتی آ سکدی ہے۔ دیس بھرشٹاچار مکت ہو
سکدا ہے. دیس مڑ دھن وان بن سکدا ہے۔ پر تہاڈی ہؤمیں
جاں ایرکھا تحت کیتی گئی کوئی غلطی تہانوں اچیت تہاڈی
منزل توں بھٹکا سکدی ہے۔ ایہہ تہاڈی ویکتی گت گراوٹ ہی
نہیں ہووے گی۔ ایہہ سدھار لہر دی گراوٹ ثابت ہووے گی۔
امان داری بھرشٹاچار توں ہار منّ لوے گی۔
کجھ بدھی جیویاں دا وچار ہے کہ تہاڈی سوچ صرف
اپنی گدی بچاؤن تکّ ہی سیمت ہو گئی۔ کتے میری کرسی نوں
کوئی خطرہ پیدا ناں ہو جائے۔ تسیں بالکل سدھارن سوچ
والے آدمی ہی اپنی پارٹی وچ رکھنا چاہندے ہو۔ تہانوں
قابل آدمیاں توں پھوبیا ہو گیا ہے۔ کتے کوئی میرا
وکٹوریا کراس کھوہ ناں لوے۔ تسیں قومی لہر نوں اپنے
اپروں قربان کر دتا۔
تسیں آپ بھی محسوس کردے ہووو گے، کہ ساڈے ابھار
دی رفتار وچ کتنی کمی آئی ہے۔ پر اجے بھی سماں ہے۔ لہر
وچ مڑ ابھار لیاؤن لئی تہانوں اپنے، صلاحکاراں اتے
پارٹی ودھان وچ تبدیلی کرن دی لوڑ ہے۔ کار، کوٹھی،
سکؤرٹی آدی سادگی دے مصلے دلی دے لوکاں دی قسمت بدلن
دی یوگتا نہیں رکھدے۔ لوکاں دی قسمت بدلن لئی قنون
بدلن دی لوڑ ہے۔ نویں قنون بناؤن دی لوڑ ہے۔ تسیں
ودھان سبھا وچ "دیہلی سٹیٹ پولیس" جاں "دیہلی سٹیٹ
فورس" بناؤن دا متا رکھ سکدے ہو۔ تسیں جو کرنا چہوں دے
ہو، ودھان سبھا وچ متا لے کے آؤ۔ بھاویں دلی سرکار نوں
پورے ادھیکار پراپت نہیں۔ پر دلی ودھان سبھا نوں دوجے
صوبیاں وانگ ہی ودھانک حق حاصل ہن۔ ودھان سبھا وچ پاس
ہویا کوئی وچار قنون بن جاندا ہے۔ اس نوں ہائی کورٹ
اتے سپریم کورٹ بھی نظر انداز نہیں کردیاں۔
تسیں مضبوط لوکپال دے ایجنڈے تے چون لڑی سی، پر
اجے تک لوکپال دا ڈھانچہ لوکاں ساہمنے نہیں رکھ سکے۔
تہاڈے "سنکلپ پتر" وچ لوکپال دا ذکر تک نہیں ہے۔ تسیں
اندرونی لوکپال دیاں دھجیاں اڈا دتیاں ہن۔ ہور کس
طرحاں دا لوکپال لیاؤ گے۔ تہاڈا لوکپال سٹنٹ ثابت ہو
چکا ہے۔ اسیں پنجاب وچ غیر اکالی، غیر کانگرسی، سانجھا
محاذ قایم کرن لئی یتن شیل ہاں۔ جے پنجاب وچ میری
پارٹی سانجھے محاذ دی مدد نال کامیاب ہو جاندی ہے، تاں
اجوکا لوکپال قایم کیتا جاوے گا۔ جس دا ویروا اس سائیٹ
اپر درج ہے۔ تسیں اس وچ دلی دیاں لوڑاں انوسار تبدیلی
کر سکدے ہو۔ پر ہؤمیں، موت، قبضے دا تیاگ کرنا پئے گا۔
جو تسیں کر نہیں سکدے۔
تہاڈا سمچا چون مینیپھیسٹو "سوراج" اپر ہی
ادھارت سی۔ سوراج دی پراپتی ہی عامَ آدمی پارٹی دا مکھ
ادیش سی۔ پر تہاڈے مینیپھیسٹو وچ اس دی کوئی روپ ریکھا
جاں ڈھانچے دا کوئی ویروا تک نہیں ہے۔ تہاڈی کتاب
`سوراج" تہاڈے لیکھاں دا سنگریہہ ہے۔ پر اس وچ "سوراج"
دی کوئی روپ ریکھا نہیں دتی گئی۔ ناں ہی کوئی ودھانک
ڈھنگ طریقہ دتا گیا ہے کہ سوراج نوں کس طرحاں لاگوُ
کیتا جائے گا۔ اجے تک سوراج تہاڈے لئی اک ادھار لیا
خیال اتے کلپنا ہی ہے۔
تسیں اجے تک ودھان سبھا وچ بھی اپنے "سوراج"
وارے ناں ہی کوئی متا لیاندا ہے، اتے ناں ہی اس دی
کوئی روپ ریکھا ارتھات ڈھانچہ ودھان سبھا دے ساہمنے
رکھیا ہے۔ تسیں دلی نوں کسے سوراج دا پرتیبمب نہیں
دکھا سکے۔ اک پہلے موجود سرکاری ڈھانچے نوں سوراج دی
