20. بھشٹاچاری کاروائیاں نوں کرپٹ پریکٹس قرار دتا جاویگا

سرکاری خزانے نوں انؤچت جاں سیاسی ڈھنگ نال کھورا لگاؤن نال سبندھت، مکھ منتری، منتری اتے افسر دیاں کاروائیاں نوں، کرپٹ پریکٹس قرار دتا جاویگا۔ کرپٹ پریکٹس ثابت ہو جان تے سٹیٹ دا لٹیا گیا پیسہ اسدی جائداد وچوں برآمد کیتا جاویگا۔ مثال وجوں فلمی کلاکار اپنیاں رلیج ہون والیاں فلماں دی پرموسن لئی کروڑاں روپئے خرچ کردے ہن۔ پنجاب کبڈی میچ جہے موقعیاں اپر، جتھے لکھاں دی گنتی وچ نوجوان سامل ہندے ہن۔ قومی تے قومانتری میڈیا موجود ہندا ہے۔ اپنی رلیج ہون والی فلم لئی، اجیہے موقعے حاصل کرن لئی، اوہ اندرکھاتے کروڑاں روپئے بلیک منی دین لئی تیار ہندے ہن۔ پر اتھے بھرسٹاچار دے حد بنھے توڑدیاں اوہناں نوں سرکاری خزانے وچوں کروڑاں روپئے دتے دکھائے گئے ہن۔ ایہہ صاف کرپٹ پریکٹس ہے۔ اس حالت وچ سرکار دا لٹیا گیا پیسہ سبندھت ویکتیاں دی نجی جائداد وچوں وصول کرنا، سرکاری خزانے دے نال نیاں ہووےگا اتے سماجک انصاف منیا جاویگا۔پنجاب دے وڈے اداریاں دا سارا پیسہ، ان اچت طریقے نال کڈھ کے، سنگت درسن دے پھراڈ راہیں، اپنے سکے سنیہیاں وچ ونڈ دینا، صاف کرپٹ پریکٹس ہے۔