46 کیجریوال ولوں حلفنامے وچ چون کمیشن نوں غلط سوچنا

نویں دلی— دلی دے مکھ منتری اروند کیجریوال نوں دلی دی اک عدالت نے، سال 2013 'چ دلی ودھان سبھا چوناں سمیں داخل کیتے گئے حلفنامے وچ، چون کمیشن نوں غلط سوچنا دین دے معاملے 'چ سمن جاری کیتا ہے۔ عدالت نے کیہا کہ کیجریوال 'تے دوش ہے کہ اوہناں نے اتر پردیش دے غازیہ آباد 'چ رہندے ہوئے دلی ودھان سبھا چوناں وچ کھڑے ہون لئی حلفنامے وچ خود نوں دلی دا واسی دسیا سی۔ عدالت نے کیہا کہ کیجریوال نے جان-بجھّ کے بیورا لکایا۔

میٹروپولیٹن میجسٹریٹ نے معاملے دی سنوائی دوران کیہا کہ اس دوش 'چ اوہناں ورودھ کاروائی اگے ودھاؤن لئی اچتّ آدھار ہے۔ اوہناں نے چون کمیشن دے ساہمنے داخل حلفنامے 'چ اپنا صحیح پتہ لکایا اتے اپنی نجی جائداد دی بازاری قیمت گھٹّ کرکے دسی۔ عدالت نے 30 جولائی نوں عدالت 'چ پیش ہون دا سمن جاری کیتا ہے۔ میجسٹریٹ نے جن پرتیندھتا قانون، 1951 دی دھارا 125-اے، جن پرتیندھتا قانون، 1950 دی دھارا-31 اتے بھارتی پرتیندھی ضابطہ دی دھارا-177 ادھین دوشی اروند کیجریوال نوں سمن جاری کیتا ہے۔

زکریوگ ہے کہ کیجریوال 'تے دوش ہے کہ اوہناں نے دلی 'چ ودھان سبھا چوناں لڑن لئی حلفنامے وچ غلط پتہ دتا، جدوں کہ اوہ اتر پردیش دے غازیہ آباد 'چ رہندے سن۔ ایہہ دوش کیجریوال دے دلی دا مکھ منتری بنن توں پہلاں دا ہے۔