سرکار کہن نال سوراج نہیں آ سکدا۔ جے ایہی سوراج سی
تاں تہاڈی کی لوڑ سی۔ میں پنجاب لئی "سوراج" دا ڈھانچہ
الیکیا ہے۔ تسیں اس نوں لوڑ انوسار تبدیل کرکے دلی
ودھان سبھا لئی اپنے چون ایجنڈے پر لیا سکدے ہو۔
تسیں سماجک کرانتی تے قنونی سدھار کرن دے
ایجنڈے اپر چون لڑی سی۔ پر ہن تہاڈی سوچ صرف کرسی دی
پکڑ تک ہی سیمت ہے۔ تہاڈے اپنے دماغ وچ سوراج دے نقشے
دا چنتن نہیں ہے۔ تسیں صرف گورنر نال وواد نوں ہی اپنی
ساکھ بحالی لئی ابھار رہے ہو۔ تسیں دلی وچ اپنی ہار
منّ چکے ہو۔ تسیں دلی توں بھجّ کے پنجاب پناہ لین وارے
سوچن لگے ہو۔ اس نال تسیں ہور کمزور ہو جاؤ گے۔
پنجاب دی جت تہاڈی جت نہیں۔ ایہہ پنجاب دے
لوکاں دا، بادل شاہی بھرشٹاچار، لٹّ کھوہ، ورودھ فتویٰ
ہے۔ تسیں بھرشٹاچار ورودھ لڑن دا پرن لیا سی۔ تسیں
اپنے آپ نوں پچھو: تسیں پنجاب دے بھرشٹاچار نال
سمجھوتہ کر چکے ہو۔ اس طرحاں پنجاب دے بھرشٹاچار ورودھ
اصلی لڑائی لڑن والیاں دی لہر کمزور ہو رہی ہے۔ جے
پنجاب وچ بھرشٹاچار پسر رہا ہے تاں ایہہ ساریاں سیٹاں
لڑن دے اگاؤں اعلان کرن والیاں دے سر اپر ہی پسر رہا
ہے۔ جو بھرشٹاچار نوں جتاؤن لئی ہی آپو اپنے کینڈیڈیٹ
کھڑے کردے ہن۔ ہن بھرشٹاچار نوں ہراؤن لئی ساریاں نوں
صاف من نال اکٹھے ہون دی لوڑ ہے۔ اپنیاں ہم خیال
پارٹیاں نال سانجھ بنا کے چلو۔
میری بینتی ہے کہ پنجاب وچ ہزاراں نہیں لکھاں
لوک ہن جو بھرشٹاچار دی لٹّ کھوہ دا شکار ہوئے ہن۔ کجھ
جہلاں بھگت چکے ہن۔ کجھ بھگت رہے ہن۔ اوہ کرانتی دا
دھرا بن سکدے ہن۔ ایہناں نوں نال لے کے چلو۔ پنجاب وچ
ہزاراں نہیں لکھاں ایماندار راجنیتک بدھیجیوی اتے
بیوروکریٹ ہن۔ جو بھرشٹاچار توں ہار منّ کے اپنے گھریں
بیٹھے ہوئے ہن۔ ایہہ کرانتی دا دھرا بن سکدے ہن۔
ایہناں نوں نال لے کے چلو۔ ایہہ سبھ تہاڈی اگوائی وچ
چلن لئی تیار ہن۔ پر تہاڈے سنویدھان دے دروازے ایہناں
لئی بند ہن۔ تہاڈے سنویدھان وچ ایہناں لئی کوئی ستھان
نہیں ہے۔
میں ایہناں نوں ادھار بنا کے تبدیلی لئی آس وند
ہاں۔ پنجاب وچ تبدیلی لئی اسانوں تہاڈی مدد دی لوڑ ہے۔
دلی وچ پنجابیاں نے تہاڈا ساتھ دتا ہے۔ پنجاب وچ
بھرشٹاچار ورودھ لڑن والیاں نوں سہیوگ دیو۔ بھرشٹاچار
ہار جائے گا۔ تسیں تاں بھاویں اپنے سارے ایجنڈے لاگوُ
کرن وچ مکمل فیل ہوئے ہو۔ پر اسیں، پنجاب دے لٹے اتے
کٹے ہوئے لوک، پنجاب وچ لوک سوراج دی ستھاپنا کرکے
دکھاواں گے۔ پنجاب وچ لوکپال دی ستھاپنا کرکے دکھاواں
گے۔ ایسا انوکھا راج پربندھ پنجاب وچ لاگوُ کیتا جائے
گا، کہ اتھے مڑ لٹیرا شاہی پیدا ہی نہیں ہو سکے گی۔
یقین کرو کیجری وال جی! پنجاب وچ اک ایسا موڈل
راج قایم ہووےگا جستوں سارا ہندوستان رہنمائی لئے گا۔
ایہہ صحیح ارتھاں وچ رنجیت سنگھ راج ہووے گا۔ صحیح
ارتھاں وچ رام راج ہووے گا۔
پنجاب دے ووٹر ویرو! عامَ آدمی پارٹی دے لیڈراں
نوں کہو کہ اوہ اکھاں کھولن۔ اصلیت پچھانن۔ جے اوہ
اپنے اک بھی ایجنڈے نوں لاگوُ کرن وچ سفل ہو سکے ہون
تاں میں اوہناں دی این مناں گا۔ کھلھی بحث کروا لوو۔
لوکاں ساہمنے اصلیت اجاگر ہو جائے گی۔
. |